ဧ့ၤဘြံၤ 9:27 - Sgaw Karen Common Bible

²⁷ ဒ်ပှၤကိးဂၤဒဲးဘၣ်သံဝဲတဘျီဒီးလၢခံက့ၤဘၣ်တၢ်စံၣ်ညီၣ် အီၤလၢကစၢ်ယွၤအသိး,

ဧ့ၤဘြံၤ 9:27 Iomraidhean Croise

လံာ်တၢ်ကဲထီၣ်အခီၣ်ထံး 3:19

လၢဟီၣ်ခိၣ်ကဒုးအိၣ်ထီၣ်တၢ်တမံၤလၢ်လၢ်အဂီၢ်နကဘၣ်မၤတၢ်ဆူၣ် ဆူၣ်ကိၢ်ကိၢ်ဒီးမၤတၢ်လၢနကပၢၤကနိတုၤနက့ၤကဒါက့ၤဆူဟီၣ်ခိၣ် ကမူၣ်လၢနဘၣ်တၢ်တ့လီၤတ့ၢ်နၤန့ၣ်လီၤ.” နဘၣ်တၢ်တ့နၤလၢဟီၣ်ခိၣ်အကမူၣ်ဒီးနကကဲထီၣ်ကဒါက့ၤဟီၣ်ခိၣ်အကမူၣ် န့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 14:14

ဒ်ထံလၢအလီၤဂၢ်လၢဟီၣ်ခိၣ်လိၤ, လၢအဘၣ်တၢ်ပာ်ဖှိၣ်က့ၤကဒီး အီၤတသ့ဘၣ်အသိးန့ၣ်, ပကဘၣ်သံကိးဂၤဒဲးန့ၣ်လီၤ. ဘၣ်ဆၣ်ကစၢ်ယွၤတမၤသံဘၣ်တၢ်လီၤထူလီၤယိာ်ဘၣ်. လၢတၢ်န့ၣ်အဃိ, အစှၤကတၢၢ်စီၤပၤကိးက့ၤပှၤတဂၤလၢအဃ့ၢ်ပူၤဖျဲးအသးသ့ဝဲလီၤ.

လံာ်စီၤယိၤဘး 14:5

ပှၤကညီအတၢ်အိၣ်မူအမုၢ်နံၤမုၢ်သီးဒီးအနံၣ်အလါတဖၣ်လၢ အအိၣ်မူဝဲန့ၣ်နစံၣ်ညီၣ်ပာ်စၢၤအီၤန့ၣ်လီၤ. နပာ်လီၤတ့ၢ်လံတၢ်အံၤ ဒီးဘၣ်တၢ်လဲလိာ်က့ၤအီၤတသ့ဘၣ်.

လံာ်စီၤယိၤဘး 19:25

အဂ့ၢ်ဒ်အံၤ, ယသ့ၣ်ညါလၢယပှၤပှ့ၤက့ၤယၤတဂၤမူဝဲ, ဒီးလၢခံကတၢၢ်န့ၣ်ကဂဲၤဆၢထၢၣ်အုၣ်အသးလၢယဂီၢ်လၢ ဟီၣ်ခိၣ်အံၤန့ၣ်လီၤ.

လံာ်စီၤယိၤဘး 30:23

ယသ့ၣ်ညါလၢနကစိာ်လီၤယၤဆူတၢ်သံဒီးဆူတၢ်လီၢ်လၢ အဘၣ်တၢ်တိာ်ပာ်အီၤလၢ ပှၤကိးဂၤဒဲးအဂီၢ်န့ၣ်လီၤ.

စံးထီၣ်ပတြၢၤ 89:48

ပှၤလၢအမူဝဲဒီးတထံၣ်န့ၢ်တၢ်သံနီတဘျီ ဒီးကမၤပူၤဖျဲးအသးသမူသ့လၢ တၢ်သံအစိအကမီၤန့ၣ်, မ့ၢ်မတၤတဂၤလဲၣ်. စ့လၤ

လံာ်ပှၤစံၣ်တဲၤတဲလီၤတၢ် 11:9

ပှၤသးစၢ်သ့ၣ်ဧၢ, မုာ်လၤလၢနတၢ်မ့ၢ်ပှၤသးစၢ်အဃိတက့ၢ်. ဖဲနသးစၢ်ဒံးအခါအံၤန့ၣ်, သူၣ်ဖှံသးညီတက့ၢ်. မၤတၢ်လၢနအဲၣ်ဒိးမၤဒီးလူၤထွဲနသးအတၢ်ဆၢန့ၢ်ဘၣ်တက့ၢ်. ဘၣ်ဆၣ်သ့ၣ်နီၣ်ထီၣ်က့ၤလၢကစၢ်ယွၤကစံၣ်ညီၣ်နၤလၢတၢ်လၢနမၤ အီၤတမံၤဂ့ၤတမံၤဂ့ၤအဃိတက့ၢ်.

လံာ်ပှၤစံၣ်တဲၤတဲလီၤတၢ် 12:14

ကစၢ်ယွၤကစံၣ်ညီၣ်တၢ်ခဲလၢာ်လၢပမၤအီၤ, ဂ့ၤမ့ၢ်ဂ့ၤ, အၢမ့ၢ်ဂ့ၤ, တုၤဒၣ်လဲာ်လၢတၢ်တဖၣ်လၢပမၤအီၤလၢတၢ်ခူသူၣ်အပူၤန့ၣ်လီၤ.

လံာ်ပှၤစံၣ်တဲၤတဲလီၤတၢ် 12:7

ပနီၢ်ခိတဖၣ်ကက့ၤဆူဟီၣ်ခိၣ်အကမူၣ်, ဒီးပတၢ်မူအသါက့ၤကဒါ က့ၤဆူကစၢ်ယွၤလၢအဟ့ၣ်လီၤတ့ၢ်ပှၤအအိၣ်န့ၣ်လီၤ.

လံာ်ပှၤစံၣ်တဲၤတဲလီၤတၢ် 3:2

အဝဲပာ်လီၤဝဲတၢ်အကတီၢ်လၢတၢ်အိၣ်ဖျဲၣ်ထီၣ်အဂီၢ်ဒီးတၢ်အကတီၢ် လၢတၢ်သံအဂီၢ်, တၢ်အကတီၢ်လၢတၢ်သူၣ်လီၤဖျးလီၤတၢ်အဂီၢ်, ဒီးတၢ်အကတီၢ်လၢတၢ် ထဲးထီၣ်ကွံာ်တၢ်အဂီၢ်,

လံာ်ပှၤစံၣ်တဲၤတဲလီၤတၢ် 3:20

အဝဲသ့ၣ်ကလဲၤဆူတၢ်လီၢ်တပူၤဃီဆူဟီၣ်ခိၣ်အကမူၣ်န့ၣ်လီၤ. ဟဲထီၣ်လၢဟီၣ်ခိၣ်အကမူၣ်ဒီးကက့ၤဆူဟီၣ်ခိၣ်အကမူၣ်န့ၣ်လီၤ.

လံာ်ပှၤစံၣ်တဲၤတဲလီၤတၢ် 9:10

ကယဲၢ်တၢ်လၢနမၤအီၤတမံၤလၢ်လၢ်န့ၣ်, မၤအီၤဆူၣ်ဆူၣ်တက့ၢ်. အဂ့ၢ်ဒ်အံၤ, တၢ်မၤမ့ၢ်ဂ့ၤ, တၢ်ကူၣ်မ့ၢ်ဂ့ၤ, တၢ်သ့ၣ်ညါမ့ၢ်ဂ့ၤ, တၢ်ကူၣ်သ့မ့ၢ်ဂ့ၤတအိၣ်ဘၣ်ဖဲပျုၤပူၤဘၣ်. ဒီးအဝဲန့ၣ်မ့ၢ်တၢ်လီၢ်လၢနကလဲၤလီၤန့ၣ်လီၤ.

လံာ်ပှၤစံၣ်တဲၤတဲလီၤတၢ် 9:5

ပှၤအမူတဖၣ်သ့ၣ်ညါဝဲလၢကဘၣ်သံဝဲ, ဘၣ်ဆၣ်ပှၤသံတဖၣ်တသ့ၣ်ညါ တၢ်နီတမံၤဘၣ်. ခိၣ်ဖးဆူညါလၢအဂီၢ်တအိၣ်ဘၣ်. အဝဲသ့ၣ်ဘၣ်တၢ်သးပ့ၤနီၣ်ကွံာ်အီၤလၢာ်လၢာ်ဆ့ဆ့လီၤ.

လံာ်လူၤကၣ် 20:32

လၢခံကတၢၢ်န့ၣ်ပိာ်မုၣ်သံဝဲစ့ၢ်ကီးလီၤ.

မၤတၢ် 17:31

အဂ့ၢ်ဒ်အံၤ, အဝဲပာ်ဂၢၢ်ပာ်ကျၢၤမုၢ်တနံၤလၢအကစံၣ်ညီၣ် ဟီၣ်ခိၣ်ဒီဘ့ၣ်လၢတၢ်တီတၢ်လိၤအပူၤ, ခီဖျိပှၤတဂၤလၢ အဃုထၢတ့ၢ်ဝဲန့ၣ်လီၤ. အဝဲဟ့ၣ်တ့ၢ်လံပှၤကိးဂၤဒဲးလၢတၢ်အုၣ်အသးဘၣ်ဃးဒီးတၢ် တမံၤအံၤအဂ့ၢ်ခီဖျိအဒုးဂဲၤဆၢထၢၣ်က့ၤပှၤအဝဲန့ၣ်လၢတၢ်သံ န့ၣ်လီၤ.”

ရိမ့ၤ 2:5

ဘၣ်ဆၣ်ဒီး, နအိၣ်ဒီးသးလၢအကိၤဒီးသးလၢအတပီၢ်ယၢ်လီၤ က့ၤအသးန့ၣ်လီၤ. လၢတၢ်န့ၣ်အဃိ, နပာ်ဖှိၣ်အါထီၣ်တၢ်သးဒိၣ်လၢနဂီၢ်ဒၣ်နဲလၢ တၢ်သးဒိၣ်အမုၢ်တနံၤ, ဖဲယွၤအတၢ်စံၣ်ညီၣ်တီကဘၣ်တၢ်လီၣ်ဖျါထီၣ်အီၤ အကတီၢ်န့ၣ်လီၤ.

ရိမ့ၤ 5:12

တၢ်ဒဲးဘးဟဲနုာ်ဆူဟီၣ်ခိၣ်ခီဖျိပှၤတဂၤ, ဒီးအဝဲအတၢ်ဒဲးဘးဟဲစိာ်ဃုာ်တၢ်သံန့ၣ်လီၤ. လၢတၢ်န့ၣ်အဃိ, တၢ်သံတုၤအိၣ်ပှၤဟီၣ်ခိၣ်ဖိ ခဲလၢာ်မ့ၢ်လၢပှၤခဲလၢာ်မၤတ့ၢ်တၢ်ဒဲးဘးအဃိ လီၤ.

1 ကရံၣ်သူး 4:5

လၢတၢ်န့ၣ်အဃိတချုးတၢ်ဆၢကတီၢ်အဘၣ်တုၤဃီၤဒံးဘၣ်န့ၣ်, သုတကြၢးဟ့ၣ်တၢ်စံၣ်ညီၣ်ဘၣ်ဃးဒီးပှၤနီတဂၤဘၣ်. တၢ်စံၣ်ညီၣ်လၢခံကတၢၢ်န့ၣ်, ကဘၣ်အိၣ်ခိးတုၤလၢကစၢ်ဟဲတုၤ တစုလီၤ. အဝဲကလီၣ်ဖျါထီၣ်တၢ်ခူသူၣ်အိၣ်တဒၢလၢတၢ်ခံးတၢ်နၤ အပူၤတဖၣ်ဒီးမၤဖျါထီၣ်တၢ်တိာ်ပာ်ခူသူၣ်အိၣ်လၢ ပှၤကညီအသူၣ်ကံၢ်သးလဲအပူၤန့ၣ်လီၤ. တုၤနုၤတစုပှၤကိးဂၤဒဲးကဒိးန့ၢ်တၢ်စံးထီၣ်ပတြၢၤလၢအ ကြၢးဒီးအီၤလၢကစၢ်ယွၤအအိၣ်န့ၣ်လီၤ.

၂ ကရံၣ်သူး 5:10

အဂ့ၢ်ဒ်အံၤ, ပဝဲကိးဂၤဒဲးပကဘၣ်အိၣ်ဖျါထီၣ်လၢခရံာ် အမဲာ်ညါ, ဒ်သိးပကဒိးတၢ်စံၣ်ညီၣ်လၢအီၤအဂီၢ်န့ၣ် လီၤ. ပှၤတဂၤဘၣ်တဂၤကဒိးန့ၢ်တၢ်လၢအကြၢးဒီး အီၤ, ဒ်အကြၢးအဘၣ်ဒီးတၢ်လၢအဝဲဒၣ်မၤတ့ၢ်ဝဲ ခဲလၢာ်, ဂ့ၤမ့ၢ်ဂ့ၤ, အၢမ့ၢ်ဂ့ၤ, လၢအဝဲဒၣ်အနီၢ်ခိအတၢ်အိၣ်မူ အပူၤန့ၣ်လီၤ.

၂ တံၤမသ့း 4:1

လၢကစၢ်ယွၤဒီးယ့ၣ်ၡူးခရံာ်လၢအကစံၣ်ညီၣ်ပှၤအမူဒီးပှၤအသံ တဂၤအမဲာ်ညါ, ဒီးမ့ၢ်လၢအဝဲကဟဲပၢတၢ်ဒ်စီၤပၤတဂၤအသိးအဃိ, ယမၤလိာ်နၤလၢတၢ်သညူးသပှၢ်အပူၤ,

ဧ့ၤဘြံၤ 10:27

မ့မ့ၢ်အိၣ်တ့ၢ်ဒၣ်ထဲတၢ်အိၣ်ခိးကွၢ်လၢ်, လၢတၢ်ပျံၤတၢ်ဖုးအပူၤ, တၢ်စံၣ်ညီၣ်လၢအကဟဲဝဲဒီးမ့ၣ်အူဖးဒိၣ်လၢအကအီၣ်ကွံာ် ကစၢ်ယွၤအဒုၣ်အဒါတဖၣ်န့ၣ်လီၤ.

ဧ့ၤဘြံၤ 6:2

တၢ်သိၣ်လိတဖၣ်လၢအဘၣ်ဃးဒီးတၢ်ဒိးစူာ်ဒိးဘျၢ, တၢ်ပာ်စု, တၢ်ဂဲၤဆၢထၢၣ်လၢတၢ်သံဒီးတၢ်စံၣ်ညီၣ်လီၤထူလီၤယိာ်တဂ့ၤ,

၁ ယိၤဟၣ် 4:17

တၢ်အဲၣ်တၢ်ကွံဘၣ်တၢ်မၤလၢထီၣ်ပှဲၤထီၣ်လၢပပူၤ, ဒ်သိးပကအိၣ်ဒီးတၢ်သးဒူလၢမုၢ်စံၣ်ညီၣ်အနံၤ အဂီၢ်န့ၣ်လီၤ. အဂ့ၢ်ဒ်အံၤ, လၢဟီၣ်ခိၣ်ချၢအံၤဒၣ်လဲာ် ပတၢ်အိၣ်မူမ့ၢ်တၢ်တမံၤဃီဒီးခရံာ်အတၢ်အိၣ်မူန့ၣ်လီၤ.

ယူဒၤ 1:15

ဒ်သိးအကစံၣ်ညီၣ်ပှၤခဲလၢာ်, ဒီးကစံၣ်ညီၣ်ဃၣ်ပှၤတယူးတယီၣ်ယွၤခဲလၢာ်လၢအတၢ်မၤ တဖၣ်လၢအမၤတ့ၢ်ဝဲအဃိ, ဒီးပှၤတၢ်ဒဲးဘးဖိလၢအတယူးတယီၣ်ယွၤတဖၣ်လၢအတၢ် ကတိၤအအၢအသီတဖၣ်လၢအကတိၤတ့ၢ်ဝဲထီဒါယွၤအဃိ န့ၣ်လီၤ.”

လံာ်လီၣ်ဖျါ 20:11

အန့ၣ်ဝံၤဒီးယထံၣ်လီၢ်ပစိာ်ဝါဖးဒိၣ်တဖျၢၣ်ဒီးပှၤ တဂၤလၢအဆ့ၣ်နီၤလၢအလိၤန့ၣ်လီၤ. မူခိၣ်ဒီးဟီၣ်ခိၣ်ဃ့ၢ်ကွံာ်လၢအဝဲဒၣ်အမဲာ်ညါဒီးတဘၣ် တၢ်ထံၣ်န့ၢ်အီၤနီတစုလၢၤဘၣ်.