ဧ့ၤဘြံၤ 9:25 - Sgaw Karen Common Bible

²⁵ ပှၤယူဒၤဖိအပှၤလုၢ်တၢ်အခိၣ်အဒိၣ်ကတၢၢ်လဲၤနုာ်ဝဲဆူ တၢ်စီဆှံကတၢၢ်အလီၢ်ကိးနံၣ်ဒဲးစိာ်ဃုာ်ဒီးဆၣ်ဖိကီၢ်ဖိ အသွံၣ်လီၤ. ဘၣ်ဆၣ်ခရံာ်တလုၢ်ထီၣ်ဘၣ်အနီၢ်ကစၢ်ဒၣ်ဝဲ တဘျီဘၣ်တဘျီဒ်န့ၣ်အသိးဘၣ်.

ဧ့ၤဘြံၤ 9:25 Iomraidhean Croise

လံာ်တၢ်ဟးထီၣ်ကွံာ် 30:10

ဒီးစီၤအၤဟရိၣ်ကဘၣ်မၤကဆှီထီၣ်တၢ်လုၢ်လီၢ်အံၤအလုၢ်အလၢ်ခီ ဖျိပာ်ဆၣ်ဖိကီၢ်ဖိလၢတၢ်လုၢ်အီၤလၢတၢ်ပျၢ်တၢ်ဒဲးဘးအဂီၢ် အသွံၣ်လၢတၢ်လုၢ်လီၢ်အံၤအနၢၤလွံၢ်နၢၤအဖီခိၣ်လီၤ. တၢ်အံၤကဘၣ်တၢ်မၤအီၤတနံၣ်တဘျီကိးနံၣ်ဒဲးတဘိယူၢ်ဃီ န့ၣ်လီၤ. တၢ်လုၢ်လီၢ်အံၤကဘၣ်စီဆှံဝဲလၢလၢပှဲၤပှဲၤဒီးကဘၣ် တၢ်ပာ်စီဆှံအီၤဆူယၤ, ယွၤအအိၣ်န့ၣ်လီၤ.”

ဧ့ၤဘြံၤ 10:10

ဒီးလၢတၢ်ဘၣ်ကစၢ်ယွၤအသးအံၤအဃိ, ပဘၣ်တၢ်မၤစီထီၣ်ဆှံထီၣ်ပှၤခီဖျိယ့ၣ်ၡူးခရံာ်အတၢ်လုၢ်ထီၣ် အနီၢ်ခိထဲတဘျီဧိၤန့ၣ်လီၤ.

ဧ့ၤဘြံၤ 10:19

လၢတၢ်န့ၣ်အဃိယဒီပုၢ်ဝဲၢ်သ့ၣ်ဧၢ, ပအိၣ်ဒီးတၢ်သဘျ့အလၢအပှဲၤလၢပကလဲၤနုာ်ဘၣ်ဆူတၢ်လီၢ် စီဆှံကတၢၢ်အပူၤခီဖျိယ့ၣ်ၡူးအတၢ်သံန့ၣ်လီၤ.

ဧ့ၤဘြံၤ 9:12

အဝဲလဲၤနုာ်ဝဲဆူတၢ်စီဆှံကတၢၢ်အလီၢ်ထဲတဘျီဧိၤဒီး အဝံၤအကဲ, တစိာ်ဃုာ်ဒီးမဲာ်တဲးလဲးဒီးဂီၤဖံးအသွံၣ် လၢကလုၢ်ထီၣ်ဝဲဒ်တၢ်လုၢ်တၢ်ပာ်အသိးအဂီၢ်ဘၣ်. မ့မ့ၢ်အဝဲလုၢ်ထီၣ်အသွံၣ်ဒၣ်ဝဲဒီးမၤန့ၢ်တၢ်အုၣ်က့ၤခီၣ်က့ၤ အထူအယိာ်လၢပဂီၢ်န့ၣ်လီၤ.

ဧ့ၤဘြံၤ 9:14

တၢ်အံၤမ့ၢ်တၢ်လၢအမ့ၢ်ဝဲတီဝဲအဃိခရံာ်အသွံၣ်ကမၤန့ၢ်တၢ်လၢ ပဂီၢ်ဒိၣ်န့ၢ်အါန့ၢ်အန့ၣ်တက့ၢ်ဆံးဒိၣ်လဲၣ်. ခီဖျိယွၤအသးလၢအမူဝဲလီၤထူလီၤယိာ်န့ၣ်အဝဲလုၢ် ထီၣ်ပာ်ထီၣ်အသးဒၣ်ဝဲဒ်တၢ်လုၢ်အလၢအပှဲၤအသိးလၢ ယွၤန့ၣ်လီၤ. အသွံၣ်ကမၤကဆှီထီၣ်ပသးလၢအသ့ၣ်ညါ ဒၣ်တၢ်, လၢလုၢ်လၢ်အတၢ်ဖံးတၢ်မၤလၢအတဂိာ်တသီၣ်ဘၣ် တဖၣ်ဒ်သိးပကမၤဘၣ်ကစၢ်ယွၤလၢအမူဝဲတဂၤအတၢ်မၤန့ၣ်လီၤ.

ဧ့ၤဘြံၤ 9:2

အဂ့ၢ်ဒ်အံၤ, တၢ်သူၣ်ထီၣ်ဘှီထီၣ်ဒဲတဖျၢၣ်ဒီးတၢ်ချၢတတီၤန့ၣ်, ဘၣ်တၢ်ကိးအီၤလၢတၢ်စီတၢ်ဆှံအလီၢ်, အိၣ်ဒီးမ့ၣ်အူအလီၢ် တခါ, စီၢ်နီၤခိၣ်တဖျၢၣ်ဃုာ်ဒီးကိၣ်လၢအဘၣ်တၢ်လုၢ်ထီၣ်အီၤဆူ ကစၢ်ယွၤန့ၣ်လီၤ.

ဧ့ၤဘြံၤ 9:26

မ့ၢ်မၤဝဲဒ်န့ၣ်ဒီးကဘၣ်တူၢ်တၢ်တဘျီဘၣ်တဘျီအါဘျီ စးထီၣ်လၢဟီၣ်ခိၣ်အခီၣ်ထံးလံၤလံၤန့ၣ်လီၤ. မ့မ့ၢ်အခဲအံၤ ဖဲတၢ်အကတၢၢ်ဘူးထီၣ်အကတီၢ်အံၤ, အဝဲလီၣ်ဖျါထီၣ် အသးထဲတဘျီဧိၤဒ်သိးအကသုးကွံာ်တၢ်ဒဲးဘးခီဖျိ အလုၢ်ထီၣ်အကစၢ်ဒၣ်ဝဲန့ၣ်လီၤ.

ဧ့ၤဘြံၤ 9:7

မ့မ့ၢ်ဆူဒဲအံၤခံတီၤတတီၤအပူၤန့ၣ်ပှၤလဲၤနုာ်ဘၣ်ထဲ ပှၤလုၢ်တၢ်အခိၣ်အဒိၣ်ကတၢၢ်တဂၤဧိၤ, တနံၣ်န့ၣ်ထဲတဘျီဧိၤဘၣ်စိာ်ဃုာ်တၢ်သွံၣ်လၢအဘၣ် လုၢ်ဝဲလၢအနီၢ်ကစၢ်ဒၣ်ဝဲအဂီၢ်ဒီးလၢပှၤဂီၢ်မုၢ်တဖၣ် အတၢ်ကမၣ်အဂီၢ်န့ၣ်လီၤ.