ဧ့ၤဘြံၤ 9:21 - Sgaw Karen Common Bible

²¹ အဝဲဖှံစ့ၢ်ကီးဒဲစီဆှံဒီးတၢ်အပီးအလီခဲလၢာ်လၢအဘၣ် တၢ်သူအီၤလၢတၢ်ဘူၣ်ထီၣ်ဘါအပူၤလၢတၢ်အသွံၣ်ဒ်န့ၣ် အသိးလီၤ.

ဧ့ၤဘြံၤ 9:21 Iomraidhean Croise

လံာ်တၢ်ဟးထီၣ်ကွံာ် 24:6

စီၤမိၤၡ့ဟံးန့ၢ်ဆၣ်ဖိကီၢ်ဖိတဖၣ်အသွံၣ်တဝာ်ဒီးဒၢနုာ်အီၤ လၢလီခီတဖၣ်အပူၤဒီးအဂၤတဝာ်န့ၣ်ဖှံလီၤအီၤလၢတၢ်လုၢ်လီၢ် အမဲာ်ညါန့ၣ်လီၤ.

လံာ်တၢ်ဟးထီၣ်ကွံာ် 29:12

ဟံးန့ၢ်ဂီၤဖံးဖါတဒုန့ၣ်အသွံၣ်တနီၤလၢနစုမုၢ်ဒီးထွါအီၤလၢတၢ်လုၢ်လီၢ်အနၢၤတဖၣ် အလိၤန့ၣ်တက့ၢ်. အန့ၣ်ဝံၤဒီးတၢ်သွံၣ်လၢအိၣ်လီၤတဲာ်တဖၣ်န့ၣ်လူလီၤအီၤလၢတၢ် လုၢ်လီၢ်အခီၣ်ထံးန့ၣ်တက့ၢ်.

လံာ်တၢ်ဟးထီၣ်ကွံာ် 29:20

မၤသံကွံာ်အီၤ, ဒီးဟံးန့ၢ်အသွံၣ်တနီၤဒီးထွါအီၤဖဲစီၤအၤဟရိၣ်ဒီးအဖိခွါတဖၣ်အနၢ်အစဲၤအထွဲ တဖၣ်ဒီးလၢအစုမုၢ်ကျၢၢ်အထွဲတဖၣ်, အခီၣ်မုၢ်ကျၢၢ်အထွဲတဖၣ်အလိၤန့ၣ်တက့ၢ်. တၢ်သွံၣ်အိၣ်တ့ၢ်အဂၤတဖၣ်ဖှံလီၤအီၤလၢတၢ်လုၢ်လီၢ်အကပၤလွံၢ်ခီတက့ၢ်.

လံာ်တၢ်ဟးထီၣ်ကွံာ် 29:36

နကဘၣ်လုၢ်ထီၣ်ဂီၤဖံးဖါတဒုဒ်တၢ်လုၢ်တၢ်ပာ်တမံၤအသိးကိးနံၤ ဒဲးဒ်သိးတၢ်ဒဲးဘးကဘၣ်တၢ်ပျၢ်ကွံာ်အီၤလီၤ. တၢ်အံၤကမၤကဆှီထီၣ်တၢ်လုၢ်လီၢ်န့ၣ်လီၤ. အန့ၣ်ဝံၤဒီးနကဘၣ်ဖှူအီၤလၢသ့ၣ်စၤယံးအသိလၢတၢ်မၤစီဆှံ အီၤအဂီၢ်န့ၣ်လီၤ.

လံာ်တၢ်ဟးထီၣ်ကွံာ် 40:9

အန့ၣ်ဝံၤဒီးပာ်စီဆှံထီၣ်ဒဲစီဆှံဒီးကယဲၢ်အတၢ်ပီးတၢ်လီ ခဲလၢာ်ခီဖျိတၢ်ဖှူအီၤလၢသိစီဆှံ, ဒီးကစီဆှံဝဲလီၤ.

လံာ်တၢ်ဘူၣ်ထီၣ်ဘါထီၣ် 8:15

စီၤမိၤၡ့မၤသံဂီၤဖံးဖါဖိန့ၣ်ဒီးဟံးန့ၢ်ဝဲအသွံၣ်တနီၤ, ဒီးပာ်ထီၣ်ဝဲဒီးအစုမုၢ်လၢတၢ်လုၢ်ထီၣ်အနၢၤတဖၣ်အလိၤ လၢတၢ်ပာ်စီဆှံထီၣ်အဂီၢ်န့ၣ်လီၤ. ဒီးတၢ်သွံၣ်လၢအအိၣ်တ့ၢ်န့ၣ်လူလီၤဝဲလၢတၢ်လုၢ်လီၢ်အခီၣ်ထံး ဒ်အမ့ၢ်တၢ်ပာ်စီဆှံထီၣ်ဒီးမၤစီဆှံအီၤအသိးန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 8:19

စီၤမိၤၡ့မၤသံသိဖါန့ၣ်ဒီးလူလီၤတၢ်သွံၣ်ဝးတရံးတၢ်လုၢ်လီၢ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 9:18

ဒီးမၤသံဝဲဂီၤဖံးဖါတဒုဒီးသိဖါတဒုလၢတၢ်လုၢ်မၤဃူမၤဖိးလၢပှၤဂီၢ်မုၢ်အဂီၢ်န့ၣ်လီၤ. အဖိခွါတဖၣ်ဟဲစိာ်န့ၢ်အီၤလၢတၢ်သွံၣ်ဒီးလူလီၤဝဲဝးတရံးတၢ်လုၢ်လီၢ်န့ၣ်လီၤ.