ဧ့ၤဘြံၤ 9:19 - Sgaw Karen Common Bible

¹⁹ အဂ့ၢ်ဒ်အံၤ, ဖဲစီၤမိၤၡ့စံၣ်တဲၤတဲလီၤန့ၢ်ပှၤဂီၢ်မုၢ်လၢတၢ်မၤလိာ်ကိး ထံၣ်ဒဲးလၢတၢ်သိၣ်တၢ်သီအပူၤဝံၤန့ၣ်, အဝဲဟံးန့ၢ်ဂီၤဖံးဖိဒီးမဲာ်တဲးလဲး အသွံၣ်, ဃါဃုာ်ဝဲဒီးထံဝံၤသူဝဲကဖျီၣ်အ့စိးဒီးသိဆူၣ်ဂီၤဒီးဖှံဝဲ လၢတၢ်သိၣ်တၢ်သီအလံာ်ထူဒီးပှၤဂီၢ်မုၢ်ခဲလၢာ်အလိၤန့ၣ်လီၤ.

ဧ့ၤဘြံၤ 9:19 Iomraidhean Croise

စံးထီၣ်ပတြၢၤ 51:7

မၤကဆှီယၤလၢကဖျီၣ်အ့စိးတက့ၢ်. ဒီးယကကဆှီထီၣ်လီၤ. သ့စီယၤတက့ၢ်, ဒီးယကဝါန့ၢ်မူခိၣ်ဖီလီၤ.

လံာ်တၢ်ဟးထီၣ်ကွံာ် 12:22

ဒီးဟံးန့ၢ်ကဖျီၣ်အ့စိးတကဒိၣ်ဒီးဘျၢလီၤအီၤလၢသလၢအိၣ် ဒီးဆၣ်ဖိကီၢ်ဖိအသွံၣ်အပူၤဒီးထွါတၢ်သွံၣ်န့ၣ်လၢတြဲၤအထူၣ် တဖၣ်အလိၤဒီးကျိၤအိၣ်လၢသုဟံၣ်အတြဲၤဖီခိၣ်တက့ၢ်. တချုးလၢမုၢ်ဆ့ၣ်ထီၣ်ဒံးဘၣ်န့ၣ်ပှၤလၢသုကျါတဘၣ်ဟးထီၣ်လၢ ဟံၣ်နီတဂၤဘၣ်.

လံာ်ယၡါယၤ 52:15

ဘၣ်ဆၣ်ဒီးအခဲအံၤ, ပှၤကလုာ်တဖၣ်ကကမၢကမၣ်ဝဲလၢအဃိ, ဒီးစီၤပၤတဖၣ်အသးကလီၤကတုၤ, တုၤဒၣ်လဲာ်အဲးထီၣ်အထး ခိၣ်တန့ၢ်ဘၣ်လီၤ. တၢ်တမံၤလၢအဝဲသ့ၣ်တနၢ်ပၢၢ်တ့ၢ်ဝဲနီတစုန့ၣ်, ကထံၣ်ဒီးသ့ၣ်ညါနၢ်ပၢၢ်ထီၣ်ဝဲလီၤ.”

လံာ်ယဃ့းစက့လး 36:25

ယကဖှံလီၤတၢ်မၤကဆှီထီၣ်တၢ်အထံလၢသုဖီခိၣ်ဒီးမၤကဆှီထီၣ် သုလၢကယဲၢ်သုတၢ်ဂီၤတၢ်ဖီၣ်ခဲလၢာ်ဒီးတၢ်အဂုၤအဂၤခဲလၢာ် လၢအမၤတကဆှီသုန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 1:10

ဒီးပှၤတဂၤအံၤမ့ၢ်လုၢ်ထီၣ်အသိ, မ့တမ့ၢ်အမဲာ်တဲးလဲးအကျါတဒုန့ၣ်, ကဘၣ်မ့ၢ်အဖါလၢမဲၣ်သူမဲၣ် ဂီၤတအိၣ်ဘၣ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 3:6

ဒီးတၢ်လုၢ်ထီၣ်သိမ့တမ့ၢ်မဲာ်တဲးလဲးလၢတၢ်လုၢ်မၤဃူမၤဖိး တၢ်အဂီၢ်န့ၣ်, ကဘၣ်မ့ၢ်အဖါမ့တမ့ၢ်အမိၢ်လၢအတအိၣ်ဒီး မဲၣ်သူမဲၣ်ဂီၤဘၣ်န့ၣ်လီၤ.

လံာ်တၢ်ဂံၢ် 19:18

အဆိကတၢၢ်န့ၣ်, ပှၤတဂၤဂၤလၢအကဆှီဝဲဒ်တၢ်ဘူၣ်တၢ်ဘါအလုၢ် အလၢ်အသိးန့ၣ်ကဘၣ်မၤန့ၢ်ကဖျီၣ်အ့စိးအဒ့ဖိတဒ့, ဘျုးလီၤအီၤလၢ ထံကျါဒီးဖှံဒဲန့ၣ်ဒီး ကယဲၢ်တၢ်ကိးမံၤဒဲးလၢအအိၣ်လၢဒဲပူၤ ဒီးပှၤကိးဂၤဒဲးလၢအအိၣ်ဖဲန့ၣ်လီၤ. ဝံၤဒီး, ပှၤလၢအကဆှီဝဲ ဒ်တၢ်ဘူၣ်တၢ်ဘါအလုၢ်အလၢ်အသိးတဂၤန့ၣ် ကဘၣ်ဖှံထံန့ၣ်လၢပှၤတဂၤ လၢအထိးဘၣ်ပှၤကညီအဃံမ့ၢ်ဂ့ၤ, ပှၤသံစိၣ်မ့ၢ်ဂ့ၤ, တၢ်သွၣ်ခိၣ်တခါမ့ၢ်ဂ့ၤအဖီခိၣ်န့ၣ်လီၤ.

လံာ်တၢ်ဂံၢ် 19:6

အန့ၣ်ဝံၤဒီးအဝဲကဘၣ်ဟံးန့ၢ်သ့ၣ်ဆှိးအ့ရ့းတနီၤ, ကဖျီၣ်အ့စိးအဒ့တဒ့, ဒီးပျံၤအလွဲၢ်ဂီၤတဘိဒီးကွံာ်နုာ်အီၤဆူမ့ၣ်အူကျါန့ၣ်လီၤ.

လံာ်မးသဲ 27:28

အဝဲသ့ၣ်ဘ့ၣ်လီၤကွံာ်ယ့ၣ်ၡူးအကူအသိးတဖၣ်, ဒီးဒုးသိးထီၣ်အီၤလၢ ဆ့ကၤဖးထီအလုးတကုာ်တဘ့ၣ်လီၤ.

လံာ်မၢ်ကူး 15:17

အဝဲသ့ၣ်ဒုးကၤထီၣ်ယ့ၣ်ၡူးလၢဆ့ကၤလုးတကုာ်တဘ့ၣ်, ဝံၤမၤန့ၢ်ခိၣ်သလုးတၤဆှုၣ်တဖျၢၣ်ဒီးဒုးကုာ်ထီၣ်ဝဲလၢအခိၣ် လိၤလီၤ.

လံာ်မၢ်ကူး 15:20

တုၤအဝဲသ့ၣ်မၤတရီတပါဒီးနံၤဘၣ်ဖၣ်လဲအီၤဝံၤန့ၣ်, ဘ့ၣ်လီၤကွံာ်ဝဲအဆ့ကၤလုးတကုာ်တဘ့ၣ်ဒီးဒုးသိးထီၣ်က့ၤအီၤ လၢအဆ့ကၤဒၣ်ဝဲလီၤ. အန့ၣ်ဝံၤအလီၢ်ခံ, အဝဲသ့ၣ်မိၤထီၣ်ကွံာ်အီၤလၢကပျၤထီအီၤလၢထူၣ်စုညါလိၤ အဂီၢ်လီၤ.

လံာ်ယိၤဟၣ် 19:2

ပှၤသုးဖိတဖၣ်မၤထီၣ်ခိၣ်သလုးတဖျၢၣ်လၢတၤဆှုၣ်အဒ့ တဖၣ်ဒီးကုာ်ထီၣ်ဝဲလၢယ့ၣ်ၡူးအခိၣ်လိၤ, ဝံၤဒီးဒုးကၤထီၣ်အီၤဆ့ကၤလုးတကုာ်တဘ့ၣ်,

လံာ်ယိၤဟၣ် 19:5

အန့ၣ်ဒီး, ယ့ၣ်ၡူးဟဲထီၣ်ဆူတၢ်ချၢ, ကၢၢ်ဝဲခိၣ်သလုး တၤဆှုၣ်ဒီးကၤဝဲဆ့ကၤလုးတကုာ်တဘ့ၣ်န့ၣ်လီၤ. စီၤပံၤလးစံးဘၣ် အဝဲသ့ၣ်, “ကွၢ်တက့ၢ်. မ့ၢ်ပှၤအဝဲအံၤလီၤ.”

ဧ့ၤဘြံၤ 1:1

လၢပျၢၤန့ၣ်, ကစၢ်ယွၤကတိၤတ့ၢ်တၢ်ဒီးပမိၢ်ပၢ်ဖံဖုလၢပျၢၤ တဖၣ်ဘၣ်ထွဲတၢ်အါမံၤအါကလုာ်ဒီးအါဘျီခီဖျိဝံတဖၣ်လီၤ.

ဧ့ၤဘြံၤ 10:22

မ်ပသုးဘူးပသးဆူကစၢ်ယွၤအအိၣ်လၢသးလၢအမ့ၢ်အတီ အပူၤအိၣ်ဒီးတၢ်နာ်အဂၢၢ်အကျၢၤ, သးလၢအဘၣ်တၢ်မၤ ကဆှီထီၣ်အီၤလၢတၢ်ပာ်ဒ့ၣ်ပာ်ကမၢ်လီၤက့ၤအသး, ဒီးနီၢ်ခိလၢအဘၣ်တၢ်သ့စီအီၤလၢထံအဆှံန့ၣ်တက့ၢ်.

ဧ့ၤဘြံၤ 10:4

အဂ့ၢ်ဒ်အံၤဂီၤဖံးဖါဒီးမဲာ်တဲးလဲးတဖၣ်အသွံၣ်ဟံးထီၣ်ကွံာ်ပှၤ အတၢ်ဒဲးဘးတဖၣ်တသ့နီတဘျီဘၣ်.

ဧ့ၤဘြံၤ 12:24

ဒီးဆူယ့ၣ်ၡူးလၢအမ့ၢ်ပှၤတၢ်ဘၢၣ်စၢၤဘၣ်ဃးဒီးတၢ်အၢၣ်လီၤ အီလီၤအသီအအိၣ်, ဒီးတၢ်သွံၣ်လၢအဘၣ်တၢ်ဖှံလီၤအီၤလၢအကိးထီၣ်ဒိၣ်န့ၢ်ဒံး စီၤဟ့းဘ့းလးအသွံၣ်တက့ၢ်အအိၣ်န့ၣ်လီၤ.

ဧ့ၤဘြံၤ 9:12

အဝဲလဲၤနုာ်ဝဲဆူတၢ်စီဆှံကတၢၢ်အလီၢ်ထဲတဘျီဧိၤဒီး အဝံၤအကဲ, တစိာ်ဃုာ်ဒီးမဲာ်တဲးလဲးဒီးဂီၤဖံးအသွံၣ် လၢကလုၢ်ထီၣ်ဝဲဒ်တၢ်လုၢ်တၢ်ပာ်အသိးအဂီၢ်ဘၣ်. မ့မ့ၢ်အဝဲလုၢ်ထီၣ်အသွံၣ်ဒၣ်ဝဲဒီးမၤန့ၢ်တၢ်အုၣ်က့ၤခီၣ်က့ၤ အထူအယိာ်လၢပဂီၢ်န့ၣ်လီၤ.

ဧ့ၤဘြံၤ 9:13

မဲာ်တဲးလဲးဒီးဂီၤဖံးဖါအသွံၣ်ဒီးဂီၤဖံးမိၢ်လၢအဘၣ်တၢ်ဒွဲၣ် အူထီၣ်အီၤအဖၣ်ဆါအဘၣ်တၢ်ဖှံအီၤလၢပှၤဂီၢ်မုၢ်လၢ အတကဆှီဝဲဒ်တၢ်အလုၢ်အလၢ်အသိးတဖၣ်အလိၤလၢကမၤ ကဆှီထီၣ်အဝဲသ့ၣ်လၢကယဲၢ်မ့ၢ်တၢ်လၢအမၤ တကဆှီဘၣ်အဝဲသ့ၣ်န့ၣ်လီၤ.

ဧ့ၤဘြံၤ 9:18

လၢတၢ်န့ၣ်အဃိတၢ်အၢၣ်လီၤအီလီၤလၢအခီၣ်ထံးတခါဒၣ်လဲာ်, အဘျုးအိၣ်ဒၣ်ဖဲတၢ်သူတၢ်သွံၣ်န့ၣ်လီၤ.

၁ ပ့းတရူး 1:2

သုဘၣ်တၢ်ဃုထၢထီၣ်သုဒ်ပၢ်ကစၢ်ယွၤအတၢ်တိာ်ပာ် အသိးဒီးသုဘၣ်တၢ်မၤစီဆှံထီၣ်သုခီဖျိယွၤအသး, ဒ်သိးသုကစူၢ်ယ့ၣ်ၡူးခရံာ်ဒီးအသွံၣ်ကမၤကဆှီထီၣ်က့ၤသု အဂီၢ်န့ၣ်လီၤ. မ်တၢ်ဘျုးတၢ်ဖှိၣ်ဒီးတၢ်ဃူတၢ်ဖိးမ့ၢ်သုတၢ်လၢလၢပှဲၤပှဲၤတက့ၢ်.