ဧ့ၤဘြံၤ 9:16 - Sgaw Karen Common Bible

¹⁶ ဖဲအဘၣ်ဃးဒီးတၢ်န့ၢ်သါအတၢ်အၢၣ်လီၤအီလီၤအလံာ်န့ၣ်, အလီၢ်အိၣ်လၢတၢ်ကလီၣ်ဖျါထီၣ်လၢပှၤလၢအကွဲးတၢ်အၢၣ်လီၤ အလံာ်အံၤသံဝဲလံန့ၣ်လီၤ.

ဧ့ၤဘြံၤ 9:16 Iomraidhean Croise

ရိမ့ၤ 5:12

တၢ်ဒဲးဘးဟဲနုာ်ဆူဟီၣ်ခိၣ်ခီဖျိပှၤတဂၤ, ဒီးအဝဲအတၢ်ဒဲးဘးဟဲစိာ်ဃုာ်တၢ်သံန့ၣ်လီၤ. လၢတၢ်န့ၣ်အဃိ, တၢ်သံတုၤအိၣ်ပှၤဟီၣ်ခိၣ်ဖိ ခဲလၢာ်မ့ၢ်လၢပှၤခဲလၢာ်မၤတ့ၢ်တၢ်ဒဲးဘးအဃိ လီၤ.

ရိမ့ၤ 6:23

အဂ့ၢ်ဒ်လဲၣ်န့ၣ်, တၢ်ဒဲးဘးအဘူးအလဲမ့ၢ်တၢ်သံလီၤ. မ့မ့ၢ်ကစၢ်ယွၤအတၢ်ဟ့ၣ်ကလီမ့ၢ်တၢ်မူအထူအယိာ် လၢပကစၢ်ယ့ၣ်ၡူးခရံာ်အပူၤန့ၣ်လီၤ.

1 ကရံၣ်သူး 15:22

အဂ့ၢ်ဒ်အံၤ, ဒ်ပှၤကိးဂၤဒဲးသံဝဲဒၣ်ခီဖျိအဝဲသ့ၣ်အတၢ် ပာ်ဖှိၣ်ဃုာ်အသးဒီးစီၤအၤဒၣ်အသိးန့ၣ်, လၢကျဲတဘိဃီ အဝဲန့ၣ်ပှၤကိးဂၤဒဲးကဘၣ်တၢ်မၤမူထီၣ်က့ၤအီၤခီဖျိ အဝဲသ့ၣ်အတၢ်ပာ်ဖှိၣ်ဃုာ်အသးဒီးခရံာ်န့ၣ်လီၤ.

ဧ့ၤဘြံၤ 1:3

အဝဲလီၣ်ဖျါထီၣ်န့ၢ်ပှၤလၢကစၢ်ယွၤအလၤကပီၤဒီးစိာ်မူ ဝဲကစၢ်ယွၤအက့ၢ်အဂီၤအန့ဆၢၣ်လီၤတံၢ်လီၤဆဲးဒီးဟံး ဃာ်ပၢၤဃာ်ဟီၣ်ခိၣ်မူခိၣ်လၢအကလုၢ်အစိအကမီၤလီၤ. တုၤအမၤကဆှီထီၣ်ပှၤလၢပတၢ်ဒဲးဘးလၢအကစၢ် ဒၣ်ဝဲဝံၤဒီး, ဆ့ၣ်နီၤဝဲလၢတၢ်စိဒိၣ်ကမီၤထီကစၢ်ယွၤ အစုထွဲတခီလီၤ.

ဧ့ၤဘြံၤ 13:20

ကစၢ်ယွၤဒုးဂဲၤထၢၣ်သမူထီၣ်က့ၤကစၢ်ယ့ၣ်ၡူးလၢအမ့ၢ် ပှၤကွၢ်သိဖးဒိၣ်လၢအတူၢ်သံအသးလၢအသိတဖၣ်အဂီၢ် ဒီးခီဖျိတၢ်အံၤန့ၣ်, တၢ်အၢၣ်လီၤအီလီၤအထူအယိာ်ဘၣ်တၢ်ဃံၤဃာ်အီၤန့ၣ်လီၤ.

ဧ့ၤဘြံၤ 9:15

လၢတၢ်န့ၣ်အဃိခရံာ်မ့ၢ်ပှၤလၢအဒုးအိၣ်ထီၣ်တၢ်အၢၣ်လီၤအီလီၤ အသီဒ်သိးဒီးပှၤလၢကစၢ်ယွၤကိးထီၣ်တ့ၢ်လံအီၤတဖၣ်ကန့ၢ် သါဘၣ်တၢ်ဆိၣ်ဂ့ၤအထူအယိာ်လၢကစၢ်ယွၤစံးပာ်တ့ၢ်လံဝဲ အဂီၢ်န့ၣ်လီၤ. တၢ်အံၤမၤအသးသ့ဝဲမ့ၢ်လၢပှၤသံတ့ၢ်ဝဲတဂၤ အဃိလီၤ. အဝဲအတၢ်သံမၤထူၣ်ဖျဲးထီၣ်ပှၤဂီၢ်မုၢ်လၢအတၢ် ကမၣ်လၢအမၤတ့ၢ်လံဝဲ, ဖဲအအိၣ်ဒံးလၢတၢ်အၢၣ်လီၤအီလီၤအခီၣ်ထံးတခါအဖီလာ် အဆၢကတီၢ်န့ၣ်လီၤ.

ဧ့ၤဘြံၤ 9:17

အဂ့ၢ်ဒ်အံၤဖဲပှၤကွဲးတၢ်တဂၤအံၤမူဝဲအဖၢမုၢ်န့ၣ်လံာ်အံၤ အဘျုးတအိၣ်ဘၣ်. အဘျုးအိၣ်ဒၣ်ဖဲပှၤကွဲးတ့ၢ်တၢ်တဂၤ သံဝံၤအလီၢ်ခံန့ၣ်လီၤ.

ယၤကိာ် 2:10

ပှၤတဂၤဂ့ၤတဂၤဂ့ၤလၢအလုၣ်သ့ၣ်ခါပတာ်တၢ်မၤလိာ်တဘီ န့ၣ်, အတၢ်ကမၣ်အိၣ်ဝဲလၢအလုၣ်သ့ၣ်ခါပတာ်တၢ်မၤလိာ် ခဲလၢာ်န့ၣ်လီၤ.