ဧ့ၤဘြံၤ 9:11 - Sgaw Karen Common Bible

¹¹ ဘၣ်ဆၣ်ဒီးခရံာ်ဟဲတ့ၢ်လံဝဲဒ်တၢ်အဂ့ၤလၢအအိၣ်တ့ၢ်လံဝဲ ဖဲအံၤအပှၤလုၢ်တၢ်အခိၣ်အဒိၣ်ကတၢၢ်တဂၤအသိးန့ၣ်လီၤ. အဝဲမၤတၢ်လၢဒဲလၢဒိၣ်ဒၣ်တၢ်တက့ၢ်ဒီးလၢ ပှဲၤဝဲဒိၣ်ဒၣ်တၢ်တက့ၢ်လၢအတဘၣ်တၢ်ဘှီအီၤလၢပှၤအစု ဘၣ်အပူၤ, ဒ်ပစံးတၢ်အသိး တဘၣ်ဃးဘၣ်ဒီးတၢ်လၢတၢ် တ့အီၤဖဲဟီၣ်ခိၣ်အံၤဘၣ်န့ၣ်လီၤ.

ဧ့ၤဘြံၤ 9:11 Iomraidhean Croise

လံာ်တၢ်ကဲထီၣ်အခီၣ်ထံး 49:10

စီၤယူဒၤကစိာ်စီၤပၤအဘီမုၢ်နီၣ်ထိး, ဒီးအစၢၤအသွဲၣ်ကပၢတၢ် တဘိယူၢ်ဃီလီၤ. ပှၤကလုာ်တဖၣ်ကဟဲစိာ်န့ၢ်အီၤတၢ်ယူးယီၣ်ပာ်ကဲအတၢ်ဟ့ၣ်ဒီးတီၤ လီၤလၢအမဲာ်ညါအိၣ်ဒီးတၢ်စူၢ်အကလုၢ်န့ၣ်လီၤ.

စံးထီၣ်ပတြၢၤ 40:7

လၢတၢ်န့ၣ်အဃိယစံးဆၢယဲ, ‘‘ယအိၣ်ဖဲအံၤလီၤ. နတၢ်သိၣ်လိသီလိလၢယဂီၢ်တဖၣ်အိၣ်ကွဲးအသး လၢလံာ်တၢ်သိၣ်တၢ်သီအပူၤလီၤ.

လံာ်ယၡါယၤ 59:20

ယွၤစံးဘၣ်အပှၤဂီၢ်မုၢ်, “ယကဟဲဆူဝ့ၢ်ယရူၤၡလ့ၣ်လၢယကက ဟုကယာ်သုဒီးအုၣ်က့ၤခီၣ်က့ၤသုဝဲခဲလၢာ်လၢ အဃၣ်ကွံာ်အသးလၢအတၢ်ဒဲးဘးတဖၣ်န့ၣ်လီၤ.

လံာ်ယံးရမံယၤ 33:8

ယကမၤကဆှီထီၣ်အဝဲသ့ၣ်လၢ တၢ်ဒဲးဘးတဖၣ်လၢ အဝဲသ့ၣ်မၤတ့ၢ်ဝဲ ထီဒါယၤ, ဒီးယကပျၢ်ကွံာ် အဝဲသ့ၣ်အတၢ်ဒဲးဘး တဖၣ်ဒီး အတၢ်ပူထီၣ်ယၤန့ၣ်လီၤ.

လံာ်မၤလကံ 3:1

ယွၤသ့တၢ်လၢာ်စံးဆၢဝဲ, “ယကဆှၢလီၤယပှၤစိာ်တၢ်ကစီၣ်ဒ်သိးကကတဲာ်ကတီၤကျဲလၢယဂီၢ် လီၤ. တုၤနုၤတစု, ယွၤလၢသုဃုအီၤန့ၣ်ကဟဲသတူၢ်ကလာ်ဆူအတၢ်လုၢ် ဟံၣ်လီၤ. ပှၤစိာ်တၢ်ကစီၣ်လၢသုဆၢထံၣ်ဘၣ်အီၤန့ၣ်ကဟဲဒီးစံးဘၣ်တဲ ဘၣ်ယတၢ်အၢၣ်လီၤအီလီၤန့ၣ်လီၤ.”

လံာ်မးသဲ 11:3

အဝဲသ့ၣ်သံကွၢ်ယ့ၣ်ၡူးဒီးစံး, “တဲဘၣ်ပှၤတက့ၢ်. ပှၤလၢစီၤယိၤဟၣ်စံးဝဲလၢအကဟဲတဂၤန့ၣ်မ့ၢ်နၤဧါ. မ့တမ့ၢ်ဘၣ်ဒီးမ့ၢ်ပကဘၣ်ခိးကွၢ်လၢ်ဒံးပှၤအဂၤတဂၤဧါ.”

လံာ်မးသဲ 2:6

‘ယွၤစံးဝဲ, ဘ့ၤသလ့ဃ့ၣ်လၢအဘၣ်ဃးဒီး ကီၢ်ယူဒၤဧၢ, နတမ့ၢ်တီနံဝ့ၢ်အဆံးကတၢၢ်လၢ ကီၢ်ယူဒၤအပူၤဘၣ်. အဂ့ၢ်ဒ်အံၤခိၣ်နၢ်တဂၤ လၢကပၢကဆှၢယပှၤဂီၢ်မုၢ်အံၣ်စရ့လးန့ၣ် ကဟဲထီၣ်လၢနပူၤလီၤ’ ” (မံ. ၅:၂).

လံာ်မၢ်ကူး 14:58

“ပနၢ်ဟူအဝဲဒၣ်စံးဝဲ, ‘ယကမၤလီၤပှီၢ်ကွံာ်တၢ်လုၢ်ဟံၣ်လၢအဘၣ်တၢ်ဘှီထီၣ်အီၤလၢပှၤ ကညီအစုတဖျၢၣ်အံၤ, ဒီးလၢသၢသီတသီန့ၣ်ယကဘှီထီၣ်အဂၤတဖျၢၣ်လၢအတဘၣ် တၢ်မၤအီၤလၢပှၤကညီအစုဘၣ်န့ၣ်လီၤ.’ ”

လံာ်ယိၤဟၣ် 1:14

တၢ်ကလုၢ်န့ၣ်ကဲထီၣ်ပှၤကညီ, ဒီးလၢပှဲၤဝဲဒီးတၢ်ဘျုးတၢ်ဖှိၣ် ဒီးတၢ်မ့ၢ်တၢ်တီဒီးအိၣ်ဝဲဆိးဝဲလၢပကျါန့ၣ်လီၤ. ဒီးပထံၣ်ဘၣ်အလၤကပီၤလၢအဒိးန့ၢ်ဝဲဒ်ပၢ်အဖိခွါတဂၤဃီ အသိးန့ၣ်လီၤ.

လံာ်ယိၤဟၣ် 4:25

ပိာ်မုၣ်န့ၣ်စံးဘၣ်အီၤ, “ယသ့ၣ်ညါလၢမ့းၡံအၤ, လၢအမ့ၢ်ခရံာ်န့ၣ်ကဟဲဝဲ, ဒီးတုၤအဟဲဝဲဒီးကစံးဘၣ်တဲဘၣ် ပှၤလၢတၢ်ခဲလၢာ်န့ၣ်လီၤ.”

မၤတၢ် 7:48

သနာ်က့, ကစၢ်ယွၤလၢအအိၣ်ထီၣ်ထီကတၢၢ်တဂၤန့ၣ်, တအိၣ်တဆိးဝဲလၢဟံၣ်လၢပှၤကညီမၤဝဲလၢအစုန့ၣ်ဘၣ်. ဒ်ဝံတဂၤန့ၣ်စံးဝဲအသိး,

၂ ကရံၣ်သူး 4:18

အဂ့ၢ်ဒ်အံၤ, ပပာ်ထီၣ်ပတၢ်သးစၢၢ်ဆၢလၢတၢ်လၢအဘၣ် တၢ်ထံၣ်အီၤတဖၣ်အလိၤန့ၣ်တမ့ၢ်ဘၣ်. မ့မ့ၢ်, မ့ၢ်ဝဲလၢတၢ်လၢတၢ်တထံၣ်အီၤတဖၣ်အလိၤတခီလီၤ. တၢ်လၢတၢ်ထံၣ်အီၤသ့န့ၣ်အိၣ်ဒၣ်တစိၢ်တလီၢ်, မ့မ့ၢ်တၢ်လၢတၢ်ထံၣ်အီၤတသ့န့ၣ်အိၣ်ဝဲလီၤထူလီၤ ယိာ်န့ၣ်လီၤ.

၂ ကရံၣ်သူး 5:1

အဂ့ၢ်ဒ်အံၤ, ပသ့ၣ်ညါပဝဲလၢဖဲပဒဲလၢပအိၣ်ပဆိးလၢ အပူၤ, ပနီၢ်ခိလၢဟီၣ်ခိၣ်ချၢအဝဲအံၤမ့ၢ်ဘၣ်တၢ်မၤလီၤ ပှီၢ်ကွံာ်အီၤန့ၣ်, ကစၢ်ယွၤကအိၣ်ဒီးဟံၣ်လၢမူခိၣ်တဖျၢၣ်လၢ ပကအိၣ်ကဆိးအဂီၢ်, ဟံၣ်တဖျၢၣ်လၢအဝဲအနီၢ်ကစၢ်ဘှီဝဲလၢအကအိၣ်ကၢအိၣ် ခိးလီၤထူလီၤယိာ်န့ၣ်လီၤ.

ကလီးစဲ 2:11

လၢသုမူဝဲလၢခရံာ်အပူၤအဃိ, သုဘၣ်တၢ်ကူးတရံးသု တမ့ၢ်ဘၣ်လၢနီၢ်ခိနီၢ်ခီလၢပှၤကညီမၤဝဲန့ၣ်ဘၣ်, မ့ၢ်တၢ်ကူးတရံးဘၣ်ဃးဒီးခရံာ်လၢအမၤထူၣ်ဖျဲးထီၣ်ကွံာ် သုလၢတၢ်ဒဲးဘးတခီန့ၣ်လီၤ.

ဧ့ၤဘြံၤ 10:1

အဂ့ၢ်ဒ်အံၤ, ပှၤယူဒၤဖိအတၢ်သိၣ်တၢ်သီတမ့ၢ်ဘၣ်တၢ်နီၢ်နီၢ် လၢအကဟဲဝဲတဖၣ်အက့ၢ်အဂီၤလၢအမ့ၢ်အတီန့ၣ်ဘၣ်. မ့ၢ်ဒၣ်တၢ်နီၢ်နီၢ်န့ၣ်အကဒုန့ၣ်လီၤ. တၢ်လုၢ်တၢ်ပာ်တမံၤဃီဘၣ်တၢ်လုၢ်ထီၣ်ပာ်ထီၣ်အီၤထီဘိ တနံၣ်ဘၣ်တနံၣ်န့ၣ်လီၤ. လၢတၢ်န့ၣ်အဃိတၢ်သိၣ်တၢ်သီအံၤမၤလၢပှဲၤပှၤလၢအဟဲဆူ အအိၣ်တဖၣ်ခီဖျိတၢ်လုၢ်တၢ်ပာ်တဖၣ်အံၤကသ့ဝဲဒ်လဲၣ်.

ဧ့ၤဘြံၤ 12:27

တၢ်ကတိၤလၢအစံးဝဲ, “ကဒီးတဘျီ,” လီၣ်ဖျါထီၣ်ဝဲဖျိဖျိဖျါဖျါလၢတၢ်ဘၣ်တ့တဖၣ်ကဘၣ်တၢ်မၤဟူး မၤဝးအီၤဒီးသုးကွံာ်အီၤဒ်သိးတၢ်လၢတၢ်မၤဟူးဝးအီၤ တသ့တဖၣ်ကအိၣ်တ့ၢ်ဝဲအဂီၢ်န့ၣ်လီၤ.

ဧ့ၤဘြံၤ 13:14

အဂ့ၢ်ဒ်လဲၣ်န့ၣ်, လၢဟီၣ်ခိၣ်အံၤဝ့ၢ်လၢအအိၣ်လီၤထူလီၤယိာ်လၢပဂီၢ် တအိၣ်ဘၣ်. မ့မ့ၢ်ပဃုဝ့ၢ်လၢအကဟဲအိၣ်ထီၣ်ဆူညါတဖျၢၣ်န့ၣ်လီၤ.

ဧ့ၤဘြံၤ 2:17

လၢတၢ်န့ၣ်အဃိအဝဲဘၣ်ကဲထီၣ်ဒ်အဒီပုၢ်ဝဲၢ်တဖၣ်အသိး လၢတၢ်ကိးမံၤဒဲးအပူၤဒ်သိးလၢအတၢ်မၤကစၢ်ယွၤအတၢ်မၤ အပူၤန့ၣ်ကမ့ၢ်ပှၤလုၢ်တၢ်အခိၣ်အဒိၣ်ကတၢၢ်လၢအသူၣ် ကညီၤသးကညီၤတၢ်ဒီးအကလုၢ်တီဝဲတဂၤသတးဒီးကမၤ ပူၤဖျဲးတၢ်လၢပှၤကညီအတၢ်ဒဲးဘးအဂီၢ်န့ၣ်လီၤ.

ဧ့ၤဘြံၤ 3:1

ယဒီပုၢ်ဝဲၢ်ခရံာ်ဖိလၢအဘၣ်တၢ်ကိးန့ၢ်စ့ၢ်ကီးအီၤလၢကစၢ်ယွၤ သ့ၣ်ဧၢ, ကွၢ်ထံဆိကမိၣ်ယ့ၣ်ၡူးလၢကစၢ်ယွၤမၢလီၤအီၤလၢ အကမ့ၢ်ပတၢ်စူၢ်တၢ်နာ်အပှၤလုၢ်တၢ်အခိၣ်အဒိၣ်ကတၢၢ် တဂၤန့ၣ်တက့ၢ်.

ဧ့ၤဘြံၤ 4:15

ပပှၤလုၢ်တၢ်အခိၣ်အဒိၣ်ကတၢၢ်အံၤ တမ့ၢ်ပှၤလၢအနၢ် ပၢၢ်စၢၤပတၢ်ဂံၢ်စၢ်ဘါစၢ်တသ့ဘၣ်တဂၤန့ၣ်ဘၣ်. မ့ၢ်ပှၤတဂၤလၢအဘၣ်တၢ်လ့ပစီအီၤလၢကျဲကိးဘိဒဲးဒ်ပဝဲဒၣ် အသိးဘၣ်ဆၣ်အတၢ်ဒဲးဘးတအိၣ်ဘၣ်.

ဧ့ၤဘြံၤ 7:1

စီၤမၤလကံစဒ့းအံၤမ့ၢ်ၡၤလ့ၣ်အစီၤပၤ, တၢ်ဒိၣ်ကတၢၢ်ထီကတၢၢ်ကစၢ်ယွၤအပှၤလုၢ်တၢ်အခိၣ် တဂၤလၢအလဲၤသဂၢၢ်ဒီးဆိၣ်ဂ့ၤစီၤအၤဘြၤဟၣ်ဖဲအဟဲ က့ၤလၢတၢ်မၤနၢၤဒီးမၤသံကွံာ်စီၤပၤတဖၣ်ဝံၤအလီၢ်ခံ န့ၣ်လီၤ.

၁ ယိၤဟၣ် 5:20

ပသ့ၣ်ညါလၢကစၢ်ယွၤအဖိခွါဟဲဝဲဒီးဟ့ၣ်တ့ၢ်လံ ပှၤတၢ်သ့ၣ်ညါနၢ်ပၢၢ်, ဒ်သိးပကသ့ၣ်ညါကစၢ်ယွၤ အမ့ၢ်အတီတဂၤအဂီၢ်န့ၣ်လီၤ. ပအိၣ်မူလၢကစၢ်ယွၤ အမ့ၢ်အတီတဂၤအံၤအပူၤ, လၢအဖိခွါယ့ၣ်ၡူးခရံာ် အပူၤန့ၣ်လီၤ. အအံၤမ့ၢ်ကစၢ်ယွၤနီၢ်နီၢ်, ဒီးအအံၤမ့ၢ် တၢ်မူအထူအယိာ်လီၤ.

၂ ယိၤဟၣ် 1:7

ပှၤလီတၢ်ဝ့ၤတၢ်အါဂၤအိၣ်ထီၣ်ဝဲလၢဟီၣ်ခိၣ်ချၢလီၤ. အဝဲသ့ၣ်မ့ၢ်ပှၤတဖၣ်လၢအတအၢၣ်လီၤအီလီၤဝဲလၢ ယ့ၣ်ၡူးခရံာ်ဟဲဝဲလၢတၢ်ဖံးတၢ်ညၣ်အပူၤဘၣ်. ပှၤဒ်န့ၣ်သိးတဂၤ, မ့ၢ်ပှၤလီတၢ်ဒီးမ့ၢ်ခရံာ်အဒုၣ်အဒါ န့ၣ်လီၤ.