ဧ့ၤဘြံၤ 9:10 - Sgaw Karen Common Bible

¹⁰ အဂ့ၢ်မ့ၢ်လၢအဝဲသ့ၣ်ဘၣ်ဃးဒၣ်ဒီးတၢ်အီၣ်တၢ်အီဒီးတၢ်မၤ ကဆှီထီၣ်သးအလုၢ်အလၢ်တဖၣ်အဃိန့ၣ်လီၤ. တၢ်တဖၣ်အံၤခဲလၢာ်မ့ၢ်တၢ်သိၣ်တၢ်သီဒီးတၢ်ဘျၢဘၣ်ဃးဒီး နီၢ်ခိနီၢ်ခီ, ဒီးတၢ်ကမၤဒၣ်အီၤတချုးဒံးဖဲကစၢ်ယွၤဒုးအိၣ်ထီၣ် တၢ်အလုၢ်အလၢ်အသီန့ၣ်လီၤ.

ဧ့ၤဘြံၤ 9:10 Iomraidhean Croise

လံာ်တၢ်ဟးထီၣ်ကွံာ် 29:4

ဟဲကိးစီၤအၤဟရိၣ်ဒီးအဖိခွါတဖၣ်ဆူယအိၣ်ယဆိးအဒဲစီဆှံ အကျဲစၢၤဒီးမၢအဝဲသ့ၣ်လုၣ်ကဆှီထီၣ်အသးဒ်တၢ်အလုၢ်အလၢ်အိၣ် ဝဲအသိးတက့ၢ်.

လံာ်တၢ်ဟးထီၣ်ကွံာ် 40:12

ဟဲကိးစီၤအၤဟရိၣ်ဒီးအဖိခွါတဖၣ်ဆူဒဲစီဆှံအကျဲစၢၤဒီး တဲအဝဲသ့ၣ်လၢကလုၣ်ထံဒ်တၢ်ဘူၣ်တၢ်ဘါအလုၢ်အလၢ်အသိးန့ၣ်တက့ၢ်.

လံာ်ယဃ့းစက့လး 4:14

ဘၣ်ဆၣ်ဒီးယစံးဆၢအီၤ, “တမ့ၢ်ဘၣ်, ယွၤပၢဘၣ်တၢ်ခဲလၢာ်ကစၢ်ဧၢ, ယတမၤဘၣ်အၢဘၣ်သီယသးနီတစုဘၣ်. လၢယဖိသၣ်လံၤလံၤဒီးတုၤခဲအံၤန့ၣ်, ယတအီၣ်ဆၣ်ဖိကီၢ်ဖိလၢအသံဒၣ်တၢ်အညၣ်မ့ၢ်ဂ့ၤ, ဘၣ်တၢ်မၤသံအီၤလၢဆၣ်ဖိကီၢ်ဖိလၢအမံၤတဖၣ်အညၣ်မ့ၢ်ဂ့ၤ, နီတစုဘၣ်. တၢ်အီၣ်လၢတၢ်ပာ်အီၤလၢအတကဆှီဘၣ်န့ၣ်, ယတအီၣ်အီၤနီတစုဘၣ်.”

လံာ်တၢ်ဘူၣ်ထီၣ်ဘါထီၣ် 13:58

ဒီးဖဲအဆှုၣ်ကွံာ်တၢ်တမံၤန့ၣ်ဒီး, တၢ်ဆါအၢအကဝီၤဟးမၢ်ကွံာ်န့ၣ်, အဝဲကဘၣ်ဆှုၣ်ကဒီးဝဲတဘျီဒီးကကဆှီဝဲဒၣ်ဒ်တၢ်ဘူၣ်တၢ်ဘါအလုၢ်အလၢ်အိၣ်ဝဲအသိးန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 16:24

ဒီးကဘၣ်လုၢ်ထံလၢတၢ်အလီၢ်စီဆှံအပူၤဒီးသိးထီၣ်က့ၤအကူ အသိးဒၣ်ဝဲတဖၣ်လီၤ. အန့ၣ်ဝံၤဒီးကဘၣ်ဟးထီၣ်ဝဲဒီးလုၢ်ထီၣ်တၢ်လုၢ်မ့ၣ်အူလၢက တြူာ်ကွံာ်အနီၢ်ကစၢ်ဒၣ်ဝဲအတၢ်ဒဲးဘးဒီးပှၤဂီၢ်မုၢ်အတၢ်ဒဲးဘးတဖၣ်အဂီၢ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 16:4

အန့ၣ်ဝံၤဒီးယွၤဟ့ၣ်လီၤတၢ်သိၣ်တၢ်ဘျၢဒ်အဖီလာ်အသိးန့ၣ်လီၤ. တချုးလၢစီၤအၤဟရိၣ်နုာ်ဆူတၢ်လီၢ်စီဆှံကတၢၢ်ဒံးဘၣ်န့ၣ်, ကဘၣ်လုၢ်ထံဒီးသိးထီၣ်ပှၤလုၢ်တၢ်အခိၣ်အကူအသိးတဖၣ်လၢအမ့ၢ်ဆ့ဖှီဝါစီဆှံ, ယီၢ်တကိးဖှီဝါဒီးခိၣ်သလုးဖှီဝါန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 22:6

ပှၤလုၢ်တၢ်အခိၣ်တဂၤလၢ်လၢ်လၢအထိးဘၣ်တၢ်သ့ၣ်တဖၣ်န့ၣ်တကဆှီဘၣ် ဝဲတုၤမုၢ်ဟါလီၤန့ၣ်လီၤ. ဒီးအဝဲမ့ၢ်တလုၢ်ထံဘၣ်ဒီးတဘၣ်အီၣ်တၢ်လုၢ်စီဆှံတဖၣ်န့ၣ်ဘၣ်.

လံာ်တၢ်ဂံၢ် 6:3

ကဘၣ်ဟးဆှဲးစပံးထံဒီးသံးန့ၣ်လီၤ. အဝဲတဘၣ်အီကယဲၢ်တၢ်အီတမံၤလၢ်လၢ်လၢတၢ်မၤ အီၤလၢစပံးသၣ်မ့ၢ်ဂ့ၤ, တဘၣ်အီၣ်စပံးသၣ်မ့ၢ်ဂ့ၤ, စပံးသၣ် အဃ့မ့ၢ်ဂ့ၤနီတမံၤဘၣ်.

လံာ်မၢ်ကူး 7:4

တုၤအဝဲသ့ၣ်ဟဲက့ၤလၢဖၠါပူၤန့ၣ်, မ့တမ့ၢ်လၢအမၤကဆှီ ဘၣ်တၢ်အီၣ်လၢအဟဲက့ၤစိာ်ဝဲလၢဖၠါပူၤဘၣ်ဒီး အဝဲသ့ၣ် တအီၣ်ဝဲဘၣ်. မိၢ်ပၢ်ဖံဖုလၢပျၢၤအလုၢ်အလၢ်အဂၤလၢ အဝဲသ့ၣ်ဟံးဃာ်ဒီးမၤဝဲတဖၣ်အိၣ်ဒံးအါမံၤ, ဒ်တၢ်ကဘၣ်သ့ကဆှီလီခီ, သပၢၤ, လီခီတိၢ်ဘီဒီးလီၢ်မံခးတဖၣ်လၢကျဲအဘၣ်န့ၣ်လီၤ.)

ကလၤတံ 4:9

မ့မ့ၢ်ခဲကနံၣ်အံၤ မ့ၢ်လၢသုသ့ၣ်ညါကစၢ်ယွၤလံ, မ့တမ့ၢ်, ယကြၢးစံး, ကစၢ်ယွၤသ့ၣ်ညါသုလံန့ၣ်, ဘၣ်မနုၤအဃိသုသးအိၣ်ဃၣ်ကဒါက့ၤသုသးဆူသး တဖၣ်လၢအဂံၢ်စၢ်ဘါစၢ်ဒီးဖှီၣ်ဝဲယာ်ဝဲအအိၣ်ဒီးသး အိၣ်ကဲက့ၤကဒီးကုၢ်လၢအဖီလာ်န့ၣ်လဲၣ်.

အ့းဖ့းစူး 1:10

တၢ်ရဲၣ်တၢ်ကျဲၤလၢယွၤကမၤလၢထီၣ်ပှဲၤထီၣ်ဝဲဖဲတၢ်ဆၢ ကတီၢ်ဘၣ်ဝဲန့ၣ်, မ့ၢ်အကထုးဖှိၣ်က့ၤတၢ်ဘၣ်တ့ခဲလၢာ်, ကယဲၢ်တၢ်အိၣ်လၢမူခိၣ်ဒီးလၢဟီၣ်ခိၣ်တပူၤဃီ, ဒီးခရံာ်မ့ၢ်တၢ်အခိၣ်န့ၣ်လီၤ.

အ့းဖ့းစူး 2:15

အဝဲတြူာ်ကွံာ်ပှၤယူဒၤဖိအတၢ်သိၣ်တၢ်သီဃုာ်ဒီးအတၢ်မၤ လိာ်ဒီးအတၢ်ဘျၢတဖၣ်ဒ်သိးအကဒုးကဲထီၣ်ပှၤခံကလုာ်လၢပှၤ တကလုာ်ဃီလၢအဝဲအပူၤ, ဒီးလၢကျဲဒ်အံၤအပူၤဒုးအိၣ်ထီၣ်တၢ် ဃူတၢ်ဖိးလီၤ.

လံာ်သိၣ်လီၤသီလီၤတၢ် 21:6

ဝံၤဒီး, ကယဲၢ်ပှၤခိၣ်ပှၤနၢ်ခဲလၢာ်လၢဝ့ၢ်အိၣ်ဘူးကတၢၢ်ဒီးတၢ် လီၢ်ဖဲပှၤလၢတၢ်မၤသံအီၤအစိၣ်ဘၣ်တၢ်ထံၣ်န့ၢ်အီၤ, ကဘၣ်သ့ကွံာ်အစုတဖၣ်လၢဂီၤဖံးမိၢ်အလိၤ,

လံာ်သိၣ်လီၤသီလီၤတၢ် 23:11

ဖဲမုၢ်ဟါလီၤအကတီၢ်န့ၣ်အဝဲကဘၣ်သ့စီကွံာ်အသး, ဒီးဖဲမုၢ်လီၤနုာ်အကတီၢ်န့ၣ်အဝဲဟဲက့ၤနုာ်လီၤဆူတၢ်သူၣ်ဒဲ အလီၢ်သ့န့ၣ်လီၤ.

ကလီးစဲ 2:16

လၢတၢ်န့ၣ်အဃိတဘၣ်ပျဲပှၤနီတဂၤစံၣ်ညီၣ်တဲာ်န့ၢ်တၢ်လၢ နဂီၢ်ဘၣ်ဃးဒီးတၢ်လၢနအီၣ်နအီမ့ၢ်ဂ့ၤ, မုၢ်နံၤလီၤဆီလၢနံၣ် တနံၣ်အပူၤမ့ၢ်ဂ့ၤ, လါထီၣ်သီအမူးသးဖှံတဖၣ်မ့ၢ်ဂ့ၤ, အိၣ်ဘှံးအနံၤမ့ၢ်ဂ့ၤန့ၣ်တဂ့ၤ.

ဧ့ၤဘြံၤ 10:22

မ်ပသုးဘူးပသးဆူကစၢ်ယွၤအအိၣ်လၢသးလၢအမ့ၢ်အတီ အပူၤအိၣ်ဒီးတၢ်နာ်အဂၢၢ်အကျၢၤ, သးလၢအဘၣ်တၢ်မၤ ကဆှီထီၣ်အီၤလၢတၢ်ပာ်ဒ့ၣ်ပာ်ကမၢ်လီၤက့ၤအသး, ဒီးနီၢ်ခိလၢအဘၣ်တၢ်သ့စီအီၤလၢထံအဆှံန့ၣ်တက့ၢ်.

ဧ့ၤဘြံၤ 13:9

တဘၣ်ပျဲတၢ်သိၣ်လိအကလုာ်ကလုာ်ဒီးအလီၤတိၢ်လီၤဆီ တဖၣ်ထုးဝ့ၤဝီၤသုတဂ့ၤ. အဂ့ၢ်ဒ်အံၤ, ဂ့ၤဝဲလၢပဒိးန့ၢ်တၢ်ဂံၢ်တၢ်ဘါဘၣ်ဃးဒီးသူၣ်ဒီးသးလၢ ကစၢ်ယွၤအဘျုးအဖှိၣ်ဒီးတမ့ၢ်ဘၣ်လၢတၢ်အီၣ်တၢ်အီ အတၢ်သိၣ်တၢ်ဘျၢန့ၣ်ဘၣ်. အဂ့ၢ်မ့ၢ်လၢပှၤလၢစူၢ်တၢ်ဘျၢ တဖၣ်အံၤန့ၣ်, တန့ၢ်ဘျုးန့ၢ်ဖှိၣ်ဘၣ်ဝဲဘၣ်.

ဧ့ၤဘြံၤ 2:5

ကစၢ်ယွၤတပာ်ဘၣ်ကလူးတဖၣ်လၢအကပၢဟီၣ်ခိၣ် အသီလၢအကဟဲ, ဟီၣ်ခိၣ်လၢပစံးတ့ၢ်လၢအဂ့ၢ်န့ၣ်ဘၣ်.

ဧ့ၤဘြံၤ 6:2

တၢ်သိၣ်လိတဖၣ်လၢအဘၣ်ဃးဒီးတၢ်ဒိးစူာ်ဒိးဘျၢ, တၢ်ပာ်စု, တၢ်ဂဲၤဆၢထၢၣ်လၢတၢ်သံဒီးတၢ်စံၣ်ညီၣ်လီၤထူလီၤယိာ်တဂ့ၤ,

ဧ့ၤဘြံၤ 7:12

အဂ့ၢ်ဒ်အံၤ, တုၤပှၤလုၢ်တၢ်အခိၣ်အလီၢ်မ့ၢ်ဘၣ်တၢ်ဆီတလဲ အီၤဒီးတၢ်သိၣ်တၢ်သီစ့ၢ်ကီးကဘၣ်တၢ်ဆီတလဲအီၤလီၤ.

ဧ့ၤဘြံၤ 7:16

အဝဲကဲထီၣ်ပှၤလုၢ်တၢ်အခိၣ်တမ့ၢ်ဘၣ်ဒ်တၢ်သိၣ်တၢ်သီဘၣ် ဃးဒီးနီၢ်ခိနီၢ်ခီအတၢ်ဟဲလီၤစၢၤလီၤသွဲၣ်အသိးန့ၣ်ဘၣ်. မ့မ့ၢ်ကဲထီၣ်ဝဲခီဖျိ သးသမူလၢအဟးဂီၤတသ့ဘၣ်အစိ အကမီၤန့ၣ်လီၤ.

ဧ့ၤဘြံၤ 9:1

တၢ်အၢၣ်လီၤအီလီၤအခီၣ်ထံးတခါအိၣ်ဒီးတၢ်ဘျၢလၢ တၢ်ဘူၣ်ထီၣ်ဘါထီၣ်ယွၤဃုာ်ဒီးတၢ်လီၢ်စီဆှံလၢဟီၣ်ခိၣ်ချၢ အဂီၢ်န့ၣ်လီၤ.