ဧ့ၤဘြံၤ 9:1 - Sgaw Karen Common Bible

¹ တၢ်အၢၣ်လီၤအီလီၤအခီၣ်ထံးတခါအိၣ်ဒီးတၢ်ဘျၢလၢ တၢ်ဘူၣ်ထီၣ်ဘါထီၣ်ယွၤဃုာ်ဒီးတၢ်လီၢ်စီဆှံလၢဟီၣ်ခိၣ်ချၢ အဂီၢ်န့ၣ်လီၤ.

ဧ့ၤဘြံၤ 9:1 Iomraidhean Croise

လံာ်တၢ်ဟးထီၣ်ကွံာ် 25:8

ပှၤဂီၢ်မုၢ်ကဘၣ်မၤထီၣ်ဒဲစီဆှံတဖျၢၣ်လၢယဂီၢ်ဒ်သိးယကအိၣ် ကဆိးလၢအဝဲသ့ၣ်အကျါန့ၣ်လီၤ.

လံာ်ယဃ့းစက့လး 43:11

ဒီးတုၤအဝဲသ့ၣ်အမဲာ်ဆှးလၢတၢ်လၢအမၤတ့ၢ်ဝဲတဖၣ်အဃိဝံၤန့ၣ်, ဒုးတၢ်နၢ်ပၢၢ်အဝဲသ့ၣ်ယွၤအတၢ်လုၢ်ဟံၣ်အက့ၢ်အဂီၤအဒိလၢ တၢ်ပာ်လီၤပာ်စၢၤအီၤလၢအမ့ၢ်, အက့ၢ်အဂီၤအတကွီၣ်, နုာ်က့ၤ ဟးထီၣ်အကျဲစၢၤကျိၤထံးတဖၣ်, တၢ်ဘှီထီၣ်အီၤအက့ၢ်အဂီၤ, တၢ်လၢအဘၣ်တၢ်ရဲၣ်လီၤကျဲၤလီၤအီၤကိးမံၤဒဲးဒီးအတၢ်သိၣ်တၢ်သီတဖၣ်ဒီးတၢ်ဘျၢတဖၣ်လၢတၢ်ကဘၣ်မၤထွဲအီၤန့ၣ်တက့ၢ်. ကွဲးလီၤတၢ်သ့ၣ်တဖၣ်အံၤခဲလၢာ်လၢအဝဲသ့ၣ်အဂီၢ် ဒ်သိးအဝဲသ့ၣ်ထံၣ်ဝဲကသ့လၢတၢ်ကိးမံၤဒဲးအံၤ ဘၣ်တၢ်ရဲၣ်ကျဲၤအီၤဒ်လဲၣ်ဒီးမၤပိာ်ထွဲတၢ်သိၣ်တၢ်ဘျၢခဲလၢာ် ကသ့ဝဲအဂီၢ်န့ၣ်တက့ၢ်.

လံာ်တၢ်ဘူၣ်ထီၣ်ဘါထီၣ် 18:30

ဒီးယွၤစံးဝဲဒၣ်, “စူၢ်တၢ်မၤလိာ်လၢယဟ့ၣ်လီၤသုဒီးမၤထွဲပှၤ ကလုာ်လၢအအိၣ်တ့ၢ်ဆိဝဲလၢသုမဲာ်ညါတဖၣ်အလုၢ်အလၢ်တဂ့ၤ. မၤဘၣ်အၢလီၤသုသးလၢတၢ်မၤတဖၣ်အံၤန့ၣ်တဂ့ၤ. ယမ့ၢ်ယွၤ, သုကစၢ်န့ၣ်လီၤ.”

လံာ်တၢ်ဘူၣ်ထီၣ်ဘါထီၣ် 22:9

ပှၤလုၢ်တၢ်အခိၣ်ခဲလၢာ်ကဘၣ်တိၢ်န့ၢ်တၢ်သိၣ်တၢ်ဘျၢလၢယမၤလိာ် တ့ၢ်တဖၣ်န့ၣ်လီၤ. မ့တမ့ၢ်ဘၣ်ဒီးအဝဲသ့ၣ်ကကဲထီၣ်ပှၤလၢအတၢ်ကမၣ်အိၣ်ဒီးကသံဝဲ ဒၣ်လီၤ. အဂ့ၢ်ဒ်အံၤ, မ့ၢ်လၢအဝဲသ့ၣ်တတိၢ်န့ၢ်ဘၣ်တၢ်သိၣ်တၢ်သီစီဆှံတဖၣ်အဃိလီၤ. ယဲဒၣ်အံၤယမ့ၢ်ယွၤဒီးယမၤကဆှီအဝဲသ့ၣ်န့ၣ်လီၤ.

လံာ်တၢ်ဂံၢ် 9:12

ပာ်တီၢ်တၢ်အီၣ်တုၤလၢမုၢ်ဆ့ၣ်ထီၣ်တနံၤဂီၤခီအဂီၢ်မ့ၢ်ဂ့ၤ, မၤကၢ်ဆၣ်ဖိကီၢ်ဖိအဃံနီတဘိမ့ၢ်ဂ့ၤ, န့ၣ်တဂ့ၤ. မၤထွဲဘူၣ်လဲၤကပာ်ဒ်တၢ်သိၣ်တၢ်ဘျၢအိၣ်ဝဲခဲလၢာ် အသိးန့ၣ်တက့ၢ်.

လံာ်လူၤကၣ် 1:6

အဝဲသ့ၣ်ခံဂၤလၢာ်အိၣ်မူတၢ်အိၣ်မူလၢအဂ့ၤအဝါလၢကစၢ် ယွၤအမဲာ်ညါဒီးစူၢ်ကစၢ်ယွၤအတၢ်သိၣ်တၢ်သီဒီး အတၢ်မၤလိာ်တဖၣ်လၢလၢပှဲၤပှဲၤလီၤ.

ရိမ့ၤ 9:4

အဝဲသ့ၣ်မ့ၢ်ကစၢ်ယွၤအပှၤဂီၢ်မုၢ်ဒီးအဝဲဒၣ်ဒုးကဲထီၣ် အီၤလၢအဖိတဖၣ်ဒီးလီၣ်ဖျါထီၣ်အလၤကပီၤလၢအီၤ န့ၣ်လီၤ. အဝဲဒၣ်မၤအတၢ်အၢၣ်လီၤအီလီၤဒီးအဝဲ သ့ၣ်, ဒီးဟ့ၣ်လီၤအီၤလၢတၢ်သိၣ်တၢ်သီလီၤ. အဝဲသ့ၣ်အိၣ်ဒီးတၢ်ဘူၣ်ထီၣ်ဘါထီၣ်အမ့ၢ်အတီဒီးဒိးန့ၢ် ကစၢ်ယွၤအတၢ်အၢၣ်လီၤအီလီၤတဖၣ်န့ၣ်လီၤ.

ကလီးစဲ 2:8

ဒ်သိးသုသုတဘၣ်တၢ်ဖီၣ်န့ၢ်ဟံးဃာ်သုလၢဟီၣ်ခိၣ်ဖိအတၢ် ကူၣ်သ့လၢအဘျုးတအိၣ်ဘၣ်ဒီးအလီန့ၢ်တၢ်တဂ့ၤဒီးပလီၢ် သုသးတက့ၢ်. တၢ်သိၣ်လိသီလိတဖၣ်အံၤမ့ၢ်ပှၤဟီၣ်ခိၣ်ဖိအတၢ်ဟ့ၣ်ခီ ဃီၤတဆီဘၣ်တဆီလၢအဟဲလၢဟီၣ်ခိၣ်အကစူၤကစၢ် အအိၣ်ဒီးတမ့ၢ်ဘၣ်လၢခရံာ်အအိၣ်န့ၣ်ဘၣ်လီၤ.

ဧ့ၤဘြံၤ 8:13

ခီဖျိအကတိၤတၢ်ဘၣ်ဃးဒီးအတၢ်အၢၣ်လီၤအီလီၤအသီ န့ၣ်ကစၢ်ယွၤဒုးကဲတၢ်အၢၣ်လီၤအခီၣ်ထံးတခါလၢတၢ်လၢ အလီၢ်လံၤကွံာ်လံန့ၣ်လီၤ. ဒီးတၢ်လၢအလီၢ်လံၤကွံာ်ဒီးပှၢ်ထီၣ်လံန့ၣ်, ဘူးထီၣ်လၢကလီၤမၢ်ကွံာ်ဝဲန့ၣ်လီၤ.

ဧ့ၤဘြံၤ 8:2

အဝဲဒၣ်မၤတၢ်အခ့အပှၤအတၢ်မၤလၢတၢ်လီၢ်စီဆှံကတၢၢ်ဒီး လၢဒဲစီဆှံနီၢ်နီၢ်လၢအဘၣ်တၢ်သူၣ်ထီၣ်အီၤလၢကစၢ်ဒီး တမ့ၢ်ဘၣ်လၢပှၤကညီဘၣ်အပူၤန့ၣ်လီၤ.

ဧ့ၤဘြံၤ 8:7

အဂ့ၢ်ဒ်အံၤ, တၢ်အၢၣ်လီၤအီလီၤအခီၣ်ထံးတခါမ့ၢ်ဂ့ၤဝဲဒီး တၢ်ကမၤတၢ်အၢၣ်လီၤအီလီၤခံခါတခါအလီၢ်တအိၣ်လၢၤ ဘၣ်.

ဧ့ၤဘြံၤ 9:24

အဂ့ၢ်ဒ်အံၤ, ခရံာ်တလဲၤနုာ်ဘၣ်ဆူတၢ်လီၢ်စီဆှံလၢပှၤကညီ သူၣ်ထီၣ်အီၤလၢအမ့ၢ်တၢ်နီၢ်နီၢ်အဒိန့ၣ်ဘၣ်. အဝဲလဲၤနုာ်ဝဲဆူမူခိၣ်နီၢ်နီၢ်ဒၣ်ဝဲအပူၤ, ဒီးဖဲန့ၣ်အဝဲဒၣ်အိၣ်ဖျါထီၣ်လၢကစၢ်ယွၤအမဲာ်ညါလၢပခၢၣ်စး ခဲကနံၣ်အံၤန့ၣ်လီၤ.