ဧ့ၤဘြံၤ 8:9 - Sgaw Karen Common Bible

⁹ တမ့ၢ်ဘၣ်ဒ်တၢ်အၢၣ်လီၤအီလီၤလၢယမၤတ့ၢ်ဒီး အဝဲသ့ၣ်အပၢ်တဖၣ် ဖဲမုၢ်နံၤလၢယဟံးအဝဲသ့ၣ်အစုဒီးထုးထီၣ်အဝဲသ့ၣ် လၢကီၢ်အဲၤကူပတူးအပူၤန့ၣ်ဘၣ်. အဂ့ၢ်ဒ်အံၤ, အဝဲသ့ၣ်တဟံးဃာ် ယတၢ်အၢၣ်လီၤအီလီၤဘၣ်. ဒီးမ့ၢ်လၢတၢ်န့ၣ်အဃိ ယတကနၣ်ဃုာ်အဝဲသ့ၣ်ဘၣ်, ကစၢ်စံးဝဲဒၣ်.

ဧ့ၤဘြံၤ 8:9 Iomraidhean Croise

လံာ်တၢ်ကဲထီၣ်အခီၣ်ထံး 19:16

စီၤလိာ်မၤယံာ်မၤနီၢ်အသးန့ၣ်လီၤ. နာ်သက့ဒီး, ယွၤသးကညီၤဘၣ်အီၤလီၤ. မၤသးဒ်န့ၣ်ဒီး, ပှၤတဖၣ်န့ၣ်ဟံးန့ၢ်အီၤ, အမါဒီးအဖိမုၣ်ခံဂၤလၢအစုဒီးဆှၢထီၣ်ကွံာ်အဝဲသ့ၣ် လၢဝ့ၢ်ပူၤန့ၣ်လီၤ.

လံာ်စီၤယိၤဘး 8:20

မ့မ့ၢ်ကစၢ်ယွၤတညိကွံာ်ပှၤလၢအသူၣ်တီအသးလိၤန့ၣ်ဘၣ်, ဒီးတမၤစၢၤပှၤတတီတလိၤနီတဘျီဘၣ်.

စံးထီၣ်ပတြၢၤ 105:43

လၢတၢ်န့ၣ်အဃိအဝဲဆှၢပူၤဖျဲးထီၣ် ပှၤဂီၢ်မုၢ် လၢအဃုထၢဝဲ, ဒီးအဝဲသ့ၣ် သူၣ်ဝံၣ်သးဆၢဒီး ကိးသတြီထီၣ်လၢ တၢ်သးခုအပူၤန့ၣ်လီၤ.

စံးထီၣ်ပတြၢၤ 77:20

နဆှၢနပှၤဂီၢ်မုၢ်ဒ်သိတဖုအသိး လၢစီၤမိၤၡ့ဒီးစီၤအၤဟရိၣ်အစုန့ၣ်လီၤ.

စံးထီၣ်ပတြၢၤ 78:57

မ့မ့ၢ်အဝဲသ့ၣ်ပူထီၣ်လီထီၣ်တၢ်ဒီး အသးတတီဘၣ်ဒ် အမိၢ်ပၢ်ဖံဖုလၢပျၢၤတဖၣ်အသိးဒီး တၢ်နာ်န့ၢ်အီၤတသ့ဘၣ်ဒ်သိးဒၣ်ပျၢ်လၢ အက့ၣ်အဘိန့ၣ်လီၤ.

လံာ်တၢ်ဟးထီၣ်ကွံာ် 32:8

အဝဲသ့ၣ်ပာ်တ့ၢ်ကွံာ်လံကျဲလၢယမၤလိာ်တ့ၢ်အီၤဒ်သိးအကပိာ်ဝဲ အဂီၢ်န့ၣ်လီၤ. အဝဲသ့ၣ်မၤထီၣ်ဂီၤဖံးဖါဖိသိအသးလၢထူတဒုဒီး ဘူၣ်ထီၣ်ဘါထီၣ်အီၤဒီးလုၢ်ထီၣ်ပာ်ထီၣ်တၢ်လုၢ်တၢ်ပာ်တဖၣ်ဆူအအိၣ်လီၤ. အဝဲသ့ၣ်စံးလၢတၢ်အံၤမ့ၢ်အကစၢ်လၢအထုးထီၣ်အီၤလၢကီၢ်အဲၤကူပတူးအပူၤန့ၣ်လီၤ.

လံာ်တၢ်ဟးထီၣ်ကွံာ် 34:10

ယွၤစံးဘၣ်စီၤမိၤၡ့, “ခဲအံၤယမၤတၢ်အၢၣ်လီၤအီလီၤတမံၤ ဒီးကီၢ်အံၣ်စရ့လးအပှၤဂီၢ်မုၢ်လီၤ. ယကမၤတၢ်အဒိၣ်အမုၢ်တဖၣ်လၢတမၤတ့ၢ်အသးနီတစုလၢတၢ်လီၢ်နီ တပူၤလၢဟီၣ်ခိၣ်ချၢလၢပှၤနီတကလုာ်အကျါဘၣ်လၢအဝဲသ့ၣ်အမဲာ်ညါလီၤ. ပှၤဂီၢ်မုၢ်ခဲလၢာ်ကထံၣ်ဘၣ်တၢ်မၤဖးဒိၣ်တဖၣ်လၢယၤ, ယွၤ, မၤဝဲသ့န့ၣ်လီၤ. အဂ့ၢ်ဒ်အံၤ, ယကမၤတၢ်လီၤလးလၢသုဂီၢ်လီၤ.

လံာ်တၢ်သးဝံၣ်တဖၣ်အတၢ်သးဝံၣ် 8:5

ပှၤလၢအဟဲလၢပှၢ်လၢ်ကျါဒီးဟံးဃာ်လိာ်အစုဒီးအတၢ်အဲၣ်န့ၣ် မ့ၢ်မတၤတဂၤလဲၣ်. ယထိၣ်ဂဲၤထၢၣ်နၤလၢသ့ၣ်ဖီသၣ်အဖီလာ်, တၢ်လီၢ်လၢနအိၣ်ဖျဲၣ်တ့ၢ်န့ၣ်လီၤ.

လံာ်ယၡါယၤ 40:11

အဝဲကဟုကယာ်အသိတဖုဒ်ပှၤကွၢ်သိတဂၤ အသိးလီၤ. ကပာ်ဖှိၣ်သိဖိတဖၣ်တပူၤဃီ ဒီးစိာ်ထီၣ်အီၤလၢအစုဒုၣ်စုတီၤအလိၤ ဒီးကဆှၢအသိအမိၢ်တဖၣ်ကယီကယီလီၤ.

လံာ်ယၡါယၤ 41:13

ယမ့ၢ်ယွၤသုကစၢ်ယွၤလီၤ. ယဟ့ၣ်ဂံၢ်ဟ့ၣ်ဘါသုဒီးစံး, ပျံၤတၢ်တဂ့ၤ. ယကမၤစၢၤသုလီၤ.”

လံာ်ယၡါယၤ 51:18

ပှၤလၢအကဆှၢနၤတအိၣ်နီတဂၤဘၣ်, ဒီးလၢနပှၤဂီၢ်မုၢ်ဒၣ်နဲအကျါ ပှၤလၢအကဟံးနၤလၢအစုတအိၣ်နီတဂၤဘၣ်.

လံာ်ယၡါယၤ 63:9

လၢအတၢ်နးတၢ်ဖှီၣ်ခဲလၢာ်အပူၤလီၤ. တၢ်န့ၣ်တမ့ၢ်ဘၣ်မူခိၣ် ကလူးတဂၤလၢအအုၣ်က့ၤခီၣ်က့ၤတ့ၢ်အဝဲသ့ၣ်ဘၣ်. မ့မ့ၢ်, မ့ၢ်ယွၤအကစၢ်ဒၣ်ဝဲလီၤ. လၢအတၢ်အဲၣ်ဒီးအတၢ် သးကညီၤအပူၤ, အဝဲဒၣ်မၤပူၤမၤဖျဲးအဝဲသ့ၣ်လီၤ. ထီဘိန့ၣ်, အဝဲကဟုကယာ်တ့ၢ်အဝဲသ့ၣ်လၢဆၢကတီၢ်အပူၤကွံာ်,

လံာ်ယံးရမံယၤ 31:32

တမ့ၢ်ဘၣ်ဒ်သိး ဘၣ်တၢ်အၢၣ်လီၤအီလီၤ အလီၢ်လံၤ လၢယမၤတ့ၢ်ဒီး အဝဲသ့ၣ် အမိၢ်ပၢ်ဖံဖု လၢပျၢၤတဖၣ်ဖဲ ယဟံးဃီၤအဝဲသ့ၣ် လၢယစုဒီး ဆှၢထီၣ်အဝဲသ့ၣ်လၢ ကီၢ်အဲၤကူပတူးအပူၤအခါန့ၣ်ဘၣ်. ယလီၤဂာ်ဒီး ဝၤတဂၤလၢ အဝဲသ့ၣ် အဂီၢ်သနာ်က့, အဝဲသ့ၣ်တတိၢ်န့ၢ်ဘၣ်ယတၢ်အၢၣ်လီၤအီလီၤဒီး အဝဲန့ၣ်ဘၣ်.

လံာ်သးသယုၢ်တၢ် 4:16

ယွၤတကနၣ်ဃုာ်လၢၤဘၣ်အဝဲသ့ၣ်ဘၣ်. အနီၢ်ကစၢ်ဒၣ်ဝဲမၤလီၤပြံလီၤပြါအဝဲသ့ၣ်လီၤ. အဝဲတဒုးနဲၣ်ဖျါထီၣ်တၢ်သူၣ်အိၣ်သးအိၣ်ဆူပပှၤလုၢ်တၢ်အခိၣ် တဖၣ်ဒီးပခိၣ်ပနၢ်တဖၣ်အအိၣ်ဘၣ်.

လံာ်ယဃ့းစက့လး 16:59

ယွၤပၢဘၣ်တၢ်ခဲလၢာ်ကစၢ်စံးဝဲ, “ယကမၤနၤဒ်နကြၢးဘၣ်တၢ်မၤ နၤအသိး, မ့ၢ်လၢနတပာ်ကဲနတၢ်အၢၣ်လီၤတဖၣ်ဒီးမၤဟးဂီၤ တၢ်အၢၣ်လီၤအီလီၤအဃိန့ၣ်လီၤ.

လံာ်ယဃ့းစက့လး 16:8

ဖဲယလဲၤတြူာ်ကဒီးတၢ်န့ၣ်, ယထံၣ်ဘၣ်လၢအကတီၢ်ဘၣ်လံ ဝဲလၢနကအဲၣ်တၢ်ကွံတၢ်အဂီၢ်လီၤ. ယမၤဘၢနနီၢ်ခိလၢအအိၣ်ဘ့ၣ် ဆ့န့ၣ်ဒီးယဆ့ကၤဖီခိၣ်ဒီးအၢၣ်လီၤလၢယကအဲၣ်နၤန့ၣ်လီၤ. မ့ၢ်လီၤ, ယမၤတၢ်တ့တၢ်ဖျီအတၢ်အၢၣ်လီၤတမံၤဒီးနၤ, ဒီးနကဲထီၣ်ယတၢ်န့ၣ်လီၤ. အအံၤမ့ၢ်တၢ်လၢယွၤပၢဘၣ်တၢ်ခဲလၢာ်ကစၢ်စံးဝဲန့ၣ်လီၤ.

လံာ်ဧၤမိၣ် 5:22

တုၤသုဟဲစိာ်န့ၢ်ယၤတၢ်လုၢ်မ့ၣ်အူတဖၣ်ဒီးတၢ်လုၢ်ဘုဧိၤဟုဧိၤ တဖၣ်န့ၣ်ယတတူၢ်လိာ်ဘၣ်အီၤဘၣ်. ဒီးဆၣ်ဖိကီၢ်ဖိတဖၣ်လၢသုမၤဘီၣ်ထီၣ်တ့ၢ်အီၤလၢသုကဟဲစိာ် ဆူယအိၣ်ဒ်တၢ်မၤဘူၣ်တဖၣ်န့ၣ်, ယတတူၢ်လိာ်ဘၣ်အီၤဘၣ်.

လံာ်မၤလကံ 2:13

အအံၤမ့ၢ်တၢ်အဂၤတမံၤလၢသုမၤန့ၣ်လီၤ. သုမၤလီၤဘျၢကွံာ်ယွၤအတၢ်လုၢ်လီၢ်လၢမဲာ်ထံမဲာ်နိ, တၢ်ဟီၣ်တၢ်ယၢၤဒီးတၢ်ကအုကစွါမ့ၢ်လၢအတတူၢ်လိာ်လၢၤဘၣ်တၢ်လုၢ် တဖၣ်လၢသုဟဲစိာ်ဆူအအိၣ်အဃိလီၤ.

လံာ်မၢ်ကူး 8:23

ယ့ၣ်ၡူးဟံးန့ၢ်ပှၤမဲာ်ဘျီၣ်န့ၣ်အစုဒီးမိၤထီၣ်အီၤဆူသဝီ အချၢဒီးထူးပှဲာ်ဝဲဒၣ်အမဲာ်ချံတဖၣ်ဝံၤပာ်ထီၣ်အစုလၢ အလိၤဒီးသံကွၢ်အီၤ, “နထံၣ်တၢ်တမံၤမံၤဧါ.”

မၤတၢ် 13:11

ခဲကနံၣ်အံၤကစၢ်အတၢ်စံၣ်ညီၣ်ကလီၤဘၣ်နၤ, နမဲာ်ကဘျီၣ်ဒီးတထံၣ်ဘၣ်မုၢ်ဆါခီအတၢ်ကပီၤလၢတစိၢ်တလီၢ် အတီၢ်ပူၤလီၤ.” တဘျီဃီဖဲန့ၣ်, အဝဲအမဲာ်ကွၢ်တၢ်ဖျါကဒုကယီၢ်ဝံၤခံးလီၤ ကွံာ်, ဒီးအဝဲဒၣ်ဟးဝ့ၤဝီၤကလၢၢ်တၢ်ဒ်သိးအကထံၣ်န့ၢ်ပှၤလၢ အကဟံးဃာ်အစုဒီးဆှၢအီၤန့ၣ်လီၤ.

မၤတၢ် 7:36

အဝဲဒၣ်ထုးထီၣ်ကွံာ်ပှၤအံၣ်စရ့လးဖိတဖၣ်လၢကီၢ်အဲၤကူပတူး အပူၤဒီးမၤဝဲတၢ်လီၤလးဒီးတၢ်ပနီၣ်လီၤလးတဖၣ်လၢကီၢ် အဲၤကူပတူးအပူၤ, ဖဲပီၣ်လဲၣ်ဂီၤ, ဒီးလၢအနံၣ်လွံၢ်ဆံအတီၢ်ပူၤလၢပှၢ်မုၢ်ကနၢန့ၣ်လီၤ.

မၤတၢ် 9:8

စီၤစီလူးဂဲၤဆၢထၢၣ်က့ၤလၢဟီၣ်ခိၣ်လိၤဒီးစီၣ်ထီၣ်အမဲာ်ချံ, ဘၣ်ဆၣ်တထံၣ်တၢ်နီတမံၤဘၣ်. သတးဒီးအဝဲသ့ၣ်မိၤထီၣ်အစုဒီးလဲၤဆှၢအီၤဆူဝ့ၢ်ဒၤမ့ၤစ့း အပူၤလီၤ.

ကလၤတံ 4:24

တၢ်သ့ၣ်တဖၣ်အံၤ, တၢ်နၢ်ပၢၢ်အီၤဒ်တၢ်ဒိတၢ်တဲာ်အသိး သ့ဝဲလီၤ. ပိာ်မုၣ်ခံဂၤန့ၣ်ပာ်ဖျါထီၣ်တၢ်အၢၣ်လီၤအီလီၤခံ ခါလီၤ. အဝဲတဂၤလၢအဖိတဖၣ်အိၣ်ဖျဲၣ်ထီၣ်ဒ်ကုၢ်န့ၣ်မ့ၢ်ဝဲနီၢ် ဟၤကၢ်, ဒီးအဝဲဒၣ်မ့ၢ်တၢ်အၢၣ်လီၤအီလီၤအီၤလၢအဘၣ် တၢ်မၤအီၤဖဲကစၢၢ်စံၤနါန့ၣ်လီၤ.

လံာ်သိၣ်လီၤသီလီၤတၢ် 29:1

အအံၤမ့ၢ်တၢ်အၢၣ်လီၤအီလီၤအတၢ်ကတိၤတဖၣ်လၢယွၤမၤလိာ်စီၤ မိၤၡ့ဒ်သိးကမၤဝဲဒီးကီၢ်အံၣ်စရ့လးအပှၤဂီၢ်မုၢ်လၢကီၢ်မိၤ အးအပူၤန့ၣ်လီၤ. ကယဲၢ်တၢ်ခဲလၢာ်အံၤမ့ၢ်တၢ်ပာ်ဖှိၣ်အါထီၣ်ဆူတၢ်အၢၣ်လီၤအီ လီၤလၢယွၤမၤတ့ၢ်ဒီးအဝဲသ့ၣ်ဖဲ ကစၢၢ်စံၤနါအလိၤန့ၣ်လီၤ.

လံာ်သိၣ်လီၤသီလီၤတၢ် 29:12

တနံၤအံၤသုအိၣ်ဖဲအံၤလၢသုကနုာ်လီၤဆူတၢ်အၢၣ်လီၤအီလီၤ အံၤလၢယွၤ, သုကစၢ်ယွၤမၤဝဲဒီးသုအပူၤဒီးလၢသုကတူၢ်လိာ်အတၢ်ဘျုးတၢ်ဖှိၣ်တဖၣ်အဂီၢ်,

လံာ်သိၣ်လီၤသီလီၤတၢ် 29:25

ဒီးတၢ်စံးဆၢကမ့ၢ်ဝဲ, တၢ်န့ၣ်မ့ၢ်လၢယွၤအပှၤဂီၢ်မုၢ်မၤဟးဂီၤကွံာ်တၢ်အၢၣ်လီၤအီလီၤဒီးအီၤ, ယွၤ, လၢအမ့ၢ်အဝဲသ့ၣ်အမိၢ်ပၢ်ဖံဖုလၢပျၢၤတဖၣ်အကစၢ်ယွၤဖဲ အဝဲထုးထီၣ်ကွံာ်အဝဲသ့ၣ်လၢကီၢ်အဲၤကူပတူးအခါအဃိန့ၣ်လီၤ.