ဧ့ၤဘြံၤ 8:6 - Sgaw Karen Common Bible

⁶ ဘၣ်ဆၣ်ဒီးခဲအံၤယ့ၣ်ၡူးဘၣ်တၢ်ဟ့ၣ်လီၤအီၤလၢပှၤလုၢ် တၢ်အခိၣ်အတၢ်ဖံးတၢ်မၤလၢအဂ့ၤဒိၣ်န့ၢ်အဝဲသ့ၣ်အတၢ်မၤ တက့ၢ်, ဒ်သိးဒၣ်တၢ်အၢၣ်လီၤအီလီၤလၢအဝဲဒုးအိၣ်ထီၣ်ဝဲလၢ ကစၢ်ယွၤဒီးအပှၤဂီၢ်မုၢ်အဘၢၣ်စၢၤမ့ၢ်တၢ်လၢအဂ့ၤဒိၣ်ဒၣ် တၢ်တက့ၢ်, မ့ၢ်လၢအသူၣ်လီၤအသးလၢတၢ်စံးပာ်တဖၣ်လၢ အဘၣ်ဃးဒီးတၢ်ဂ့ၤဒိၣ်ဒၣ်တၢ်တဖၣ်အဖီခိၣ်အဃိန့ၣ်လီၤ.

ဧ့ၤဘြံၤ 8:6 Iomraidhean Croise

လံာ်ယံးရမံယၤ 50:5

အဝဲသ့ၣ်ကသံကွၢ်ကျဲလဲၤဆူ ဝ့ၢ်စံယိၣ်ဝံၤဒီးလဲၤပိာ်ကျဲအဝဲန့ၣ်လီၤ. အဝဲသ့ၣ်ကမၤတၢ်အၢၣ်လီၤအီလီၤအထူအယိာ်တမံၤဒီးယၤဒီး တမၤဟးဂီၤဝဲနီတစုဘၣ်.

လံာ်လူၤကၣ် 22:20

ဒ်န့ၣ်အသိး, ဖဲအအီၣ်တၢ်လၢဟါအီၣ်ဝံၤန့ၣ်, အဝဲဒၣ်ဟ့ၣ်လီၤအဝဲသ့ၣ်လၢလီခီဒီးစံးဝဲ, “လီခီအံၤမ့ၢ်ကစၢ်ယွၤအတၢ်အၢၣ်လီၤအီလီၤအသီလၢ အဘၣ်တၢ်စဲပနီၣ်ဃာ်အီၤလၢယသွံၣ်, လၢအဘၣ်တၢ်လူလီၤဂၢ်လီၤအီၤလၢသုဂီၢ်န့ၣ်လီၤ.

ရိမ့ၤ 9:4

အဝဲသ့ၣ်မ့ၢ်ကစၢ်ယွၤအပှၤဂီၢ်မုၢ်ဒီးအဝဲဒၣ်ဒုးကဲထီၣ် အီၤလၢအဖိတဖၣ်ဒီးလီၣ်ဖျါထီၣ်အလၤကပီၤလၢအီၤ န့ၣ်လီၤ. အဝဲဒၣ်မၤအတၢ်အၢၣ်လီၤအီလီၤဒီးအဝဲ သ့ၣ်, ဒီးဟ့ၣ်လီၤအီၤလၢတၢ်သိၣ်တၢ်သီလီၤ. အဝဲသ့ၣ်အိၣ်ဒီးတၢ်ဘူၣ်ထီၣ်ဘါထီၣ်အမ့ၢ်အတီဒီးဒိးန့ၢ် ကစၢ်ယွၤအတၢ်အၢၣ်လီၤအီလီၤတဖၣ်န့ၣ်လီၤ.

အ့းဖ့းစူး 2:12

အကတီၢ်ဖဲန့ၣ်သုတဘၣ်ဃးဘၣ်ဒီးခရံာ်ဘၣ်. သုမ့ၢ်တ့ၢ်ပှၤတခီထံ တခီကီၢ်ဖိဒီးတဘၣ်ဃးဘၣ်ဒီးကစၢ်ယွၤအပှၤဂီၢ်မုၢ်, ပှၤဃုထၢဖိ တဖၣ်ဘၣ်. တၢ်အၢၣ်လီၤအီလီၤလၢကစၢ်ယွၤစံးပာ်တ့ၢ်လၢ အပှၤဂီၢ်မုၢ်အဂီၢ်န့ၣ်, တဘၣ်ဃးဘၣ်ဒီးသုဘၣ်. ဒီးသုအိၣ်မူတ့ၢ်သုဝဲလၢဟီၣ်ခိၣ်တဘ့ၣ်အံၤအချၢလၢတၢ်မုၢ် လၢ်တအိၣ်ဘၣ်အပူၤဒီးလၢတၢ်တသ့ၣ်ညါထူသ့ၣ်ညါယွၤ အပူၤလီၤ.

၁ တံၤမသ့း 2:5

အဂ့ၢ်ဒ်အံၤကစၢ်ယွၤအိၣ်တဂၤ, ဒီးပှၤအိၣ်ဝဲတဂၤလၢအမၤဃူလိာ်ဖိးလိာ်က့ၤယွၤဒီး ပှၤကညီဒီးအဝဲဒၣ်မ့ၢ်ပှၤကညီ, ယ့ၣ်ၡူးခရံာ်,

တံတူး 1:2

လၢအသူၣ်လီၤအသးလၢတၢ်မုၢ်လၢ်ဘၣ်ဃးတၢ်မူအထူအယိာ် အဖီခိၣ်န့ၣ်လီၤ. တချုးလၢဟီၣ်ခိၣ်ကဲထီၣ်ဒံးဘၣ်န့ၣ်, ကစၢ်ယွၤလၢအကတိၤတၢ်မ့ၢ်တၢ်တီတဂၤအံၤအၢၣ်လီၤ တ့ၢ်ဝဲလၢအကဟ့ၣ်ပှၤတၢ်မူအံၤ,

ဧ့ၤဘြံၤ 12:24

ဒီးဆူယ့ၣ်ၡူးလၢအမ့ၢ်ပှၤတၢ်ဘၢၣ်စၢၤဘၣ်ဃးဒီးတၢ်အၢၣ်လီၤ အီလီၤအသီအအိၣ်, ဒီးတၢ်သွံၣ်လၢအဘၣ်တၢ်ဖှံလီၤအီၤလၢအကိးထီၣ်ဒိၣ်န့ၢ်ဒံး စီၤဟ့းဘ့းလးအသွံၣ်တက့ၢ်အအိၣ်န့ၣ်လီၤ.

ဧ့ၤဘြံၤ 7:22

အန့ၣ်ဒီးတၢ်လီၤဆီအံၤဒုးကဲထီၣ်စ့ၢ်ကီးယ့ၣ်ၡူးလၢတၢ် အၢၣ်လီၤအီလီၤလၢအဂ့ၤဒိၣ်ဒၣ်တၢ်တက့ၢ်အတၢ်အုၣ်ကီၤ န့ၣ်လီၤ.

၂ ပ့းတရူး 1:4

လၢကျဲဒ်အံၤန့ၣ်, အဝဲဟ့ၣ်လီၤလံစ့ၢ်ကီးပှၤလၢတၢ် ဟ့ၣ်အဒိၣ်အမုၢ်ဒီးလုၢ်ဒိၣ်ပှ့ၤဒိၣ်တဖၣ်လၢအအၢၣ်လီၤ တ့ၢ်ဝဲ, ဒ်သိးခီဖျိတၢ်ဟ့ၣ်တဖၣ်အံၤသုကထူၣ်ဖျဲး ထီၣ်လၢတၢ်သးကွံလၢအအိၣ်လၢဟီၣ်ခိၣ်အံၤ အပူၤလၢအမၤဟးဂီၤတၢ်, ဒီးသုကဒိးန့ၢ်ဃုာ်ကစၢ်ယွၤ အန့ဆၢၣ်အဂီၢ်န့ၣ်လီၤ.