ဧ့ၤဘြံၤ 8:5 - Sgaw Karen Common Bible

⁵ အဝဲသ့ၣ်မၤတၢ်အခ့အပှၤအတၢ်မၤဒ်ပှၤလုၢ်တၢ်အခိၣ်တဖၣ် အသိးန့ၣ်, နီၢ်နီၢ်တခီမ့ၢ်ဒၣ်တၢ်လၢအမၤအသးလၢမူခိၣ်တၢ်လီၢ် စီဆှံအဒိဒီးအကဒုန့ၣ်လီၤ. တၢ်အဝဲအံၤဒ်သိးဒၣ်ဒီးတၢ်လၢအမၤအသးဒီးစီၤမိၤၡ့လီၤ. ဖဲစီၤမိၤၡ့ကဘှီထီၣ်တၢ်အၢၣ်လီၤအီလီၤအဒဲစီဆှံန့ၣ်ကစၢ်ယွၤ စံးဘၣ်အီၤဒီးစံးဝဲ, “ပလီၢ်နသးလၢနကသူၣ်ထီၣ်ဘှီထီၣ်တၢ်ခဲလၢာ်ဒ်တၢ်အဒိ လၢနဘၣ်တၢ်ဒုးနဲၣ်နၤလၢကစၢၢ်ဒီခိၣ်အသိးန့ၣ်တက့ၢ်.”

ဧ့ၤဘြံၤ 8:5 Iomraidhean Croise

လံာ်ကွဲးနီၣ်တၢ်အခီၣ်ထံးတဘ့ၣ် 28:12

အဝဲဟ့ၣ်လီၤစ့ၢ်ကီးအီၤလၢကယဲၢ်တၢ်တိာ်ကျဲၤလၢအအိၣ်လၢအသး ပူၤ, လၢတၢ်လုၢ်ဟံၣ်ဂၢၤတဖၣ်, ဒီးဒၢးအိၣ်ဝးတရံးအီၤတဖၣ်အဂီၢ်ဒီးလၢယွၤအတၢ်လုၢ်ဟံၣ်အတၢ် ပီးတၢ်လီဒီးတၢ်ဟ့ၣ်လၢအဘၣ်တၢ်ပာ်စီဆှံတ့ၢ်အီၤဆူယွၤ, အတၢ်ပာ်ဖှိၣ်အဒၢးတဖၣ်အဂီၢ်န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 28:19

စီၤပၤဒၤဝံးစံးဝဲ, “ကယဲၢ်တၢ်ခဲလၢာ်အံၤအိၣ်လၢတၢ်တိာ် ကျဲၤလၢတၢ်ကွဲးလီၤအီၤဒ်ယွၤအနီၢ်ကစၢ်ဒၣ်ဝဲသိၣ်လီၤမၤလိာ် ဒီးဟ့ၣ်လီၤယၤလၢယကမၤထွဲအီၤအပူၤအသိးန့ၣ်လီၤ.”

လံာ်တၢ်ဟးထီၣ်ကွံာ် 25:40

ပာ်သူၣ်ပာ်သးလၢသုကမၤအီၤဒ်တၢ်တိာ်ကျဲၤလၢယဒုးနဲၣ်တ့ၢ်သု လၢကစၢၢ်အလိၤန့ၣ်တက့ၢ်.

လံာ်တၢ်ဟးထီၣ်ကွံာ် 25:9

မၤအီၤဒီးကယၢကယဲအီၤဒ်တၢ်တိာ်ကျဲၤလၢယကဒုးနဲၣ်သုန့ၣ်တက့ၢ်.

လံာ်တၢ်ဟးထီၣ်ကွံာ် 26:30

သူၣ်ထီၣ်ယွၤအဒဲစီဆှံဒ်တၢ်တိာ်ကျဲၤလၢယဒုးနဲၣ်သုလၢကစၢၢ် အလိၤအသိးန့ၣ်တက့ၢ်.

လံာ်တၢ်ဟးထီၣ်ကွံာ် 27:8

မၤတၢ်လုၢ်လီၢ်န့ၣ်လၢသ့ၣ်ဘ့ၣ်ဘၣ်တဖၣ်ဒီးပာ်လီၤကအိအီၤဒ်တၢ် တိာ်ကျဲၤလၢယဒုးနဲၣ်သုလၢကစၢၢ်ဒီခိၣ်အသိးန့ၣ်တက့ၢ်.

လံာ်တၢ်ဂံၢ် 8:4

စးထီၣ်လၢအခိၣ်ထိးတုၤလၢအထူၣ်ခီၣ်ထံးန့ၣ်တၢ်ပာ်မ့ၣ်အူဒၢ အလီၢ်ဘၣ်တၢ်မၤအီၤလၢထူ, အိၣ်ဒီးအက့ၢ်အဂီၤဒ်ယွၤဒုးနဲၣ်စီၤမိၤၡ့အသိးန့ၣ်လီၤ.

လံာ်မးသဲ 2:12

ဒီးဒ်ကစၢ်ယွၤဒုးပလီၢ်အဝဲသ့ၣ်အသးခီဖျိတၢ်မံမီၢ်လၢ အသုတက့ၤကဒါက့ၤဆူစီၤပၤဟ့ၤရိာ်အအိၣ်တဂ့ၤအသိးန့ၣ်, အဝဲသ့ၣ်က့ၤက့ၤဆူအထံအကီၢ်ဒၣ်ဝဲလၢကျဲအဂၤတဘိလီၤ.

မၤတၢ် 7:44

ဖဲပမိၢ်ပၢ်ဖံဖုလၢပျၢၤတဖၣ်အိၣ်ဝဲလၢပှၢ်မုၢ်ကနၢအကတီၢ်န့ၣ်, အဝဲသ့ၣ်အိၣ်ဒီးတၢ်အုၣ်အသးအဒဲတဖျၢၣ်လီၤ. ဒဲအံၤဘၣ်တၢ်တ့တ့ၢ်အီၤဒ်ကစၢ်ယွၤစံးဘၣ်စီၤမိၤၡ့အသိး ဒီးဒ်အဒိလၢယွၤဒုးနဲၣ်တ့ၢ်စီၤမိၤၡ့အသိးန့ၣ်လီၤ.

ကလီးစဲ 2:17

တၢ်တဖၣ်အံၤမ့ၢ်ဒၣ်တၢ်လၢအကမၤအသးလၢခံတဖၣ် အကဒုလီၤ. မ့မ့ၢ်တၢ်လၢအမ့ၢ်တၢ်နီၢ်နီၢ်မ့ၢ်ခရံာ်လီၤ.

ဧ့ၤဘြံၤ 10:1

အဂ့ၢ်ဒ်အံၤ, ပှၤယူဒၤဖိအတၢ်သိၣ်တၢ်သီတမ့ၢ်ဘၣ်တၢ်နီၢ်နီၢ် လၢအကဟဲဝဲတဖၣ်အက့ၢ်အဂီၤလၢအမ့ၢ်အတီန့ၣ်ဘၣ်. မ့ၢ်ဒၣ်တၢ်နီၢ်နီၢ်န့ၣ်အကဒုန့ၣ်လီၤ. တၢ်လုၢ်တၢ်ပာ်တမံၤဃီဘၣ်တၢ်လုၢ်ထီၣ်ပာ်ထီၣ်အီၤထီဘိ တနံၣ်ဘၣ်တနံၣ်န့ၣ်လီၤ. လၢတၢ်န့ၣ်အဃိတၢ်သိၣ်တၢ်သီအံၤမၤလၢပှဲၤပှၤလၢအဟဲဆူ အအိၣ်တဖၣ်ခီဖျိတၢ်လုၢ်တၢ်ပာ်တဖၣ်အံၤကသ့ဝဲဒ်လဲၣ်.

ဧ့ၤဘြံၤ 11:7

လၢတၢ်စူၢ်တၢ်နာ်န့ၣ်စီၤနိအၤနၢ်ဟူကစၢ်ယွၤအတၢ်ဟ့ၣ် ပလီၢ်အီၤဘၣ်ဃးဒီးတၢ်ကမၤအသးလၢအတထံၣ်ဘၣ်ဒံးဝဲ တဖၣ်န့ၣ်လီၤ. အဝဲဒၣ်စူၢ်ကစၢ်ယွၤဒီးဘှီထီၣ်ကဘီတဘ့ၣ်လၢ အဝဲဒၣ်အပှၤဟံၣ်ဖိအတၢ်ပူၤဖျဲးအဂီၢ်န့ၣ်လီၤ. လၢတၢ်အံၤအဃိဟီၣ်ခိၣ်ဘၣ်တၢ်စံၢ်ၣ်ညီၣ်အီၤ, ဒီးစီၤနိအၤဒိးန့ၢ်ဘၣ်ကစၢ်ယွၤအတၢ်တီတၢ်လိၤလၢ အတၢ်စူၢ်တၢ်နာ်အီၤအဃိန့ၣ်လီၤ.

ဧ့ၤဘြံၤ 12:25

ပလီၢ်သုသးဒ်သိးသုသုတဂ့ၢ်လိာ်ဘှီလိာ်ဘၣ်ပှၤလၢအကတိၤ တၢ်တဂၤန့ၣ်တဂ့ၤ. အဂ့ၢ်ဒ်အံၤ, ပှၤလၢအဂ့ၢ်လိာ်ဘှီလိာ်ပှၤလၢအဟ့ၣ်ထီၣ်ကစၢ်ယွၤ အတၢ်ကစီၣ်လၢဟီၣ်ခိၣ်ချၢတဂၤအံၤ, ဃ့ၢ်ပူၤကွံာ်အသးတန့ၢ်ဘၣ်. မ့မ့ၢ်ဒ်န့ၣ်ဒီး, ပှၤလၢအဂ့ၢ်လိာ်ပှၤလၢအကတိၤတၢ်လၢမူခိၣ် တဂၤန့ၣ်, ဃ့ၢ်ပူၤဖျဲးအသးတသ့ဘၣ်ဒိၣ်ဒၣ်တၢ်တက့ၢ်လီၤ.

ဧ့ၤဘြံၤ 13:10

ပှၤလုၢ်တၢ်အခိၣ်တဖၣ်လၢအမၤတၢ်လၢပှၤယူဒၤဖိအတၢ် ဘူၣ်တၢ်ဘါအလီၢ်န့ၣ်, တအိၣ်ဘၣ်ဒီးတၢ်အခွဲးအယာ်လၢအကအီၣ်တၢ်လၢပပာ်ထီၣ် ဝဲလၢပတၢ်လုၢ်လီၢ်အဖီခိၣ်န့ၣ်ဘၣ်.

ဧ့ၤဘြံၤ 9:9

အအံၤမ့ၢ်တၢ်အဒိအတဲာ်လၢခ့ခါဆၢကတီၢ်ခဲအံၤအဂီၢ်, ပာ်ဖျါထီၣ်လၢ, တၢ်မၤဘူၣ်ဒီးတၢ်လုၢ်တဖၣ်လၢအဘၣ်တၢ်လုၢ်ထီၣ်ပာ်ထီၣ် အီၤန့ၣ်, မၤလၢထီၣ်ပှဲၤထီၣ်ပှၤဘူၣ်ထီၣ်ဘါထီၣ်ယွၤအသးလၢ အသ့ၣ်ညါတၢ်န့ၣ်တသ့ဘၣ်အဂ့ၢ်လီၤ.

လံာ်စီၤယိၤၡူ 22:28

မ့ၢ်ပတၢ်ဆိကမိၣ်လၢ, တၢ်ဒ်သိးအံၤမ့ၢ်မၤအသးဒီး, ပစၢၤပသွဲၣ်တဖၣ်ကသ့စံးဝဲ, “ကွၢ်တက့ၢ်. ပမိၢ်ပၢ်ဖံဖုလၢပျၢၤတဖၣ်မၤထီၣ်တၢ်လုၢ်လီၢ်ဒ်ယွၤအတၢ်လုၢ်လီၢ်အသိးန့ၣ်လီၤ. တမ့ၢ်လၢတၢ်လုၢ်မ့ၣ်အူအဂီၢ်မ့ၢ်ဂ့ၤ, တၢ်လုၢ်တၢ်ပာ် အဂီၢ်မ့ၢ်ဂ့ၤန့ၣ်ဘၣ်. မ့ၢ်တၢ်အုၣ်အသးလၢသုဝဲဒီးပဝဲအဘၢၣ် စၢၤန့ၣ်လီၤ.”

လံာ်လီၣ်ဖျါ 15:5

တၢ်န့ၣ်ဝံၤအလီၢ်ခံ, ယထံၣ်တၢ်လုၢ်ဟံၣ်လၢမူခိၣ်အိးထီၣ် အသး, အိၣ်ဒီးတၢ်အၢၣ်လီၤအီလီၤအဒဲလၢအအိပူၤန့ၣ်လီၤ.