ဧ့ၤဘြံၤ 8:3 - Sgaw Karen Common Bible

³ ပှၤလုၢ်တၢ်အခိၣ်အဒိၣ်ကတၢၢ်ကိးဂၤဒဲးဘၣ်တၢ်ဃုထၢပာ် လီၤအီၤလၢအကလုၢ်ထီၣ်တၢ်မၤဘူၣ်ဒီးတၢ်လုၢ်တၢ်ပာ်တဖၣ် အဂီၢ်န့ၣ်လီၤ. လၢတၢ်န့ၣ်အဃိ, အလီၢ်အိၣ်ဝဲလၢပှၤလုၢ်တၢ်အခိၣ်အဒိၣ်ကတၢၢ်အံၤစ့ၢ် ကီးကအိၣ်ဒီးတၢ်လၢအကလုၢ်ထီၣ်ဝဲတမံၤမံၤန့ၣ်လီၤ.

ဧ့ၤဘြံၤ 8:3 Iomraidhean Croise

လံာ်ယိၤဟၣ် 6:51

ယဲဒၣ်အံၤယမ့ၢ်ကိၣ်မူလၢအဟဲလီၤလၢမူခိၣ် န့ၣ်လီၤ. ပှၤတဂၤလၢ်လၢ်လၢအအီၣ်ကိၣ်အံၤန့ၣ်, ကမူဝဲလီၤထူလီၤယိာ်န့ၣ်လီၤ. ကိၣ်လၢယကဟ့ၣ်လီၤအီၤ န့ၣ်, မ့ၢ်ယညၣ်လၢယဟ့ၣ်လီၤလၢပှၤဟီၣ်ခိၣ်ဖိကမူဝဲအဂီၢ် န့ၣ်လီၤ.”

ရိမ့ၤ 4:25

အဝဲဘၣ်တၢ်ဟ့ၣ်လီၤကွံာ်အီၤလၢအကသံလၢပတၢ်ဒဲးဘး တဖၣ်အဃိ, ဒီးဘၣ်တၢ်ဒုးဂဲၤဆၢထၢၣ်သမူထီၣ်က့ၤအီၤဒ်သိး အကပာ်တီပာ်လိၤပှၤအဂီၢ်န့ၣ်လီၤ.

ရိမ့ၤ 5:6

မ့ၢ်အဂ့ၢ်ဒ်လဲၣ်န့ၣ်, ဖဲပမၤစၢၤလီၤပသးတသ့ဒံးဘၣ်အဖၢမုၢ်န့ၣ်, ခရံာ်တူၢ်သံအသးလၢပှၤအၢပှၤသီတဖၣ်အဂီၢ်လၢအဆၢ ကတီၢ်ဖဲကစၢ်ယွၤဃုထၢပာ်လီၤဝဲန့ၣ်လီၤ.

ရိမ့ၤ 5:8

ဘၣ်ဆၣ်ဒီးကစၢ်ယွၤဒုးနဲၣ်လံပှၤလၢအအဲၣ်ပှၤထဲလဲၣ်န့ၣ်လီၤ. ဖဲပမ့ၢ်ဒံးပှၤတၢ်ဒဲးဘးဖိတဖၣ်အဖၢမုၢ်န့ၣ်, ခရံာ်တူၢ်သံတ့ၢ် အသးလၢပဂီၢ်န့ၣ်လီၤ.

ကလၤတံ 2:20

လၢတၢ်န့ၣ်အဃိ, ပှၤလၢအမူဝဲခဲအံၤန့ၣ်, တမ့ၢ်လၢၤယၤဘၣ်, မ့မ့ၢ်ခရံာ်မ့ၢ်ပှၤလၢအမူဝဲလၢယပူၤလီၤ. တၢ်အိၣ်မူလၢယအိၣ်မူ ခဲကနံၣ်အံၤ, မ့ၢ်ယမူလၢတၢ်နာ်ဘၣ်ဃးဒီးကစၢ်ယွၤအဖိခွါလၢ အအဲၣ်ယၤဒီးဟ့ၣ်လီၤကွံာ်အသးသမူလၢယဂီၢ်တဂၤန့ၣ်အပူၤလီၤ.

အ့းဖ့းစူး 5:2

ဒ်ခရံာ်အဲၣ်ပှၤဒီးဟ့ၣ်လီၤကွံာ်အသးသမူလၢပဂီၢ်ဒ်တၢ်လုၢ်လၢ အနၢမူဒီးဘၣ်ကစၢ်ယွၤအသးအသိးန့ၣ်, အိၣ်မူသုဝဲလၢတၢ်အဲၣ်တၢ်ကွံအပူၤတက့ၢ်.

တံတူး 2:14

အဝဲဒၣ်ဟ့ၣ်လီၤအသးလၢပဂီၢ်ဒ်သိးကမၤထူၣ်ဖျဲးပှၤလၢတၢ် အၢတၢ်သီခဲလၢာ်ဒီးကဒုးကဲထီၣ်ပှၤ, ပှၤတကလုာ်လၢအကဆှီဝဲလၢအဘၣ်ဃးထဲဒၣ်ဒီးအီၤဒီး အသးဆူၣ်လၢတၢ်မၤဂ့ၤတၢ်အဂီၢ်န့ၣ်လီၤ.

ဧ့ၤဘြံၤ 2:17

လၢတၢ်န့ၣ်အဃိအဝဲဘၣ်ကဲထီၣ်ဒ်အဒီပုၢ်ဝဲၢ်တဖၣ်အသိး လၢတၢ်ကိးမံၤဒဲးအပူၤဒ်သိးလၢအတၢ်မၤကစၢ်ယွၤအတၢ်မၤ အပူၤန့ၣ်ကမ့ၢ်ပှၤလုၢ်တၢ်အခိၣ်အဒိၣ်ကတၢၢ်လၢအသူၣ် ကညီၤသးကညီၤတၢ်ဒီးအကလုၢ်တီဝဲတဂၤသတးဒီးကမၤ ပူၤဖျဲးတၢ်လၢပှၤကညီအတၢ်ဒဲးဘးအဂီၢ်န့ၣ်လီၤ.

ဧ့ၤဘြံၤ 3:1

ယဒီပုၢ်ဝဲၢ်ခရံာ်ဖိလၢအဘၣ်တၢ်ကိးန့ၢ်စ့ၢ်ကီးအီၤလၢကစၢ်ယွၤ သ့ၣ်ဧၢ, ကွၢ်ထံဆိကမိၣ်ယ့ၣ်ၡူးလၢကစၢ်ယွၤမၢလီၤအီၤလၢ အကမ့ၢ်ပတၢ်စူၢ်တၢ်နာ်အပှၤလုၢ်တၢ်အခိၣ်အဒိၣ်ကတၢၢ် တဂၤန့ၣ်တက့ၢ်.

ဧ့ၤဘြံၤ 5:1

ပှၤလုၢ်တၢ်အခိၣ်အဒိၣ်ကတၢၢ်ကိးဂၤဒဲးဘၣ်တၢ်ဃုထၢထီၣ် အီၤလၢပှၤဂီၢ်မုၢ်အကျါဒီးဘၣ်တၢ်ပာ်လီၤအီၤလၢကမၤကစၢ်ယွၤ အတၢ်မၤလၢပှၤဂီၢ်မုၢ်အခၢၣ်စးလၢအကလုၢ်ထီၣ်တၢ်မၤဘူၣ် ဒီးတၢ်လုၢ်လၢတၢ်ဒဲးဘးတဖၣ်အဂီၢ်လီၤ.

ဧ့ၤဘြံၤ 7:27

အဝဲန့ၣ်, အလီၢ်တအိၣ်ဘၣ်လၢအကလုၢ်ထီၣ်ပာ်ထီၣ်တၢ်လုၢ် တဖၣ်ကိးနံၤဒဲး, အဆိလၢအတၢ်ဒဲးဘးဒၣ်ဝဲအဂီၢ်, လၢခံက့ၤလၢပှၤဂၤအဂီၢ်, ဒ်ပှၤလုၢ်တၢ်အခိၣ်အဒိၣ်ကတၢၢ် တဖၣ်န့ၣ်အသိးဘၣ်. အဝဲလုၢ်ထီၣ်တၢ်ထဲတဘျီဧိၤလၢအလၢဝဲပှဲၤဝဲလၢကိးဆၢ ကတီၢ်ဒဲးအဂီၢ်ဖဲအလုၢ်ထီၣ်အသးဒၣ်ဝဲန့ၣ်လီၤ.

ဧ့ၤဘြံၤ 8:4

အခဲအံၤအဝဲမ့ၢ်အိၣ်လၢဟီၣ်ခိၣ်ချၢန့ၣ်အဝဲတကဲဘၣ် ပှၤလုၢ်တၢ်အခိၣ်လ့ၤတက့ၤဘၣ်. အဂ့ၢ်ဒ်လဲၣ်န့ၣ်, ပှၤလုၢ်တၢ်အခိၣ်လၢအလုၢ်ထီၣ်ပာ်ထီၣ်တၢ်ဒ်ပှၤယူဒၤ ဖိအတၢ်သိၣ်တၢ်သီအသိးတဖၣ်အိၣ်ဝဲဒၣ်လံန့ၣ်လီၤ.

ဧ့ၤဘြံၤ 9:14

တၢ်အံၤမ့ၢ်တၢ်လၢအမ့ၢ်ဝဲတီဝဲအဃိခရံာ်အသွံၣ်ကမၤန့ၢ်တၢ်လၢ ပဂီၢ်ဒိၣ်န့ၢ်အါန့ၢ်အန့ၣ်တက့ၢ်ဆံးဒိၣ်လဲၣ်. ခီဖျိယွၤအသးလၢအမူဝဲလီၤထူလီၤယိာ်န့ၣ်အဝဲလုၢ် ထီၣ်ပာ်ထီၣ်အသးဒၣ်ဝဲဒ်တၢ်လုၢ်အလၢအပှဲၤအသိးလၢ ယွၤန့ၣ်လီၤ. အသွံၣ်ကမၤကဆှီထီၣ်ပသးလၢအသ့ၣ်ညါ ဒၣ်တၢ်, လၢလုၢ်လၢ်အတၢ်ဖံးတၢ်မၤလၢအတဂိာ်တသီၣ်ဘၣ် တဖၣ်ဒ်သိးပကမၤဘၣ်ကစၢ်ယွၤလၢအမူဝဲတဂၤအတၢ်မၤန့ၣ်လီၤ.