ဧ့ၤဘြံၤ 8:2 - Sgaw Karen Common Bible

² အဝဲဒၣ်မၤတၢ်အခ့အပှၤအတၢ်မၤလၢတၢ်လီၢ်စီဆှံကတၢၢ်ဒီး လၢဒဲစီဆှံနီၢ်နီၢ်လၢအဘၣ်တၢ်သူၣ်ထီၣ်အီၤလၢကစၢ်ဒီး တမ့ၢ်ဘၣ်လၢပှၤကညီဘၣ်အပူၤန့ၣ်လီၤ.

ဧ့ၤဘြံၤ 8:2 Iomraidhean Croise

လံာ်တၢ်ဟးထီၣ်ကွံာ် 25:9

မၤအီၤဒီးကယၢကယဲအီၤဒ်တၢ်တိာ်ကျဲၤလၢယကဒုးနဲၣ်သုန့ၣ်တက့ၢ်.

လံာ်တၢ်ဟးထီၣ်ကွံာ် 28:1

ကိးဖှိၣ်နဒီပုၢ်ဝဲၢ်ခွါစီၤအၤဟရိၣ်ဒီးအဖိခွါတဖၣ်လၢအမ့ၢ်ဝဲ စီၤနၤဒး, စီၤအဘံဟူၤ, စီၤအလၤဧစၢ်, ဒီးစီၤအံသမၢ်တက့ၢ်. ပာ်လီၤဆီအီၤဒီးကီၢ်အံၣ်စရ့လးအပှၤဂီၢ်မုၢ်ဒ်သိးအကမၤယတၢ် မၤဒ်ပှၤလုၢ်တၢ်အခိၣ်တဖၣ်အသိးတက့ၢ်.

လံာ်တၢ်ဟးထီၣ်ကွံာ် 28:35

စီၤအၤဟရိၣ်ကဘၣ်သိးဆ့ကၤဖးထီအံၤဖဲအမၤပှၤလုၢ်တၢ်အခိၣ် အတၢ်မၤအခါန့ၣ်လီၤ. ဖဲအဝဲဟဲနုာ်လီၤဆူယမဲာ်ညါလၢတၢ်အလီၢ်စီဆှံ အပူၤမ့ၢ်ဂ့ၤ, ဖဲအဟးထီၣ်လၢတၢ်လီၢ်အံၤမ့ၢ်ဂ့ၤ, ဒၢလွဲတဖၣ်အသီၣ်ကဘၣ်တၢ်နၢ်ဟူအီၤဒ်သိးအသုတဘၣ်တၢ်မၤသံကွံာ် အီၤတဂ့ၤလီၤ.

လံာ်တၢ်ဟးထီၣ်ကွံာ် 33:7

တဘျီလၢ်လၢ်ဖဲအံၣ်စရ့လးအပှၤဂီၢ်မုၢ်သူၣ်ထီၣ်အဒဲန့ၣ်, စီၤမိၤၡ့ကဟံးန့ၢ်ဒဲစီဆှံဒီးသူၣ်ထီၣ်အီၤတဘူးတယံၤဖဲတၢ်သူၣ်ဒဲအလီၢ်န့ၣ်လီၤ. တၢ်န့ၣ်ဘၣ်တၢ်ကိးအီၤလၢယွၤအိၣ်ဝဲဆိးဝဲ အဒဲစီဆှံဒီးပှၤတဂၤလၢ်လၢ်လၢအသးအိၣ်ကူၣ်လိာ်သကိးတၢ်ဒီး ယွၤန့ၣ်ကလဲၤထီၣ်ဆူဒဲအံၤန့ၣ်လီၤ.

လံာ်လူၤကၣ် 24:44

အန့ၣ်ဝံၤဒီး စံးဘၣ်အဝဲသ့ၣ်, “တၢ်သ့ၣ်တဖၣ်အံၤမ့ၢ်ဒၣ်တၢ်တဖၣ်လၢ ယစံးဘၣ်တ့ၢ်သုဖဲယအိၣ်ဒံးယဲဒီးသုအဆၢကတီၢ်န့ၣ်လီၤ. တၢ်ခဲလၢာ်လၢအဘၣ်တၢ်ကွဲးတ့ၢ်အသးလၢယဂ့ၢ်ဖဲစီၤမိၤၡ့အတၢ်သိၣ်တၢ်သီ အလံာ်တဖၣ်အပူၤ, ဝံအတၢ်ကွဲးတဖၣ်, ဒီးလံာ်စံးထီၣ်ပတြၢၤတဖၣ်အပူၤန့ၣ်, ကဘၣ်လၢထီၣ်ပှဲၤထီၣ်ဝဲဒၣ်လီၤ.”

ရိမ့ၤ 15:8

အဂ့ၢ်ဒ်အံၤ ယစံးဘၣ်သုလၢခရံာ်ကဲထီၣ်ပှၤယူဒၤဖိတဖၣ် အခ့အပှၤဒ်သိးကဒုးနဲၣ်ဝဲလၢယွၤအံၤအကလုၢ်တီဝဲ, ဒ်သိးအကမၤဂၢၢ်မၤကျၢၤတၢ်လၢကစၢ်ယွၤစံးပာ်တ့ၢ်ပမိၢ်ပပၢ်ဖံ ဖုသ့ၣ်လၢပျၢၤတဖၣ်,

၂ ကရံၣ်သူး 5:1

အဂ့ၢ်ဒ်အံၤ, ပသ့ၣ်ညါပဝဲလၢဖဲပဒဲလၢပအိၣ်ပဆိးလၢ အပူၤ, ပနီၢ်ခိလၢဟီၣ်ခိၣ်ချၢအဝဲအံၤမ့ၢ်ဘၣ်တၢ်မၤလီၤ ပှီၢ်ကွံာ်အီၤန့ၣ်, ကစၢ်ယွၤကအိၣ်ဒီးဟံၣ်လၢမူခိၣ်တဖျၢၣ်လၢ ပကအိၣ်ကဆိးအဂီၢ်, ဟံၣ်တဖျၢၣ်လၢအဝဲအနီၢ်ကစၢ်ဘှီဝဲလၢအကအိၣ်ကၢအိၣ် ခိးလီၤထူလီၤယိာ်န့ၣ်လီၤ.

ကလီးစဲ 2:11

လၢသုမူဝဲလၢခရံာ်အပူၤအဃိ, သုဘၣ်တၢ်ကူးတရံးသု တမ့ၢ်ဘၣ်လၢနီၢ်ခိနီၢ်ခီလၢပှၤကညီမၤဝဲန့ၣ်ဘၣ်, မ့ၢ်တၢ်ကူးတရံးဘၣ်ဃးဒီးခရံာ်လၢအမၤထူၣ်ဖျဲးထီၣ်ကွံာ် သုလၢတၢ်ဒဲးဘးတခီန့ၣ်လီၤ.

ဧ့ၤဘြံၤ 10:11

ပှၤယူဒၤဖိအပှၤလုၢ်တၢ်အခိၣ်မၤအတၢ်မၤကိးနံၤဒဲးဒီးလုၢ်ထီၣ် တၢ်လုၢ်တၢ်ပာ်တမံၤဃီအဘျီတဖၣ်အဘျီဘၣ်ဆၣ်ဒီး တၢ်လုၢ်တၢ်ပာ်တဖၣ်အံၤဟံးထီၣ်ကွံာ်တၢ်ဒဲးဘးတဖၣ် တသ့ဘၣ်.

ဧ့ၤဘြံၤ 10:21

ပအိၣ်ဒီးပှၤလုၢ်တၢ်အခိၣ်ဖးဒိၣ်တဂၤလၢကစၢ်ယွၤအဟံၣ် အဖီခိၣ်သတးဒီး,

ဧ့ၤဘြံၤ 11:10

အဂ့ၢ်ဒ်အံၤ, အဝဲဒၣ်အိၣ်ခိးကွၢ်လၢ်ဝ့ၢ်တဖျၢၣ်လၢ အအိၣ်ဒီးအခီၣ်ထံးအဂၢၢ်အကျၢၤ, ဝ့ၢ်လၢပှၤတ့အီၤဒီးပှၤသူၣ်ထီၣ်အီၤမ့ၢ်ကစၢ်ယွၤန့ၣ်လီၤ.

ဧ့ၤဘြံၤ 9:1

တၢ်အၢၣ်လီၤအီလီၤအခီၣ်ထံးတခါအိၣ်ဒီးတၢ်ဘျၢလၢ တၢ်ဘူၣ်ထီၣ်ဘါထီၣ်ယွၤဃုာ်ဒီးတၢ်လီၢ်စီဆှံလၢဟီၣ်ခိၣ်ချၢ အဂီၢ်န့ၣ်လီၤ.

လံာ်လီၣ်ဖျါ 21:3

ယနၢ်ဟူတၢ်ကလုၢ်ဖးဒိၣ်ကတိၤလီၤတၢ်လၢလီၢ်ပစိာ်ဒီးစံး, “ခဲကနံၣ်အံၤ, ကစၢ်ယွၤအဟံၣ်အိၣ်ဝဲလၢတၢ်လီၢ်တပူၤဃီ ဒီးပှၤဟီၣ်ခိၣ်ဖိလီၤ. အဝဲဒၣ်ကအိၣ်ကဆိးဒီးအဝဲသ့ၣ်, ဒီးအဝဲသ့ၣ်ကမ့ၢ်အဝဲဒၣ်အပှၤဂီၢ်မုၢ်လီၤ. ကစၢ်ယွၤအနီၢ်ကစၢ်ဒၣ်ဝဲကအိၣ်တပူၤဃီဒီးအဝဲသ့ၣ်, ဒီးအဝဲဒၣ်ကမ့ၢ်အဝဲသ့ၣ်အကစၢ်ယွၤလီၤ.