ဧ့ၤဘြံၤ 8:10 - Sgaw Karen Common Bible

¹⁰ အအံၤမ့ၢ်တၢ်အၢၣ်လီၤအီလီၤလၢ ယကမၤဒီးအံၣ်စရ့လးအပှၤဂီၢ်မုၢ် လၢမုၢ်နံၤတဖၣ်န့ၣ်အလီၢ်ခံ, ကစၢ်စံးဝဲဒၣ်, ယကတ့ၢ်နုာ်ယတၢ်သိၣ်တၢ်သီတဖၣ်လၢ အဝဲသ့ၣ်အတၢ်ဆိကမိၣ်အပူၤ ယကကွဲးလီၤအီၤလၢအဝဲသ့ၣ်အသးအလိၤ, ဒီးယကမ့ၢ်အဝဲသ့ၣ်အကစၢ်ယွၤ, ဒီးအဝဲသ့ၣ်ကမ့ၢ်ယပှၤဂီၢ်မုၢ်လီၤ.

ဧ့ၤဘြံၤ 8:10 Iomraidhean Croise

လံာ်တၢ်ဟးထီၣ်ကွံာ် 24:4

စီၤမိၤၡ့ကွဲးလီၤကယဲၢ်ယွၤအတၢ်မၤလိာ်တဖၣ်န့ၣ်လီၤ. မုၢ်ဆ့ၣ်ထီၣ်တနံၤဂီၤဂီၤန့ၣ်, အဝဲဘှီထီၣ်ဝဲတၢ်လုၢ်လီၢ်တခါ လၢကစၢၢ်ခီၣ်ထံးဒီးဆီလီၤလၢၢ်တဆံခံဖျၢၣ်, တဖျၢၣ်စုာ်စုာ်လၢပှၤအံၣ်စရ့လးဖိတဆံခံဒူၣ်, တဒူၣ်စုာ်စုာ်အဂီၢ်လီၤ.

လံာ်တၢ်ဟးထီၣ်ကွံာ် 24:7

အန့ၣ်ဝံၤဒီး, အဝဲဟံးန့ၢ်လံာ်တၢ်အၢၣ်လီၤအီလီၤလၢယွၤအတၢ် မၤလိာ်တဖၣ်အိၣ်ကွဲးအသးလၢအပူၤ, ဒီးဖးထီၣ်အီၤလၢအကလုၢ်ဒိၣ်ဒိၣ်ဆူပှၤဂီၢ်မုၢ်အအိၣ်လီၤ. ဒီးပှၤဂီၢ်မုၢ်စံးဝဲဒၣ်, “ပကစူၢ်ယွၤအကလုၢ်ဒီးမၤကယဲၢ်တၢ်လၢ အမၤလိာ်ဝဲကိးမံၤဒဲးန့ၣ်လီၤ.”

လံာ်တၢ်ဟးထီၣ်ကွံာ် 34:1

ယွၤစံးဘၣ်စီၤမိၤၡ့, “ကူးတဲာ်န့ၢ်လၢၢ်ဘ့ၣ်ဘၣ်ခံဘ့ၣ်ဒ်လၢ အခီၣ်ထံးတဖၣ်အသိးဒီးလၢအလိၤန့ၣ်ယကကွဲးလီၤတၢ်ကတိၤတဖၣ်လၢ အဘၣ်တၢ်ကွဲးတ့ၢ်အီၤလၢလၢၢ်ဘ့ၣ်ဘၣ်အခီၣ်ထံးလၢနမၤသဘှံးကွံာ် အီၤအလိၤန့ၣ်လီၤ.

လံာ်တၢ်ဟးထီၣ်ကွံာ် 34:27

ယွၤစံးဘၣ်စီၤမိၤၡ့, “ကွဲးလီၤတၢ်ကတိၤတဖၣ်အံၤတက့ၢ်. အဂ့ၢ်ဒ်အံၤ, ယမၤတၢ်အၢၣ်လီၤအီလီၤတမံၤဒီးနၤဒီးကီၢ် အံၣ်စရ့လးန့ၣ်, သန့ၤထီၣ်အသးလၢတၢ်ကတိၤတဖၣ်အံၤအဖီခိၣ်လီၤ.”

လံာ်တၢ်သးဝံၣ်တဖၣ်အတၢ်သးဝံၣ် 2:16

ပှၤလၢယအဲၣ်အီၤတဂၤမ့ၢ်ယတၢ်ဒီးယမ့ၢ်အတၢ်လီၤ. အဝဲဒုးအီၣ်အသိမဲာ်တဲးလဲးအဖုအဂီၢ်အဆၣ်လၢဖီဒ့ၣ်ညါတဖၣ်အ ကျါ,

လံာ်ယံးရမံယၤ 24:7

ယကဟ့ၣ်လီၤအဝဲသ့ၣ်လၢတၢ်သးအိၣ်သ့ၣ်ညါလၢယမ့ၢ်ယွၤန့ၣ်လီၤ. အန့ၣ်ဒီးအဝဲသ့ၣ်ကမ့ၢ်ယပှၤဂီၢ်မုၢ်ဒီးယကမ့ၢ်အဝဲသ့ၣ်အကစၢ်ယွၤ, မ့ၢ်လၢအဝဲသ့ၣ်ကဟဲက့ၤကဒါက့ၤဆူယအိၣ်လၢအသးဒီဖျၢၣ်ညါ အဃိန့ၣ်လီၤ.

လံာ်ယံးရမံယၤ 31:1

ယွၤစံးဝဲဒၣ်, “တၢ်ဆၢကတီၢ်ဟဲဝဲလၢ ယကကဲထီၣ် ကီၢ်အံၣ်စရ့လး အဒူၣ်တဖၣ်ခဲလၢာ် အကစၢ်ယွၤဒီး အဝဲသ့ၣ်ကကဲထီၣ် ယပှၤဂီၢ်မုၢ် န့ၣ်လံ.

လံာ်ယံးရမံယၤ 31:33

တၢ်အၢၣ်လီၤအီလီၤ အသီလၢ ယကမၤဒီး ကီၢ်အံၣ်စရ့လး အပှၤဂီၢ်မုၢ်န့ၣ် ကမ့ၢ်အအံၤလီၤ. ယကပာ်ယတၢ်သိၣ်တၢ်သီ လၢအဝဲသ့ၣ်အသးကံၢ်ပူၤဒီး ကွဲးလီၤအီၤလၢ အဝဲသ့ၣ်အသး ဘ့ၣ်ဘၣ်အလိၤန့ၣ်လီ. ယကမ့ၢ်အဝဲသ့ၣ် အကစၢ်ယွၤဒီး အဝဲသ့ၣ်ကမ့ၢ်ယပှၤဂီၢ်မုၢ်န့ၣ်လီၤ.

လံာ်ယံးရမံယၤ 32:38

အန့ၣ်ဝံၤဒီး အဝဲသ့ၣ်ကမ့ၢ်ယပှၤဂီၢ်မုၢ်ဒီးယကမ့ၢ် အဝဲသ့ၣ် အကစၢ်ယွၤန့ၣ်လီၤ.

လံာ်ယံးရမံယၤ 32:40

ယကမၤတၢ်အၢၣ်လီၤအီလီၤ အထူအယိာ်တမံၤဒီး အဝဲသ့ၣ်န့ၣ်လီၤ. ယတဆိကတီၢ်ယတၢ်မၤဂ့ၤ တဖၣ်တၢ်လၢ အဝဲသ့ၣ်အဂီၢ်နီတစုဘၣ်, ဒီးယကမၤပှဲၤ အဝဲသ့ၣ် အသးဒီး တၢ်ပျံၤယၤဒ်သိး အဝဲသ့ၣ်အသုတဃၣ်ကွံာ်အသးလၢ ယၤနီတစုတဂ့ၤအဂီၢ်န့ၣ်လီၤ.

လံာ်ယဃ့းစက့လး 37:27

ယကအိၣ်ဆိးဖဲန့ၣ်ဒီးအဝဲသ့ၣ်လီၤ. ယကမ့ၢ်အဝဲသ့ၣ်အကစၢ်ယွၤ ဒီးအဝဲသ့ၣ်ကမ့ၢ်ယပှၤဂီၢ်မုၢ်န့ၣ်လီၤ.

လံာ်ယဃ့းစက့လး 39:22

အန့ၣ်တစု, စးထီၣ်ဖဲန့ၣ်, ပှၤအံၣ်စရ့လးဖိတဖၣ်ကသ့ၣ်ညါဝဲ လၢယမ့ၢ်ယွၤ, အဝဲသ့ၣ်အကစၢ်ယွၤန့ၣ်လီၤ.

လံာ်ဟိၤၡ့ 1:10

ကီၢ်အံၣ်စရ့လးအပှၤဂီၢ်မုၢ်ကကဲထီၣ်ဝဲဒ်မဲးလၢပီၣ်လဲၣ်အသိး, အါန့ၢ်ဒံးတၢ်ဂံၢ်အီၤသ့မ့ၢ်ဂ့ၤ, တၢ်ဃီၣ်နီၣ်အီၤသ့မ့ၢ်ဂ့ၤန့ၣ်လီၤ. ခဲကနံၣ်အံၤ, ကစၢ်ယွၤစံးဘၣ်အဝဲသ့ၣ်, သုတမ့ၢ်လၢၤယပှၤဂီၢ်မုၢ်ဘၣ်. ဘၣ်ဆၣ်မုၢ်တနံၤကဟဲတုၤဃီၤဝဲဒၣ်ဖဲအဝဲကစံးဘၣ်အဝဲသ့ၣ်, သုဝဲသ့ၣ်အံၤ, သုမ့ၢ်ကစၢ်ယွၤလၢအမူဝဲတဂၤအဖိသ့ၣ်တဖၣ်လီၤ.

လံာ်ဟိၤၡ့ 2:23

ယကဒုးအိၣ်ဂၢၢ်ဆိးကျၢၤယပှၤဂီၢ်မုၢ်လၢထံကီၢ်အပူၤဒီးဒုး ဘီၣ်ထီၣ်ညီထီၣ်အီၤန့ၣ်လီၤ. ယကဒုးနဲၣ်ယတၢ်အဲၣ်ဆူပှၤတဖၣ်လၢအဘၣ်တၢ်ကိးအီၤလၢ “တၢ်တအဲၣ်အီၤ” အအိၣ်ဒီးဆူပှၤတဖၣ်လၢအဘၣ်တၢ်ကိးအီၤလၢ “တမ့ၢ်ယွၤအပှၤဂီၢ်မုၢ်ဘၣ်” အအိၣ်န့ၣ်လီၤ. ယကစံး, “သုမ့ၢ်ယပှၤဂီၢ်မုၢ်” ဒီးအဝဲသ့ၣ်ကစံးဆၢ, “နမ့ၢ်ပကစၢ်ယွၤ” န့ၣ်လီၤ.

လံာ်စကၤရယၤ 13:9

ဒီးယကမၤကွၢ်ပှၤသၢပူတပူလၢအအိၣ်လီၤတဲာ်ဒီးမၤကဆှီ အဝဲသ့ၣ်ဒ်စ့ဘၣ်တၢ်မၤကဆှီအီၤလၢမ့ၣ်အူအသိးန့ၣ်လီၤ. ယကမၤကွၢ်အဝဲသ့ၣ်ဒ်ထူဘၣ်တၢ်မၤကွၢ်အီၤအသိးန့ၣ်လီၤ. အန့ၣ်ဒီးအဝဲသ့ၣ်ကဘါထုကဖၣ်တၢ်ဆူ ယအိၣ်ဒီးယကစံးဆၢအဝဲသ့ၣ်လီၤ. ယကတဲဘၣ်အဝဲသ့ၣ်လၢမ့ၢ်ယပှၤဂီၢ်မုၢ်, ဒီးအဝဲသ့ၣ်ကအၢၣ်လီၤလၢယမ့ၢ်အဝဲသ့ၣ်အကစၢ်ယွၤန့ၣ်လီၤ.”

လံာ်စကၤရယၤ 8:8

ဒီးဟဲစိာ်ကဒါက့ၤအဝဲသ့ၣ်လၢမုၢ်ထီၣ် ဒီးလၢမုၢ်နုာ်ဒ်သိးကအိၣ်ကဆိးဝဲလၢဝ့ၢ်ယရူၤၡလ့ၣ်အပူၤလီၤ. ဒီးအဝဲသ့ၣ်ကကဲထီၣ်ယပှၤဂီၢ်မုၢ်, ဒီးယကကဲထီၣ်အဝဲသ့ၣ်အကစၢ်ယွၤဒီးပၢအဝဲသ့ၣ်လၢတၢ်သူၣ်တီသး ရၤဒီးတၢ်စံၣ်ညီၣ်တီအပူၤန့ၣ်လီၤ.

လံာ်မးသဲ 22:32

ယွၤစံးဝဲ, ‘ယမ့ၢ်စီၤအၤဘြၤဟၣ်, စီၤအံၤစဲးဒီး စီၤယၤကိာ်အကစၢ်ယွၤလီၤ.’ ကစၢ်ယွၤတမ့ၢ်ဘၣ်ပှၤအသံတဖၣ် အကစၢ်ယွၤဘၣ်. မ့ၢ်ပှၤအမူတဖၣ်အကစၢ်ယွၤလီၤ” (ဟးထီၣ်. ၃:၆).

ရိမ့ၤ 11:27

ယကမၤတၢ်အၢၣ်လီၤအီလီၤအံၤဒီးအဝဲသ့ၣ်, ဖဲယဟံးထီၣ်ကွံာ်အဝဲသ့ၣ်အတၢ်ဒဲးဘးတဖၣ်န့ၣ်လီၤ.”

1 ကရံၣ်သူး 6:16

မ့တမ့ၢ်, ဘၣ်တဘၣ်သုတသ့ၣ်ညါလၢပှၤပိာ်ခွါတဂၤ လၢအပာ်ဖှိၣ်ဃုာ်အနီၢ်ခိဒီးဃဲသဲမုၣ်တဂၤန့ၣ်, ကဲထီၣ်ပှၤတဂၤဃီဒီးအီၤလၢနီၢ်ခိနီၢ်ခီန့ၣ်လီၤ. တၢ်ကွဲးအသးစံးဝဲဒၣ်ဖျါဖျါကစီဒီလီၤ. “ပှၤခံဂၤန့ၣ်ကကဲထီၣ်နီၢ်ခိတဂၤဃီလီၤ.”

၂ ကရံၣ်သူး 3:3

အိၣ်ဖျါဝဲဒၣ်ဆှံဆှံလၢခရံာ်အနီၢ်ကစၢ်ဒၣ်ဝဲကွဲးလံာ်ပရၢ အဝဲအံၤဒီးဆှၢလီၤဝဲခီဖျိပှၤလီၤ. လံာ်ပရၢအံၤဘၣ်တၢ်ကွဲးအီၤတမ့ၢ်လၢကသံၣ်ထံဘၣ်. မ့မ့ၢ်လၢယွၤလၢအမူဝဲတဂၤအသး, ဒီးတမ့ၢ်လၢလၢၢ် ဘ့ၣ်ဘၣ်အလိၤဘၣ်. မ့မ့ၢ်လၢပှၤကညီအသးအလိၤတခီလီၤ.

လံာ်သိၣ်လီၤသီလီၤတၢ် 30:6

ယွၤ, သုကစၢ်ယွၤကဟ့ၣ်လီၤသုဝဲဒီးသုစၢၤသုသွဲၣ်တဖၣ်လၢ တၢ်စူၢ်တၢ်အကလုၢ်အသးတဖၣ်, ဒ်သိးသုကအဲၣ်အီၤလၢသုသးဒီဖျၢၣ်ညါဒီးသုကအိၣ်ဆိးထွဲဘၣ်ဒံးလၢ ထံကီၢ်န့ၣ်အပူၤန့ၣ်လီၤ.

တံတူး 2:14

အဝဲဒၣ်ဟ့ၣ်လီၤအသးလၢပဂီၢ်ဒ်သိးကမၤထူၣ်ဖျဲးပှၤလၢတၢ် အၢတၢ်သီခဲလၢာ်ဒီးကဒုးကဲထီၣ်ပှၤ, ပှၤတကလုာ်လၢအကဆှီဝဲလၢအဘၣ်ဃးထဲဒၣ်ဒီးအီၤဒီး အသးဆူၣ်လၢတၢ်မၤဂ့ၤတၢ်အဂီၢ်န့ၣ်လီၤ.

ဧ့ၤဘြံၤ 11:16

မ့မ့ၢ်ခဲကနံၣ်အံၤ, အဝဲသ့ၣ်ဆၢန့ၢ်ဘၣ်ထံကီၢ်လၢအဂ့ၤန့ၢ် အန့ၣ်တက့ၢ်, ဒ်ပစံးတၢ်အသိးလၢအဘၣ်ဃးဒီးမူခိၣ်န့ၣ် လီၤ. မၤသးဒ်န့ၣ်ဒီးကစၢ်ယွၤအမဲာ်တဆှးဘၣ်လၢပှၤကကိး အီၤလၢအဝဲသ့ၣ်အကစၢ်န့ၣ်ဘၣ်. အဂ့ၢ်မ့ၢ်လၢအကတဲာ်ကတီၤတ့ၢ်လံဝ့ၢ်တဖျၢၣ်လၢအဝဲသ့ၣ် အဂီၢ်အဃိန့ၣ်လီၤ.

ယၤကိာ် 1:18

ဖဲအသးဒၣ်ဝဲန့ၣ်, အဝဲဒၣ်ထီၣ်ဖိန့ၢ်ပှၤခီဖျိတၢ်မ့ၢ်တၢ်တီအကလုၢ် ကထါ, ဒ်သိးပကကဲထီၣ်တၤသၣ်ဆိတကလုာ်လၢအတၢ်ဘၣ်တ့ခဲလၢာ် အကျါအဂီၢ်န့ၣ်လီၤ.

ယၤကိာ် 1:21

လၢတၢ်န့ၣ်အဃိ, ညိကွံာ်လုၢ်လၢ်လၢအလီၤသးဘၣ်အၢဒီးသကဲာ်ပဝးအအၢ အသီခဲလၢာ်တက့ၢ်. ဆီၣ်လီၤသုသးလၢကစၢ်ယွၤအဖီလာ်, ဒီးတူၢ်လိာ်တၢ်အကလုၢ်အကထါလၢအဝဲသူၣ်လီၤလၢသုသးကံၢ်ပူၤ လၢအအုၣ်က့ၤခီၣ်က့ၤသုသ့န့ၣ်တက့ၢ်.

၁ ပ့းတရူး 1:23

အဂ့ၢ်ဒ်လဲၣ်န့ၣ်, ခီဖျိကစၢ်ယွၤအကလုၢ်ကထါလၢအမူဝဲအထူ အယိာ်အဃိန့ၣ်, သုအိၣ်ဖျဲၣ်ထီၣ်ကဒီးတစုဒ်ဖိတဖၣ်လၢအအိၣ်ဒီးမိၢ်ပၢ်လၢ အသံတသ့ဘၣ်, ဒီးတမ့ၢ်မိၢ်ပၢ်လၢအသံသ့ဝဲအသိးန့ၣ်ဘၣ်.

၁ ပ့းတရူး 2:9

ဘၣ်ဆၣ်ဒီး, သုမ့ၢ်ပှၤတကလုာ်လၢအဘၣ်တၢ်ဃုထၢ ထီၣ်အီၤ, စီၤပၤအပှၤလုၢ်တၢ်အခိၣ်တဖၣ်, ပှၤစီဆှံတကလုာ် (ဟးထီၣ် ၁၉:၆), ယွၤအပှၤဂီၢ်မုၢ်ဒၣ်ဝဲလၢအဘၣ်တၢ်ဃုထၢထီၣ်အီၤလၢ အကတဲဖျါယွၤအတၢ်မၤလီၤလးတဖၣ်, ယွၤလၢအကိးထီၣ်သုလၢတၢ်ခံးတၢ်နၤဆူအကစၢ်ဒၣ်ဝဲ အတၢ်ကပီၤလီၤလးအပူၤန့ၣ်လီၤ.