ဧ့ၤဘြံၤ 7:7 - Sgaw Karen Common Bible

⁷ ပှၤလၢအဆိၣ်ဂ့ၤတၢ်တဂၤန့ၣ်, ဒိၣ်န့ၢ်ပှၤလၢအဘၣ်တၢ်ဆိၣ်ဂ့ၤအီၤ တဂၤလီၤန့ၣ်, ပသးဒ့ဒီအလီၢ်တအိၣ်ဘၣ်.

ဧ့ၤဘြံၤ 7:7 Iomraidhean Croise

လံာ်တၢ်ကဲထီၣ်အခီၣ်ထံး 49:28

ပှၤသ့ၣ်တဖၣ်အံၤ, မ့ၢ်ပှၤအံၣ်စရ့လးဖိတဆံခံဒူၣ်, ဒီးအအံၤမ့ၢ်တၢ်လၢအဝဲသ့ၣ်အပၢ်စံးတ့ၢ်ဝဲဒ်တၢ်လီၤဖးအတၢ် ကတိၤလၢအဘၣ်ဘျီးဘၣ်ဒါဝဲတထံၣ်, ဆူအဖိခွါတဂၤဘၣ်တဂၤစုာ်စုာ်န့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 6:20

တၢ်န့ၣ်ဝံၤအလီၢ်ခံ, ဖဲစီၤဒၤဝံးက့ၤဆူအဟံၣ် ဒ်သိးကဆၢဂ့ၤဆၢဝါအဟံၣ်ဖိဃီဖိန့ၣ်နီၢ်မံၤကၤလးဟးထီၣ်လၢကသဂၢၢ်အီၤအဂီၢ်လီၤ. ပိာ်မုၣ်န့ၣ်စံးဝဲ, “တနံၤအံၤ, ကီၢ်အံၣ်စရ့လးအစီၤပၤမၤဒိၣ်ထီၣ်အမံၤတဖျၢၣ်လၢအဂီၢ်ဒၣ်ဝဲန့ၣ်လီၤ. အဝဲပာ်ဖျါထီၣ်တ့ၢ်အသးဒ်တၢ်ပျုၢ်တဂၤအသိး လၢအဝဲအပဒိၣ်ပပှၢ်တဖၣ်ဒီးအကုၢ်ပိာ်မုၣ်တဖၣ်အမဲာ်ညါန့ၣ်လီၤ.”

လံာ်စီၤပၤအခီၣ်ထံးတဘ့ၣ် 8:55

ဒီးလၢတၢ်ကလုၢ်သီၣ်ဖးဒိၣ်အပူၤ, အဝဲဃ့ဝဲလၢကစၢ်ယွၤအတၢ် ဆိၣ်ဂ့ၤကလီၤဘၣ်လၢပှၤဂီၢ်မုၢ်ခဲလၢာ်လၢအအိၣ်ဖှိၣ်ရိဖှိၣ်ဖဲ န့ၣ်အလိၤန့ၣ်လီၤ. အဝဲစံးဝဲ,

လံာ်ကွဲးနီၣ်တၢ်ခံဘ့ၣ်တဘ့ၣ် 30:27

ပှၤလုၢ်တၢ်အခိၣ်တဖၣ်ဒီးပှၤလ့ၤဝံဖိတဖၣ်ဃ့တၢ်ဆိၣ်ဂ့ၤလၢ ယွၤ, လၢပှၤဂီၢ်မုၢ်အဂီၢ်န့ၣ်လီၤ. လၢအဝဲအဟံၣ်အိၣ်လၢမူခိၣ်အပူၤ န့ၣ်, ကစၢ်ယွၤနၢ်ဟူတ့ၢ်အဝဲသ့ၣ်အတၢ်ထုကဖၣ်တဖၣ်ဒီးတူၢ်လိာ်အဝဲသ့ၣ် န့ၣ်လီၤ.

လံာ်သိၣ်လီၤသီလီၤတၢ် 32:1

ဟီၣ်ခိၣ်ဒီးမူကပိာ်လိၤဧၢ, နၢ်ဟူယတၢ်ကတိၤတဖၣ်, ဒိကနၣ်တၢ်လၢယတဲအီၤလီၤတံၢ်လီၤဆဲးတက့ၢ်.

၁ တံၤမသ့း 3:16

ပတၢ်ဘူၣ်တၢ်ဘါအတၢ်ခူသူၣ်အံၤဒိၣ်ဝဲယိာ်ဝဲထဲလဲၣ်ထဲလဲၣ် န့ၣ်, ပှၤသမၢဝဲတသ့နီတဂၤဘၣ်. ယွၤအိၣ်ဖျါထီၣ်လၢပှၤကညီအက့ၢ်အဂီၤ, ဘၣ်တၢ်ပာ်တီပာ်လိၤအီၤလၢယွၤအသး, ဒီးဘၣ်တၢ်ထံၣ်ဘၣ်အီၤလၢမူခိၣ်ကလူးတဖၣ်န့ၣ်လီၤ. အဂ့ၢ်ဘၣ်တၢ်စံၣ်တဲၤတဲလီၤအီၤလၢ ပှၤကလုာ်တဖၣ်အကျါ, ဘၣ်တၢ်စူၢ်က့ၤနာ်က့ၤအီၤသကုၤဟီၣ်ခိၣ်ချၢ, ဒီးဘၣ်တၢ်စိာ်ထီၣ်အီၤဆူမူခိၣ်န့ၣ်လီၤ.

ဧ့ၤဘြံၤ 7:6

ဘၣ်ဆၣ်ဒီးအံၤတမ့ၢ်ဘၣ်ပှၤဟဲလီၤစၢၤလၢစီၤလ့ၤဝံသနာ် က့, ဟံးန့ၢ်ဘၣ်တၢ်ဆံဆဲၣ်ပူတပူလၢစီၤအၤဘြၤဟၣ်အအိၣ် ဒီးဆိၣ်ဂ့ၤအီၤ, ပှၤတဂၤလၢအဒိးန့ၢ်ကစၢ်ယွၤအတၢ်အၢၣ်လီၤ တဖၣ်န့ၣ်လီၤ.

ဧ့ၤဘြံၤ 7:8

ဖဲအဘၣ်ဃးဒီးပှၤလုၢ်တၢ်အခိၣ်တဖၣ်, ပှၤလၢအဟံးန့ၢ်တၢ်ဆံဆဲၣ်ပူ တပူန့ၣ်, မ့ၢ်ပှၤလၢအသံသ့တဖၣ်ဘၣ်ဆၣ်ဖဲအဘၣ်ဃးဒီး စီၤမၤလကံစဒ့းန့ၣ်, ပှၤဟံးန့ၢ်တၢ်ဆံဆဲၣ်ပူတပူၤ မ့ၢ်ပှၤလၢအမူဝဲတဂၤဒ်တၢ်ကွဲးအသးအုၣ်တ့ၢ်အသး အသိးန့ၣ်လီၤ.