ဧ့ၤဘြံၤ 7:5 - Sgaw Karen Common Bible

⁵ ဒီးပှၤလၢ အဟဲလီၤစၢၤလၢ စီၤလ့ၤဝံ, လၢအမ့ၢ်ပှၤလုၢ်တၢ် အခိၣ်တဖၣ်န့ၣ်, တၢ်သိၣ်တၢ်သီမၤလိာ်အီၤလၢအကဟံးန့ၢ်တၢ်ဆံဆဲၣ်ပူ တပူလၢအံၣ်စရ့လးအပှၤဂီၢ်မုၢ်အအိၣ်, ဒ်ပစံးတၢ်အသိး လၢအထံဖိကီၢ်ဖိကဒဲကဒဲအအိၣ်, ဖဲအထံဖိကီၢ်ဖိကဒဲ ကဒဲမ့ၢ်ပှၤဟဲလီၤစၢၤစ့ၢ်ကီးလၢစီၤအၤဘြၤဟၣ်အအိၣ်န့ၣ်လီၤ.

ဧ့ၤဘြံၤ 7:5 Iomraidhean Croise

လံာ်တၢ်ကဲထီၣ်အခီၣ်ထံး 35:11

ဒီးကစၢ်ယွၤစံးဘၣ်အီၤ, “ယမ့ၢ်သ့တၢ်လၢာ်ကစၢ်ယွၤလီၤ. ထီၣ်ဖိအါအါဂီၢ်ဂီၢ်တက့ၢ်. ပှၤကလုာ်တဖၣ်ကလီၤစၢၤလီၤသွဲၣ် လၢနၤဒီးနကမ့ၢ်ပှၤလၢစီၤပၤတဖၣ်ဟဲလီၤစၢၤလီၤသွဲၣ်လၢအီၤ န့ၣ်လီၤ.

လံာ်တၢ်ကဲထီၣ်အခီၣ်ထံး 46:26

စီၤယၤကိာ်အစၢၤအသွဲၣ်လိၤလိၤတဖၣ်လၢအလဲၤဃုာ်ဒီးအီၤဆူကီၢ် အဲၤကူပတူးန့ၣ်အတၢ်ဂံၢ်မ့ၢ်ဝဲခဲလၢာ်ပှၤဃုဆံဃုဂၤ, န့ၣ်လီၤ. ဖဲအံၤ, အဖိခွါတဖၣ်အမါတဘၣ်တၢ်ဂံၢ်အီၤဘၣ်.

လံာ်စီၤပၤအခီၣ်ထံးတဘ့ၣ် 8:19

ဘၣ်ဆၣ်နတသူၣ်ထီၣ်ဘၣ်အီၤနီတစုဘၣ်. မ့မ့ၢ်ပှၤလၢအကသူၣ်ထီၣ်ယတၢ်လုၢ်ဟံၣ်န့ၣ်မ့ၢ်, နဖိခွါ, နကစၢ်ဒၣ်နဲအဖိခွါန့ၣ်လီၤ.

လံာ်စီၤနဃ့မယၤ 13:10

ယသ့ၣ်ညါဘၣ်စ့ၢ်ကီးလၢတၢ်လုၢ်ဟံၣ်အပှၤသးဝံၣ်တၢ်ဖိတဖၣ်, ဒီးပှၤလ့ၤဝံဖိအဂၤတဖၣ်ဟးထီၣ်ကွံာ်လံလၢဝ့ၢ်ယရူၤၡလ့ၣ်ဒီး က့ၤကဒါက့ၤဆူအဝဲသ့ၣ်အစံာ်အပျီမ့ၢ်လၢပှၤဂီၢ်မုၢ်တဟ့ၣ်အဝဲ သ့ၣ်တၢ်လၢလၢလီၣ်လီၣ်လၢကအိၣ်မူဝဲအဂီၢ်ဘၣ်အဃိန့ၣ်လီၤ.

လံာ်တၢ်ဟးထီၣ်ကွံာ် 1:5

ဒီးကယဲၢ်ပှၤလၢအဟဲလီၤစၢၤလီၤသွဲၣ်တံၢ်နီၢ်လၢစီၤယၤကိာ် န့ၣ်အနီၣ်ဂံၢ်ခဲလၢာ်မ့ၢ်ဝဲအဂၤနွံဆံန့ၣ်လီၤ. မ့မ့ၢ်စီၤယိၤသးတခီအိၣ်ပာ်စၢၤလံလၢကီၢ်အဲၤကူပတူးအပူၤ န့ၣ်လီၤ.

လံာ်တၢ်ဟးထီၣ်ကွံာ် 28:1

ကိးဖှိၣ်နဒီပုၢ်ဝဲၢ်ခွါစီၤအၤဟရိၣ်ဒီးအဖိခွါတဖၣ်လၢအမ့ၢ်ဝဲ စီၤနၤဒး, စီၤအဘံဟူၤ, စီၤအလၤဧစၢ်, ဒီးစီၤအံသမၢ်တက့ၢ်. ပာ်လီၤဆီအီၤဒီးကီၢ်အံၣ်စရ့လးအပှၤဂီၢ်မုၢ်ဒ်သိးအကမၤယတၢ် မၤဒ်ပှၤလုၢ်တၢ်အခိၣ်တဖၣ်အသိးတက့ၢ်.

လံာ်တၢ်ဂံၢ် 18:7

ဘၣ်ဆၣ်ဒီးထဲနၤဒီးနဖိခွါတဖၣ်ဧိၤကဘၣ်မၤလၢထီၣ်ပှဲၤထီၣ်ပှၤ လုၢ်တၢ်အခိၣ်အမူအဒါတဖၣ်လၢအဘၣ်ဃးဒီးတၢ်လုၢ်လီၢ်ဒီးတၢ်အိၣ် လၢတၢ်အလီၢ်စီဆှံကတၢၢ်အပူၤန့ၣ်လီၤ. တၢ်တဖၣ်အံၤမ့ၢ်နမူနဒါတဖၣ်မ့ၢ်လၢယဟ့ၣ်တ့ၢ်နၤတၢ်ဟ့ၣ်ဘၣ်ဃး ဒီးပှၤလုၢ်တၢ်အခိၣ် အဃိန့ၣ်လီၤ. ပှၤလၢအတကြၢးတဘၣ်တဂၤလၢ်လၢ်လၢအဟဲဘူးဒီးတၢ်အပီးအလီစီဆှံ တဖၣ်န့ၣ်ကဘၣ်တၢ်မၤသံကွံာ်အီၤန့ၣ်လီၤ.”

လံာ်သိၣ်လီၤသီလီၤတၢ် 26:12

သၢနံၣ်တဘျီကိးစုဒဲးန့ၣ်ဟ့ၣ်တၢ်ဆံဆဲၣ်ပူလၢအမ့ၢ် သုတၤသူတၤသၣ်ဆံဆဲၣ်ပူတပူဆူပှၤလ့ၤဝံဖိတဖၣ်, ပှၤတခီဘီမုၢ်ဖိတဖၣ်, ပှၤဖိၣ်ဃဲတဖၣ်ဒီးပှၤမုၣ်ကမဲတဖၣ်အအိၣ်, ဒ်သိးလၢတၢ်အိၣ်မူကရူၢ်ကိးဖုဒဲးအပူၤအဝဲသ့ၣ်ကအိၣ်ဒီးတၢ်ခဲလၢာ်လၢအလိၣ်ဘၣ် ဝဲလၢကအီၣ်ဝဲအဂီၢ်တက့ၢ်. ဖဲသုမၤတၢ်ဒ်အံၤန့ၣ်,

ဧ့ၤဘြံၤ 5:4

တၢ်လၤကပီၤဘၣ်ဃးဒီးတၢ်ကဲထီၣ်ပှၤလုၢ်တၢ်အခိၣ်အဒိၣ် ကတၢၢ်အံၤပှၤလၢအဃုထၢန့ၢ်အီၤလၢအဂီၢ်ဒၣ်ဝဲတအိၣ်နီ တဂၤဘၣ်. မ့ၢ်ဒၣ်တၢ်လၢအဟဲခီဖျိကစၢ်ယွၤအတၢ်ကိးဒ် တၢ်ကိးန့ၢ်စီၤအၤဟရိၣ်အသိးန့ၣ်လီၤ.

ဧ့ၤဘြံၤ 7:10

အဂ့ၢ်ဒ်အံၤ, ဖဲစီၤမၤလကံစဒ့းလဲၤသဂၢၢ်စီၤအၤဘြၤဟၣ် အခါန့ၣ်, တအိၣ်ဖျဲၣ်ထီၣ်ဒံးဘၣ်, အဝဲအိၣ်ဖျဲၣ်ထီၣ်ဒၣ်လၢခံလီၤ.