ဧ့ၤဘြံၤ 7:27 - Sgaw Karen Common Bible

²⁷ အဝဲန့ၣ်, အလီၢ်တအိၣ်ဘၣ်လၢအကလုၢ်ထီၣ်ပာ်ထီၣ်တၢ်လုၢ် တဖၣ်ကိးနံၤဒဲး, အဆိလၢအတၢ်ဒဲးဘးဒၣ်ဝဲအဂီၢ်, လၢခံက့ၤလၢပှၤဂၤအဂီၢ်, ဒ်ပှၤလုၢ်တၢ်အခိၣ်အဒိၣ်ကတၢၢ် တဖၣ်န့ၣ်အသိးဘၣ်. အဝဲလုၢ်ထီၣ်တၢ်ထဲတဘျီဧိၤလၢအလၢဝဲပှဲၤဝဲလၢကိးဆၢ ကတီၢ်ဒဲးအဂီၢ်ဖဲအလုၢ်ထီၣ်အသးဒၣ်ဝဲန့ၣ်လီၤ.

ဧ့ၤဘြံၤ 7:27 Iomraidhean Croise

လံာ်ယဃ့းစက့လး 43:19

ပှၤလုၢ်တၢ်အခိၣ်တဖၣ်လၢအဘၣ်ဃးဒီးလ့ၤဝံအဒူၣ်လၢအမ့ၢ်ဒၣ်ထဲ စီၤစၤဒိးအစၢၤအသွဲၣ်တဖၣ်ဧိၤန့ၣ်ကဟဲနုာ်ဘၣ်ဆူအမဲာ်ညါလၢ ကမၤယတၢ်အဂီၢ်န့ၣ်လီၤ. ယၤ, ယွၤပၢဘၣ်တၢ်ခဲလၢာ်ကစၢ် ဟ့ၣ်လီၤတၢ်ကလုၢ်အံၤန့ၣ်လီၤ. နကဘၣ်ဟ့ၣ်လီၤအဝဲသ့ၣ်လၢ ဂီၤဖံးဖါဖိတဒုလၢကလုၢ်ထီၣ်ဝဲဒ်တၢ်လုၢ်တၢ်ပာ်တမံၤအသိး လၢတၢ်လုၢ်တၢ်ဒဲးဘးအဂီၢ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 16:11

ဒီးစီၤအၤဟရိၣ်လုၢ်ထီၣ်ဂီၤဖံးဖါတဒုဒ်တၢ်လုၢ်တၢ် ပျၢ်တၢ်ဒဲးဘးအသိးလၢအဂီၢ်ဒၣ်ဝဲဒီးအပှၤဟံၣ်ဖိအဂီၢ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 16:15

အန့ၣ်ဝံၤဒီးကဘၣ်မၤသံဝဲမဲာ်တဲးလဲးတဒုလၢတၢ်လုၢ်တၢ်ပျၢ်တၢ်ဒဲးဘး လၢပှၤဂီၢ်မုၢ်အဂီၢ်န့ၣ်လီၤ. ဒီးကဘၣ်လဲၤစိာ်နုာ်တၢ်သွံၣ်တနီၤဆူတၢ်လီၢ်စီဆှံကတၢၢ်ဒီး ဖှံအီၤလၢတၢ်အၢၣ်လီၤအီလီၤတလါအခိၣ်ကၢၢ်အလိၤတနီၤဒီးလၢ တၢ်အၢၣ်လီၤအီလီၤတလါအမဲာ်ညါဒ်အမၤတ့ၢ်ဝဲလၢဂီၤဖံးဖါတဒု အသွံၣ်အသိးန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 16:6

ဒီးကလုၢ်ထီၣ်ဝဲဂီၤဖံးဖါတဒုလၢအနီၢ်ကစၢ်ဒၣ်ဝဲအတၢ် ဒဲးဘးကဘၣ်တၢ်ပျၢ်အီၤအဂီၢ်ဒီးလၢအဟံၣ်ဖိဃီဖိတဖၣ်အတၢ်ဒဲး ဘးကဘၣ်တၢ်ပျၢ်အီၤအဂီၢ်လီၤ.

ရိမ့ၤ 6:10

အဝဲသံဝဲဒၣ်ဒီးတၢ်ဒဲးဘးအစိကမီၤတအိၣ်လၢအဖီခိၣ်နီ တစုလၢၤဘၣ်. ဒီးတၢ်မူလၢအအိၣ်မူဝဲခဲအံၤန့ၣ်မ့ၢ်တၢ်မူလၢ ကစၢ်ယွၤအပူၤန့ၣ်လီၤ.

အ့းဖ့းစူး 2:22

လၢယ့ၣ်ၡူးခရံာ်အပူၤန့ၣ် သုဝဲဒၣ်စ့ၢ်ကီးသုဘၣ်တၢ်ဒုးစဲဘူးဒီး ဟံးဃာ်သုလၢတၢ်သူၣ်ထီၣ်အံၤအပူၤ, ဒီးသုဘၣ်တၢ်ဒုးကဲထီၣ်သုလၢတၢ်အိၣ်တၢ်ဆိးအလီၢ်လၢ ကစၢ်ယွၤအိၣ်ဝဲခီဖျိအသးစီဆှံန့ၣ်လီၤ.

အ့းဖ့းစူး 5:2

ဒ်ခရံာ်အဲၣ်ပှၤဒီးဟ့ၣ်လီၤကွံာ်အသးသမူလၢပဂီၢ်ဒ်တၢ်လုၢ်လၢ အနၢမူဒီးဘၣ်ကစၢ်ယွၤအသးအသိးန့ၣ်, အိၣ်မူသုဝဲလၢတၢ်အဲၣ်တၢ်ကွံအပူၤတက့ၢ်.

တံတူး 2:14

အဝဲဒၣ်ဟ့ၣ်လီၤအသးလၢပဂီၢ်ဒ်သိးကမၤထူၣ်ဖျဲးပှၤလၢတၢ် အၢတၢ်သီခဲလၢာ်ဒီးကဒုးကဲထီၣ်ပှၤ, ပှၤတကလုာ်လၢအကဆှီဝဲလၢအဘၣ်ဃးထဲဒၣ်ဒီးအီၤဒီး အသးဆူၣ်လၢတၢ်မၤဂ့ၤတၢ်အဂီၢ်န့ၣ်လီၤ.

ဧ့ၤဘြံၤ 5:1

ပှၤလုၢ်တၢ်အခိၣ်အဒိၣ်ကတၢၢ်ကိးဂၤဒဲးဘၣ်တၢ်ဃုထၢထီၣ် အီၤလၢပှၤဂီၢ်မုၢ်အကျါဒီးဘၣ်တၢ်ပာ်လီၤအီၤလၢကမၤကစၢ်ယွၤ အတၢ်မၤလၢပှၤဂီၢ်မုၢ်အခၢၣ်စးလၢအကလုၢ်ထီၣ်တၢ်မၤဘူၣ် ဒီးတၢ်လုၢ်လၢတၢ်ဒဲးဘးတဖၣ်အဂီၢ်လီၤ.

ဧ့ၤဘြံၤ 5:3

ဒီးမ့ၢ်လၢအနီၢ်ကစၢ်ဒၣ်ဝဲအိၣ်ဒီးတၢ်ဂံၢ်စၢ်ဘါစၢ်အဃိ, အဝဲဒၣ်ဘၣ်လုၢ်ထီၣ်တၢ်လုၢ်တမ့ၢ်ထဲလၢပှၤဂီၢ်မုၢ်အတၢ် ဒဲးဘးအဂီၢ်ဧိၤဘၣ်. မ့ၢ်လၢအနီၢ်ကစၢ်ဒၣ်ဝဲအတၢ်ဒဲးဘး အဂီၢ်စ့ၢ်ကီးလီၤ.

ဧ့ၤဘြံၤ 8:4

အခဲအံၤအဝဲမ့ၢ်အိၣ်လၢဟီၣ်ခိၣ်ချၢန့ၣ်အဝဲတကဲဘၣ် ပှၤလုၢ်တၢ်အခိၣ်လ့ၤတက့ၤဘၣ်. အဂ့ၢ်ဒ်လဲၣ်န့ၣ်, ပှၤလုၢ်တၢ်အခိၣ်လၢအလုၢ်ထီၣ်ပာ်ထီၣ်တၢ်ဒ်ပှၤယူဒၤ ဖိအတၢ်သိၣ်တၢ်သီအသိးတဖၣ်အိၣ်ဝဲဒၣ်လံန့ၣ်လီၤ.

ဧ့ၤဘြံၤ 9:12

အဝဲလဲၤနုာ်ဝဲဆူတၢ်စီဆှံကတၢၢ်အလီၢ်ထဲတဘျီဧိၤဒီး အဝံၤအကဲ, တစိာ်ဃုာ်ဒီးမဲာ်တဲးလဲးဒီးဂီၤဖံးအသွံၣ် လၢကလုၢ်ထီၣ်ဝဲဒ်တၢ်လုၢ်တၢ်ပာ်အသိးအဂီၢ်ဘၣ်. မ့မ့ၢ်အဝဲလုၢ်ထီၣ်အသွံၣ်ဒၣ်ဝဲဒီးမၤန့ၢ်တၢ်အုၣ်က့ၤခီၣ်က့ၤ အထူအယိာ်လၢပဂီၢ်န့ၣ်လီၤ.

ဧ့ၤဘြံၤ 9:14

တၢ်အံၤမ့ၢ်တၢ်လၢအမ့ၢ်ဝဲတီဝဲအဃိခရံာ်အသွံၣ်ကမၤန့ၢ်တၢ်လၢ ပဂီၢ်ဒိၣ်န့ၢ်အါန့ၢ်အန့ၣ်တက့ၢ်ဆံးဒိၣ်လဲၣ်. ခီဖျိယွၤအသးလၢအမူဝဲလီၤထူလီၤယိာ်န့ၣ်အဝဲလုၢ် ထီၣ်ပာ်ထီၣ်အသးဒၣ်ဝဲဒ်တၢ်လုၢ်အလၢအပှဲၤအသိးလၢ ယွၤန့ၣ်လီၤ. အသွံၣ်ကမၤကဆှီထီၣ်ပသးလၢအသ့ၣ်ညါ ဒၣ်တၢ်, လၢလုၢ်လၢ်အတၢ်ဖံးတၢ်မၤလၢအတဂိာ်တသီၣ်ဘၣ် တဖၣ်ဒ်သိးပကမၤဘၣ်ကစၢ်ယွၤလၢအမူဝဲတဂၤအတၢ်မၤန့ၣ်လီၤ.

ဧ့ၤဘြံၤ 9:25

ပှၤယူဒၤဖိအပှၤလုၢ်တၢ်အခိၣ်အဒိၣ်ကတၢၢ်လဲၤနုာ်ဝဲဆူ တၢ်စီဆှံကတၢၢ်အလီၢ်ကိးနံၣ်ဒဲးစိာ်ဃုာ်ဒီးဆၣ်ဖိကီၢ်ဖိ အသွံၣ်လီၤ. ဘၣ်ဆၣ်ခရံာ်တလုၢ်ထီၣ်ဘၣ်အနီၢ်ကစၢ်ဒၣ်ဝဲ တဘျီဘၣ်တဘျီဒ်န့ၣ်အသိးဘၣ်.

ဧ့ၤဘြံၤ 9:26

မ့ၢ်မၤဝဲဒ်န့ၣ်ဒီးကဘၣ်တူၢ်တၢ်တဘျီဘၣ်တဘျီအါဘျီ စးထီၣ်လၢဟီၣ်ခိၣ်အခီၣ်ထံးလံၤလံၤန့ၣ်လီၤ. မ့မ့ၢ်အခဲအံၤ ဖဲတၢ်အကတၢၢ်ဘူးထီၣ်အကတီၢ်အံၤ, အဝဲလီၣ်ဖျါထီၣ် အသးထဲတဘျီဧိၤဒ်သိးအကသုးကွံာ်တၢ်ဒဲးဘးခီဖျိ အလုၢ်ထီၣ်အကစၢ်ဒၣ်ဝဲန့ၣ်လီၤ.

ဧ့ၤဘြံၤ 9:28

ခရံာ်ဘၣ်တၢ်လုၢ်ထီၣ်ပာ်ထီၣ်အီၤဒ်တၢ်လုၢ်အသိးတဘျီ ဧိၤဒ်သိးအကဟံးထီၣ်ကွံာ်ပှၤအါဂၤအတၢ်ဒဲးဘးဝံၤအဝဲ လီၣ်ဖျါထီၣ်ကဒီးအသးခံဘျီတဘျီ, တမ့ၢ်လၢအကမၤတံာ်တာ်အသးဒီးတၢ်ဒဲးဘးန့ၣ်ဘၣ်. မ့ၢ်ဒ်သိးအကအုၣ်က့ၤခီၣ်က့ၤပှၤလၢအအိၣ်ခိးကွၢ်လၢ်အီၤ သပှၢ်ကတၢၢ်တဖၣ်လီၤ.

ဧ့ၤဘြံၤ 9:7

မ့မ့ၢ်ဆူဒဲအံၤခံတီၤတတီၤအပူၤန့ၣ်ပှၤလဲၤနုာ်ဘၣ်ထဲ ပှၤလုၢ်တၢ်အခိၣ်အဒိၣ်ကတၢၢ်တဂၤဧိၤ, တနံၣ်န့ၣ်ထဲတဘျီဧိၤဘၣ်စိာ်ဃုာ်တၢ်သွံၣ်လၢအဘၣ် လုၢ်ဝဲလၢအနီၢ်ကစၢ်ဒၣ်ဝဲအဂီၢ်ဒီးလၢပှၤဂီၢ်မုၢ်တဖၣ် အတၢ်ကမၣ်အဂီၢ်န့ၣ်လီၤ.