ဧ့ၤဘြံၤ 7:24 - Sgaw Karen Common Bible

²⁴ ဘၣ်ဆၣ်ဒီးယ့ၣ်ၡူးမ့ၢ် ပှၤလုၢ်တၢ်အခိၣ်အဂၢၢ်အကျၢၤ, လၢအမူဝဲလီၤထူလီၤယိာ်အဃိလီၤ.

ဧ့ၤဘြံၤ 7:24 Iomraidhean Croise

လံာ်ယိၤဟၣ် 12:34

ပှၤဂီၢ်မုၢ်စံးဆၢတၢ်ဒီးစံးဝဲ, “ပတၢ်သိၣ်တၢ်သီစံးဘၣ်ပှၤလၢ ခရံာ်ကမူဝဲလီၤစိၤလီၤထီလီၤ. မ့မ့ၢ်ဒ်န့ၣ်ဒီး, နစံးလၢပှၤကညီဖိခွါကဘၣ်တၢ်ယူာ်ထီၣ်အီၤန့ၣ်ကသ့ဒ်လဲၣ်. ပှၤကညီဖိခွါအံၤမ့ၢ်မတၤတဂၤလဲၣ်.”

ရိမ့ၤ 6:9

အဂ့ၢ်ဒ်လဲၣ်န့ၣ်, ပသ့ၣ်ညါလၢခရံာ်ဘၣ်တၢ်ဒုးဂဲၤဆၢထၢၣ်က့ၤ အီၤလၢတၢ်သံဒီးအဝဲတသံလၢၤနီတဘျီဘၣ်, ဒီးတၢ်သံအစိကမီၤတအိၣ်လၢၤလၢအဖီခိၣ်ဘၣ်.

ရိမ့ၤ 9:5

အဝဲသ့ၣ်ဟဲလီၤစၢၤလၢပၢ်သ့ၣ်လၢပျၢၤဒီးခရံာ်လၢ အလိၣ်ထီၣ်အသးဒ်ပှၤကညီတဂၤအသိးန့ၣ်, မ့ၢ်ပှၤ တကလုာ်ဃီဒီးအဝဲသ့ၣ်လီၤ. မ်ကစၢ်ယွၤလၢအပၢ တၢ်ခဲလၢာ်တဂၤ, ဘၣ်တၢ်စံးထီၣ်ပတြၢၤအီၤလီၤ စိၤလီၤထီတက့ၢ်. အၤမ့ၣ်.

ဧ့ၤဘြံၤ 13:8

မဟါဒီးမဆါအံၤဒီးအစိၤစိၤအဃၣ်ဃၣ်န့ၣ်, ယ့ၣ်ၡူးခရံာ်မ့ၢ်တၢ်ဒ် လီၢ်လီၢ်လီၤ.

ဧ့ၤဘြံၤ 7:28

သပှၢ်ကတၢၢ်, တၢ်သိၣ်တၢ်သီဃုထၢပာ်ထီၣ်ပှၤတဖၣ်လၢ အဂံၢ်စၢ်ဘါစၢ်လၢပှၤလုၢ်တၢ်အခိၣ်အဒိၣ်ကတၢၢ်အလီၢ် န့ၣ်လီၤ. ဘၣ်ဆၣ်ဒီးကစၢ်ယွၤအတၢ်ဆိၣ်လီၤအသးလၢ အဟဲလၢတၢ်သိၣ်တၢ်သီအလီၢ်ခံအံၤဃုထၢပာ်ထီၣ်ယွၤ အဖိခွါလၢအဘၣ်တၢ်မၤလၢပှဲၤတ့ၢ်လံအီၤအစိၤစိၤ အဃၣ်ဃၣ်တဂၤန့ၣ်လီၤ.

လံာ်လီၣ်ဖျါ 1:18

ယမ့ၢ်ပှၤလၢအမူဝဲတဂၤလီၤ. ယသံတ့ၢ်ယဲ, ဘၣ်ဆၣ်ဒီးခဲကနံၣ်အံၤ, ယမူယဲအစိၤစိၤအဃၣ်ဃၣ်လီၤ. ယအိၣ်ဒီးတၢ်စိတၢ်ကမီၤလၢတၢ်သံ, ဒီးပျုၤပူၤအဖီခိၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 2:35

ယကဃုထၢထီၣ်ပှၤလုၢ်တၢ်အခိၣ်တဂၤလၢအသူၣ်ကတီသးကလိၤဒီးယၤ ဒီးမၤကယဲၢ်တၢ်ကိးမံၤလၢယအဲၣ်ဒိးအကမၤဝဲဒၣ်န့ၣ်လီၤ. ယကဟ့ၣ်အီၤလၢအစၢၤအသွဲၣ်တဖၣ်လၢအကမၤတၢ်လၢ စီၤပၤလၢယဃုထၢထီၣ်အီၤအမဲာ်ညါန့ၣ်လီၤ.