ဧ့ၤဘြံၤ 7:22 - Sgaw Karen Common Bible

²² အန့ၣ်ဒီးတၢ်လီၤဆီအံၤဒုးကဲထီၣ်စ့ၢ်ကီးယ့ၣ်ၡူးလၢတၢ် အၢၣ်လီၤအီလီၤလၢအဂ့ၤဒိၣ်ဒၣ်တၢ်တက့ၢ်အတၢ်အုၣ်ကီၤ န့ၣ်လီၤ.

ဧ့ၤဘြံၤ 7:22 Iomraidhean Croise

လံာ်တၢ်ကဲထီၣ်အခီၣ်ထံး 43:9

ယကအုၣ်ကီၤယသးသမူဒၣ်ယဲလၢအဂီၢ်, ဒီးနပာ်မူပာ်ဒါယၤလၢအဝဲ အဂီၢ်သ့လီၤ. ယမ့ၢ်တဟဲက့ၤကိးအီၤပူၤပူၤဖျဲးဖျဲးဘၣ်ဒီး, ယကတူၢ်တၢ်ပာ်ဒ့ၣ်ပာ်ကမၣ်တဘိယူၢ်ဃီန့ၣ်လီၤ.

လံာ်တၢ်ကဲထီၣ်အခီၣ်ထံး 44:32

အါန့ၣ်အန့ၢ်, ယအုၣ်ကီၤယသးသမူဒၣ်ယဲလၢပိာ်ခွါဖိသၣ်အဂီၢ် ဆူယပၢ်အအိၣ်လီၤ. ယတဲဘၣ်တ့ၢ်အီၤလၢယမ့ၢ်တဟဲက့ၤကိးပိာ်ခွါဖိသၣ်ဆူအအိၣ်ဘၣ် ဒီး, ယကတူၢ်တၢ်ပာ်ဒ့ၣ်ပာ်ကမၣ်တစိၤဒၣ်ယၤလီၤ.

စံးထီၣ်ပတြၢၤ 119:122

အၢၣ်လီၤလၢနကမၤစၢၤနခ့နပှၤန့ၣ်တက့ၢ်. ပျဲပှၤပာ်ထီၣ်ထီအသးမၤနၢၤမၤဃၣ်ယၤတဂ့ၤ.

တၢ်ကတိၤဒိ. 20:16

ပှၤတဂၤလၢ်လၢ်လၢအသးတဆးတုၤဒၣ်လဲာ်အအုၣ်ခီၣ်အသးလၢပှၤလၢ အတသ့ၣ်ညါဝဲတဂၤအဒ့ၣ်ကမၣ်အဂီၢ်န့ၣ်, အစုလီၢ်ခီၣ်ခိၣ်ဒၣ်ဝဲတဖၣ်ကြၢးဘၣ်တၢ်ဟံးဃာ်အီၤဒ်တၢ်အုၣ်ကီၤ လၢတၢ်ကဟ့ၣ်က့ၤဒ့ၣ်ကမၣ်အဂီၢ်န့ၣ်လီၤ.

တၢ်ကတိၤဒိ. 6:1

ယဖိခွါဧၢ, မ့ၢ်နအၢၣ်လီၤအီလီၤတ့ၢ်နသးလၢနကဟံးန့ၢ်မူဒါ လၢပှၤအဂၤတဂၤအဒ့ၣ်ကမၣ်တဖၣ်အဂီၢ်ဧါ.

လံာ်ယၡါယၤ 38:14

ယကလုၢ်သီၣ်ကသွံဒံဒီးစၢ်ဝဲလီၤ. ယကအုဒ်ထိၣ်လွံၢ်အသိးလီၤ. ယမဲာ်ချံလီၤဘှံးဝဲလၢယကွၢ်ထီၣ်တၢ်ဆူမူခိၣ်အဃိလီၤ. ယွၤဧၢ, မၤပူၤမၤဖျဲးယၤလၢကယဲၢ်တၢ်ကီတၢ်ခဲတဖၣ်အံၤတက့ၢ်.

လံာ်ဒၤနံးယ့လး 9:27

ပှၤပၢတၢ်တဂၤန့ၣ်ကမၤတၢ်အၢၣ်လီၤအီလီၤအဂၢၢ်အကျၢၤ ဃုာ်ဒီးအပှၤအါဂၤလၢနွံနံၣ်အတီၢ်ပူၤန့ၣ်လီၤ. ဖဲနွံနံၣ်အကတီၢ်အံၤအဖးဖီနံၣ်ပူၤကွံာ် ဒီးကဆိကတီၢ်ကွံာ်တၢ်လုၢ်တၢ်ပာ်တဖၣ် ဒီးတၢ်လုၢ်မၤဘူၣ်တဖၣ်န့ၣ်လီၤ. ဒီးတၢ်လီၤပျံၤလီၤဖုးလၢအလီၤသးဘၣ်အၢဒိၣ်ဒိၣ်က လဲာ်ကဘၣ်တၢ်ပာ်ထီၣ်အီၤလၢတၢ်လုၢ်ဟံၣ်အပျိာ်အထီ ကတၢၢ်ဒီးကအိၣ်ဖဲန့ၣ်တုၤပှၤလၢအပာ်ထီၣ်အီၤဖဲန့ၣ် တဂၤန့ၣ်ဘၣ်သဂၢၢ်အမုၢ်နံၤလၢခံကတၢၢ်လၢကစၢ် ယွၤကတဲာ်ကတီၤပာ်စၢၤလၢအဂီၢ်န့ၣ်လီၤ.”

လံာ်မးသဲ 26:28

တၢ်အံၤမ့ၢ်ယသွံၣ်, လၢအစဲပနီၣ်ဃာ်ကစၢ်ယွၤအတၢ်အၢၣ်လီၤအီ လီၤ, ယသွံၣ်လၢအဘၣ်တၢ်ဂၢ်လီၤကွံာ်အီၤ, ဒ်သိးပှၤအါဂၤအတၢ်ဒဲးဘးကဘၣ်တၢ်ပျၢ်ကွံာ်အီၤအဂီၢ်လီၤ.

လံာ်မၢ်ကူး 14:24

ယ့ၣ်ၡူးစံးဘၣ်အဝဲသ့ၣ်, “အအံၤမ့ၢ်ယသွံၣ်လၢအဘၣ်တၢ်ဂၢ်လီၤ အီၤလၢပှၤအါဂၤအဂီၢ်, သွံၣ်လၢအမၤဂၢၢ်မၤကျၢၤကစၢ်ယွၤအတၢ်အၢၣ်လီၤအီလီၤန့ၣ်လီၤ.

လံာ်လူၤကၣ် 22:20

ဒ်န့ၣ်အသိး, ဖဲအအီၣ်တၢ်လၢဟါအီၣ်ဝံၤန့ၣ်, အဝဲဒၣ်ဟ့ၣ်လီၤအဝဲသ့ၣ်လၢလီခီဒီးစံးဝဲ, “လီခီအံၤမ့ၢ်ကစၢ်ယွၤအတၢ်အၢၣ်လီၤအီလီၤအသီလၢ အဘၣ်တၢ်စဲပနီၣ်ဃာ်အီၤလၢယသွံၣ်, လၢအဘၣ်တၢ်လူလီၤဂၢ်လီၤအီၤလၢသုဂီၢ်န့ၣ်လီၤ.

1 ကရံၣ်သူး 11:25

လၢကျဲတဘိဃီန့ၣ်, အီၣ်တၢ်အီၣ်ဝံၤအလီၢ်ခံအဝဲဒၣ်ဟံးန့ၢ်လီ ခီဒီးစံးဝဲ, “လီခီအံၤ, မ့ၢ်ယွၤအတၢ်အၢၣ်လီၤအီလီၤအသီ, လၢအဘၣ်တၢ်စဲပနီၣ်ဃာ်အီၤလၢယသွံၣ်လီၤ. တဘျီလၢ်လၢ်ဖဲသုအီအီၤန့ၣ်မၤအီၤလၢတၢ်သ့ၣ်နီၣ်ထီၣ်က့ၤယၤ အဂီၢ်န့ၣ်တက့ၢ်.”

ဧ့ၤဘြံၤ 12:24

ဒီးဆူယ့ၣ်ၡူးလၢအမ့ၢ်ပှၤတၢ်ဘၢၣ်စၢၤဘၣ်ဃးဒီးတၢ်အၢၣ်လီၤ အီလီၤအသီအအိၣ်, ဒီးတၢ်သွံၣ်လၢအဘၣ်တၢ်ဖှံလီၤအီၤလၢအကိးထီၣ်ဒိၣ်န့ၢ်ဒံး စီၤဟ့းဘ့းလးအသွံၣ်တက့ၢ်အအိၣ်န့ၣ်လီၤ.

ဧ့ၤဘြံၤ 13:20

ကစၢ်ယွၤဒုးဂဲၤထၢၣ်သမူထီၣ်က့ၤကစၢ်ယ့ၣ်ၡူးလၢအမ့ၢ် ပှၤကွၢ်သိဖးဒိၣ်လၢအတူၢ်သံအသးလၢအသိတဖၣ်အဂီၢ် ဒီးခီဖျိတၢ်အံၤန့ၣ်, တၢ်အၢၣ်လီၤအီလီၤအထူအယိာ်ဘၣ်တၢ်ဃံၤဃာ်အီၤန့ၣ်လီၤ.

ဧ့ၤဘြံၤ 7:23

တၢ်လီၤဆီအဂၤအိၣ်ဒံးတမံၤလၢပှၤလုၢ်တၢ်အခိၣ်လၢ အပူၤကွံာ်တဖၣ်အိၣ်အါဒံအါဂၤ, မ့ၢ်လၢအဝဲသ့ၣ်သံဝဲဒီးမၤအတၢ်မၤဆူညါတသ့ဘၣ် အဃိလီၤ.

ဧ့ၤဘြံၤ 8:13

ခီဖျိအကတိၤတၢ်ဘၣ်ဃးဒီးအတၢ်အၢၣ်လီၤအီလီၤအသီ န့ၣ်ကစၢ်ယွၤဒုးကဲတၢ်အၢၣ်လီၤအခီၣ်ထံးတခါလၢတၢ်လၢ အလီၢ်လံၤကွံာ်လံန့ၣ်လီၤ. ဒီးတၢ်လၢအလီၢ်လံၤကွံာ်ဒီးပှၢ်ထီၣ်လံန့ၣ်, ဘူးထီၣ်လၢကလီၤမၢ်ကွံာ်ဝဲန့ၣ်လီၤ.