ဧ့ၤဘြံၤ 7:19 - Sgaw Karen Common Bible

¹⁹ အဂ့ၢ်ဒ်အံၤ, စီၤမိၤၡ့အတၢ်သိၣ်တၢ်သီမၤလၢထီၣ်ပှဲၤထီၣ်တၢ် တသ့ဘၣ်နီတမံၤဘၣ်. ဒီးအခဲအံၤတၢ်ဟ့ၣ်လီၤပှၤတၢ်မုၢ်လၢ် လၢ အဂ့ၤဒိၣ်တက့ၢ်, လၢပသုးဘူးပသးဆူ ကစၢ်ယွၤအအိၣ် သ့ဝဲခီဖျိအီၤန့ၣ်လီၤ.

ဧ့ၤဘြံၤ 7:19 Iomraidhean Croise

စံးထီၣ်ပတြၢၤ 73:28

ဘၣ်ဆၣ်လၢယဂီၢ်တၢ်အိၣ်ဘူးဒီးကစၢ်ယွၤန့ၣ် မ့ၢ်တၢ်ဂ့ၤလီၤ. ယပာ်တၢ်စိတၢ်ကမီၤကစၢ်ယွၤ လၢယတၢ်အိၣ်တဒၢအလီၢ် ဒ်သိးယကစံးဘၣ်တဲဘၣ် အတၢ်မၤခဲလၢာ်တဖၣ်န့ၣ်လီၤ.

လံာ်သးသယုၢ်တၢ် 3:57

နစံးဆၢဒီးတဲဘၣ်တ့ၢ်ယၤလၢယသုတပျံၤတၢ်တဂ့ၤလီၤ.

လံာ်ယိၤဟၣ် 1:17

ကစၢ်ယွၤဟ့ၣ်လီၤတၢ်သိၣ်တၢ်သီခီဖျိစီၤမိၤၡ့, မ့မ့ၢ်တၢ်ဘျုးတၢ်ဖှိၣ်ဒီးတၢ်မ့ၢ်တၢ်တီန့ၣ် ဟဲခီဖျိယ့ၣ်ၡူးခရံာ်န့ၣ်လီၤ.

လံာ်ယိၤဟၣ် 14:6

ယ့ၣ်ၡူးစံးဆၢအီၤ, “ယဲဒၣ်အံၤယမ့ၢ်ကျဲ, တၢ်မ့ၢ်တၢ်တီ, ဒီးတၢ်မူလီၤ. မ့တမ့ၢ်လၢအခီဖျိယၤဘၣ်ဒီး, ပှၤလဲၤဆူပၢ်အအိၣ်တသ့နီတဂၤဘၣ်.

မၤတၢ် 13:39

ဒီးလၢပှၤစူၢ်က့ၤနာ်က့ၤအီၤကိးဂၤဒဲးန့ၣ်, ဘၣ်တၢ်ဒုးထူၣ်ဖျဲးထီၣ်ကွံာ်အီၤလၢတၢ်ဒဲးဘးခဲလၢာ်လၢစီၤ မိၤၡ့အတၢ်သိၣ်တၢ်သီဒုးထူၣ်ဖျဲးထီၣ်ကွံာ်အီၤတသ့ဘၣ်အဂ့ၢ် န့ၣ်လီၤ.

ရိမ့ၤ 5:2

အဝဲဆှၢပှၤ, ခီဖျိတၢ်နာ်, ဆူတၢ်လဲၤခီဖျိကလၢၢ်ဘၣ်ကစၢ် ယွၤအဘျုးအဖှိၣ်လၢပအိၣ်မူလၢအပူၤခဲအံၤန့ၣ်လီၤ. သတးဒီး ပသးခုဒီးပာ်ကဖၢလၢပသးလၢပအိၣ်ဒီးတၢ်မုၢ်လၢ်လၢ ပကဒိးန့ၢ်ဃုာ်ကစၢ်ယွၤအလၤကပီၤအဃိန့ၣ်လီၤ.

ရိမ့ၤ 7:7

မ့မ့ၢ်ဒ်န့ၣ်ဒီး, ပကစံးဒ်လဲၣ်. တၢ်သိၣ်တၢ်သီအိၣ်ဒၣ်အတၢ် န့ၣ်မ့ၢ်တၢ်ဒဲးဘးဧါ. တမ့ၢ်ဒ်န့ၣ်ဘၣ်. ဘၣ်ဆၣ်တၢ်သိၣ်တၢ်သီမ့ၢ်တၢ်လၢအဒုးသ့ၣ်ညါ ယၤတၢ်ဒဲးဘးမ့ၢ်တၢ်မနုၤလဲၣ်န့ၣ်လီၤ. တၢ်သိၣ်တၢ်သီမ့ၢ် တစံး “သူၣ်လီသးကွံတၢ်တဂ့ၤ” ဒီးတၢ်သူၣ်လီ သးကွံမ့ၢ်တၢ်မနုၤလဲၣ်န့ၣ် တမ့ၢ်ယကသ့ၣ်ညါဘၣ်.

ရိမ့ၤ 8:3

မ့ၢ်လၢပှၤကညီအန့ဆၢၣ်အဂံၢ်စၢ်ဘါစၢ်အဃိ, တၢ်လၢတၢ်သိၣ်တၢ်သီမၤတသ့ဘၣ်န့ၣ်ကစၢ်ယွၤမၤဝဲလီၤ. အဝဲစံၣ်ညီၣ်ဃၣ်တၢ်ဒဲးဘးလၢပှၤကညီအန့ဆၢၣ်အပူၤ, ခီဖျိအတၢ်ဆှၢလီၤအဖိခွါဒၣ်ဝဲအိၣ်ဒီးန့ဆၢၣ်လၢအမ့ၢ် ပှၤကညီအတၢ်ဒဲးဘးအန့ဆၢၣ်ဒ်သိးအကတြူာ် ကွံာ်တၢ်ဒဲးဘးအဂီၢ်န့ၣ်လီၤ.

ကလၤတံ 2:16

သနာ်က့ပသ့ၣ်ညါလၢပှၤကညီတဂၤဘၣ်တၢ်မၤလိၤမၤဘၣ်အီၤဒီး ကစၢ်ယွၤခီဖျိဒၣ်ထဲလၢတၢ်စူၢ်တၢ်နာ်လၢယ့ၣ်ၡူးခရံာ်အပူၤ, ဒီးတမ့ၢ်ဝဲဒၣ်ခီဖျိတၢ်မၤထွဲတၢ်သိၣ်တၢ်သီအခံန့ၣ်ဘၣ်. ပဝဲစ့ၢ်ကီးပစူၢ်က့ၤနာ်က့ၤယ့ၣ်ၡူးခရံာ်ဒ်သိးပကဘၣ်တၢ်မၤ လိၤမၤဘၣ်ပှၤဒီးကစၢ်ယွၤခီဖျိပတၢ်စူၢ်တၢ်နာ်လၢခရံာ် အပူၤ, ဒီးတမ့ၢ်ဝဲတၢ်မၤထွဲတၢ်သိၣ်တၢ်သီန့ၣ်ဘၣ်. အဂ့ၢ်ဒ်အံၤ, တၢ်တမၤလိၤမၤဘၣ်ပှၤဒီးကစၢ်ယွၤလၢတၢ်မၤထွဲတၢ်သိၣ် တၢ်သီအခံအဃိနီတဂၤဘၣ်.

ကလၤတံ 3:21

မ့မ့ၢ်ဒ်န့ၣ်ဒီး, တၢ်သိၣ်တၢ်သီထီဒါကစၢ်ယွၤအတၢ်အၢၣ်လီၤ အီလီၤတဖၣ်ဧါ. တမ့ၢ်လ့ၤတက့ၤဘၣ်. အဂ့ၢ်ဒ်အံၤပှၤဟီၣ်ခိၣ်ဖိ မ့ၢ်ဒိးန့ၢ်တၢ်သိၣ်တၢ်သီလၢအဟ့ၣ်တၢ်မူသ့ဒီး, ပှၤကိးဂၤဒဲးကဘၣ်တၢ်မၤလိၤမၤဘၣ်အီၤဒီးကစၢ်ယွၤခီဖျိတၢ် ဒိကနၣ်တၢ်သိၣ်တၢ်သီန့ၣ်လီၤ.

ကလၤတံ 3:24

လၢတၢ်န့ၣ်အဃိ, တုၤလၢခရံာ်ဟဲတစုန့ၣ်, တၢ်သိၣ်တၢ်သီ ပၢၤဃာ်ပှၤဒ်သိးပကဘၣ်တၢ်မၤလိၤမၤဘၣ်ပှၤဒီးယွၤခီဖျိ တၢ်စူၢ်တၢ်နာ်န့ၣ်လီၤ.

အ့းဖ့းစူး 3:12

လၢခရံာ်အပူၤဒီးခီဖျိပတၢ်စူၢ်တၢ်နာ်က့ၤအီၤန့ၣ်, ပအိၣ်ဒီးတၢ်သူၣ်ခူတလ့ၣ်သးခူတလ့ၣ်လၢပကလဲၤနုာ်ဆူ ကစၢ်ယွၤအမဲာ်ညါအိၣ်ဒီးတၢ်သူၣ်ဂၢၢ်သးကျၢၤန့ၣ်လီၤ.

ကလီးစဲ 1:27

ကစၢ်ယွၤအတၢ်ရဲၣ်တၢ်ကျဲၤမ့ၢ်ဒ်သိးအကလီၣ်ဖျါထီၣ်န့ၢ် အပှၤဂီၢ်မုၢ်လၢအဝဲအတၢ်ခူသူၣ်န့ၣ်လီၤ. တၢ်ခူသူၣ်လၢအအိၣ်ဒီးအလုၢ်အပှ့ၤဒီးအလၤထူးကပီၤတီၤအံၤ မ့ၢ်ဝဲလၢပှၤကိးကလုာ်ဒဲးအဂီၢ်ဒီးတၢ်ခူသူၣ်အံၤမ့ၢ်ဝဲခရံာ် အိၣ်လၢသုပူၤ, အခီပညီသုကန့ၢ်သါဃုာ်ကစၢ်ယွၤအလၤ အကပီၤန့ၣ်လီၤ.

၁ တံၤမသ့း 1:1

လၢစီၤပီလူး, ယ့ၣ်ၡူးခရံာ်အပှၤတၢ်မၢဖိတဂၤဒ်ကစၢ်ယွၤ ပတၢ်အုၣ်က့ၤခီၣ်က့ၤကစၢ်ဒီးယ့ၣ်ၡူးခရံာ်ပတၢ်မုၢ်လၢ်အတၢ် ဟ့ၣ်လီၤအကလုၢ်အသိး,

ဧ့ၤဘြံၤ 10:1

အဂ့ၢ်ဒ်အံၤ, ပှၤယူဒၤဖိအတၢ်သိၣ်တၢ်သီတမ့ၢ်ဘၣ်တၢ်နီၢ်နီၢ် လၢအကဟဲဝဲတဖၣ်အက့ၢ်အဂီၤလၢအမ့ၢ်အတီန့ၣ်ဘၣ်. မ့ၢ်ဒၣ်တၢ်နီၢ်နီၢ်န့ၣ်အကဒုန့ၣ်လီၤ. တၢ်လုၢ်တၢ်ပာ်တမံၤဃီဘၣ်တၢ်လုၢ်ထီၣ်ပာ်ထီၣ်အီၤထီဘိ တနံၣ်ဘၣ်တနံၣ်န့ၣ်လီၤ. လၢတၢ်န့ၣ်အဃိတၢ်သိၣ်တၢ်သီအံၤမၤလၢပှဲၤပှၤလၢအဟဲဆူ အအိၣ်တဖၣ်ခီဖျိတၢ်လုၢ်တၢ်ပာ်တဖၣ်အံၤကသ့ဝဲဒ်လဲၣ်.

ဧ့ၤဘြံၤ 11:40

အဂ့ၢ်မ့ၢ်လၢကစၢ်ယွၤတိာ်ပာ်တ့ၢ်ဝဲလၢအကသုးကျဲၤတၢ်ဂ့ၤ ဒိၣ်ဒၣ်တၢ်တက့ၢ်လၢပဂီၢ်အဃိလီၤ. မ့တမ့ၢ်လၢပဝဲဒၣ်ဘၣ်ဒီးအဝဲသ့ၣ်တဘၣ်တၢ်မၤလၢထီၣ် ပှဲၤထီၣ်အီၤဘၣ်န့ၣ်လီၤ.

ဧ့ၤဘြံၤ 11:6

တၢ်စူၢ်တၢ်နာ်တအိၣ်ဘၣ်န့ၣ်တၢ်မၤမုာ်မၤဘၣ်ကစၢ်ယွၤ အသးတသ့ဘၣ်. အဂ့ၢ်ဒ်အံၤ, ပှၤလၢအဟဲဆူကစၢ်ယွၤအအိၣ်န့ၣ်ဘၣ်နာ်လၢကစၢ်ယွၤ အိၣ်ဝဲဒီးလၢအဟ့ၣ်ဘျုးဟ့ၣ်ဖှိၣ်ပှၤလၢအဃုအီၤတဖၣ် န့ၣ်လီၤ.

ဧ့ၤဘြံၤ 3:6

မ့မ့ၢ်ခရံာ်အကလုၢ်တီဝဲဒ်ဖိခွါတဂၤအသိးလၢကစၢ်ယွၤအဒူၣ် အထၢအဖီခိၣ်န့ၣ်လီၤ. ပမ့ၢ်အိၣ်ဒီးတၢ်သူၣ်ဒူသးဒူဒီးတၢ်သူၣ်ဂၢၢ်သးကျၢၤလၢပတၢ် မုၢ်လၢ်အပူၤဒီးပမ့ၢ်အဝဲဒၣ်အဒူၣ်ဖိထၢဖိလီၤ.

ဧ့ၤဘြံၤ 4:16

လၢတၢ်န့ၣ်အဃိလၢတၢ်သူၣ်ဂၢၢ်သးကျၢၤအပူၤ, မ်ပသုးဘူးပသးဆူကစၢ်ယွၤအလီၢ်ပစိာ်, ဖဲတၢ်ဘျုးတၢ်ဖှိၣ်အိၣ်ဝဲဒၣ်အလီၢ်န့ၣ်တက့ၢ်. ဖဲန့ၣ်ပကထံၣ်န့ၢ်တၢ်သးကညီၤဒီးတၢ်ဘျုးတၢ်ဖှိၣ်လၢ အကမၤစၢၤပှၤဖဲပလိၣ်ဘၣ်အီၤအဆၢအကတီၢ်န့ၣ်လီၤ.

ဧ့ၤဘြံၤ 6:18

လၢတၢ်လၢအလဲလိာ်အသးတသ့ဘၣ်, လၢယွၤကတိၤကဘျံးကဘျၣ်လၢအဂ့ၢ်တသ့ဘၣ်, ခံမံၤအံၤအဃိပှၤလၢအဒိးန့ၢ်လံတၢ်ပူၤဖျဲးလၢ အပူၤ, ပဝဲဒၣ်အံၤပသးဆူၣ်ထီၣ်ဒိၣ်ဒိၣ်အါအါလၢ ပကဟံးဃာ်တၢ်မုၢ်လၢ်လၢအအိၣ်ပာ်လီၤအသးလၢ ပမဲာ်ညါန့ၣ်လီၤ.

ဧ့ၤဘြံၤ 7:11

ပှၤဂီၢ်မုၢ်ဒိးန့ၢ်တၢ်သိၣ်တၢ်သီခီဖျိပှၤလုၢ်တၢ်အခိၣ်လၢ အဘၣ်ဃးဒီးစီၤလ့ၤဝံန့ၣ်လီၤ. တၢ်လၢတၢ်ပှဲၤမ့ၢ်အိၣ်ဒီးပှၤလုၢ်တၢ်အခိၣ်လၢအဘၣ်ဃးဒီး စီၤလ့ၤဝံအံၤဒီးအလီၢ်ကအိၣ်ဒံးလၢပှၤလုၢ်တၢ်အခိၣ်အဂၤ တဂၤလၢအဘၣ်ဃးဒီးစီၤမၤလကံစဒ့းကအိၣ်ထီၣ်လၢ အတမ့ၢ်ဘၣ်တကလုာ်ဃီဒီးစီၤအၤဟရိၣ်ဘၣ်န့ၣ်ဧါ.

ဧ့ၤဘြံၤ 7:20

အါန့ၢ်အန့ၣ်ကစၢ်ယွၤအတၢ်ဆိၣ်လီၤသးအိၣ်စ့ၢ်ကီးဝဲန့ၣ်လီၤ.

ဧ့ၤဘြံၤ 7:25

လၢတၢ်န့ၣ်အဃိ, အဝဲအုၣ်က့ၤခီၣ်က့ၤပှၤလၢအဟဲဆူ ကစၢ်ယွၤအအိၣ်ခီဖျိအီၤတဖၣ်န့ၣ်သ့ဝဲထီဘိဒ်အဝဲမူဝဲ လီၤစိၤလီၤထီလၢအကဃ့န့ၢ်တၢ်လၢအဝဲသ့ၣ်အဂီၢ်အသိး န့ၣ်လီၤ.

ဧ့ၤဘြံၤ 8:6

ဘၣ်ဆၣ်ဒီးခဲအံၤယ့ၣ်ၡူးဘၣ်တၢ်ဟ့ၣ်လီၤအီၤလၢပှၤလုၢ် တၢ်အခိၣ်အတၢ်ဖံးတၢ်မၤလၢအဂ့ၤဒိၣ်န့ၢ်အဝဲသ့ၣ်အတၢ်မၤ တက့ၢ်, ဒ်သိးဒၣ်တၢ်အၢၣ်လီၤအီလီၤလၢအဝဲဒုးအိၣ်ထီၣ်ဝဲလၢ ကစၢ်ယွၤဒီးအပှၤဂီၢ်မုၢ်အဘၢၣ်စၢၤမ့ၢ်တၢ်လၢအဂ့ၤဒိၣ်ဒၣ် တၢ်တက့ၢ်, မ့ၢ်လၢအသူၣ်လီၤအသးလၢတၢ်စံးပာ်တဖၣ်လၢ အဘၣ်ဃးဒီးတၢ်ဂ့ၤဒိၣ်ဒၣ်တၢ်တဖၣ်အဖီခိၣ်အဃိန့ၣ်လီၤ.

ဧ့ၤဘြံၤ 9:9

အအံၤမ့ၢ်တၢ်အဒိအတဲာ်လၢခ့ခါဆၢကတီၢ်ခဲအံၤအဂီၢ်, ပာ်ဖျါထီၣ်လၢ, တၢ်မၤဘူၣ်ဒီးတၢ်လုၢ်တဖၣ်လၢအဘၣ်တၢ်လုၢ်ထီၣ်ပာ်ထီၣ် အီၤန့ၣ်, မၤလၢထီၣ်ပှဲၤထီၣ်ပှၤဘူၣ်ထီၣ်ဘါထီၣ်ယွၤအသးလၢ အသ့ၣ်ညါတၢ်န့ၣ်တသ့ဘၣ်အဂ့ၢ်လီၤ.

ယၤကိာ် 4:8

သုးဘူးသုသးဆူကစၢ်ယွၤအအိၣ်, ဒီးအဝဲကသုးဘူးအသးဆူ သုအိၣ်လီၤ. ပှၤတၢ်ဒဲးဘးဖိသ့ၣ်ဧၢ, သ့စီကွံာ်သုစုတက့ၢ်. ပှၤလၢအပာ်မၤအသးသ့ၣ်ဧၢ, မၤကဆှီသုသးတက့ၢ်.