ဧ့ၤဘြံၤ 7:16 - Sgaw Karen Common Bible

¹⁶ အဝဲကဲထီၣ်ပှၤလုၢ်တၢ်အခိၣ်တမ့ၢ်ဘၣ်ဒ်တၢ်သိၣ်တၢ်သီဘၣ် ဃးဒီးနီၢ်ခိနီၢ်ခီအတၢ်ဟဲလီၤစၢၤလီၤသွဲၣ်အသိးန့ၣ်ဘၣ်. မ့မ့ၢ်ကဲထီၣ်ဝဲခီဖျိ သးသမူလၢအဟးဂီၤတသ့ဘၣ်အစိ အကမီၤန့ၣ်လီၤ.

ဧ့ၤဘြံၤ 7:16 Iomraidhean Croise

ရိမ့ၤ 7:14

ပသ့ၣ်ညါလၢတၢ်သိၣ်တၢ်သီမ့ၢ်တၢ်ဘၣ်ဃးလၢသူၣ်လၢ သးလီၤ. ဘၣ်ဆၣ်ယမ့ၢ်ပှၤလၢအဘၣ်ဃးဒီးနီၢ်ခိလၢ အသံသ့တဂၤလၢအဘၣ်တၢ်ဆါလီၤကွံာ်အီၤဒ်ကုၢ် တဂၤအသိးဆူတၢ်ဒဲးဘးအပူၤန့ၣ်လီၤ.

ကလၤတံ 4:3

ဒ်န့ၣ်အသိး, ပဝဲစ့ၢ်ကီးပကဲကုၢ်လၢသးတဖၣ်လၢအပၢ ဟီၣ်ခိၣ်မူခိၣ်အဖီလာ်တချုးပတုၤတၢ်ဒိၣ်တုာ်ခိၣ်ပှဲၤလၢ သူၣ်လၢသးန့ၣ်လီၤ.

ကလၤတံ 4:9

မ့မ့ၢ်ခဲကနံၣ်အံၤ မ့ၢ်လၢသုသ့ၣ်ညါကစၢ်ယွၤလံ, မ့တမ့ၢ်, ယကြၢးစံး, ကစၢ်ယွၤသ့ၣ်ညါသုလံန့ၣ်, ဘၣ်မနုၤအဃိသုသးအိၣ်ဃၣ်ကဒါက့ၤသုသးဆူသး တဖၣ်လၢအဂံၢ်စၢ်ဘါစၢ်ဒီးဖှီၣ်ဝဲယာ်ဝဲအအိၣ်ဒီးသး အိၣ်ကဲက့ၤကဒီးကုၢ်လၢအဖီလာ်န့ၣ်လဲၣ်.

ကလီးစဲ 2:14

အဝဲတြူာ်ကွံာ်တၢ်ကွဲးနီၣ်ကွဲးဃါဘၣ်ဃးပဒ့ၣ်ကမၢ်ခဲလၢာ်ဃုာ် ဒီးတၢ်သိၣ်တၢ်သီလၢအစၢဃာ်တၢ်တဖၣ်လၢာ်လၢာ်ဆ့ဆ့ ခီဖျိအပျၤထီကွံာ်ဝဲလၢထူၣ်စုညါအလိၤန့ၣ်လီၤ.

ကလီးစဲ 2:20

သုသံတ့ၢ်ဃုာ်ဒီးခရံာ် ဒီးဘၣ်တၢ်မၤထူၣ်ဖျဲးထီၣ်သုလၢဟီၣ် ခိၣ်အပှၤပၢတၢ်ဘၣ်ဃးဒီးသူၣ်ဒီးသးတဖၣ်အတၢ်ပၢတၢ်ဆှၢ အဖီလာ်လံ. မ့မ့ၢ်ဒ်န့ၣ်ဒီး, ဘၣ်မနုၤလၢသုအိၣ်မူဒ်ပှၤတဖၣ်လၢ အဘၣ်ဃးဒံးဒီးဟီၣ်ခိၣ်အသိးန့ၣ်လဲၣ်. ဘၣ်မနုၤလၢသုဟံးဃာ် ဒံးတၢ်ဒုၣ်တၢ်ထုတဖၣ်,

ဧ့ၤဘြံၤ 10:1

အဂ့ၢ်ဒ်အံၤ, ပှၤယူဒၤဖိအတၢ်သိၣ်တၢ်သီတမ့ၢ်ဘၣ်တၢ်နီၢ်နီၢ် လၢအကဟဲဝဲတဖၣ်အက့ၢ်အဂီၤလၢအမ့ၢ်အတီန့ၣ်ဘၣ်. မ့ၢ်ဒၣ်တၢ်နီၢ်နီၢ်န့ၣ်အကဒုန့ၣ်လီၤ. တၢ်လုၢ်တၢ်ပာ်တမံၤဃီဘၣ်တၢ်လုၢ်ထီၣ်ပာ်ထီၣ်အီၤထီဘိ တနံၣ်ဘၣ်တနံၣ်န့ၣ်လီၤ. လၢတၢ်န့ၣ်အဃိတၢ်သိၣ်တၢ်သီအံၤမၤလၢပှဲၤပှၤလၢအဟဲဆူ အအိၣ်တဖၣ်ခီဖျိတၢ်လုၢ်တၢ်ပာ်တဖၣ်အံၤကသ့ဝဲဒ်လဲၣ်.

ဧ့ၤဘြံၤ 7:15

တၢ်ဂ့ၢ်အဝဲန့ၣ်ဖျါဂ့ၤထီၣ်ဆှံထီၣ်ဖဲပှၤလုၢ်တၢ်အခိၣ်အဂၤ တဂၤဟဲအိၣ်ထီၣ်ဝဲလၢအလီၤဂာ်ဒီးစီၤမၤလကံစဒ့းန့ၣ်လီၤ.

ဧ့ၤဘြံၤ 7:17

အဂ့ၢ်ဒ်အံၤတၢ်ကွဲးအသးအုၣ်တ့ၢ်အသးဒီးစံးဝဲ, နကမ့ၢ်ပှၤလုၢ်တၢ်အခိၣ်အစိၤစိၤအဃၣ်ဃၣ်တကလုာ်ဃီ ဒီးစီၤမၤလကံစဒ့းလီၤ.

ဧ့ၤဘြံၤ 7:21

ဖဲပှၤလုၢ်တၢ်အခိၣ်အဂၤတဖၣ်ဟံးထီၣ်ဖီၣ်ထီၣ်အတၢ်ဖံးတၢ် မၤန့ၣ်တၢ်ဆိၣ်လီၤသးဒ်သိးအံၤတအိၣ်ဘၣ်. ဘၣ်ဆၣ်ဒီး ဖဲယ့ၣ်ၡူးကဲထီၣ်ပှၤလုၢ်တၢ်အခိၣ်န့ၣ်အိၣ်ဃုာ်ဒီးကစၢ်ယွၤ အတၢ်ဆိၣ်လီၤအသးဒီးအီၤ, ဒီးစံးဝဲဒၣ်, “ကစၢ်မၤတ့ၢ်တၢ်အၢၣ်လီၤသမှံၤသပှၢ်တမံၤ ဒီးတထုးက့ၤဝဲဒၣ်ဘၣ်. ‘နကမ့ၢ်ပှၤလုၢ်တၢ်အခိၣ်အစိၤစိၤအဃၣ်ဃၣ်လီၤ.’ ”

ဧ့ၤဘြံၤ 7:28

သပှၢ်ကတၢၢ်, တၢ်သိၣ်တၢ်သီဃုထၢပာ်ထီၣ်ပှၤတဖၣ်လၢ အဂံၢ်စၢ်ဘါစၢ်လၢပှၤလုၢ်တၢ်အခိၣ်အဒိၣ်ကတၢၢ်အလီၢ် န့ၣ်လီၤ. ဘၣ်ဆၣ်ဒီးကစၢ်ယွၤအတၢ်ဆိၣ်လီၤအသးလၢ အဟဲလၢတၢ်သိၣ်တၢ်သီအလီၢ်ခံအံၤဃုထၢပာ်ထီၣ်ယွၤ အဖိခွါလၢအဘၣ်တၢ်မၤလၢပှဲၤတ့ၢ်လံအီၤအစိၤစိၤ အဃၣ်ဃၣ်တဂၤန့ၣ်လီၤ.

ဧ့ၤဘြံၤ 7:3

တၢ်ကွဲးနီၣ်ကွဲးဃါဘၣ်ဃးဒီးအမိၢ်မ့ၢ်ဂ့ၤအပၢ်မ့ၢ်ဂ့ၤ အတၢ်ဟဲလီၤစၢၤလီၤသွဲၣ်မ့ၢ်ဂ့ၤအတၢ်အိၣ်ဖျဲၣ်မ့ၢ်ဂ့ၤ အတၢ်သံမ့ၢ်ဂ့ၤတအိၣ်ဘၣ်. အဝဲလီၤဂာ်ကစၢ်ယွၤအဖိခွါဒီးမ့ၢ်ဝဲပှၤလုၢ်တၢ်အခိၣ် တဂၤအစိၤစိၤအဃၣ်ဃၣ်လီၤ.

ဧ့ၤဘြံၤ 9:14

တၢ်အံၤမ့ၢ်တၢ်လၢအမ့ၢ်ဝဲတီဝဲအဃိခရံာ်အသွံၣ်ကမၤန့ၢ်တၢ်လၢ ပဂီၢ်ဒိၣ်န့ၢ်အါန့ၢ်အန့ၣ်တက့ၢ်ဆံးဒိၣ်လဲၣ်. ခီဖျိယွၤအသးလၢအမူဝဲလီၤထူလီၤယိာ်န့ၣ်အဝဲလုၢ် ထီၣ်ပာ်ထီၣ်အသးဒၣ်ဝဲဒ်တၢ်လုၢ်အလၢအပှဲၤအသိးလၢ ယွၤန့ၣ်လီၤ. အသွံၣ်ကမၤကဆှီထီၣ်ပသးလၢအသ့ၣ်ညါ ဒၣ်တၢ်, လၢလုၢ်လၢ်အတၢ်ဖံးတၢ်မၤလၢအတဂိာ်တသီၣ်ဘၣ် တဖၣ်ဒ်သိးပကမၤဘၣ်ကစၢ်ယွၤလၢအမူဝဲတဂၤအတၢ်မၤန့ၣ်လီၤ.

လံာ်လီၣ်ဖျါ 1:18

ယမ့ၢ်ပှၤလၢအမူဝဲတဂၤလီၤ. ယသံတ့ၢ်ယဲ, ဘၣ်ဆၣ်ဒီးခဲကနံၣ်အံၤ, ယမူယဲအစိၤစိၤအဃၣ်ဃၣ်လီၤ. ယအိၣ်ဒီးတၢ်စိတၢ်ကမီၤလၢတၢ်သံ, ဒီးပျုၤပူၤအဖီခိၣ်လီၤ.