ဧ့ၤဘြံၤ 7:11 - Sgaw Karen Common Bible

¹¹ ပှၤဂီၢ်မုၢ်ဒိးန့ၢ်တၢ်သိၣ်တၢ်သီခီဖျိပှၤလုၢ်တၢ်အခိၣ်လၢ အဘၣ်ဃးဒီးစီၤလ့ၤဝံန့ၣ်လီၤ. တၢ်လၢတၢ်ပှဲၤမ့ၢ်အိၣ်ဒီးပှၤလုၢ်တၢ်အခိၣ်လၢအဘၣ်ဃးဒီး စီၤလ့ၤဝံအံၤဒီးအလီၢ်ကအိၣ်ဒံးလၢပှၤလုၢ်တၢ်အခိၣ်အဂၤ တဂၤလၢအဘၣ်ဃးဒီးစီၤမၤလကံစဒ့းကအိၣ်ထီၣ်လၢ အတမ့ၢ်ဘၣ်တကလုာ်ဃီဒီးစီၤအၤဟရိၣ်ဘၣ်န့ၣ်ဧါ.

ဧ့ၤဘြံၤ 7:11 Iomraidhean Croise

ကလၤတံ 2:21

ယတပာ်ကွံာ်ကစၢ်ယွၤအဘျုးအဖှိၣ်န့ၣ်ဘၣ်. ဘၣ်ဆၣ်ဒီး, ပှၤတဂၤဂၤမ့ၢ်ဘၣ်တၢ်မၤလိၤမၤဘၣ်အီၤဒီးကစၢ်ယွၤ ခီဖျိတၢ်သိၣ်တၢ်သီဒီး, အခီပညီခရံာ်တူၢ်သံအသးမ့ၢ်တၢ် ကလီကလီလီၤ.

ကလၤတံ 4:3

ဒ်န့ၣ်အသိး, ပဝဲစ့ၢ်ကီးပကဲကုၢ်လၢသးတဖၣ်လၢအပၢ ဟီၣ်ခိၣ်မူခိၣ်အဖီလာ်တချုးပတုၤတၢ်ဒိၣ်တုာ်ခိၣ်ပှဲၤလၢ သူၣ်လၢသးန့ၣ်လီၤ.

ကလၤတံ 4:9

မ့မ့ၢ်ခဲကနံၣ်အံၤ မ့ၢ်လၢသုသ့ၣ်ညါကစၢ်ယွၤလံ, မ့တမ့ၢ်, ယကြၢးစံး, ကစၢ်ယွၤသ့ၣ်ညါသုလံန့ၣ်, ဘၣ်မနုၤအဃိသုသးအိၣ်ဃၣ်ကဒါက့ၤသုသးဆူသး တဖၣ်လၢအဂံၢ်စၢ်ဘါစၢ်ဒီးဖှီၣ်ဝဲယာ်ဝဲအအိၣ်ဒီးသး အိၣ်ကဲက့ၤကဒီးကုၢ်လၢအဖီလာ်န့ၣ်လဲၣ်.

ဧ့ၤဘြံၤ 5:10

ဒီးကစၢ်ယွၤပာ်ထီၣ်အီၤလၢပှၤလုၢ်တၢ်အခိၣ်အဒိၣ်ကတၢၢ် အလီၢ်တကလုာ်ဃီဒီးစီၤမၤလကံစဒ့းန့ၣ်လီၤ.

ဧ့ၤဘြံၤ 5:6

စံးစ့ၢ်ကီးဝဲလၢတၢ်လီၢ်အဂၤတတီၤ, “နကမ့ၢ်ပှၤလုၢ်တၢ်အခိၣ်လီၤစိၤလီၤထီ, လၢအမ့ၢ်တကလုာ်ဃီဒီးစီၤမၤလကံစဒ့းန့ၣ်လီၤ.”

ဧ့ၤဘြံၤ 6:20

ဖဲယ့ၣ်ၡူးလဲၤနုာ်ဆိဝဲလၢပခၢၣ်စးဒီးကဲထီၣ်လၢပပှၤလုၢ်တၢ် အခိၣ်အဒိၣ်ကတၢၢ်လီၤစိၤလီၤထီတကလုာ်ဃီဒီးစီၤမၤလကံစဒ့းန့ၣ်လီၤ.

ဧ့ၤဘြံၤ 7:10

အဂ့ၢ်ဒ်အံၤ, ဖဲစီၤမၤလကံစဒ့းလဲၤသဂၢၢ်စီၤအၤဘြၤဟၣ် အခါန့ၣ်, တအိၣ်ဖျဲၣ်ထီၣ်ဒံးဘၣ်, အဝဲအိၣ်ဖျဲၣ်ထီၣ်ဒၣ်လၢခံလီၤ.

ဧ့ၤဘြံၤ 7:12

အဂ့ၢ်ဒ်အံၤ, တုၤပှၤလုၢ်တၢ်အခိၣ်အလီၢ်မ့ၢ်ဘၣ်တၢ်ဆီတလဲ အီၤဒီးတၢ်သိၣ်တၢ်သီစ့ၢ်ကီးကဘၣ်တၢ်ဆီတလဲအီၤလီၤ.

ဧ့ၤဘြံၤ 7:13

ပကစၢ်လၢတၢ်တဖၣ်အံၤဘၣ်တၢ်စံးကတိၤတ့ၢ်လၢအဂ့ၢ် တဂၤအံၤဘၣ်ဃးဒီးဒူၣ်အဂၤတဒူၣ်ဒီးပှၤဘၣ်ဃးဒီးဒူၣ်အံၤ တမၤတ့ၢ်တၢ်ဒ်ပှၤလုၢ်တၢ်အခိၣ်အသိးနီတဂၤဘၣ်.

ဧ့ၤဘြံၤ 7:15

တၢ်ဂ့ၢ်အဝဲန့ၣ်ဖျါဂ့ၤထီၣ်ဆှံထီၣ်ဖဲပှၤလုၢ်တၢ်အခိၣ်အဂၤ တဂၤဟဲအိၣ်ထီၣ်ဝဲလၢအလီၤဂာ်ဒီးစီၤမၤလကံစဒ့းန့ၣ်လီၤ.

ဧ့ၤဘြံၤ 7:21

ဖဲပှၤလုၢ်တၢ်အခိၣ်အဂၤတဖၣ်ဟံးထီၣ်ဖီၣ်ထီၣ်အတၢ်ဖံးတၢ် မၤန့ၣ်တၢ်ဆိၣ်လီၤသးဒ်သိးအံၤတအိၣ်ဘၣ်. ဘၣ်ဆၣ်ဒီး ဖဲယ့ၣ်ၡူးကဲထီၣ်ပှၤလုၢ်တၢ်အခိၣ်န့ၣ်အိၣ်ဃုာ်ဒီးကစၢ်ယွၤ အတၢ်ဆိၣ်လီၤအသးဒီးအီၤ, ဒီးစံးဝဲဒၣ်, “ကစၢ်မၤတ့ၢ်တၢ်အၢၣ်လီၤသမှံၤသပှၢ်တမံၤ ဒီးတထုးက့ၤဝဲဒၣ်ဘၣ်. ‘နကမ့ၢ်ပှၤလုၢ်တၢ်အခိၣ်အစိၤစိၤအဃၣ်ဃၣ်လီၤ.’ ”

ဧ့ၤဘြံၤ 8:7

အဂ့ၢ်ဒ်အံၤ, တၢ်အၢၣ်လီၤအီလီၤအခီၣ်ထံးတခါမ့ၢ်ဂ့ၤဝဲဒီး တၢ်ကမၤတၢ်အၢၣ်လီၤအီလီၤခံခါတခါအလီၢ်တအိၣ်လၢၤ ဘၣ်.

ဧ့ၤဘြံၤ 9:6

တၢ်သ့ၣ်တဖၣ်အံၤဘၣ်တၢ်ကတဲာ်ကတီၤပာ်အီၤဒ်န့ၣ်ဝံၤဒီး, ပှၤလုၢ်တၢ်အခိၣ်တဖၣ်လဲၤနုာ်ဆူဒဲလၢတၢ်ချၢတတီၤ အပူၤကိးနံၤဒဲးဒီးမၤဝဲအမူအဒါလၢအဘၣ်ဃးဒီးလုၢ်လၢ် တဖၣ်န့ၣ်လီၤ.