ဧ့ၤဘြံၤ 6:6 - Sgaw Karen Common Bible

⁶ ဒီးတုၤအဝဲသ့ၣ်စူးကွံာ်ညိကွံာ်အတၢ်စူၢ်တၢ်နာ်န့ၣ်တၢ်ကဆှၢ ကဒါက့ၤကဒီးအီၤဆူတၢ်ပီၢ်ယၢ်လီၤက့ၤအသးန့ၣ်တသ့ဘၣ်. မ့ၢ်လၢ အဝဲသ့ၣ်ပျၤထီကဒီးကစၢ်ယွၤအဖိခွါဒီး မၤမဲာ်ဆှးအီၤလၢကမျၢၢ်အမဲာ်ညါအဃိန့ၣ်လီၤ.

ဧ့ၤဘြံၤ 6:6 Iomraidhean Croise

စံးထီၣ်ပတြၢၤ 51:10

ကစၢ်ယွၤဧၢ, တ့လီၤသးအကဆှီလၢယပူၤ, ဒီးသူၣ်သီသးသီဒီးသူၣ်ဂၢၢ်သးကျၢၤလၢ ယပူၤတက့ၢ်.

လံာ်ယၡါယၤ 1:28

မ့မ့ၢ်, ပှၤလၢအမၤတၢ်ဒဲးဘးဒီးပူထီၣ်ထီဒါအီၤန့ၣ်, ကမၤလီၤသဘှံးဝဲကိးဂၤဒဲးလီၤ. အဝဲကမၤသံပှၤကိးဂၤဒဲး လၢအညိကွံာ်အီၤန့ၣ်လီၤ.

လံာ်မးသဲ 19:26

ယ့ၣ်ၡူးကွၢ်အဝဲသ့ၣ်လိၤလိၤဒီးစံး, “လၢပှၤကညီအဂီၢ်တၢ်အံၤမ့ၢ်တၢ်လၢအမၤအသးတသ့ဘၣ်လီၤ. ဘၣ်ဆၣ်လၢကစၢ်ယွၤအဂီၢ်န့ၣ်တၢ်ခဲလၢာ်မၤအသးသ့ဝဲလီၤ.”

လံာ်လူၤကၣ် 11:48

မ့မ့ၢ်ဒ်န့ၣ်ဒီးသုအၢၣ်လီၤသုဝဲလၢသုဘၣ်သူၣ်ဘၣ်သးတၢ်လၢ သုပၢ်လၢပျၢၤတဖၣ်မၤတ့ၢ်ဝဲန့ၣ်လီၤ. အဂ့ၢ်ဒ်အံၤ, အဝဲသ့ၣ်မၤသံဝံတဖၣ်န့ၣ်, ဒီးသုဝဲသုမၤထီၣ်အဝဲသ့ၣ်အတၢ်သွၣ်ခိၣ်အပူၤတဖၣ်လီၤ.

၂ တံၤမသ့း 2:25

လၢအသိၣ်က့ၤသီက့ၤပှၤလၢအထီဒါအီၤတဖၣ်လၢတၢ်သးစူၤ အပူၤန့ၣ်လီၤ. မ့ၢ်မၤဝဲဒ်န့ၣ်ဒီး, ဘၣ်တဘၣ်ကစၢ်ယွၤကဟ့ၣ်လီၤအဝဲသ့ၣ်တၢ်အခွဲးအယာ်လၢ ကပီၢ်ယၢ်လီၤက့ၤအသးဒီးကတုၤလၢတၢ်သ့ၣ်ညါတၢ်မ့ၢ်တၢ်တီ အဂီၢ်န့ၣ်လီၤ.

ဧ့ၤဘြံၤ 10:26

အဂ့ၢ်ဒ်အံၤ, ပတူၢ်လိာ်ဒိးန့ၢ်တၢ်မ့ၢ်တၢ်တီဝံၤအလီၢ်ခံ, ပမ့ၢ်မၤတၢ်ဒဲးဘးလၢတၢ်လူၤဘၣ်ပသးအပူၤန့ၣ်, တၢ်လုၢ်လၢပတၢ်ဒဲးဘးအဂီၢ်တအိၣ်လၢၤဘၣ်.

ဧ့ၤဘြံၤ 10:29

မ့မ့ၢ်ဒ်န့ၣ်ဒီးပှၤလၢအကွၢ်တလီၤကစၢ်ယွၤအဖိခွါ, ဒီးတပာ်လုၢ်ပာ်ပှ့ၤဘၣ်ကစၢ်ယွၤအတၢ်အၢၣ်လီၤအီလီၤလၢ အမ့ၢ်ယ့ၣ်ၡူးခရံာ်အသွံၣ်လၢအမၤကဆှီထီၣ်အီၤလၢအတၢ် ဒဲးဘး, ဒီးကတိၤဒုၣ်ဒွဲၣ်ယွၤအသးလၢအလၢပှဲၤဒီးတၢ်ဘျုး တၢ်ဖှိၣ်တဂၤန့ၣ်, ကြၢးဒိးဘၣ်တၢ်စံၣ်ညီၣ်ဃၣ်အီၤနးန့ၢ်အန့ၣ် တက့ၢ်ဆံးဒိၣ်လဲၣ်.

ဧ့ၤဘြံၤ 12:2

ပှၤလၢအဒုးအိၣ်ထီၣ်သီဒီးမၤလၢထီၣ်ပှဲၤထီၣ်ပတၢ်စူၢ်တၢ်နာ်, ယ့ၣ်ၡူးတဂၤန့ၣ် မ်ပကွၢ်ဃီၤတၢ်ဆူအအိၣ်တက့ၢ်. မ့ၢ်လၢတၢ်သးခုအိၣ်ပာ်စၢၤလၢအမဲာ်ညါအဃိ, အဝဲဒၣ်ဒိးထူၣ်စုညါဒီးတၢ်ဘၣ်သံလၢထူၣ်စုညါအလိၤ အတၢ်မဲာ်ဆှးန့ၣ်တပာ်ဘၣ်ဝဲလၢတၢ်နီတမံၤဘၣ်, ဒီးဆ့ၣ်နီၤဝဲလၢကစၢ်ယွၤအလီၢ်ပစိာ်အစုထွဲတခီန့ၣ်လီၤ.

ဧ့ၤဘြံၤ 4:14

ဒ်ပအိၣ်ဒီးပှၤလုၢ်တၢ်အခိၣ်အဒိၣ်ကတၢၢ်ယ့ၣ်ၡူးကစၢ်ယွၤ အဖိခွါတဂၤလၢအလဲၤခီဖျိတ့ၢ်မူခိၣ်, ယွၤအိၣ်တၢ်အလီၢ် အသိးန့ၣ်, မ်ပကဟံးဃာ်ဂၢၢ်ဂၢၢ်ကျၢၤကျၢၤပတၢ်စူၢ်တၢ်နာ် တက့ၢ်.

ဧ့ၤဘြံၤ 6:4

အဂ့ၢ်ဒ်အံၤ, ပှၤလၢအသးဘၣ်တၢ်ဒုးကပီၤထီၣ်တ့ၢ်လံအီၤတဘျီ, ပှၤလၢအကလၢၢ်ဘၣ်တ့ၢ်လံမူခိၣ်အတၢ်ဟ့ၣ်, ဒီးကဲထီၣ်ဘၣ်ပှၤဒိးန့ၢ်ဃုာ်သးစီဆှံ, ဒီးလ့ၣ်ကွၢ်တ့ၢ်လံလၢယွၤအကလုၢ်ကထါမ့ၢ်တၢ်ဂ့ၤဒီးကလၢၢ် ဘၣ်တ့ၢ်လံခဲကိာ်တဃၣ်အစိအကမီၤတဖၣ်န့ၣ်, ပကဆှၢကဒါက့ၤအီၤဆူတၢ်ပီၢ်ယၢ်လီၤက့ၤအသးန့ၣ်ကသ့လၢကျဲဒ် လဲၣ်.

၂ ပ့းတရူး 2:21

လၢအဝဲသ့ၣ်အဂီၢ်န့ၣ်, မ့ၢ်တသ့ၣ်ညါဘၣ်တ့ၢ်လံတၢ်တီတၢ်လိၤအကျဲနီတဘျီဘၣ်ဒီး ကဂ့ၤဒိၣ်န့ၢ်ဒံးအသ့ၣ်ညါဝဲဝံၤအလီၢ်ခံဃၣ်ဒူချၢကွံာ် အသးလၢတၢ်မၤလိာ်စီဆှံလၢတၢ်ဟ့ၣ်လီၤအဝဲသ့ၣ်, တက့ၢ်န့ၣ်လီၤ.

၁ ယိၤဟၣ် 5:16

ပှၤတဂၤဂၤမ့ၢ်ထံၣ်အဒီပုၢ်ဝဲၢ်မၤတၢ်ဒဲးဘးလၢ အတမ့ၢ်ဘၣ်တၢ်ဒဲးဘးလၢအဆှၢပှၤဆူတၢ်သံန့ၣ်, အဝဲကြၢးဃ့တၢ်လၢကစၢ်ယွၤဒီးကစၢ်ယွၤ ကဟ့ၣ်ပှၤလၢအမၤတၢ်ဒဲးဘးန့ၣ်လၢတၢ်မူလီၤ. အဝဲအံၤဘၣ်ဃးဒၣ်ဒီးပှၤလၢအတၢ်ဒဲးဘးတမ့ၢ်ဘၣ် တၢ်ဒဲးဘးလၢအဆှၢပှၤဆူတၢ်သံတဖၣ်န့ၣ်လီၤ. ဘၣ်ဆၣ်ဒီးတၢ်ဒဲးဘးလၢအဆှၢပှၤဆူတၢ်သံန့ၣ်အိၣ် ဝဲဒၣ်, ဒီးယတစံးလၢသုကြၢးဃ့တၢ်လၢကစၢ်ယွၤ လၢတၢ်ဒဲးဘးဒ်သိးန့ၣ်တဖၣ်အဂီၢ်ဘၣ်.