ဧ့ၤဘြံၤ 6:4 - Sgaw Karen Common Bible

^4-5 အဂ့ၢ်ဒ်အံၤ, ပှၤလၢအသးဘၣ်တၢ်ဒုးကပီၤထီၣ်တ့ၢ်လံအီၤတဘျီ, ပှၤလၢအကလၢၢ်ဘၣ်တ့ၢ်လံမူခိၣ်အတၢ်ဟ့ၣ်, ဒီးကဲထီၣ်ဘၣ်ပှၤဒိးန့ၢ်ဃုာ်သးစီဆှံ, ဒီးလ့ၣ်ကွၢ်တ့ၢ်လံလၢယွၤအကလုၢ်ကထါမ့ၢ်တၢ်ဂ့ၤဒီးကလၢၢ် ဘၣ်တ့ၢ်လံခဲကိာ်တဃၣ်အစိအကမီၤတဖၣ်န့ၣ်, ပကဆှၢကဒါက့ၤအီၤဆူတၢ်ပီၢ်ယၢ်လီၤက့ၤအသးန့ၣ်ကသ့လၢကျဲဒ် လဲၣ်.

ဧ့ၤဘြံၤ 6:4 Iomraidhean Croise

လံာ်တၢ်ဘူၣ်ထီၣ်ဘါထီၣ် 13:55

အန့ၣ်ဝံၤဒီးအဝဲကကွၢ်ဝဲ, ဒီးတၢ်ဆါအၢမ့ၢ်တလဲလိာ်အလွဲၢ်ဒီးတလဲၢ်ထီၣ်ဒၣ်လဲာ်န့ၣ်, မ့ၢ်ဒံးတၢ်တကဆှီဘၣ်န့ၣ်လီၤ. ဒီးနဘၣ်ဆိၣ်ကဲၤထီၣ်ကွံာ်အီၤလၢမ့ၣ်အူဖဲတၢ်ဆါအၢအကဝီၤ အိၣ်လၢအညါပူၤမ့ၢ်ဂ့ၤအချၢမ့ၢ်ဂ့ၤန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 14:43

ဖဲလၢၢ်တဖၣ်ဘၣ်တၢ်သုးကွံာ်အီၤ, ဒီးတၢ်အဒူၣ်တဖၣ်ဘၣ်တၢ်ကွးကွံာ်အီၤဒီးမၤက့ၤအီၤအ သီဝံၤဘၣ်ဆၣ်တၢ်ဆါအၢအဃၢ်မ့ၢ်ဟဲအိၣ်ထီၣ်ကဒီးလၢဟံၣ်ပူၤန့ၣ်

လံာ်တၢ်ဂံၢ် 24:3

ဒီးအဝဲဒၣ်အဲးထီၣ်အထးခိၣ်လၢဝံအကျိာ်ဒ်အံၤလီၤ. “စီၤဘဧိၢ်အဖိခွါစီၤဘံးလၣ်အတၢ်ကစီၣ်, ပှၤတဂၤလၢအထံၣ်တၢ်ဆှံဆှံအတၢ်ကတိၤတဖၣ်,

လံာ်မးသဲ 12:45

တုၤနုၤတစုအဝဲလဲၤကိးန့ၢ်တၢ်နါအၢန့ၢ်အနီၢ်ကစၢ်ဒၣ်ဝဲနွံ ဒုဒီးဟဲက့ၤအိၣ်ဝဲဆိးဝဲဖဲန့ၣ်လီၤ. တၢ်လၢပှၤတဂၤန့ၣ်အတၢ်မ့ၢ်တၢ်လၢခံကတၢၢ်အၢန့ၢ်ဒံးလၢအခီၣ် ထံးတက့ၢ်လီၤ. လၢတၢ်န့ၣ်အဃိ, တၢ်ကမၤစ့ၢ်ကီးအသးဒီးပှၤအၢပှၤသီ တစိၤအံၤဒ်န့ၣ်အသိးလီၤ.”

လံာ်မးသဲ 5:13

သုဝဲသ့ၣ်အံၤ သုမ့ၢ်ဒ်အံသၣ်အသိးလၢပှၤဟီၣ်ခိၣ်ဖိခဲလၢာ်အဂီၢ်လီၤ. ဘၣ်ဆၣ်ဒီး အံသၣ်မ့ၢ်တဟီလၢၤဘၣ်ဒီးတၢ်မၤဟီထီၣ်က့ၤအီၤတသ့ဘၣ်. အဘျုးတအိၣ်လၢၤဘၣ်ဒီးဂ့ၤဒၣ်ထဲလၢကဘၣ်တၢ်စူးကွံာ် အီၤလၢကျဲခိၣ်ကျဲလိၤဒီးဘၣ်တၢ်ယီၢ်အီၤခါအီၤအဂီၢ်လီၤ.

လံာ်ယိၤဟၣ် 15:6

ပှၤတဂၤလၢ်လၢ်လၢအတအိၣ်ဆိးလၢယပူၤန့ၣ်, ကဘၣ်တၢ်စူးကွံာ်အီၤဒ်သ့ၣ်ဒ့အသိးဒီးကဃ့ထီကွံာ် ဝဲလီၤ. သ့ၣ်ဒ့ဒ်န့ၣ်အသိးတဖၣ်ကဘၣ်တၢ်ထၢဖှိၣ်အီၤ ဒီးကွံာ်နုာ်အီၤဆူမ့ၣ်အူပူၤဒီးမ့ၣ်အူကအီၣ်ကွံာ်အီၤဖဲ န့ၣ်လီၤ.

လံာ်ယိၤဟၣ် 3:27

စီၤယိၤဟၣ်စံးဆၢတၢ်ဒီးစံး, “ကစၢ်ယွၤမ့ၢ်တဟ့ၣ်လီၤတၢ်လၢအီၤဘၣ်ဒီး ပှၤဒိးန့ၢ်တၢ်တသ့နီတမံၤနီတဂၤဘၣ်.

လံာ်ယိၤဟၣ် 4:10

ယ့ၣ်ၡူးစံးဆၢတၢ်ဒီးစံးဘၣ်အီၤ, “နမ့ၢ်သ့ၣ်ညါတ့ၢ်ကစၢ်ယွၤ အတၢ်ဟ့ၣ်ဒီးပှၤလၢအဃ့အီနၤလၢထံတဂၤမ့ၢ်မတၤလဲၣ်န့ၣ်, နကဃ့တၢ်လၢအီၤဒီးအဝဲကဟ့ၣ်နၤထံလၢအဟ့ၣ် တၢ်မူန့ၣ်လီၤ.

လံာ်ယိၤဟၣ် 6:32

ယ့ၣ်ၡူးစံးဘၣ်အဝဲသ့ၣ်, “ယစံးဘၣ်တဲဘၣ်သုတၢ်မ့ၢ်တၢ် တီလီၤ. စီၤမိၤၡ့တဟ့ၣ်အီၣ်သုကိၣ်လၢအဟဲလီၤလၢမူခိၣ်ဘၣ်. ပှၤလၢအဟ့ၣ်အီၣ်သုကိၣ်နီၢ်နီၢ်လၢအဟဲလီၤလၢမူခိၣ်န့ၣ် မ့ၢ်ယပၢ်န့ၣ်လီၤ.

မၤတၢ် 10:45

ပှၤယူဒၤဖိလၢအစူၢ်က့ၤနာ်က့ၤတၢ်လၢအဟဲဃုာ်ဒီးစီၤပ့းတရူး လၢဝ့ၢ်ယၤဖိၤတဖၣ်, ကမၢကမၣ်ဝဲလၢကစၢ်ယွၤလူလီၤဂၢ်လီၤအတၢ်ဟ့ၣ်ဘၣ်ဃးသး စီဆှံလၢပှၤကလုာ်ဂၤတဖၣ်အလိၤစ့ၢ်ကီးအဃိန့ၣ်လီၤ.

မၤတၢ် 11:17

အိၣ်ဖျါဝဲဒၣ်လၢကစၢ်ယွၤဟ့ၣ်ပှၤကလုာ်ဂၤသ့ၣ်တဖၣ်တၢ်ဟ့ၣ် တမံၤဃီလၢအဝဲဒၣ်ဟ့ၣ်ပှၤဖဲပအိၣ်ဒီးတၢ်နာ်လၢကစၢ်ယ့ၣ်ၡူးခရံာ်အပူၤန့ၣ်လီၤ. မ့မ့ၢ်ဒ်န့ၣ်ဒီး, ယမ့ၢ်မတၤတဂၤလၢကကျဲးစၢးတြီယွၤအကျဲန့ၣ်လဲၣ်.”

မၤတၢ် 15:8

ဒီးကစၢ်ယွၤလၢအထံၣ်သ့ၣ်ညါပှၤကိးဂၤအသးန့ၣ်, ပာ်ဖျါအတၢ်ဘၣ်သူၣ်ဘၣ်သးပှၤကလုာ်ဂၤတဖၣ်, ခီဖျိအဟ့ၣ်အဝဲသ့ၣ်လၢသးစီဆှံဒ်အဟ့ၣ်တ့ၢ်ပှၤအသိး န့ၣ်လီၤ.

မၤတၢ် 8:20

စီၤပ့းတရူးစံးဆၢက့ၤအီၤ, “မ့ၢ်လၢနဆိကမိၣ်နဲလၢကစၢ်ယွၤ အတၢ်ဟ့ၣ်န့ၣ်နပှ့ၤအီၤလၢစ့ကန့ၢ်အဃိ, မ်နၤဒီးနစ့ကလီၤဒၣ်ဝဲဆူလရာ်ပူၤန့ၣ်တက့ၢ်.

ရိမ့ၤ 1:11

အဂ့ၢ်မ့ၢ်လၢ, ယသးအိၣ်ထံၣ်ဘၣ်သုဒိၣ်မးဒ်သိးယကနီၤ ဟ့ၣ်သုလၢသးအတၢ်ဆိၣ်ဂ့ၤလၢတၢ်မၤဆူၣ်ထီၣ်သုဂံၢ် သုဘါအဂီၢ်န့ၣ်လီၤ.

၂ ကရံၣ်သူး 4:4

အဝဲသ့ၣ်တစူၢ်တနာ်တၢ်ဘၣ်. အဂ့ၢ်မ့ၢ်လၢဟီၣ်ခိၣ်တဘ့ၣ်အံၤအကစၢ်လၢအအၢအသီ တဂၤပာ်အဝဲသ့ၣ်အသူၣ်အသးလၢတၢ်ခံးတၢ်နၤအပူၤ အဃိန့ၣ်လီၤ. အဝဲဒၣ်တြီဃာ်အဝဲသ့ၣ်ဒ်သိးအသုတထံၣ် ဘၣ်တၢ်ကပီၤလၢအကပီၤလီၤလၢအဝဲသ့ၣ်အလိၤ, တၢ်ကပီၤလၢအဟဲလၢတၢ်သးခုကစီၣ်ဘၣ်ဃးခရံာ် လၢအလီၤဂာ်ဒီးယွၤလၢလၢပှဲၤပှဲၤတဂၤအလၤကပီၤတဂ့ၤ န့ၣ်လီၤ.

၂ ကရံၣ်သူး 4:6

ကစၢ်ယွၤလၢအစံးဝဲ, “လၢတၢ်ခံးတၢ်နၤအပူၤန့ၣ်, တၢ်ကပီၤ ကကပီၤထီၣ်ဝဲ” န့ၣ်မ့ၢ်ကစၢ်ယွၤတဂၤဃီလၢအဒုးကပီၤလီၤအတၢ်ကပီၤလၢပသူၣ် ပသးတဖၣ်အပူၤ, ဒ်သိးအကဟဲစိာ်န့ၢ်ပှၤတၢ်သ့ၣ်ညါဘၣ်ဃး ဒီးယွၤအလၤကပီၤလၢအကပီၤထီၣ်လၢခရံာ်အမဲာ်အလိၤန့ၣ်လီၤ.

ကလၤတံ 3:2

စံးဘၣ်ယၤထဲတၢ်တမံၤအံၤတက့ၢ်. မ့ၢ်သုဒိးန့ၢ်ဘၣ်ကစၢ်ယွၤအသးခီဖျိတၢ်မၤထွဲတၢ်သိၣ်တၢ်သီ အခံဧါ. မ့တမ့ၢ်ဘၣ်ဒီးခီဖျိတၢ်နၢ်ဟူတၢ်သးခုကစီၣ် ဒီးစူၢ်က့ၤနာ်က့ၤအီၤန့ၣ်ဧါ.

ကလၤတံ 3:5

ကစၢ်ယွၤဟ့ၣ်သုအသးစီဆှံဒီးမၤတၢ်လီၤလးလၢသုသိးသုကျါ န့ၣ်, မ့ၢ်လၢသုမၤထွဲတၢ်သိၣ်တၢ်သီအခံအဃိဧါ. မ့တမ့ၢ်ဘၣ်ဒီးမ့ၢ်လၢသုနၢ်ဟူဘၣ်တၢ်သးခုကစီၣ်ဒီးသုနာ်အီၤ အဃိဧါ.

အ့းဖ့းစူး 1:18

ယဃ့လၢသုသးအမဲာ်ကအိးထီၣ်အသးဒီးသုကထံၣ်အတၢ် ကပီၤ, ဒ်သိးဒီးသုကနၢ်ပၢၢ်အဝဲအတၢ်ကိးန့ၢ်သုဆူတၢ်မုၢ် လၢ်မနုၤတမံၤအအိၣ်လဲၣ်, ဒီးတၢ်ဆိၣ်ဂ့ၤလၢအဝဲတိာ်ပာ် ဒီးစံးပာ်လၢအကဟ့ၣ်အပှၤဂီၢ်မုၢ်န့ၣ်ထူးတီၤဆံးဒိၣ်လဲၣ်,

အ့းဖ့းစူး 2:8

အဂ့ၢ်ဒ်အံၤ, မ့ၢ်လၢကစၢ်ယွၤအဘျုးအဖှိၣ်အဃိ သုဘၣ်တၢ်အုၣ်က့ၤခီၣ်က့ၤသုခီဖျိသုတၢ်နာ်န့ၣ်လီၤ. တမ့ၢ်တၢ်လၢသုမၤန့ၢ်ဒၣ်သုတၢ်ဒၣ်သုဝဲန့ၣ်ဘၣ်, မ့ၢ်ကစၢ်ယွၤအတၢ်ဟ့ၣ်န့ၣ်လီၤ.

အ့းဖ့းစူး 3:7

ယဘၣ်တၢ်ဒုးကဲထီၣ်ယၤလၢတၢ်သးခုကစီၣ်အံၤအခ့အပှၤ ခီဖျိယွၤအတၢ်ဟ့ၣ်လီၤဆီလၢအဟဲခီဖျိယွၤအစိအကမီၤလၢ အမၤတၢ်လၢယပူၤန့ၣ်လီၤ.

အ့းဖ့းစူး 4:7

ဘၣ်ဆၣ်ဒီး, ပဝဲတဂၤစုာ်စုာ်ပဘၣ်တၢ်ဟ့ၣ်လီၤပှၤလၢတၢ်ဘျုး တၢ်ဖှိၣ်လီၤဆီဒ်ခရံာ်ဃီၣ်ဟ့ၣ်တၢ်အသိးန့ၣ်လီၤ.

၁ တံၤမသ့း 4:14

သးအတၢ်ဟ့ၣ်လၢအအိၣ်လၢနပူၤ, လၢအဘၣ်တၢ်ဟ့ၣ်လီၤနၤဖဲဝံတဖၣ်ကတိၤတၢ်ဒီးပှၤသူၣ်က့သးပှၢ် တဖၣ်ပာ်ထီၣ်အစုလၢနလိၤအခါန့ၣ်, ပာ်ကဲဒီးသူအီၤထီဘိတက့ၢ်.

၂ တံၤမသ့း 2:25

လၢအသိၣ်က့ၤသီက့ၤပှၤလၢအထီဒါအီၤတဖၣ်လၢတၢ်သးစူၤ အပူၤန့ၣ်လီၤ. မ့ၢ်မၤဝဲဒ်န့ၣ်ဒီး, ဘၣ်တဘၣ်ကစၢ်ယွၤကဟ့ၣ်လီၤအဝဲသ့ၣ်တၢ်အခွဲးအယာ်လၢ ကပီၢ်ယၢ်လီၤက့ၤအသးဒီးကတုၤလၢတၢ်သ့ၣ်ညါတၢ်မ့ၢ်တၢ်တီ အဂီၢ်န့ၣ်လီၤ.

၂ တံၤမသ့း 4:14

ပှၤပိာ်တိၢ်ပိာ်ထးစီၤအလ့းစၣ်ဒြူးတဂၤမၤအၢယၤဒိၣ်မးလီၤ. ကစၢ်ကဟ့ၣ်ကၣ်အီၤဒ်အမၤတ့ၢ်တၢ်အသိးန့ၣ်လီၤ.

ဧ့ၤဘြံၤ 10:32

ဘၣ်ဆၣ်ဒီးသ့ၣ်နီၣ်ထီၣ်မုၢ်နံၤလၢအပူၤကွံာ်တဖၣ်, ဖဲသုသးဘၣ်တၢ်မၤကပီၤထီၣ်အီၤဝံၤအလီၢ်ခံ, ဖဲသုဘၣ်ကွၢ်ဆၢၣ်မဲာ်ဒီးတၢ်နးတၢ်ဖှီၣ်အဒိၣ်အအါသနာ် က့သုတူၢ်အီၤပှဲၤကစီဒီန့ၣ်တက့ၢ်.

ဧ့ၤဘြံၤ 2:4

တဘျီဃီကစၢ်ယွၤစ့ၢ်ကီးအုၣ်အသးခီဖျိတၢ်ပနီၣ်လီၤလး တဖၣ်, တၢ်လီၤကမၢကမၣ်တဖၣ်ဒီးတၢ်လီၤလးအတၢ်မၤ အကလုာ်ကလုာ်ဒီးခီဖျိအဟ့ၣ်နီၤသးစီဆှံအတၢ်ဟ့ၣ်ဒ် အသးဒၣ်ဝဲအသိးန့ၣ်လီၤ.

၁ ယိၤဟၣ် 5:16

ပှၤတဂၤဂၤမ့ၢ်ထံၣ်အဒီပုၢ်ဝဲၢ်မၤတၢ်ဒဲးဘးလၢ အတမ့ၢ်ဘၣ်တၢ်ဒဲးဘးလၢအဆှၢပှၤဆူတၢ်သံန့ၣ်, အဝဲကြၢးဃ့တၢ်လၢကစၢ်ယွၤဒီးကစၢ်ယွၤ ကဟ့ၣ်ပှၤလၢအမၤတၢ်ဒဲးဘးန့ၣ်လၢတၢ်မူလီၤ. အဝဲအံၤဘၣ်ဃးဒၣ်ဒီးပှၤလၢအတၢ်ဒဲးဘးတမ့ၢ်ဘၣ် တၢ်ဒဲးဘးလၢအဆှၢပှၤဆူတၢ်သံတဖၣ်န့ၣ်လီၤ. ဘၣ်ဆၣ်ဒီးတၢ်ဒဲးဘးလၢအဆှၢပှၤဆူတၢ်သံန့ၣ်အိၣ် ဝဲဒၣ်, ဒီးယတစံးလၢသုကြၢးဃ့တၢ်လၢကစၢ်ယွၤ လၢတၢ်ဒဲးဘးဒ်သိးန့ၣ်တဖၣ်အဂီၢ်ဘၣ်.