ဧ့ၤဘြံၤ 6:18 - Sgaw Karen Common Bible

¹⁸ လၢတၢ်လၢအလဲလိာ်အသးတသ့ဘၣ်, လၢယွၤကတိၤကဘျံးကဘျၣ်လၢအဂ့ၢ်တသ့ဘၣ်, ခံမံၤအံၤအဃိပှၤလၢအဒိးန့ၢ်လံတၢ်ပူၤဖျဲးလၢ အပူၤ, ပဝဲဒၣ်အံၤပသးဆူၣ်ထီၣ်ဒိၣ်ဒိၣ်အါအါလၢ ပကဟံးဃာ်တၢ်မုၢ်လၢ်လၢအအိၣ်ပာ်လီၤအသးလၢ ပမဲာ်ညါန့ၣ်လီၤ.

ဧ့ၤဘြံၤ 6:18 Iomraidhean Croise

လံာ်တၢ်ကဲထီၣ်အခီၣ်ထံး 19:22

မၤချ့ချ့. ဃ့ၢ်တက့ၢ်. တချုးနလဲၤတုၤဖဲန့ၣ်ဘၣ်ဒီး, ယမၤတၢ်တသ့နီတမံၤဘၣ်. မ့ၢ်လၢစီၤလိာ်ကိးအီၤလၢတၢ်အဆံးအဃိ ဝ့ၢ်အံၤဘၣ်တၢ်ကိးအီၤလၢဝ့ၢ်စိၤဧၢ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 2:28

စီၤယိၤအာ်နၢ်ဟူဘၣ်တၢ်လၢမၤတ့ၢ်အသးန့ၣ်လီၤ. (အဝဲဆီၣ်ထွဲမၤစၢၤတ့ၢ်စီၤအဒိနံၤယၤ, ဘၣ်ဆၣ်, တဆီၣ်ထွဲမၤစၢၤတ့ၢ်စီၤအးဘၡါလိၣ်ဘၣ်) လၢတၢ်န့ၣ်အဃိအဝဲဃ့ၢ်ပူၤဖျဲးအသးဆူယွၤအိၣ်ဝဲဆိးဝဲ အဒဲစီၤဆှံအပူၤဒီးဟံးဃာ်ကျၢၤတၢ်လုၢ်လီၢ်အသနၢၣ်တဖၣ်န့ၣ် လီၤ.

စံးထီၣ်ပတြၢၤ 110:4

ယွၤမၤတၢ်အၢၣ်လီၤသမှံၤသပှၢ်တမံၤဒီး တထုးက့ၤဘၣ်ဝဲဘၣ်. “နကမ့ၢ်ပှၤလုၢ်တၢ်အခိၣ်တဂၤလီၤထူလီၤယိာ်, လၢစီၤမၤလကံစဒ့းအပှၤလုၢ်တၢ်အခိၣ်အလုၢ်အလၢ်အပူၤန့ၣ်လီၤ.”

စံးထီၣ်ပတြၢၤ 46:1

ကစၢ်ယွၤမ့ၢ်ပတၢ်ပူၤဖျဲးအလီၢ်ဒီးပဂံၢ်ပဘါလီၤ. လၢတၢ်ကိၢ်တၢ်ဂီၤအကတီၢ်န့ၣ် အဝဲအိၣ်ကတဲာ်ကတီၤအသးထီဘိလၢ ကမၤစၢၤပှၤန့ၣ်လီၤ.

စံးထီၣ်ပတြၢၤ 62:8

ပှၤဂီၢ်မုၢ်သ့ၣ်ဧၢ, သန့ၤသုသးလၢအီၤကိးအကတီၢ်ဒဲး ဒီးတဲအီၤလၢသုတၢ်ကိၢ်တၢ်ဂီၤခဲလၢာ်န့ၣ်တက့ၢ်. ကစၢ်ယွၤမ့ၢ်တၢ်ပူၤဖျဲးအလီၢ်လၢပဂီၢ်လီၤ. စ့လၤ

တၢ်ကတိၤဒိ. 3:18

ပှၤလၢအကဲထီၣ်ပှၤကူၣ်သ့တဖၣ်န့ၣ်, ဘၣ်ဆိၣ်ဂ့ၤဝဲနီၢ်နီၢ်လီၤ. တၢ်ကူၣ်သ့ကဟ့ၣ်အဝဲသ့ၣ်လၢတၢ်မူလီၤ.

တၢ်ကတိၤဒိ. 4:13

သ့ၣ်နီၣ်တၢ်လၢနမၤလိတ့ၢ်တဖၣ်ထီဘိတက့ၢ်. နတၢ်မၤလိမၤဒိးန့ၣ်မ့ၢ်နတၢ်မူလီၤ.

လံာ်ယၡါယၤ 27:5

ဘၣ်ဆၣ်ယပှၤဂီၢ်မုၢ်အဒုၣ်အဒါတဖၣ်မ့ၢ်အဲၣ်ဒိးယတၢ်ဒီဒၣ် အိၣ်ပှိၤအီၤဒီး, မ်အမၤတၢ်ဃူတၢ်ဖိးဒီးယၤတက့ၢ်. အၢၣ်, မ်အမၤတၢ်ဃူတၢ်ဖိးဒီးယၤတက့ၢ်.”

လံာ်ယၡါယၤ 51:12

ယွၤစံးဝဲ, “ယမ့ၢ်ပှၤတဂၤလၢအဟ့ၣ်ဆူၣ်ထီၣ်သုဂံၢ်သုဘါလီၤ. ဘၣ်မနုၤအဃိသုဘၣ်ပျံၤဘၣ်ဖုးပှၤကညီလၢ အသံသ့အံၤ, လၢအအိၣ်ဂၢၢ်ဆိးကျၢၤသ့ယံာ်ထဲသိးဒၣ် နီၣ်ဧိၤမံၤဧိၤအံၤန့ၣ်လဲၣ်.

လံာ်ယၡါယၤ 56:4

ယွၤစံးဘၣ်ပှၤဒ်န့ၣ်အသိးတဂၤ, “နမ့ၢ်ယူးယီၣ်ယၤခီဖျိနတိၢ်န့ၢ်မုၢ်အိၣ်ဘှံးနံၤ, နမ့ၢ်မၤတၢ်လၢအမၤသးမုာ်ယၤ ဒီးဟံးဃာ်ယတၢ်အၢၣ်လီၤအီလီၤ လၢတၢ်သူၣ်တီသးရၤအပူၤဒီး,

လံာ်ယၡါယၤ 64:7

ပှၤတဃၣ်ဃီၤအသးဆူနအိၣ်လၢတၢ်ထုကဖၣ်အပူၤနီတဂၤ, ပှၤတလဲၤဆူနအိၣ်လၢတၢ်မၤစၢၤအဂီၢ်နီတဂၤဘၣ်. နပာ်ခူသူၣ်ကွံာ်နသးလၢပှၤဒီးစူးကွံာ်ညိကွံာ်တ့ၢ်ပှၤလၢပတၢ် ဒဲးဘးတဖၣ်အဃိလီၤ.

လံာ်စကၤရယၤ 9:12

က့ၤကဒါက့ၤ, သုဝဲပှၤကဲကုၢ်ဖိလၢခဲအံၤ အိၣ်ဒီးတၢ်မုၢ်လၢ်သ့ၣ်ဧၢ, က့ၤကဒါက့ၤဆူ သုတၢ်ပူၤဖျဲးအလီၢ်န့ၣ်တက့ၢ်. ခဲကနံၣ်အံၤယစံးဘၣ်တဲဘၣ်သု, ယကဟ့ၣ်ကဒါက့ၤသုတၢ်ခံစး လၢအမ့ၢ်တၢ်ဆိၣ်ဂ့ၤလၢကယဲၢ်တၢ်လၢ သုတူၢ်ဘၣ်တ့ၢ်လံအဂီၢ်န့ၣ်လီၤ.

လံာ်တၢ်ဂံၢ် 23:19

ကစၢ်ယွၤန့ၣ်တလီၤဂာ်ဒီးပှၤကညီတဖၣ်လၢအလီတၢ်ဘၣ်. အဝဲတမ့ၢ်ပှၤကညီတဂၤလၢအလဲလိာ်ကွံာ်အတၢ်ပာ်သးန့ၣ်ဘၣ်. ကယဲၢ်တၢ်လၢအအၢၣ်လီၤအီလီၤတ့ၢ်ဝဲန့ၣ်အဝဲမၤဝဲလီၤ. အဝဲကတိၤတၢ်ဒီးတၢ်မၤအသးန့ၣ်လီၤ.

လံာ်မးသဲ 24:35

မူခိၣ်ဒီးဟီၣ်ခိၣ်ကလဲၤပူၤကွံာ်ဝဲ, မ့မ့ၢ်ယကလုၢ်ယကထါတဖၣ်တလဲၤပူၤကွံာ်နီတဘျီဘၣ်.

လံာ်မးသဲ 3:7

တုၤစီၤယိၤဟၣ်ထံၣ်ဘၣ်ပှၤဖၤရံၤၡဲဒီးပှၤစးဒူၤကဲအါဒံအါ ဂၤလၢအဟဲလၢကဒိးဘျၢအသးလၢထံအဂီၢ်န့ၣ်ဒီးစံးဘၣ်အဝဲသ့ၣ်, “ဂုၢ်ဘီၣ်အီးသ့ၣ်ဧၢ, မတၤဟ့ၣ်ပလီၢ်သုလၢသုကဃ့ၢ်ပူၤကွံာ်လၢ ကစၢ်ယွၤအတၢ်စံၣ်ညီၣ်လၢအကဟဲန့ၣ်လဲၣ်.

လံာ်လူၤကၣ် 2:25

ဖဲဆၢကတီၢ်အဝဲန့ၣ်, ပှၤအိၣ်ဝဲဒၣ်တဂၤလၢအမံၤမ့ၢ်စီၤစူၤမ့းအိၣ်, လၢအအိၣ်ဆိးဝဲဒၣ်ဖဲဝ့ၢ်ယရူၤရှလ့ၣ်န့ၣ်လီၤ. အဝဲဒၣ်မ့ၢ်ပှၤဂ့ၤပှၤဝါ, ပှၤပျံၤကစၢ်ယွၤအဲၣ်ကစၢ်ယွၤတဂၤ, ဒီးအိၣ်ခိးကွၢ်လၢ်အံၣ်စရ့လးကဘၣ်တၢ်အုၣ်က့ၤခီၣ်က့ၤအီၤလီၤ. သးစီဆှံအိၣ်ဒီးအီၤ,

ရိမ့ၤ 15:5

ဒီးမ်ကစၢ်ယွၤ, လၢအမ့ၢ်တၢ်သူၣ်စူၤသးစူၤဒီးတၢ်ဟ့ၣ် ဂံၢ်ဟ့ၣ်ဘါအဂံၢ်ထံး, မၤစၢၤသုဒ်သိးသုကအိၣ်မူသကိးလၢတၢ်ဃူတၢ်ဖိး အပူၤခီဖျိတၢ်ကွၢ်လိမၤဒိးယ့ၣ်ၡူးခရံာ်,

ရိမ့ၤ 3:25

ကစၢ်ယွၤဟ့ၣ်လီၤယ့ၣ်ၡူးခရံာ်ဒ်သိးခီဖျိအတၢ်သံန့ၣ်, အဝဲကကဲထီၣ်ကျဲလၢပှၤဟီၣ်ခိၣ်ဖိတဖၣ်အတၢ်ဒဲးဘး ကဘၣ်တၢ်ပျၢ်အီၤအဂီၢ်လၢအဝဲသ့ၣ်အတၢ်နာ်အီၤအဃိန့ၣ်လီၤ. ကစၢ်ယွၤမၤတ့ၢ်တၢ်အံၤဒ်သိးအကဒုးနဲၣ်အတၢ်တီတၢ်လိၤ အဂီၢ်န့ၣ်လီၤ. လၢအပူၤကွံာ်န့ၣ်, ကစၢ်ယွၤဝံသးစူၤတၢ်ဒီးကွၢ်ကပာ်ကွံာ်ပှၤဟီၣ်ခိၣ်ဖိ တဖၣ်အတၢ်ဒဲးဘးန့ၣ်လီၤ.

ရိမ့ၤ 3:4

တမ့ၢ်ဒ်န့ၣ်ဘၣ်. ပှၤကညီကိးဂၤဒဲးမ့မ့ၢ်ပှၤလီတၢ်သနာ်က့, ကစၢ်ယွၤတီဝဲလိၤဝဲလီၤ. ဒ်တၢ်ကွဲးအသးစံးဝဲအသိး, “နကဘၣ်တၢ်ပာ်တီပာ်လိၤနၤလၢ နတၢ်ကတိၤတဖၣ်အပူၤ, ဒီးနကမၤနၢၤတၢ်ဖဲ နဘၣ်တၢ်လိာ်ကွီၢ်နၤန့ၣ်လီၤ.”

ရိမ့ၤ 5:5

တၢ်မုၢ်လၢ်အံၤတဒုးသးဟးဂီၤပှၤဘၣ်, မ့ၢ်လၢကစၢ်ယွၤလူလီၤဂၢ်လီၤအတၢ်အဲၣ်လၢပသးပူၤခီဖျိ သးစီဆှံ, လၢအမ့ၢ်ကစၢ်ယွၤအတၢ်ဟ့ၣ်ပှၤအဃိန့ၣ်လီၤ.

ဖံလံးပံၤ 2:1

သုတၢ်အိၣ်မူလၢခရံာ်အပူၤမ့ၢ်တၢ်လၢအဟ့ၣ်ဂံၢ်ဟ့ၣ်ဘါသု, ဒီးအတၢ်အဲၣ်တၢ်ကွံမၤမုာ်ထီၣ်က့ၤသုလီၤ. သုအိၣ်ဒီးတၢ်ရ့လိာ်မုာ်လိာ်လၢယွၤအသး, ဒီးသုအိၣ်ဒီးတၢ်သး ကညီၤဒီးတၢ်သးအိၣ်မၤစၢၤတၢ်လၢတဂၤဒီးတဂၤအဂီၢ်န့ၣ်လီၤ.

ကလီးစဲ 1:23

တၢ်လၢအလီၢ်အိၣ်တမံၤန့ၣ်, မ့ၢ်ဒ်သိးသုကလဲၤဒံးတၢ်လၢတၢ် ကလုၢ်တီဒီးလၢတၢ်စူၢ်တၢ်နာ်အဂၢၢ်အကျၢၤအပူၤ, ဒီးဒ်သိးသုသုတပျဲပှၤမၤကဒံကဒါသုတၢ်မုၢ်လၢ်လၢ သုဒိးန့ၢ်တ့ၢ်သုဝဲဖဲသုနၢ်ဟူဘၣ်တၢ်သးခုကစီၣ်အခါ တဂ့ၤန့ၣ်လီၤ. ယၤစီၤပီလူးယကဲထီၣ်တ့ၢ်လံတၢ်အခ့အပှၤဘၣ် ဃးတၢ်သးခုကစီၣ်လၢအဘၣ်တၢ်စံၣ်တဲၤတဲလီၤတ့ၢ်အီၤဆူ ပှၤကိးဂၤဒဲးလၢဟီၣ်ခိၣ်ချၢအံၤန့ၣ်လီၤ.

ကလီးစဲ 1:27

ကစၢ်ယွၤအတၢ်ရဲၣ်တၢ်ကျဲၤမ့ၢ်ဒ်သိးအကလီၣ်ဖျါထီၣ်န့ၢ် အပှၤဂီၢ်မုၢ်လၢအဝဲအတၢ်ခူသူၣ်န့ၣ်လီၤ. တၢ်ခူသူၣ်လၢအအိၣ်ဒီးအလုၢ်အပှ့ၤဒီးအလၤထူးကပီၤတီၤအံၤ မ့ၢ်ဝဲလၢပှၤကိးကလုာ်ဒဲးအဂီၢ်ဒီးတၢ်ခူသူၣ်အံၤမ့ၢ်ဝဲခရံာ် အိၣ်လၢသုပူၤ, အခီပညီသုကန့ၢ်သါဃုာ်ကစၢ်ယွၤအလၤ အကပီၤန့ၣ်လီၤ.

ကလီးစဲ 1:5

လၢသုတၢ်မုၢ်လၢ်လၢအဘၣ်တၢ်ကတီၤပာ်န့ၢ်သုဂီၢ်လၢမူခိၣ် အဃိန့ၣ်လီၤ. ဘၣ်ဃးဒီးတၢ်မုၢ်လၢ်အံၤအဂ့ၢ်န့ၣ်, သုနၢ်ဟူတ့ၢ်လၢအခီၣ်ထံးလံၤလံၤခီဖျိတၢ်ကစီၣ်အမ့ၢ် အတီလၢအမ့ၢ်တၢ်သးခုအကစီၣ်န့ၣ်လီၤ.

၁ သ့းစၤလနံ 1:10

ဒီးအိၣ်ခိးအဖိခွါအတၢ်ဟဲလီၤလၢမူခိၣ်, အဖိခွါယ့ၣ်ၡူးလၢအဝဲဒၣ်ဒုးဂဲၤဆၢထၢၣ်က့ၤအီၤလၢတၢ်သံတ ဂၤလၢအဒုးပူၤဖျဲးထီၣ်ပှၤလၢကစၢ်ယွၤအတၢ်သးဒိၣ်လၢ အကဟဲန့ၣ်လီၤ.

၁ တံၤမသ့း 1:1

လၢစီၤပီလူး, ယ့ၣ်ၡူးခရံာ်အပှၤတၢ်မၢဖိတဂၤဒ်ကစၢ်ယွၤ ပတၢ်အုၣ်က့ၤခီၣ်က့ၤကစၢ်ဒီးယ့ၣ်ၡူးခရံာ်ပတၢ်မုၢ်လၢ်အတၢ် ဟ့ၣ်လီၤအကလုၢ်အသိး,

၁ တံၤမသ့း 6:12

တၢ်စူၢ်တၢ်နာ်အတၢ်ဃ့ၢ်န့ၣ်ဃ့ၢ်အီၤအဂ့ၤကတၢၢ်, ဒီးမၤန့ၢ်တၢ်မူအထူအယိာ်လၢနကစၢ်ဒၣ်နဲအဂီၢ်တက့ၢ်. အဂ့ၢ်ဒ်လဲၣ်န့ၣ်, ကစၢ်ယွၤကိးတ့ၢ်နၤဆူတၢ်မူအဝဲအံၤ အပူၤဖဲနအၢၣ်လီၤဒီးမၤဂၢၢ်မၤကျၢၤနတၢ်စူၢ်တၢ်နာ်လၢပှၤအုၣ် အသးအါဂၤအမဲာ်ညါအခါန့ၣ်လီၤ.

၂ တံၤမသ့း 2:13

ပမ့ၢ်တတီဒီးအီၤဘၣ်ဆၣ်, အဝဲဒၣ်အကလုၢ်တီထီဘိ မ့ၢ်လၢအဝဲဒၣ်သမၢလီၤအသး တသ့ဘၣ်အဃိန့ၣ်လီၤ.”

တံတူး 1:2

လၢအသူၣ်လီၤအသးလၢတၢ်မုၢ်လၢ်ဘၣ်ဃးတၢ်မူအထူအယိာ် အဖီခိၣ်န့ၣ်လီၤ. တချုးလၢဟီၣ်ခိၣ်ကဲထီၣ်ဒံးဘၣ်န့ၣ်, ကစၢ်ယွၤလၢအကတိၤတၢ်မ့ၢ်တၢ်တီတဂၤအံၤအၢၣ်လီၤ တ့ၢ်ဝဲလၢအကဟ့ၣ်ပှၤတၢ်မူအံၤ,

ဧ့ၤဘြံၤ 11:7

လၢတၢ်စူၢ်တၢ်နာ်န့ၣ်စီၤနိအၤနၢ်ဟူကစၢ်ယွၤအတၢ်ဟ့ၣ် ပလီၢ်အီၤဘၣ်ဃးဒီးတၢ်ကမၤအသးလၢအတထံၣ်ဘၣ်ဒံးဝဲ တဖၣ်န့ၣ်လီၤ. အဝဲဒၣ်စူၢ်ကစၢ်ယွၤဒီးဘှီထီၣ်ကဘီတဘ့ၣ်လၢ အဝဲဒၣ်အပှၤဟံၣ်ဖိအတၢ်ပူၤဖျဲးအဂီၢ်န့ၣ်လီၤ. လၢတၢ်အံၤအဃိဟီၣ်ခိၣ်ဘၣ်တၢ်စံၢ်ၣ်ညီၣ်အီၤ, ဒီးစီၤနိအၤဒိးန့ၢ်ဘၣ်ကစၢ်ယွၤအတၢ်တီတၢ်လိၤလၢ အတၢ်စူၢ်တၢ်နာ်အီၤအဃိန့ၣ်လီၤ.

ဧ့ၤဘြံၤ 3:11

လၢတၢ်သးဒိၣ်ထီၣ်အပူၤယဆိၣ်လီၤယသးလၢ ‘အဝဲသ့ၣ်တလဲၤနုာ်ဘၣ်ဆူ ယတၢ်အိၣ်ဘှံးအပူၤနီတဘျီဘၣ်န့ၣ်လီၤ.’ ”

ဧ့ၤဘြံၤ 3:6

မ့မ့ၢ်ခရံာ်အကလုၢ်တီဝဲဒ်ဖိခွါတဂၤအသိးလၢကစၢ်ယွၤအဒူၣ် အထၢအဖီခိၣ်န့ၣ်လီၤ. ပမ့ၢ်အိၣ်ဒီးတၢ်သူၣ်ဒူသးဒူဒီးတၢ်သူၣ်ဂၢၢ်သးကျၢၤလၢပတၢ် မုၢ်လၢ်အပူၤဒီးပမ့ၢ်အဝဲဒၣ်အဒူၣ်ဖိထၢဖိလီၤ.

ဧ့ၤဘြံၤ 6:17

လၢတၢ်န့ၣ်အဃိ, ဖဲကစၢ်ယွၤသးအိၣ်လီၣ်ဖျါထီၣ်န့ၢ်ပှၤလၢ အကန့ၢ်သါဃုာ်တၢ်စံးပာ်အံၤတဖၣ်လၢအတၢ်တိာ်ပာ်မ့ၢ် တၢ်လၢအတလဲလိာ်အသးဘၣ်န့ၣ်, ယွၤအၢၣ်လီၤတၢ်အိၣ်ဒီးတၢ်ဆိၣ်လီၤအသးလီၤ.

ဧ့ၤဘြံၤ 7:19

အဂ့ၢ်ဒ်အံၤ, စီၤမိၤၡ့အတၢ်သိၣ်တၢ်သီမၤလၢထီၣ်ပှဲၤထီၣ်တၢ် တသ့ဘၣ်နီတမံၤဘၣ်. ဒီးအခဲအံၤတၢ်ဟ့ၣ်လီၤပှၤတၢ်မုၢ်လၢ် လၢ အဂ့ၤဒိၣ်တက့ၢ်, လၢပသုးဘူးပသးဆူ ကစၢ်ယွၤအအိၣ် သ့ဝဲခီဖျိအီၤန့ၣ်လီၤ.

ဧ့ၤဘြံၤ 7:21

ဖဲပှၤလုၢ်တၢ်အခိၣ်အဂၤတဖၣ်ဟံးထီၣ်ဖီၣ်ထီၣ်အတၢ်ဖံးတၢ် မၤန့ၣ်တၢ်ဆိၣ်လီၤသးဒ်သိးအံၤတအိၣ်ဘၣ်. ဘၣ်ဆၣ်ဒီး ဖဲယ့ၣ်ၡူးကဲထီၣ်ပှၤလုၢ်တၢ်အခိၣ်န့ၣ်အိၣ်ဃုာ်ဒီးကစၢ်ယွၤ အတၢ်ဆိၣ်လီၤအသးဒီးအီၤ, ဒီးစံးဝဲဒၣ်, “ကစၢ်မၤတ့ၢ်တၢ်အၢၣ်လီၤသမှံၤသပှၢ်တမံၤ ဒီးတထုးက့ၤဝဲဒၣ်ဘၣ်. ‘နကမ့ၢ်ပှၤလုၢ်တၢ်အခိၣ်အစိၤစိၤအဃၣ်ဃၣ်လီၤ.’ ”

လံာ်စီၤယိၤၡူ 20:3

ဒ်သိးပှၤလၢအမၤသံဘၣ်ပှၤတဂၤဂၤလၢတၢ်တဆိကမိၣ်ဆိကမးဘၣ် အပူၤကလဲၤဃ့ၢ်ဖဲန့ၣ်လၢကပူၤဖျဲးလၢပှၤလၢအလူၤဃု မၤကၣ်က့ၤအီၤတဂၤအဂီၢ်န့ၣ်လီၤ.

၁ ယိၤဟၣ် 1:10

ပမ့ၢ်စံးလၢပတမၤဘၣ်တၢ်ဒဲးဘးန့ၣ်, ပဒုးကဲထီၣ်ကစၢ်ယွၤလၢ ပှၤလီတၢ်ဒီးအကလုၢ်ကထါတအိၣ်ဘၣ်လၢပပူၤဘၣ်.

၁ ယိၤဟၣ် 5:10

လၢတၢ်န့ၣ်အဃိ, ပှၤလၢအစူၢ်က့ၤနာ်က့ၤကစၢ်ယွၤအဖိခွါ န့ၣ်အိၣ်ဒီးတၢ်အုၣ်အသးအံၤလၢအသးကံၢ်ပူၤ, ဘၣ်ဆၣ်ဒီးပှၤလၢအတစူၢ်တနာ်ကစၢ်ယွၤန့ၣ်ဒုးကဲထီၣ် ယွၤလၢပှၤလီတၢ်, မ့ၢ်လၢအဝဲတနာ်ယွၤအတၢ်အုၣ်အသးဘၣ်ဃးဒီးအဖိခွါ အဂ့ၢ်အကျိၤဘၣ်အဃိလီၤ.

လံာ်စီၤၡမူၤအ့လးအခီၣ်ထံးတဘ့ၣ် 15:29

ကီၢ်အံၣ်စရ့လးအကစၢ်ယွၤလၢအကဟုကညီၢ်ဒိၣ်န့ၣ်တလီတၢ်မ့ၢ်ဂ့ၤ, ဆီတလဲအတၢ်ပာ်သူၣ်ပာ်သးမ့ၢ်ဂ့ၤဘၣ်. အဝဲတမ့ၢ်ပှၤကညီတဂၤ, ဒီးအဝဲတဆီတလဲအတၢ်ပာ်သူၣ်ပာ်သးဘၣ်.”