ဧ့ၤဘြံၤ 6:16 - Sgaw Karen Common Bible

¹⁶ ဖဲပှၤကညီဆိၣ်လီၤအသးန့ၣ်, အဝဲသ့ၣ်သူပှၤလၢအဒိၣ်န့ၢ် အဝဲသ့ၣ်အမံၤဒီးတၢ်ဆိၣ်မ့ၢ်တၢ်လၢအမၤကတၢၢ်ကွံာ် တၢ်ဂ့ၢ်လိာ်ဘှီလိာ်ခဲလၢာ်လီၤ.

ဧ့ၤဘြံၤ 6:16 Iomraidhean Croise

လံာ်တၢ်ကဲထီၣ်အခီၣ်ထံး 14:22

စီၤအၤဘြၣ်စံးဆၢဝဲဒၣ်, “ယဆိၣ်လီၤယသးသညူးသပှၢ်လၢယွၤ, တၢ်ထီကတၢၢ်ကစၢ်ယွၤ, ယွၤလၢအတ့လီၤမူခိၣ်ဒီးဟီၣ်ခိၣ်အမဲာ်ညါ,

လံာ်တၢ်ကဲထီၣ်အခီၣ်ထံး 21:23

လၢတၢ်န့ၣ်အဃိဆိၣ်လီၤနသးဖဲအံၤလၢကစၢ်ယွၤအမဲာ်ညါလၢနသု တလီန့ၢ်ယၤ, ယဖိတဖၣ်ဒီးယစၢၤယသွဲၣ်တဖၣ်န့ၣ်တဂ့ၤ. ယတီတ့ၢ်ဒီးနၤအဃိ အၢၣ်လီၤယၤလၢနကတီစ့ၢ်ကီးဒီးယၤဒီးထံကီၢ်အံၤလၢနအိၣ် နဆိးလၢအပူၤန့ၣ်တက့ၢ်.”

လံာ်တၢ်ကဲထီၣ်အခီၣ်ထံး 21:24

စီၤအၤဘြၤဟၣ်စံးဘၣ်အီၤ, “ယအၢၣ်လီၤ” န့ၣ်လီၤ.

လံာ်တၢ်ကဲထီၣ်အခီၣ်ထံး 31:53

စီၤအၤဘြၤဟၣ်အကစၢ်ယွၤဒီးစီၤနၤဃိာ်အကစၢ်ယွၤကစံၣ်ညီၣ်တၢ် လၢပဘၢၣ်စၢၤန့ၣ်လီၤ.” တုၤနုၤတစုစီၤယၤကိာ်မၤတၢ်အၢၣ်လီၤသညူးသပှၢ်လၢကပၢၤဃးဝဲ လၢကစၢ်ယွၤလၢအပၢ်စီၤအံၤစဲးဘူၣ်ထီၣ်ဘါထီၣ်ဝဲတဂၤအမံၤ အပူၤန့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 21:2

(ပှၤကံးဘိၣ်ဖိတဖၣ်န့ၣ်တမ့ၢ်ပှၤအံၣ်စရ့လးဖိတဖၣ်ဘၣ်. အဝဲသ့ၣ်မ့ၢ်ပှၤအဆံးဖိတဖုလၢအမိၢ်ဖိအကျါလၢပှၤအံၣ်စရ့လးဖိတဖၣ် အၢၣ်လီၤဝဲလၢကအိၣ်ပှိၤဒီဒၣ်အီၤဘၣ်ဆၣ်, စီၤစီလူးကျဲးစၢးဒ်သိးကမၤဟးဂီၤကွံာ်အဝဲသ့ၣ် မ့ၢ်လၢအဝဲဒၣ်အတၢ်သးဆူၣ်သးဂဲၤလၢ ကီၢ်အံၣ်စရ့လးဒီးကီၢ်ယူဒၤအပှၤဂီၢ်မုၢ်အဂီၢ်အဃိန့ၣ်လီၤ.)

လံာ်တၢ်ဟးထီၣ်ကွံာ် 22:11

ပှၤတဂၤန့ၣ်ကဘၣ်လဲၤဆူတၢ်ဘူၣ်ထီၣ်ဘါထီၣ်အလီၢ်ဒီးဆိၣ်လီၤအသး လၢအတဟုၣ်န့ၢ်ဘၣ်ပှၤအဂၤတဂၤန့ၣ်အတၢ်ဘၣ်လီၤ. ဆၣ်ဖိကီၢ်ဖိတဒုန့ၣ်မ့ၢ်တဘၣ်တၢ်ဟုၣ်အီၤဒီးအကစၢ်ကဘၣ်တူၢ်လိာ် တၢ်လီၤမၢ်ဒီးပှၤအဂၤတဂၤန့ၣ်ဘၣ်ဟ့ၣ်လိးက့ၤတၢ်အလီၢ်တအိၣ်ဘၣ်လီၤ.

ကလၤတံ 3:15

ယဒီပုၢ်ဝဲၢ်သ့ၣ်ဧၢ, ယကသူမုၢ်ဆ့ၣ်မုၢ်ဂီၤအတၢ်အဒိအတဲာ် တမံၤလီၤ. ဖဲပှၤခံဂၤအၢၣ်လီၤအီလီၤလိာ်အသးလၢတၢ်ဂ့ၢ် တမံၤဒီးဆဲးလီၤအမံၤလၢတၢ်အၢၣ်လီၤအီလီၤအဂီၢ်န့ၣ်, ပှၤမၤဟးဂီၤကွံာ်အီၤမ့ၢ်ဂ့ၤ, ပှၤဒၢနုာ်အါထီၣ်အီၤမ့ၢ်ဂ့ၤ တသ့နီတဂၤဘၣ်.

ဧ့ၤဘြံၤ 6:13

ဖဲကစၢ်ယွၤစံးပာ်တၢ်ဒီးစီၤအၤဘြၤဟၣ်န့ၣ်အဝဲဆိၣ်လီၤ အသးလၢကမၤလၢပှဲၤတၢ်စံးပာ်အံၤန့ၣ်လီၤ. အဂ့ၢ်ဒ်အံၤ, ပှၤဒိၣ်န့ၢ်အီၤတအိၣ်ဘၣ်ဒီးယွၤသူအမံၤဒၣ်ဝဲလၢ အတၢ်ဆိၣ်လီၤအသးအပူၤ,