ဧ့ၤဘြံၤ 6:10 - Sgaw Karen Common Bible

¹⁰ အဂ့ၢ်ဒ်အံၤကစၢ်ယွၤတမ့ၢ်ပှၤလၢအမၤတၢ်တတီတလိၤ န့ၣ်ဘၣ်. သုတၢ်မၤဒီးသုတၢ်အဲၣ်တၢ်ကွံယွၤလၢသုလီၣ်ဖျါ ထီၣ်ခီဖျိသုတၢ်ဟ့ၣ်မၤစၢၤတ့ၢ်ဒီးဟ့ၣ်မၤစၢၤဒံးပှၤခရံာ်ဖိ ကဒဲကဒဲဒီးသုန့ၣ်ယွၤတကွၢ်ကပာ်ဒီးသးပ့ၤနီၣ်အီၤဘၣ်.

ဧ့ၤဘြံၤ 6:10 Iomraidhean Croise

လံာ်စီၤနဃ့မယၤ 13:22

ယမၤလိာ်ပှၤလ့ၤဝံဖိတဖၣ်လၢကမၤကဆှီထီၣ်အသးဒၣ်ဝဲဒီးလဲၤ ဒီးခိးတြဲၤတဖၣ်လၢကမၤလီၤတံၢ်တၢ်ဒ်သိးမုၢ်အိၣ်ဘှံးနံၤ ကဘၣ်တၢ်ပာ်စီဆှံအီၤအဂီၢ်န့ၣ်လီၤ. ကစၢ်ယွၤဧၢ, သ့ၣ်နီၣ်ထီၣ်က့ၤလၢ်ယၤလၢတၢ်အံၤအဃိစ့ၢ်ကီးဒီး မၤပူၤဖျဲးလၢ်ယၤလၢနတၢ်အဲၣ်လၢအဒိၣ်ဝဲအဃိန့ၣ်တက့ၢ်.

လံာ်စီၤနဃ့မယၤ 13:31

ယကတဲာ်ကတီၤသ့ၣ်လၢတၢ်ကသူအီၤလၢတၢ်ဆိၣ်ကဲၤတၢ်လုၢ်တၢ်ပာ်တဖၣ် အဂီၢ်လၢတၢ်ဟဲကစိာ်အီၤဘၣ်ဆၢဘၣ်ကတီၢ်, ဒီးပှၤဂီၢ်မုၢ်လၢကဟဲစိာ်အတၢ်လုၢ်တၢ်ပာ်တဖၣ်လၢအမ့ၢ်ဘုခ့အ ဆိကတၢၢ်ဒီးအတၤသၣ်တဖၣ်လၢအမံထီၣ်အဆိကတၢၢ်န့ၣ်လီၤ. ကစၢ်ယွၤဧၢ, သ့ၣ်နီၣ်ထီၣ်တၢ်တဖၣ်အံၤခဲလၢာ်ဒီးမၤဘျုးလၢ်ဘၣ် ယၤလၢအဃိန့ၣ်တက့ၢ်.

လံာ်စီၤနဃ့မယၤ 5:19

ကစၢ်ယွၤဧၢ, ယဃ့ထီၣ်နၤလၢနကသ့ၣ်နီၣ်ယတၢ်ဂ့ၤခဲလၢာ်လၢယမၤဘၣ် အီၤလၢပှၤဂီၢ်မုၢ်အဂီၢ်န့ၣ်လီၤ.

စံးထီၣ်ပတြၢၤ 20:3

မ်အသ့ၣ်နီၣ်ထီၣ်က့ၤနတၢ်မၤဘူၣ်ခဲလၢာ် ဒီးသးခုတူၢ်လိာ်နတၢ်လုၢ်မ့ၣ်အူတဖၣ်န့ၣ်တက့ၢ်. စ့လၤ

လံာ်တၢ်ဟးထီၣ်ကွံာ် 1:20

ဒီးကစၢ်ယွၤမၤဂ့ၤပှၤကွၢ်ပဟုးတဖၣ်ဒီးပှၤဂီၢ်မုၢ်အါထီၣ်ဒီး ဆူၣ်ထီၣ်ဒိၣ်မးန့ၣ်လီၤ.

တၢ်ကတိၤဒိ. 14:31

နမ့ၢ်မၤအၢမၤနးပှၤဖှီၣ်ဖိယာ်ဖိန့ၣ်, နဒုၣ်ဒွဲၣ်ယွၤလၢအတ့ လီၤအီၤန့ၣ်လီၤ. မ့မ့ၢ်တၢ်ဒုးနဲၣ်တၢ်သးကညီၤဆူပှၤဖှီၣ်ဖိယာ်ဖိန့ၣ်, မ့ၢ်တၢ်ဘူၣ်ထီၣ်ဘါထီၣ်ယွၤအက့ၢ်အဂီၤတမံၤလီၤ.

တၢ်ကတိၤဒိ. 19:17

ဖဲနဟ့ၣ်တၢ်ဆူပှၤဖှီၣ်ဖိယာ်ဖိဒီး, တၢ်န့ၣ်မၤအသးဒ်တၢ်ဟ့ၣ် လီၤတၢ်ဆူယွၤအအိၣ်အသိးန့ၣ်လီၤ. ဒီးယွၤကဟ့ၣ်ကဒါက့ၤနတၢ်လီၤ.

လံာ်ပှၤစံၣ်တဲၤတဲလီၤတၢ် 11:1

ကွံာ်နကိၣ်လၢထံဖံးခိၣ်တက့ၢ်. အါနံၤအါသီဒီးနကထံၣ်န့ၢ် က့ၤအီၤလီၤ.

လံာ်ယံးရမံယၤ 18:20

တၢ်အဂ့ၤန့ၣ်ကြၢးတၢ်ဟ့ၣ်ဆၢက့ၤလၢတၢ်အၢန့ၣ်ဧါ. အန့ၣ်ဒၣ်လဲာ်အ ဝဲသ့ၣ်ခူၣ်တ့ၢ်တၢ်ပူၤတပူၤလၢယကလီၤတဲာ်နုာ်အဂီၢ်လီၤ. သ့ၣ်နီၣ်ထီၣ်က့ၤလၢယဟဲဆူနအိၣ်ဒီးကတိၤတၢ်လၢ အဝဲသ့ၣ်အခၢၣ်စးဒ်လဲၣ်, ဒ်သိးဒီးနသုတမၤအဝဲ သ့ၣ်လၢတၢ်သူၣ်ဒိၣ်သးဖျိးအပူၤတဂ့ၤအဂီၢ်န့ၣ်တက့ၢ်.

လံာ်ယံးရမံယၤ 31:16

ဆိကတီၢ်နတၢ်ဟီၣ်တၢ်ယၢၤ, ဒီးထွါကွံာ်နမဲာ်ထံမဲာ်နိတဖၣ် တက့ၢ်. ကယဲၢ်တၢ်ခဲလၢာ်လၢ နမၤတ့ၢ်အီၤလၢ နဖိတဖၣ်အဂီၢ်န့ၣ်, ကအိၣ်ဒီး အတၢ်ဘျုးတၢ်ဖှိၣ်လီၤ. အဝဲသ့ၣ် ကဟဲက့ၤကဒါက့ၤလၢ ဒုၣ်ဒါ အထံအကီၢ်န့ၣ်လီၤ.

လံာ်မးသဲ 10:42

နာ်ယၤတက့ၢ်. ပှၤလၢအဟ့ၣ်အီပှၤအဆံးကတၢၢ်လၢသုကျါတဂၤ လၢအမ့ၢ်ယပျဲၢ်ယဘီၣ်အဃိလၢထံခုၣ်ထဲတလီခီဒၣ်လဲာ်န့ၣ်, ကန့ၢ်ဘၣ်တၢ်ဘျုးလၢယွၤအအိၣ်သပှၢ်ကတၢၢ်လီၤ.”

လံာ်မးသဲ 20:7

အဝဲသ့ၣ်စံးဆၢအီၤ, ‘မ့ၢ်လၢပှၤတမၢလဲပှၤနီတဂၤအဃိလီၤ.’ ဒီးစံးဘၣ်အဝဲသ့ၣ်, ‘လဲၤစ့ၢ်ကီးသုဝဲဆူစပံးလီၢ်အပူၤ, ဒီးမၤတၢ်ဖဲန့ၣ်တက့ၢ်.’

လံာ်မးသဲ 25:17

ပှၤလၢအဒိးန့ၢ်စ့ခံတၤလၣ်တဂၤန့ၣ်, မၤစ့ၢ်ကီးဝဲဒၣ်ဒ်န့ၣ်ဒီးဒိးန့ၢ်အါထီၣ်စ့ခံတၤလၣ်န့ၣ် လီၤ.

လံာ်မၢ်ကူး 9:41

ယစံးဘၣ်သုတီတီ, ပှၤတဂၤလၢ်လၢ်လၢအဟ့ၣ်အီသုလၢထံတလီခီ လၢသုဘၣ်ဃးဒီးယၤအဃိန့ၣ်, ကန့ၢ်ဘၣ်အဘျုးသပှၢ်ကတၢၢ်လီၤ.

လံာ်ယိၤဟၣ် 13:20

ယစံးဘၣ်တဲဘၣ်သုတၢ်မ့ၢ်တၢ်တီ, ပှၤတဂၤလၢ်လၢ်လၢအတူၢ်လိာ်ပှၤလၢယမၢလီၤအီၤန့ၣ်, မ့ၢ်အတူၢ်လိာ်ယၤစ့ၢ်ကီးဒီးပှၤတဂၤလၢ်လၢ်လၢအတူၢ် လိာ်ယၤန့ၣ်, တူၢ်လိာ်ပှၤလၢအမၢလီၤယၤစ့ၢ်ကီးန့ၣ်လီၤ.

မၤတၢ် 10:31

ဒီးစံးဘၣ်ယၤ, ‘စီၤကန့လံးဧၢ, ကစၢ်ယွၤနၢ်ဟူလံနတၢ်ထုကဖၣ်ဒီး ထံၣ်ဘၣ်လံနတၢ်ဟ့ၣ်သးကညီၤတဖၣ်လံ.

မၤတၢ် 10:4

အဝဲဒၣ်ကွၢ်ထံကလူးလၢတၢ်ပျံၤတၢ်ဖုးအပူၤဒီးစံးဝဲ, “ကစၢ်ဧၢ, မ့ၢ်မနုၤလဲၣ်.” ကလူးစံးဆၢတၢ်ဒီးစံးဝဲ, “ကစၢ်ယွၤတူၢ်လိာ်လံနတၢ်ထုကဖၣ်ဒီးနတၢ်ဟ့ၣ်သးကညီၤ တၢ်တဖၣ်, ဒီးကစံးဆၢက့ၤနၤလီၤ.

မၤတၢ် 11:29

အပျဲၢ်အဘီၣ်တဖၣ်အိၣ်ဒီးတၢ်ပာ်လီၤအသးတဂၤဘၣ် တဂၤလၢအကဆှၢလီၤတၢ်မၤစၢၤအါအါတသ့ဖဲအသ့ဒ်သိး ကမၤစၢၤအဒီပုၢ်ဝဲၢ်အိၣ်လၢကီၢ်ယူဒၤတဖၣ်အဂီၢ်လီၤ.

ရိမ့ၤ 12:13

နီၤဟ့ၣ်တၢ်လၢအအိၣ်ဒီးသုတဖၣ်လၢသုဒီပုၢ်ဝဲၢ်လၢ အလိၣ်ဘၣ်တၢ်တဖၣ်, ဒီးတူၢ်လိာ်ပှၤသမှံၤတဖၣ်လၢသုဟံၣ်သုဃီတဖၣ်အပူၤတက့ၢ်.

၂ ကရံၣ်သူး 9:1

အလီၢ်တအိၣ်နီၢ်နီၢ်လၢယကကွဲးတဲသုဘၣ်ဃးတၢ်မၤ စၢၤလၢအဘၣ်တၢ်ဆှၢလီၤအီၤဆူယွၤအပှၤဂီၢ်မုၢ်ဖဲကီၢ် ယူဒၤတဖၣ်အဂ့ၢ်န့ၣ်ဘၣ်.

ကလၤတံ 5:13

မ့မ့ၢ်သုဝဲယဒီပုၢ်ဝဲၢ်သ့ၣ်ဧၢ, သုဘၣ်တၢ်ကိးသုဒ်သိးသုကဒိး န့ၢ်တၢ်သဘျ့လီၤ. ဘၣ်ဆၣ်တဘၣ်ပျဲသုတၢ်သဘျ့အံၤကဲထီၣ်တၢ် ကတိၤပူၤဖျဲးသုသးလၢသုကပျဲသုနီၢ်ခိအတၢ်အဲၣ်ဒိးတဖၣ် ပၢၤသုတဂ့ၤ. အခိၣ်တလိာ်, ပျဲတၢ်အဲၣ်တၢ်ကွံမၤတၢ်လၢသုကမၤစၢၤလိာ်သုသးတဂၤဒီး တဂၤန့ၣ်တက့ၢ်.

ကလၤတံ 5:6

အဂ့ၢ်ဒ်အံၤ, ဖဲပမ့ၢ်တၢ်တမံၤဃီဒီးယ့ၣ်ၡူးခရံာ်န့ၣ်, တၢ်ကူး တရံးမ့ၢ်ဂ့ၤ, တၢ်တဒိးတၢ်ကူးတရံးမ့ၢ်ဂ့ၤ, တမ့ၢ်တၢ်အလီၤ ဆီဘၣ်. မ့မ့ၢ်တၢ်အကါဒိၣ်တခီမ့ၢ်ဝဲတၢ်စူၢ်တၢ်နာ်လၢ အမၤတၢ်ခီဖျိတၢ်အဲၣ်တၢ်ကွံန့ၣ်လီၤ.

ကလၤတံ 6:10

လၢတၢ်န့ၣ်အဃိ, ဒ်ပအိၣ်ဒီးတၢ်အခွဲးအယာ်အသိးန့ၣ်, ပကြၢးမၤဂ့ၤပှၤကိးဂၤဒဲးဒီးလီၤဆီဒၣ်တၢ်ပှၤသ့ၣ်တဖၣ် လၢအဘၣ်ဃးဒီးပဒူၣ်ဖိထၢဖိလၢတၢ်စူၢ်တၢ်နာ်အပူၤလီၤ.

လံာ်သိၣ်လီၤသီလီၤတၢ် 32:4

ယွၤမ့ၢ်သုပှၤကဟုကယာ်သုလၢအဂံၢ်ဆူၣ်ဘါဆူၣ်, လၢဝဲပှဲၤဝဲဒီးတီဝဲလိၤဝဲလၢကယဲၢ်အကျဲခဲလၢာ်အပူၤန့ၣ်လီၤ. သုကစၢ်ယွၤမ့ၢ်ပှၤလၢအသူၣ်တီသးရၤဒီးမ့ၢ်ဝဲတီဝဲ, အဝဲမၤတၢ်လၢအဘၣ်ဒီးအတီန့ၣ်လီၤ.

ကလီးစဲ 3:17

ကယဲၢ်သုမၤတၢ်တမံၤလၢ်လၢ်န့ၣ်, လၢတၢ်ကတိၤမ့ၢ်ဂ့ၤ, တၢ်ဖံးတၢ်မၤမ့ၢ်ဂ့ၤ, မၤတၢ်ကိးမံၤဒဲးလၢကစၢ်ယ့ၣ်ၡူးအမံၤ အပူၤ, အိၣ်ဒီးတၢ်စံးထီၣ်ပတြၢၤပၢ်ယွၤခီဖျိအီၤတက့ၢ်.

၁ သ့းစၤလနံ 1:3

တဘျီလၢ်လၢ်ဖဲပဃ့ဘါထုကဖၣ်တၢ်ဆူပကစၢ်ယွၤဒီးပပၢ် အအိၣ်န့ၣ်, ပသ့ၣ်နီၣ်ထီၣ်သုအိၣ်မူမၤထွဲသုတၢ်စူၢ်တၢ်နာ် အခံဒ်လဲၣ်, သုဖံးသုမၤတၢ်ဆူၣ်ဆူၣ်လၢတၢ်အဲၣ်အဃိဒ်လဲၣ်, ဒီးသုတၢ်မုၢ်လၢ်လၢပကစၢ်ယ့ၣ်ၡူးခရံာ်အပူၤဂၢၢ်ကျၢၤဒ်လဲၣ် အဂ့ၢ်န့ၣ်လီၤ.

၁ တံၤမသ့း 6:18

မၤလိာ်အဝဲသ့ၣ်လၢကမၤတၢ်ဂ့ၤ, ကထူးထီၣ်တီၤထီၣ်လၢတၢ်မၤဂ့ၤ တဖၣ်, ကဟ့ၣ်ညီတၢ်ဒီးအိၣ်ကတဲာ်ကတီၤအသးလၢကဟ့ၣ်နီၤ တၢ်လၢပှၤဂၤတဖၣ်အဂီၢ်န့ၣ်တက့ၢ်.

၂ တံၤမသ့း 4:8

ဒီးခဲကနံၣ်အံၤ, တၢ်မၤနၢၤအခိၣ်ဖးလၢအမ့ၢ်တၢ်မၤဘၣ်လိာ်က့ၤယၤဒီးကစၢ်ယွၤ န့ၣ် အိၣ်ခိးပာ်စၢၤယၤလံ. မ့ၢ်ခိၣ်ဖးလၢကစၢ်, ပှၤစံၣ်ညီၣ်တီတၢ်တဂၤကဟ့ၣ်လီၤယၤလၢမုၢ်နံၤအဝဲန့ၣ်, ဒီးထဲယၤတဂၤဧိၤတမ့ၢ်ဘၣ်, မ့ၢ်ကယဲၢ်ပှၤခဲလၢာ်လၢအအိၣ်ခိးကွၢ်လၢ် အဝဲကအိၣ်ဖျါထီၣ်အဂီၢ်စ့ၢ်ကီးန့ၣ်လီၤ.

ဧ့ၤဘြံၤ 10:32

ဘၣ်ဆၣ်ဒီးသ့ၣ်နီၣ်ထီၣ်မုၢ်နံၤလၢအပူၤကွံာ်တဖၣ်, ဖဲသုသးဘၣ်တၢ်မၤကပီၤထီၣ်အီၤဝံၤအလီၢ်ခံ, ဖဲသုဘၣ်ကွၢ်ဆၢၣ်မဲာ်ဒီးတၢ်နးတၢ်ဖှီၣ်အဒိၣ်အအါသနာ် က့သုတူၢ်အီၤပှဲၤကစီဒီန့ၣ်တက့ၢ်.

ဧ့ၤဘြံၤ 13:16

တဘၣ်သးပ့ၤနီၣ်မၤဂ့ၤတၢ်ဒီးဟ့ၣ်နီၤတၢ်ဒီးပှၤဂၤတဂ့ၤ. အဂ့ၢ်ဒ်အံၤတၢ်လုၢ်ဒ်န့ၣ်တဖၣ်န့ၣ်ဘၣ်ကစၢ်ယွၤအသး လီၤ.

၁ ယိၤဟၣ် 1:9

ဘၣ်ဆၣ်ဒီး, ပမ့ၢ်တဲလီၤကျဲၤလီၤပတၢ်ဒဲးဘးတဖၣ်ဒီး, အဝဲဒၣ်ကတီဒီးအတၢ်အၢၣ်လီၤအီလီၤဒီးမၤတၢ်လၢအဘၣ် န့ၣ်လီၤ. အဝဲကပျၢ်ကွံာ်ပတၢ်ဒဲးဘးတဖၣ်ဒီး, မၤကဆှီထီၣ်ပှၤလၢပတၢ်ကမၣ်ခဲလၢာ်န့ၣ်လီၤ.