ဧ့ၤဘြံၤ 5:8 - Sgaw Karen Common Bible

⁸ အဝဲမ့ၢ်ကစၢ်ယွၤအဖိခွါဘၣ်ဆၣ်ခီဖျိအတၢ်နးတၢ်ဖှီၣ်န့ၣ် အဝဲမၤလိန့ၢ်တၢ်ဒိကနၣ်လီၤ.

ဧ့ၤဘြံၤ 5:8 Iomraidhean Croise

လံာ်ယၡါယၤ 53:5

မ့မ့ၢ်တခီ, လၢပတၢ်ဒဲးဘးတဖၣ်အဃိ တၢ်မၤဘၣ်ဒိဆါအီၤ, ဒီးဘၣ်တၢ်ဒိအီၤတီၢ်အီၤလၢ တၢ်အၢတၢ်သီလၢပမၤတ့ၢ်တဖၣ်အဃိလီၤ. ပဘၣ်တၢ်မၤဘျါက့ၤပှၤခီဖျိတၢ်စံၣ်ညီၣ်လၢအတူၢ်ဝဲအဃိ ဒီးပဘျါက့ၤလၢအဝဲဒၣ်ဘၣ်တီၢ်အပူၤလီၢ် တဖၣ်အဃိလီၤ.

လံာ်မးသဲ 3:15

ဘၣ်ဆၣ်ဒီးယ့ၣ်ၡူးစံးဆၢအီၤ, “မ့မ့ၢ်ဘျီအဝဲအံၤ မ်နသုတဂ့ၢ်လိာ်ယၤတဂ့ၤ. အဂ့ၢ်ဒ်အံၤ, ခီဖျိတၢ်အံၤန့ၣ်ပကမၤလၢပှဲၤထီၣ်ကစၢ်ယွၤအတၢ် အဲၣ်ဒိးခဲလၢာ်လီၤ.” ဒီးစီၤယိၤဟၣ်အၢၣ်လီၤထွဲအခံလီၤ.

လံာ်ယိၤဟၣ် 10:18

ပှၤဟံးန့ၢ်ကွံာ်ယသးသမူလၢယၤတသ့ဘၣ်နီတဂၤ ဘၣ်. ယဟ့ၣ်လီၤကွံာ်အီၤလၢယသးဒၣ်ယဲန့ၣ်လီၤ. ယအိၣ်ဒီးတၢ်စိကမီၤလၢယကဟ့ၣ်လီၤကွံာ်အီၤဒီး ယအိၣ်ဒီးတၢ်စိကမီၤလၢယကဟံးက့ၤအီၤအဂီၢ်လီၤ. အဝဲအံၤမ့ၢ်တၢ်လၢယပၢ်မၤလိာ်တ့ၢ်ယၤလၢယကမၤ အီၤအဂီၢ်လီၤ.”

လံာ်ယိၤဟၣ် 15:10

သုမ့ၢ်ဒိကနၣ်ယတၢ်မၤလိာ်တဖၣ်ဒီးသုကအိၣ်ဆိးလၢ ယတၢ်အဲၣ်အပူၤ, ဒ်ယဒိကနၣ်ယပၢ်အတၢ်မၤလိာ်တဖၣ် ဒီးအိၣ်ဆိးလၢအတၢ်အဲၣ်အပူၤအသိးန့ၣ်လီၤ.

လံာ်ယိၤဟၣ် 4:34

ယ့ၣ်ၡူးစံးဘၣ်အဝဲသ့ၣ်, “ယတၢ်အီၣ်န့ၣ်မ့ၢ်ယကမၤပှၤလၢ အမၢလီၤယၤတဂၤအတၢ်ဘၣ်အသးဒီးမၤအီၤတုၤအဝံၤ တစုန့ၣ်လီၤ.

လံာ်ယိၤဟၣ် 6:38

အဂ့ၢ်ဒ်လဲၣ်န့ၣ်, ယဟဲလီၤလၢမူခိၣ် ဒ်သိးယကမၤပှၤလၢအမၢလီၤယၤတဂၤအတၢ်ဘၣ်အသး ဒီးတမ့ၢ်တၢ်ဘၣ်ယသးဒၣ်ယဲအဂီၢ်န့ၣ်ဘၣ်.

ဖံလံးပံၤ 2:8

အဝဲဒၣ်ဆီၣ်လီၤအသး, ဒီးပိာ်ထွဲတၢ်ဒိကနၣ် ယွၤအကျဲတုၤတၢ်သံ, အတၢ်သံလၢထူၣ်စုညါအလိၤတစုန့ၣ်လီၤ.

ဧ့ၤဘြံၤ 1:2

ဘၣ်ဆၣ်ဒီးလၢခံကတၢၢ်လၢပဆၢပကတီၢ်အံၤကစၢ်ယွၤ ကတိၤတၢ်ဒီးပှၤခီဖျိအဖိခွါလီၤ. အဝဲမ့ၢ်ပှၤလၢကစၢ်ယွၤဃုထၢတ့ၢ်လံလၢအကန့ၢ်သါဘၣ် တၢ်ခဲလၢာ်ဒီးခီဖျိအီၤန့ၣ်, ကစၢ်ယွၤတ့လီၤတ့ၢ်လံဟီၣ်ခိၣ်မူခိၣ်ဒီးတၢ်ခဲလၢာ်န့ၣ်လီၤ.

ဧ့ၤဘြံၤ 1:5

အဂ့ၢ်ဒ်အံၤ, ကစၢ်ယွၤတစံးဘၣ်အကလူးနီတဂၤလၢ “နမ့ၢ်ယဖိခွါလီၤ. တနံၤအံၤယထီၣ်ဖိလံနၤလံ.” န့ၣ်ဘၣ်. မ့တမ့ၢ်, ကစၢ်ယွၤစံးဘၣ်ကလူးတဂၤဂၤလၢ, ယကကဲထီၣ်နပၢ်ဒီးနကမၤယဖိခွါလီၤ” န့ၣ်ဧါ.

ဧ့ၤဘြံၤ 1:8

ဘၣ်ဆၣ်ဒီးဖဲအဘၣ်ဃးဒီးဖိခွါန့ၣ်စံးဝဲ, “ကစၢ်ယွၤဧၢ, နဘီနမုၢ်အိၣ်ဝဲအစိၤစိၤအဃၣ်ဃၣ်, နပၢတၢ်ဒီးတၢ်တီတၢ်လိၤလီၤ.

ဧ့ၤဘြံၤ 3:6

မ့မ့ၢ်ခရံာ်အကလုၢ်တီဝဲဒ်ဖိခွါတဂၤအသိးလၢကစၢ်ယွၤအဒူၣ် အထၢအဖီခိၣ်န့ၣ်လီၤ. ပမ့ၢ်အိၣ်ဒီးတၢ်သူၣ်ဒူသးဒူဒီးတၢ်သူၣ်ဂၢၢ်သးကျၢၤလၢပတၢ် မုၢ်လၢ်အပူၤဒီးပမ့ၢ်အဝဲဒၣ်အဒူၣ်ဖိထၢဖိလီၤ.