ဧ့ၤဘြံၤ 5:4 - Sgaw Karen Common Bible

⁴ တၢ်လၤကပီၤဘၣ်ဃးဒီးတၢ်ကဲထီၣ်ပှၤလုၢ်တၢ်အခိၣ်အဒိၣ် ကတၢၢ်အံၤပှၤလၢအဃုထၢန့ၢ်အီၤလၢအဂီၢ်ဒၣ်ဝဲတအိၣ်နီ တဂၤဘၣ်. မ့ၢ်ဒၣ်တၢ်လၢအဟဲခီဖျိကစၢ်ယွၤအတၢ်ကိးဒ် တၢ်ကိးန့ၢ်စီၤအၤဟရိၣ်အသိးန့ၣ်လီၤ.

ဧ့ၤဘြံၤ 5:4 Iomraidhean Croise

လံာ်ကွဲးနီၣ်တၢ်အခီၣ်ထံးတဘ့ၣ် 23:13

အဝဲအဖိဝဲၢ်ကိစီၤဧၤမရၣ်န့ၣ်မ့ၢ်စီၤအၤဟရိၣ်ဒီးစီၤမိၤၡ့ အပၢ်န့ၣ်လီၤ. (စီၤအၤဟရိၣ်ဒီးအစၢၤအသွဲၣ်တဖၣ်ဘၣ်တၢ်ပာ်အီၤလီၤဆီဒ်သိး ကမ့ၢ်ပှၤအဒိၣ်လၢတၢ်ကွၢ်ထွဲတၢ်စီဆှံအဃၢၤအဃိာ်တဖၣ်အဂီၢ်လီၤ စိၤလီၤထီ, ဒီးကဘၣ်ဆူးကဲၤတၢ်နၢမူ လၢတၢ်ဘူၣ်ထီၣ်ဘါထီၣ်ယွၤအပူၤ, လၢကမၤယွၤအတၢ်ဒီးကဆိၣ်ဂ့ၤ ပှၤဂီၢ်မုၢ်လၢအဝဲအမံၤအပူၤအဂီၢ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 26:18

အဝဲသ့ၣ်စံးဝဲ, “စီၤဧူးစံယါဧၢ, နတၢ်ခွဲးတၢ်ယာ်တအိၣ်နီ တမံၤလၢနကဆူးကဲၤထီၣ်တၢ်နၢမူဆူယွၤအအိၣ်န့ၣ်ဘၣ်. ထဲပှၤလုၢ်တၢ်အခိၣ်တဖၣ်လၢအဟဲလီၤစၢၤလီၤသွဲၣ်လၢစီၤအၤဟရိၣ် ဧိၤန့ၣ်ဘၣ်တၢ်ပာ်စီဆှံတ့ၢ်အီၤလၢကမၤတၢ်အံၤန့ၣ်လီၤ. ဟးထီၣ်ကွံာ်လၢတၢ်လီၢ်စီဆှံအပူၤအံၤတက့ၢ်. နမၤကမၣ်တ့ၢ်ယွၤ, ကစၢ်ယွၤ, ဒီးနတဒိးန့ၢ်လၢၤဘၣ်အတၢ်ဆိၣ်ဂ့ၤနီတစုဘၣ်.”

လံာ်စီၤဧ့စြၤ 7:5

စီၤအဘံၤၡူအဖိခွါ, စီၤဖံၤနဃၣ်အဖိခွါ, စီၤအလၤဧစၢ်အဖိခွါ, စီၤအၤဟရိၣ်အဖိခွါန့ၣ်လီၤ.

လံာ်တၢ်ဟးထီၣ်ကွံာ် 28:1

ကိးဖှိၣ်နဒီပုၢ်ဝဲၢ်ခွါစီၤအၤဟရိၣ်ဒီးအဖိခွါတဖၣ်လၢအမ့ၢ်ဝဲ စီၤနၤဒး, စီၤအဘံဟူၤ, စီၤအလၤဧစၢ်, ဒီးစီၤအံသမၢ်တက့ၢ်. ပာ်လီၤဆီအီၤဒီးကီၢ်အံၣ်စရ့လးအပှၤဂီၢ်မုၢ်ဒ်သိးအကမၤယတၢ် မၤဒ်ပှၤလုၢ်တၢ်အခိၣ်တဖၣ်အသိးတက့ၢ်.

လံာ်တၢ်ဂံၢ် 16:10

အဝဲပျဲနၤဒီးကယဲၢ်ပှၤလ့ၤဝံဖိတဖၣ်အိၣ်ဒီးတၢ်လၤကပီၤအံၤ ဒီးခဲအံၤသုဂဲၤလိာ်လၢသုကဟံးန့ၢ်ပှၤလုၢ်တၢ်အခိၣ်အလီၢ်စ့ၢ် ကီးန့ၣ်လီၤ.

လံာ်တၢ်ဂံၢ် 16:35

အန့ၣ်ဒီးယွၤဆှၢလီၤမ့ၣ်အူတခါလၢအကပျီၤထီၣ်ဒီးအီၣ်ကွံာ် ပှၤအဂၤခံကယၤယဲၢ်ဆံလၢအဟ့ၣ်ထီၣ်တၢ်လုၢ်နၢမူန့ၣ်လီၤ.

လံာ်တၢ်ဂံၢ် 16:40

အဝဲအံၤမ့ၢ်တၢ်ဟ့ၣ်ပလီၢ်သးတမံၤဆူပှၤအံၣ်စရ့လးဖိတဖၣ်ဒ် သိးပှၤလၢအတမ့ၢ်ဘၣ်စီၤအၤဟရိၣ်အစၢၤအသွဲၣ်တဖၣ်အသု တဟဲဘူးဒီးတၢ်လုၢ်လီၢ်နီတဂၤလၢကဆိၣ်ကဲၤတၢ်နၢမူဆူယွၤ အဂီၢ်တဂ့ၤန့ၣ်လီၤ. မ့တမ့ၢ်ဘၣ်ဒ်န့ၣ်ဒီး, အဝဲကဘၣ်တၢ်မၤဟးဂီၤကွံာ်အီၤဒ်စီၤကိၤရးဒီးအပှၤတဖၣ်အသိး န့ၣ်လီၤ. တၢ်ခဲလၢာ်အံၤဘၣ်တၢ်မၤဝံၤအီၤဒ်ယွၤမၤလိာ်တ့ၢ်စီၤအ့လၤ ဧစၢ်ခီဖျိစီၤမိၤၡ့အသိးန့ၣ်လီၤ.

လံာ်တၢ်ဂံၢ် 16:5

အန့ၣ်ဝံၤဒီးအဝဲဒၣ်စံးဘၣ်စီၤကိၤရး, ဒီးပှၤပိာ်အခံတဖၣ်, “ခဲမုၢ်ဆ့ၣ်ဂီၤခီန့ၣ်ယွၤကဒုးနဲၣ်ပှၤလၢမတၤမ့ၢ်ပှၤဘၣ်ဃး ဒီးအီၤလဲၣ်န့ၣ်လီၤ. အဝဲကပျဲပှၤတဂၤလၢအဘၣ်ဃးဒီးအီၤ, ဒ်ပစံးတၢ်အသိးပှၤလၢအဃုထၢတ့ၢ်ဝဲ, ကသုးဘူးအသးဆူအအိၣ်ဖဲတၢ်လုၢ်လီၢ်န့ၣ်လီၤ.

လံာ်တၢ်ဂံၢ် 16:7

ဒၢနုာ်မ့ၣ်အူအ့ၣ်ဒီးပာ်တၢ်နၢမူလၢအဖီခိၣ်ဝံၤဒီးလဲၤစိာ် အီၤဆူတၢ်လုၢ်လီၢ်န့ၣ်တက့ၢ်. အန့ၣ်ဒီးပကကွၢ်သကိးလၢပကျါန့ၣ်ယွၤဃုထၢမတၤလဲၣ်န့ၣ်တက့ၢ်. သုဝဲပှၤလ့ၤဝံဖိတဖၣ်မ့ၢ်ပှၤမၤတၢ်နးကဲၣ်ဆိးလံန့ၣ်လီၤ.”

လံာ်တၢ်ဂံၢ် 18:7

ဘၣ်ဆၣ်ဒီးထဲနၤဒီးနဖိခွါတဖၣ်ဧိၤကဘၣ်မၤလၢထီၣ်ပှဲၤထီၣ်ပှၤ လုၢ်တၢ်အခိၣ်အမူအဒါတဖၣ်လၢအဘၣ်ဃးဒီးတၢ်လုၢ်လီၢ်ဒီးတၢ်အိၣ် လၢတၢ်အလီၢ်စီဆှံကတၢၢ်အပူၤန့ၣ်လီၤ. တၢ်တဖၣ်အံၤမ့ၢ်နမူနဒါတဖၣ်မ့ၢ်လၢယဟ့ၣ်တ့ၢ်နၤတၢ်ဟ့ၣ်ဘၣ်ဃး ဒီးပှၤလုၢ်တၢ်အခိၣ် အဃိန့ၣ်လီၤ. ပှၤလၢအတကြၢးတဘၣ်တဂၤလၢ်လၢ်လၢအဟဲဘူးဒီးတၢ်အပီးအလီစီဆှံ တဖၣ်န့ၣ်ကဘၣ်တၢ်မၤသံကွံာ်အီၤန့ၣ်လီၤ.”

လံာ်တၢ်ဂံၢ် 3:3

အဝဲသ့ၣ်ဘၣ်တၢ်ဖှူအီၤဒီးပာ်စုအီၤဒ်ပှၤလုၢ်တၢ်အခိၣ်တဖၣ်အသိး န့ၣ်လီၤ.

လံာ်ယိၤဟၣ် 3:27

စီၤယိၤဟၣ်စံးဆၢတၢ်ဒီးစံး, “ကစၢ်ယွၤမ့ၢ်တဟ့ၣ်လီၤတၢ်လၢအီၤဘၣ်ဒီး ပှၤဒိးန့ၢ်တၢ်တသ့နီတမံၤနီတဂၤဘၣ်.