ဧ့ၤဘြံၤ 5:2 - Sgaw Karen Common Bible

² ဒ်အနီၢ်ကစၢ်ဒၣ်ဝဲအိၣ်ဒီးတၢ်ဂံၢ်စၢ်ဘါစၢ်လၢကျဲအါဘိအပူၤ အသိး, အဝဲဘၣ်ထွဲဒီးပှၤလၢအတသ့ၣ်ညါတၢ်ဒီးပှၤလၢအမၤ ကမၣ်တၢ်တဖၣ်န့ၣ်လၢတၢ်သးအိၣ်အပူၤသ့ဝဲန့ၣ်လီၤ.

ဧ့ၤဘြံၤ 5:2 Iomraidhean Croise

လံာ်တၢ်ဟးထီၣ်ကွံာ် 32:8

အဝဲသ့ၣ်ပာ်တ့ၢ်ကွံာ်လံကျဲလၢယမၤလိာ်တ့ၢ်အီၤဒ်သိးအကပိာ်ဝဲ အဂီၢ်န့ၣ်လီၤ. အဝဲသ့ၣ်မၤထီၣ်ဂီၤဖံးဖါဖိသိအသးလၢထူတဒုဒီး ဘူၣ်ထီၣ်ဘါထီၣ်အီၤဒီးလုၢ်ထီၣ်ပာ်ထီၣ်တၢ်လုၢ်တၢ်ပာ်တဖၣ်ဆူအအိၣ်လီၤ. အဝဲသ့ၣ်စံးလၢတၢ်အံၤမ့ၢ်အကစၢ်လၢအထုးထီၣ်အီၤလၢကီၢ်အဲၤကူပတူးအပူၤန့ၣ်လီၤ.

လံာ်ယၡါယၤ 29:24

ပှၤဂီၢ်မုၢ်လၢအမၢးကမၤလိမၤနၢ်ပၢၢ်အသး, ဒီးပှၤတဖၣ်လၢအကဒူးကဒ့ၣ်တၢ်ထီဘိန့ၣ်ကသး ခုတူၢ်လိာ်တၢ်သိၣ်လိအီၤလီၤ.”

လံာ်ယၡါယၤ 30:11

ဟးထီၣ်ကွံာ်လၢပကျဲပူၤဒီးသုးကွံာ်တၢ်မၤတံာ်တာ်ပကျဲပက ပူၤတက့ၢ်. ပသးတအိၣ်နၢ်ဟူနအံၣ်စရ့လးကစၢ်ယွၤစီဆှံ တဂၤန့ၣ်အဂ့ၢ်ဘၣ်.”

လံာ်လူၤကၣ် 22:32

ဘၣ်ဆၣ်ဒီးယဃ့ဘါထုကဖၣ်တ့ၢ်ယဲလၢနဂီၢ်, စီၤၡံမိၣ်ဧၢ, ဒ်သိးနတၢ်စူၢ်တၢ်နာ်သုတဟးဂီၤတဂ့ၤအဂီၢ်လီၤ. ဒီးဖဲနဃၣ်ကဒါက့ၤနသးဆူယအိၣ်န့ၣ်, နကဘၣ်ဟ့ၣ်ဂံၢ်ဟ့ၣ်ဘါနဒီပုၢ်ဝဲၢ်တဖၣ်လီၤ.”

၂ ကရံၣ်သူး 11:30

ယမ့ၢ်ဘၣ်ကတိၤတၢ်ကဖၢလၢန့ၣ်, ယကကတိၤတၢ်ကဖၢလၢဘၣ် ဃးဒီးတၢ်သ့ၣ်တဖၣ်လၢအပာ်ဖျါထီၣ်ယတၢ်ဂံၢ်စၢ်ဘါစၢ်လီၤ.

၂ ကရံၣ်သူး 12:5

မ်ဒ်န့ၣ်ဒီး, ယကတိၤတၢ်ကဖၢလၢလၢပှၤတဂၤအံၤအဂ့ၢ်, ဘၣ်ဆၣ်ဒီးယတကတိၤတၢ်ကဖၢလၢလၢယနီၢ်ကစၢ်ဒၣ်ယဲ အဂ့ၢ်ဘၣ်. ယကကတိၤဘၣ်ဃးထဲတၢ်သ့ၣ်တဖၣ်လၢအပာ်ဖျါထီၣ် ယမ့ၢ်ပှၤဂံၢ်စၢ်ဘါစၢ်ဆံးအါလဲၣ်အဂ့ၢ်န့ၣ်လီၤ.

ကလၤတံ 4:13

ယစံၣ်တဲၤတဲလီၤန့ၢ်သုတၢ်သးခုကစီၣ်, အဆိကတၢၢ်တဘျီလၢမနုၤအဃိလဲၣ်န့ၣ်, သုသ့ၣ်နီၣ်ထီၣ်က့ၤလီၤ. မ့ၢ်ဒၣ်လၢယအိၣ်တဆူၣ်အဃိလီၤ.

အ့းဖ့းစူး 4:18

အဝဲသ့ၣ်အသူၣ်ခံးအသးခံးသတးဒီးလီၤဖးကွံာ်ဒီးတၢ်မူလၢ ကစၢ်ယွၤဟ့ၣ်လီၤဝဲ, အဂ့ၢ်မ့ၢ်လၢအဝဲသ့ၣ်အပူၤန့ၣ်တၢ်သ့ၣ်ညါနၢ်ပၢၢ်တအိၣ်ဘၣ်နီ တစဲးဘၣ်ဒီးအသူၣ်ကိၤသးကိၤဒိၣ်နီၢ်မးအဃိန့ၣ်လီၤ.

၁ တံၤမသ့း 1:13

ဖဲလၢအပူၤကွံာ်ယကတိၤအၢကတိၤသီအီၤ, မၤနးမၤဖှီၣ်အီၤ, ဒီးကတိၤဒုၣ်ဒွဲၣ်အီၤအခါဒၣ်လဲာ်န့ၣ်လီၤ. ဘၣ်ဆၣ်ဒီး, ကစၢ်ယွၤသးကညီၤယၤမ့ၢ်လၢယတအိၣ်ဒီးတၢ်စူၢ် တၢ်နာ်ဒံးဘၣ်ဒီးယတသ့ၣ်ညါတၢ်လၢယမၤဘၣ်တဖၣ် အဃိလီၤ.

ဧ့ၤဘြံၤ 12:13

ကတဲာ်ကတီၤကျဲအလိၤအဘျၢလၢသုခီၣ်အဂီၢ်ဒ်သိးခီၣ်လၢ အဟးဂီၤန့ၣ်, အသုတလီၤဖျုတဂ့ၤဒီးကဘျါက့ၤဝဲအဂီၢ်န့ၣ်တက့ၢ်.

ဧ့ၤဘြံၤ 2:17

လၢတၢ်န့ၣ်အဃိအဝဲဘၣ်ကဲထီၣ်ဒ်အဒီပုၢ်ဝဲၢ်တဖၣ်အသိး လၢတၢ်ကိးမံၤဒဲးအပူၤဒ်သိးလၢအတၢ်မၤကစၢ်ယွၤအတၢ်မၤ အပူၤန့ၣ်ကမ့ၢ်ပှၤလုၢ်တၢ်အခိၣ်အဒိၣ်ကတၢၢ်လၢအသူၣ် ကညီၤသးကညီၤတၢ်ဒီးအကလုၢ်တီဝဲတဂၤသတးဒီးကမၤ ပူၤဖျဲးတၢ်လၢပှၤကညီအတၢ်ဒဲးဘးအဂီၢ်န့ၣ်လီၤ.

ဧ့ၤဘြံၤ 2:18

အဂ့ၢ်ဒ်အံၤ, ဒ်အဝဲအနီၢ်ကစၢ်ဒၣ်ဝဲတူၢ်ဘၣ်တၢ်ဒီးဘၣ်တၢ်လ့ ပစီတ့ၢ်လံအီၤအသိးန့ၣ်, မၤစၢၤပှၤလၢအဘၣ်တၢ်လ့ပစီ အီၤတဖၣ်သ့ဝဲလီၤ.

ဧ့ၤဘြံၤ 4:15

ပပှၤလုၢ်တၢ်အခိၣ်အဒိၣ်ကတၢၢ်အံၤ တမ့ၢ်ပှၤလၢအနၢ် ပၢၢ်စၢၤပတၢ်ဂံၢ်စၢ်ဘါစၢ်တသ့ဘၣ်တဂၤန့ၣ်ဘၣ်. မ့ၢ်ပှၤတဂၤလၢအဘၣ်တၢ်လ့ပစီအီၤလၢကျဲကိးဘိဒဲးဒ်ပဝဲဒၣ် အသိးဘၣ်ဆၣ်အတၢ်ဒဲးဘးတအိၣ်ဘၣ်.

ဧ့ၤဘြံၤ 7:28

သပှၢ်ကတၢၢ်, တၢ်သိၣ်တၢ်သီဃုထၢပာ်ထီၣ်ပှၤတဖၣ်လၢ အဂံၢ်စၢ်ဘါစၢ်လၢပှၤလုၢ်တၢ်အခိၣ်အဒိၣ်ကတၢၢ်အလီၢ် န့ၣ်လီၤ. ဘၣ်ဆၣ်ဒီးကစၢ်ယွၤအတၢ်ဆိၣ်လီၤအသးလၢ အဟဲလၢတၢ်သိၣ်တၢ်သီအလီၢ်ခံအံၤဃုထၢပာ်ထီၣ်ယွၤ အဖိခွါလၢအဘၣ်တၢ်မၤလၢပှဲၤတ့ၢ်လံအီၤအစိၤစိၤ အဃၣ်ဃၣ်တဂၤန့ၣ်လီၤ.

ဧ့ၤဘြံၤ 9:7

မ့မ့ၢ်ဆူဒဲအံၤခံတီၤတတီၤအပူၤန့ၣ်ပှၤလဲၤနုာ်ဘၣ်ထဲ ပှၤလုၢ်တၢ်အခိၣ်အဒိၣ်ကတၢၢ်တဂၤဧိၤ, တနံၣ်န့ၣ်ထဲတဘျီဧိၤဘၣ်စိာ်ဃုာ်တၢ်သွံၣ်လၢအဘၣ် လုၢ်ဝဲလၢအနီၢ်ကစၢ်ဒၣ်ဝဲအဂီၢ်ဒီးလၢပှၤဂီၢ်မုၢ်တဖၣ် အတၢ်ကမၣ်အဂီၢ်န့ၣ်လီၤ.

ယၤကိာ် 5:19

ယဒီပုၢ်ဝဲၢ်သ့ၣ်ဧၢ, ပှၤတဂၤဂၤလၢသုကျါမ့ၢ်ဟးသဒၣ်ကွံာ် တၢ်မ့ၢ်တၢ်တီဒီး, ပှၤအဂၤတဂၤမ့ၢ်ဃၣ်လိၤက့ၤအီၤဆူကျဲအံၤန့ၣ်,

၁ ပ့းတရူး 2:25

သုမၤသုသးဒ်သိလၢအဟးဖျိးကျဲတဖၣ်အသိး, ဘၣ်ဆၣ်ဒီးခဲအံၤသုဘၣ်တၢ်ဟဲက့ၤစိာ်က့ၤသုလၢသုကပိာ် ပှၤကွၢ်သိဒီးသုသးသမူအပှၤကွၢ်တၢ်တဂၤအခံအဂီၢ်န့ၣ်လီၤ.

လံာ်ပှၤစံၣ်ညီၣ်ကွီၢ် 2:17

ဘၣ်ဆၣ်ဒီးပှၤအံၣ်စရ့လးဖိတဖၣ်တကနၣ်ဃုာ်အခိၣ်အနၢ်တဖၣ်ဘၣ်. ကီၢ်အံၣ်စရ့လးဖိအသးတတီဒီးယွၤဘၣ်ဒီးဘူၣ်ထီၣ်ဘါထီၣ်ကစၢ်အဂၤတဖၣ်န့ၣ်လီၤ. အဝဲသ့ၣ်အပၢ်တဖၣ်ဒိကနၣ်ယွၤအတၢ်မၤလိာ်တဖၣ်ဘၣ်ဆၣ်ဒီး ပှၤအသီတစိၤအံၤတမၤဘၣ်ဝဲဒ်န့ၣ်ဘၣ်လီၤ.