ဧ့ၤဘြံၤ 5:13 - Sgaw Karen Common Bible

¹³ အဂ့ၢ်ဒ်အံၤ, ကယဲၢ်ပှၤလၢအဘၣ်အီဒံးဒၣ်တၢ်နုၢ်ထံတဖၣ် န့ၣ်မ့ၢ်ဒံးဒၣ်ပှၤဖိသၣ်တဂၤလၢတအိၣ်ဒံးဒီးတၢ်လဲၤခီဖျိလၢ ကနီၤဖးပဲာ်ဖးတၢ်ဂ့ၢ်အဘၣ်ဒီးအကမၣ်ဘၣ်န့ၣ်လီၤ.

ဧ့ၤဘြံၤ 5:13 Iomraidhean Croise

စံးထီၣ်ပတြၢၤ 119:123

ယမဲာ်ချံဘှံးဝဲလၢယခိးကွၢ်လၢ်နတၢ်မၤစၢၤလၢ တၢ်ပူၤဖျဲးအဂီၢ်န့ၣ်လီၤ. အဂ့ၢ်ဒ်အံၤ, နအၢၣ်လီၤတ့ၢ်ယၤလၢ တၢ်မၤပူၤဖျဲးအဂီၢ်လီၤ.

လံာ်ယၡါယၤ 28:9

အဝဲသ့ၣ်ကဒူးကဒ့ၣ်တၢ်ဘၣ်ဃးဒီးယၤလီၤ. အဝဲသ့ၣ်စံးဝဲ, “ပှၤအဝဲန့ၣ်ဆိကမိၣ်ဝဲလၢအသိၣ်လိမတၤ န့ၣ်လဲၣ်. မ့ၢ်မတၤလိၣ်ဘၣ်အတၢ်ကစီၣ်န့ၣ်လဲၣ်. ဂ့ၤဒၣ်ထဲလၢဖိသၣ်ဖိတဖၣ်လၢအဖှၣ် အနုၢ်ထံသီသီအဂီၢ်လီၤ.

လံာ်မးသဲ 11:25

အကတီၢ်ဖဲန့ၣ်ယ့ၣ်ၡူးစံးဝဲ, “မူခိၣ်ဒီးဟီၣ်ခိၣ်အကစၢ်, ယပၢ်ယွၤဧၢ, ယစံးဘျုးနၤလၢနပာ်ခူသူၣ်တၢ်မ့ၢ်တၢ်တီတဖၣ်အံၤလၢပှၤကူၣ်ဘၣ် ကူၣ်သ့ဒီးပှၤသ့လံာ်သ့လဲၢ်တဖၣ်, ဒီးနလီၣ်ဖျါထီၣ်အီၤလၢပှၤ အဆံးပှၤအစၢ်ပှၤလၢအတမၤလိဘၣ်တၢ်တဖၣ်အမဲာ်ညါလီၤ.

လံာ်မၢ်ကူး 10:15

ယစံးဘၣ်သုတီတီလီၤ. ပှၤတဂၤလၢ်လၢ်လၢအတတူၢ်လိာ် ကစၢ်ယွၤအဘီအမုၢ်ဒ်ဖိသၣ်တဂၤအသိးဘၣ်န့ၣ်, တလဲၤနုာ်ဘၣ်ဝဲဆူအပူၤဘၣ်.”

ရိမ့ၤ 2:20

နမ့ၢ်ပှၤတဂၤလၢအသိၣ်က့ၤသီက့ၤပှၤဟးဂီၤဖိတဖၣ်ဒီး သရၣ်သိၣ်လိတၢ်တဂၤလၢပှၤတသ့လံာ်သ့လဲာ်တဖၣ်အဂီၢ် န့ၣ်လီၤ. နသ့ၣ်ညါလီၤတံၢ်လၢယူဒၤအတၢ်သိၣ်တၢ်သီအပူၤန့ၣ်, နအိၣ်ဒီးတၢ်သ့ၣ်ညါဒီးတၢ်မ့ၢ်တၢ်တီအလၢအပှဲၤန့ၣ်လီၤ.

1 ကရံၣ်သူး 13:11

ဖဲယမ့ၢ်ဖိသၣ်တဂၤန့ၣ်, ယတၢ်စံးတၢ်ကတိၤ, ယတၢ်ပာ်သူၣ်ပာ်သးဒီးတၢ်ဆိကမိၣ်ဆိကမးတဖၣ်မ့ၢ်တၢ်လၢ အဘၣ်ဃးဒီးဖိသၣ်ခဲလၢာ်လီၤ. မ့မ့ၢ်ခဲကနံၣ်အံၤ, ဖဲယမ့ၢ်ပှၤဒိၣ်တုာ်တဂၤန့ၣ်, ပှၤဖိသၣ်အကျဲတဖၣ်အဘျုးအဖှိၣ်တအိၣ်ဝဲလၢယဂီၢ်လၢၤဘၣ်.

1 ကရံၣ်သူး 14:20

ယဒီပုၢ်ဝဲၢ်သ့ၣ်ဧၢ, တဘၣ်လီၤဂာ်ဒီးဖိသၣ်တဖၣ်လၢသုတၢ်ဆိကမိၣ်ဆိကမး အပူၤတဂ့ၤ, ဖဲလၢအဘၣ်ဃးဒီးတၢ်အၢတၢ်သီန့ၣ်လီၤဂာ်ဒီးဖိဒံဖိသၣ်, မ့မ့ၢ်လၢသုတၢ်ဆိကမိၣ်ဆိကမးအပူၤန့ၣ်ကဲပှၤဒိၣ်တုာ်ခိၣ်ပှဲၤ တဖၣ်တက့ၢ်.

1 ကရံၣ်သူး 3:1

မ့မ့ၢ်သုဝဲသ့ၣ်အံၤ, ယဒီပုၢ်ဝဲၢ်သ့ၣ်ဧၢ, ယကတိၤတၢ်ဒီးသုဒ်ယကတိၤတၢ်ဒီးပှၤတဖၣ်လၢအအိၣ်ဒီးသးစီဆှံ န့ၣ်တသ့ဘၣ်. ယဘၣ်ကတိၤတၢ်ဒီးသုဒ်သုဘၣ်ထွဲလၢဟီၣ်ခိၣ် တဘ့ၣ်အံၤ, ဒ်ပှၤဖိဒံဖိသၣ်လၢခရံာ်ဖိအတၢ်စူၢ်တၢ်နာ်အပူၤ အသိးန့ၣ်လီၤ.

၂ ကရံၣ်သူး 3:9

ယူဒၤအတၢ်သိၣ်တၢ်သီလၢအဒုးအိၣ်ထီၣ်တၢ်စံၣ်ညီၣ်န့ၣ်, အလၤကပီၤ မ့ၢ်အိၣ်ထဲသိးန့ၣ်ဒီးတၢ်ဖံးတၢ်မၤလၢအဟဲစိာ်တၢ်အုၣ်က့ၤခီၣ် က့ၤန့ၣ်, ကအိၣ်ဒီးအလၤကပီၤဒိၣ်န့ၢ်အန့ၣ်တက့ၢ်ဆံးဒိၣ်လဲၣ်.

အ့းဖ့းစူး 4:14

တုၤနုၤတစုပတမ့ၢ်လၢၤပှၤဖိသၣ်လၢအဘၣ်တၢ်ဆှၢကဒံ ဆှၢကဒါဒီးထုးဝ့ၤထုးဝီၤအီၤလၢပှၤလီန့ၢ်တၢ်ဖိအတၢ်သိၣ်လိ သီလိအကလံၤလၢအဆှၢကမၣ်ပှၤခီဖျိတၢ်လီတၢ်ဝ့ၤအတၢ် ကူၣ်သ့န့ၣ်လၢၤဘၣ်.

၂ တံၤမသ့း 3:16

တၢ်ကွဲးအသးခဲလၢာ်န့ၣ်ဘၣ်တၢ်ကွဲးအီၤလၢကစၢ်ယွၤ အသးစီဆှံဒီးဂ့ၤလၢတၢ်သိၣ်လိတၢ်မ့ၢ်တၢ်တီအဂီၢ်, သိၣ်ဃီၣ်တၢ်ကမၣ်အဂီၢ်, ဘှီဘၣ်က့ၤတၢ်လၢအကမၣ် တဖၣ်အဂီၢ်, ဒီးသိၣ်လိနဲၣ်လိတၢ်လၢတၢ်အိၣ်မူအဂ့ၤ အဘၣ်အဂီၢ်,

၁ ပ့းတရူး 2:2

မၤသုသးဒ်ဖိသၣ်လၢအအိၣ်ဖျဲၣ်ထီၣ်သီတဖၣ်အသိးလၢ အဆၢန့ၢ်ဘၣ်တၢ်နုၢ်ထံနီၢ်နီၢ်ဘၣ်ဃးဒီးသူၣ်ဒီးသး, ဒ်သိးခီဖျိသုအီအီၤန့ၣ်, သုကဒိၣ်ထီၣ်ဒီးဘၣ်တၢ်အုၣ်က့ၤခီၣ်က့ၤသုအဂီၢ်တက့ၢ်.

၂ ယိၤဟၣ် 1:11

အဂ့ၢ်ဒ်လဲၣ်န့ၣ်, ပှၤတဂၤဂၤလၢအဆၢဂ့ၤဆၢဝါဘၣ်အီၤ န့ၣ်, ကဲထီၣ်အဝဲအပှၤမၤသကိးတၢ်လၢအတၢ်မၤအအၢအသီ တဖၣ်အပူၤန့ၣ်လီၤ.