ဧ့ၤဘြံၤ 4:9 - Sgaw Karen Common Bible

⁹ လၢတၢ်အံၤအဃိ, တၢ်အိၣ်ဘှံးဒ်လၢကစၢ်ယွၤအတၢ်အိၣ် ဘှံးလၢမုၢ်နွံနံၤတနံၤန့ၣ်, အိၣ်ဒံးဝဲလၢကစၢ်ယွၤအပှၤဂီၢ်မုၢ် အဂီၢ်လီၤ.

ဧ့ၤဘြံၤ 4:9 Iomraidhean Croise

စံးထီၣ်ပတြၢၤ 47:9

ပှၤပၢတၢ်လၢအပၢပှၤကလုာ်တဖၣ်အိၣ်ဖှိၣ်ရိဖှိၣ် ဒီးစီၤအၤဘြၤဟၣ်အကစၢ်ယွၤ အပှၤဂီၢ်မုၢ်တဖၣ်န့ၣ်လီၤ. အဂ့ၢ်ဒ်အံၤ ဟီၣ်ခိၣ်အကတီၤတဖၣ် ဘၣ်ဃးဒီးယွၤန့ၣ်လီၤ. အဝဲဘၣ်တၢ်ပာ်ထီၣ်ထီအီၤဒိၣ်မးန့ၣ်လီၤ.

လံာ်တၢ်ဟးထီၣ်ကွံာ် 16:30

မၤသးဒ်န့ၣ်ဒီးပှၤတမၤတၢ်လၢနွံသီတသီန့ၣ်နီတဂၤဘၣ်.

လံာ်ယၡါယၤ 11:10

မုၢ်တနံၤကဟဲဝဲဖဲစီၤပၤအသီလၢအဟဲလီၤစၢၤလီၤသွဲၣ်လၢစီၤပၤဒၤဝံးကအိၣ်ထီၣ်ဝဲဒီးကမ့ၢ်တၢ်ပနီၣ်လၢပှၤကလုာ်တဖၣ်အဂီၢ် န့ၣ်လီၤ. အဝဲသ့ၣ်ကပာ်ဖှိၣ်အသးလၢအစီၤပၤအဝ့ၢ်ဒီးကဟ့ၣ် အီၤတၢ်လၤကပီၤန့ၣ်လီၤ.

လံာ်ယၡါယၤ 57:2

ပှၤလၢအအိၣ်မူတၢ်အိၣ်မူအဂ့ၤအဝါတဖၣ်ထံၣ်န့ၢ်တၢ်ဃူ တၢ်ဖိးဒီးတၢ်အိၣ်ဘှံးအလီၢ်လၢတၢ်သံအပူၤန့ၣ်လီၤ.

လံာ်မးသဲ 1:21

အဝဲကဆံးစၢ်န့ၢ်ဖိခွါတဂၤဒီးနကဘၣ်ယုၢ်န့ၢ်အမံၤလၢယ့ၣ်ၡူး လီၤ. အဂ့ၢ်မ့ၢ်လၢအဝဲကအုၣ်က့ၤခီၣ်က့ၤအပှၤဂီၢ်မုၢ်လၢအဝဲသ့ၣ် အတၢ်ဒဲးဘးအပူၤလီၤ.”

တံတူး 2:14

အဝဲဒၣ်ဟ့ၣ်လီၤအသးလၢပဂီၢ်ဒ်သိးကမၤထူၣ်ဖျဲးပှၤလၢတၢ် အၢတၢ်သီခဲလၢာ်ဒီးကဒုးကဲထီၣ်ပှၤ, ပှၤတကလုာ်လၢအကဆှီဝဲလၢအဘၣ်ဃးထဲဒၣ်ဒီးအီၤဒီး အသးဆူၣ်လၢတၢ်မၤဂ့ၤတၢ်အဂီၢ်န့ၣ်လီၤ.

ဧ့ၤဘြံၤ 11:25

အဝဲဃုထၢဝဲလၢအကတူၢ်သကိးတၢ်မၤအၢမၤနးဃုာ်ဒီး ကစၢ်ယွၤအပှၤဂီၢ်မုၢ်အါန့ၢ်အကမုာ်လၤတၢ်လၢတၢ်ဒဲးဘး အတၢ်မုာ်တၢ်လၤတစိၢ်တလီၢ်အပူၤတက့ၢ်လီၤ.

ဧ့ၤဘြံၤ 3:11

လၢတၢ်သးဒိၣ်ထီၣ်အပူၤယဆိၣ်လီၤယသးလၢ ‘အဝဲသ့ၣ်တလဲၤနုာ်ဘၣ်ဆူ ယတၢ်အိၣ်ဘှံးအပူၤနီတဘျီဘၣ်န့ၣ်လီၤ.’ ”

ဧ့ၤဘြံၤ 4:1

လၢတၢ်န့ၣ်အဃိဖဲကစၢ်ယွၤအတၢ်စံးပာ်ဘၣ်ဃးဒီးတၢ်လဲၤ နုာ်ဆူအတၢ်အိၣ်ဘှံးအပူၤအိၣ်ဒံးဝဲလၢပဂီၢ်အဖၢမုၢ်အံၤ, မ်ပကပလီၢ်ပသးဒ်သိးပသုတဘၣ်တၢ်ထံၣ်န့ၢ်ပှၤလၢပလီၤ တိၢ်ကွံာ်လၢတၢ်ဒိးန့ၢ်ဘၣ်တၢ်အိၣ်ဘှံးအဝဲန့ၣ်နီတဂၤတဂ့ၤ အဂီၢ်န့ၣ်တက့ၢ်.

ဧ့ၤဘြံၤ 4:10

အဂ့ၢ်ဒ်အံၤ, ပှၤတဂၤလၢ်လၢ်လၢအဒိးန့ၢ်ဘၣ်တၢ်အိၣ်ဘှံးလၢ ကစၢ်ယွၤစံးပာ်န့ၣ်ကဆိကတီၢ်ကွံာ်လၢအတၢ်ဖံးတၢ်မၤဒ် ကစၢ်ယွၤအိၣ်ဘှံးက့ၤလၢတၢ်ဖံးတၢ်မၤအပူၤအသိးန့ၣ်လီၤ.

ဧ့ၤဘြံၤ 4:3

လၢတၢ်အံၤအဃိပဝဲလၢအအိၣ်ဒီးတၢ်နာ်တဖၣ်ကဒိးန့ၢ်ဘၣ်တၢ် အိၣ်ဘှံးလၢကစၢ်ယွၤစံးပာ်တ့ၢ်လံဝဲန့ၣ်လီၤ. တၢ်မၤအသးဒ် အစံးတ့ၢ်ဝဲအသိး, “ယသးဒိၣ်ထီၣ်ဒီးဆိၣ်လီၤယသးသပှၢ်ကတၢၢ်လၢ, ‘အဝဲသ့ၣ်တလဲၤနုာ်ဘၣ်ဆူယတၢ်အိၣ်ဘှံးအပူၤလ့ၤတက့ၤဘၣ် န့ၣ်လီၤ.’ ” တၢ်ဖံးတၢ်မၤဝံၤတ့ၢ်လံဝဲလၢအတ့လီၤဟီၣ်ခိၣ်အကတီၢ်လံၤလံၤ သနာ်က့စံးတ့ၢ်ဝဲတၢ်အံၤလီၤ.

ဧ့ၤဘြံၤ 4:8

စီၤယိၤၡူမ့ၢ်ဟ့ၣ်တ့ၢ်လံအဝဲသ့ၣ်လၢတၢ်အိၣ်ဘှံးလၢ ကစၢ်ယွၤစံးပာ်တ့ၢ်လၢအဂ့ၢ်ဒီး, တမ့ၢ်လၢကစၢ်ယွၤကစံးကဒီးဘၣ်ထွဲဒီးမုၢ်နံၤအဂၤတနံၤ အဂ့ၢ်လၢၤဘၣ်လီၤ.

၁ ပ့းတရူး 2:10

တဘျီန့ၣ်သုတမ့ၢ်ကစၢ်ယွၤအပှၤဂီၢ်မုၢ်ဘၣ်, မ့မ့ၢ်ခဲအံၤသုမ့ၢ် အပှၤဂီၢ်မုၢ်လီၤ. တဘျီန့ၣ်သုတသ့ၣ်ညါကစၢ်ယွၤတၢ်သး ကညီၤဘၣ်, မ့မ့ၢ်ခဲအံၤသုဒိးန့ၢ်ဘၣ်အတၢ်သးကညီၤလံ (ဟိၤ ၂:၂၃).

လံာ်လီၣ်ဖျါ 14:13

အန့ၣ်ဝံၤဒီး, ယနၢ်ဟူတၢ်ကလုၢ်သီၣ်လၢမူခိၣ်ဒီးစံးဝဲ, “ကွဲးတၢ်ဒ်အံၤတက့ၢ်. ပှၤသ့ၣ်တဖၣ်လၢစးထီၣ်ခဲအံၤဒီးဆူညါသံဝဲလၢတၢ်မၤ ကစၢ်အတၢ်မၤအပူၤန့ၣ်, ဘၣ်ဆိၣ်ဂ့ၤဝဲလီၤ.” ယွၤအသးစံးဆၢဝဲ, “မ့ၢ်သပှၢ်ကတၢၢ်လီၤ. အဝဲသ့ၣ်ကမုာ်လၤလၢတၢ်အိၣ်ဘှံးက့ၤလၢ အတၢ်ဖံးတၢ်မၤအဆူၣ်အကိၤန့ၣ်လီၤ. အဂ့ၢ်ဒ်အံၤ, အဝဲသ့ၣ်အတၢ်ဖံးတၢ်မၤအဘျုးအဖှိၣ်တဖၣ်ကပိာ်ထွဲအဝဲသ့ၣ် အခံန့ၣ်လီၤ.”

လံာ်လီၣ်ဖျါ 21:4

အဝဲဒၣ်ကထွါကွံာ်မဲာ်ထံခဲလၢာ်လၢအဝဲသ့ၣ်အမဲာ်ချံ အပူၤလီၤ. တၢ်သံတအိၣ်လၢၤဘၣ်, တၢ်သူၣ်အုးသး အုးမ့ၢ်ဂ့ၤ, တၢ်ဟီၣ်တၢ်ယၢၤမ့ၢ်ဂ့ၤ, တၢ်ဆူးတၢ်ဆါမ့ၢ်ဂ့ၤ တအိၣ်ဝဲဒၣ်လၢၤဘၣ်. တၢ်အလီၢ်လံၤတဖၣ်လဲၤပူၤကွံာ် ဝဲဒၣ်လံ.”