ဧ့ၤဘြံၤ 4:16 - Sgaw Karen Common Bible

¹⁶ လၢတၢ်န့ၣ်အဃိလၢတၢ်သူၣ်ဂၢၢ်သးကျၢၤအပူၤ, မ်ပသုးဘူးပသးဆူကစၢ်ယွၤအလီၢ်ပစိာ်, ဖဲတၢ်ဘျုးတၢ်ဖှိၣ်အိၣ်ဝဲဒၣ်အလီၢ်န့ၣ်တက့ၢ်. ဖဲန့ၣ်ပကထံၣ်န့ၢ်တၢ်သးကညီၤဒီးတၢ်ဘျုးတၢ်ဖှိၣ်လၢ အကမၤစၢၤပှၤဖဲပလိၣ်ဘၣ်အီၤအဆၢအကတီၢ်န့ၣ်လီၤ.

ဧ့ၤဘြံၤ 4:16 Iomraidhean Croise

လံာ်ကွဲးနီၣ်တၢ်အခီၣ်ထံးတဘ့ၣ် 28:11

စီၤဒၤဝံးဟ့ၣ်ဃီၤစီၤၡလိၤမိၤလၢကယဲၢ်တၢ်တိာ်ကျဲၤတဖၣ်လၢ တၢ်သူၣ်ထီၣ်ယွၤအတၢ်လုၢ်ဟံၣ်ဒီးအဂၢၤတဖၣ်အဂီၢ်, လၢတၢ်ပာ်ဖှိၣ်အဒၢးတဖၣ်ဒီးကယဲၢ်ဒၢးအဂၤခဲလၢာ်အဂီၢ်ဒီးလၢ တၢ်အလီၢ်စီဆှံကတၢၢ်, ဖဲတၢ်ဒဲးဘးတဖၣ်ဘၣ်တၢ်ပျၢ်ကွံာ်အီၤအလီၢ်အဂီၢ်န့ၣ်လီၤ.

လံာ်ယၡါယၤ 27:11

သ့ၣ်အဒ့တဖၣ်ဃ့ထီဒီးကၢ်လီၤကွံာ်ဝဲ, ဒီးပိာ်မုၣ်တဖၣ်ထၢ ဖှိၣ်အီၤလၢသ့ၣ်မုၣ်ခံအဂီၢ်လီၤ. အဂ့ၢ်ဒ်အံၤ, ပှၤဂီၢ်မုၢ်တနၢ်ပၢၢ် တၢ်နီတမံၤဘၣ်. ကစၢ်ယွၤလၢအမ့ၢ်အဝဲသ့ၣ်အတၢ်ဘၣ် တ့ကစၢ်တသးကညီၤဘၣ်အဝဲသ့ၣ်မ့ၢ်ဂ့ၤတပာ်ဖျါအတၢ်ကွၢ်မဲာ် အဝဲသ့ၣ်မ့ၢ်ဂ့ၤဘၣ်.

လံာ်တၢ်ဘူၣ်ထီၣ်ဘါထီၣ် 16:2

ဒီးယွၤစံးဘၣ်စီၤမိၤၡ့, “စံးဘၣ်နဒီပုၢ်ဝဲၢ်စီၤအၤဟရိၣ်လၢအသုတလဲၤနုာ်ဆူတၢ်လီၢ် စီဆှံကတၢၢ်လၢယၣ်ဘျးသဒၢသးအချၢကိးဆၢကိးကတီၢ်ဒဲးတဂ့ၤ. အဂ့ၢ်ဒ်အံၤ, တၢ်လီၢ်ဝဲန့ၣ်မ့ၢ်ယလီၣ်ဖျါထီၣ်ယသးခီဖျိတၢ်အၢၣ်, လၢတၢ်အၢၣ်လီၤအီလီၤအတလါစီဆှံအဖီခိၣ်န့ၣ်လီၤ. မ့ၢ်တဒိကနၣ်ဝဲဘၣ်ဒီးကဘၣ်တၢ်မၤသံအီၤန့ၣ်လီၤ.

အ့းဖ့းစူး 2:18

ခီဖျိခရံာ်န့ၣ်, ပဝဲကိးဂၤဒဲး, ယူဒၤဖိတဖၣ်ဒီးပှၤကလုာ်ဂၤတဖၣ် ပလဲၤနုာ်ဆူပၢ်အမဲာ်ညါလၢသးစီဆှံတဂၤဃီအပူၤသ့ဝဲလီၤ.

အ့းဖ့းစူး 3:12

လၢခရံာ်အပူၤဒီးခီဖျိပတၢ်စူၢ်တၢ်နာ်က့ၤအီၤန့ၣ်, ပအိၣ်ဒီးတၢ်သူၣ်ခူတလ့ၣ်သးခူတလ့ၣ်လၢပကလဲၤနုာ်ဆူ ကစၢ်ယွၤအမဲာ်ညါအိၣ်ဒီးတၢ်သူၣ်ဂၢၢ်သးကျၢၤန့ၣ်လီၤ.

ဧ့ၤဘြံၤ 13:6

လၢတၢ်အံၤအဃိပစံးပဝဲလၢတၢ်သးခူတလ့ၣ်အပူၤသ့ဝဲလၢ, “ကစၢ်မ့ၢ်ပှၤလၢအမၤစၢၤယၤ ယတပျံၤဘၣ်တၢ်ဘၣ်. ပှၤဟီၣ်ခိၣ်ဖိမၤယၤကသ့မနုၤတမံၤလဲၣ်.”

ဧ့ၤဘြံၤ 3:6

မ့မ့ၢ်ခရံာ်အကလုၢ်တီဝဲဒ်ဖိခွါတဂၤအသိးလၢကစၢ်ယွၤအဒူၣ် အထၢအဖီခိၣ်န့ၣ်လီၤ. ပမ့ၢ်အိၣ်ဒီးတၢ်သူၣ်ဒူသးဒူဒီးတၢ်သူၣ်ဂၢၢ်သးကျၢၤလၢပတၢ် မုၢ်လၢ်အပူၤဒီးပမ့ၢ်အဝဲဒၣ်အဒူၣ်ဖိထၢဖိလီၤ.

ဧ့ၤဘြံၤ 7:19

အဂ့ၢ်ဒ်အံၤ, စီၤမိၤၡ့အတၢ်သိၣ်တၢ်သီမၤလၢထီၣ်ပှဲၤထီၣ်တၢ် တသ့ဘၣ်နီတမံၤဘၣ်. ဒီးအခဲအံၤတၢ်ဟ့ၣ်လီၤပှၤတၢ်မုၢ်လၢ် လၢ အဂ့ၤဒိၣ်တက့ၢ်, လၢပသုးဘူးပသးဆူ ကစၢ်ယွၤအအိၣ် သ့ဝဲခီဖျိအီၤန့ၣ်လီၤ.

ဧ့ၤဘြံၤ 7:25

လၢတၢ်န့ၣ်အဃိ, အဝဲအုၣ်က့ၤခီၣ်က့ၤပှၤလၢအဟဲဆူ ကစၢ်ယွၤအအိၣ်ခီဖျိအီၤတဖၣ်န့ၣ်သ့ဝဲထီဘိဒ်အဝဲမူဝဲ လီၤစိၤလီၤထီလၢအကဃ့န့ၢ်တၢ်လၢအဝဲသ့ၣ်အဂီၢ်အသိး န့ၣ်လီၤ.

ဧ့ၤဘြံၤ 9:5

လၢတလါအံၤအဖီခိၣ်န့ၣ်တၢ်လၤကပီၤအခ့ရူာ်တဖၣ်အိၣ်ဝဲလီၤ. အဒံးဆ့တဖၣ်သလၣ်ထီၣ်အသးဒီးကဒုလီၤဘၣ်လၢတၢ်သူၣ် ကညီၤသးကညီၤအလီၢ်ပစိာ်အလိၤန့ၣ်လီၤ. ဘၣ်ဆၣ်ခဲအံၤ, တမ့ၢ်ဘၣ်တၢ်အကတီၢ်လၢပကတဲဖျါတၢ်ဂ့ၢ်တဖၣ်အံၤလီၤ တံၢ်လီၤဆဲးန့ၣ်ဘၣ်.

၁ ပ့းတရူး 2:10

တဘျီန့ၣ်သုတမ့ၢ်ကစၢ်ယွၤအပှၤဂီၢ်မုၢ်ဘၣ်, မ့မ့ၢ်ခဲအံၤသုမ့ၢ် အပှၤဂီၢ်မုၢ်လီၤ. တဘျီန့ၣ်သုတသ့ၣ်ညါကစၢ်ယွၤတၢ်သး ကညီၤဘၣ်, မ့မ့ၢ်ခဲအံၤသုဒိးန့ၢ်ဘၣ်အတၢ်သးကညီၤလံ (ဟိၤ ၂:၂၃).