ဧ့ၤဘြံၤ 4:15 - Sgaw Karen Common Bible

¹⁵ ပပှၤလုၢ်တၢ်အခိၣ်အဒိၣ်ကတၢၢ်အံၤ တမ့ၢ်ပှၤလၢအနၢ် ပၢၢ်စၢၤပတၢ်ဂံၢ်စၢ်ဘါစၢ်တသ့ဘၣ်တဂၤန့ၣ်ဘၣ်. မ့ၢ်ပှၤတဂၤလၢအဘၣ်တၢ်လ့ပစီအီၤလၢကျဲကိးဘိဒဲးဒ်ပဝဲဒၣ် အသိးဘၣ်ဆၣ်အတၢ်ဒဲးဘးတအိၣ်ဘၣ်.

ဧ့ၤဘြံၤ 4:15 Iomraidhean Croise

လံာ်တၢ်ဟးထီၣ်ကွံာ် 23:9

မၤတရီတပါပှၤတခီဘီမုၢ်တဂၤတဂ့ၤ. တၢ်မ့ၢ်ပှၤတခီ ဘီမုၢ်ဖိတဂၤန့ၣ်မၤသးဒ်လဲၣ်, သုသ့ၣ်ညါလီၤ. အဂ့ၢ်ဒ်အံၤ, သုမ့ၢ်တ့ၢ်ပှၤတခီဘီမုၢ်ဖိတဖၣ်လၢကီၢ်အဲၤကူပတူးအပူၤလီၤ.

လံာ်ယၡါယၤ 53:9

အဝဲတမၤတ့ၢ်တၢ်အၢတၢ်သီနီတစုဘၣ်ဒီးတကတိၤလီတၢ် နီတဘျီဘၣ်ဒၣ်လဲာ်န့ၣ်အဝဲဘၣ်တၢ်ပာ်လီၤအီၤလၢတၢ်သွၣ်ခိၣ် တပူၤဃုာ်ဒီးပှၤအၢပှၤသီတဖၣ်လီၤ. အဝဲဘၣ်တၢ်ခူၣ်လီၤအီၤဃုာ်ဒီးပှၤထူးပှၤတီၤလီၤ.”

လံာ်ဟိၤၡ့ 11:8

ကီၢ်အံၣ်စရ့လးဧၢ, ယပျဲစုပျၢ်ခီၣ်ကွံာ်နၤကသ့ဒ်လဲၣ်ယစူးကွံာ်ညိကွံာ်နၤကသ့ဒ်လဲၣ်. မ့ၢ်ယကမၤဟးဂီၤတ့ၢ်နၤဒ်ယမၤတ့ၢ်ဝ့ၢ်အၤဒမၤအသိးမ့ၢ်ဂ့ၤ, မၤဘၣ်နၤဒ်ယမၤတ့ၢ်ဝ့ၢ်စဘိအံၣ်အသိးမ့ၢ်ဂ့ၤတဘျီဘျီဧါ. တမ့ၢ်ယသးကပျဲယမၤတၢ်န့ၣ်ဘၣ်. ယတၢ်အဲၣ်နၤအံၤဆူၣ်ဒိၣ်မးလီၤ.

လံာ်မးသဲ 12:20

တပိၢ်တဘိလၢအသဘှံးန့ၣ်တမၤတဲာ်ကွံာ်ဘၣ်ဝဲဘၣ်. ဒီးမ့ၣ်အူဒၢလၢအကပီၤပံာ်လ့ပံာ်လ့န့ၣ် တမၤလီၤပံာ်ကွံာ်ဝဲဘၣ်, ဒီးကကျဲးစၢးဝဲတုၤလီၤလၢတၢ်တီတၢ်လိၤ မၤနၢၤတၢ်တစုလီၤ.

လံာ်မးသဲ 4:1

တၢ်န့ၣ်ဝံၤအလီၢ်ခံယွၤအသးဆှၢယ့ၣ်ၡူးဆူပှၢ်မုၢ်ကနၢဒ်သိး အကဒိးဘၣ်တၢ်လ့ပစီအဂီၢ်လီၤ.

လံာ်လူၤကၣ် 22:28

လၢတၢ်မၤကွၢ်လၢအဟဲဘၣ်ယၤဒီဆၢဒီကတီၢ်အပူၤန့ၣ်, သုဝဲသ့ၣ်တဖၣ်သုအိၣ်ဒံးသုဝဲဒီးယၤလီၤ.

လံာ်လူၤကၣ် 4:2

ဖဲအဝဲဒၣ်ဘၣ်တၢ်လ့ပစီအီၤလၢမုၣ်ကီၤလံၢ်လၢအသီလွံၢ်ဆံ အတီၢ်ပူၤန့ၣ်လီၤ. ဖဲအဆၢကတီၢ်ဝဲန့ၣ်ဒီကတီၢ်ညါန့ၣ်, အဝဲတအီၣ်တၢ်နီတမံၤဘၣ်. သတးဒီးလၢခံကတၢၢ်န့ၣ်တၢ်သၣ်ဝံၤအသးလီၤ.

လံာ်ယိၤဟၣ် 8:46

မတၤတဂၤလၢသုကျါအုၣ်အသးလၢယမၤတၢ်ဒဲးဘးကသ့ န့ၣ်လဲၣ်. ယမ့ၢ်ကတိၤတၢ်မ့ၢ်တၢ်တီဒီး, ဘၣ်မနုၤအဃိလၢသုတစူၢ်က့ၤနာ်က့ၤယၤန့ၣ်လဲၣ်.

ရိမ့ၤ 8:3

မ့ၢ်လၢပှၤကညီအန့ဆၢၣ်အဂံၢ်စၢ်ဘါစၢ်အဃိ, တၢ်လၢတၢ်သိၣ်တၢ်သီမၤတသ့ဘၣ်န့ၣ်ကစၢ်ယွၤမၤဝဲလီၤ. အဝဲစံၣ်ညီၣ်ဃၣ်တၢ်ဒဲးဘးလၢပှၤကညီအန့ဆၢၣ်အပူၤ, ခီဖျိအတၢ်ဆှၢလီၤအဖိခွါဒၣ်ဝဲအိၣ်ဒီးန့ဆၢၣ်လၢအမ့ၢ် ပှၤကညီအတၢ်ဒဲးဘးအန့ဆၢၣ်ဒ်သိးအကတြူာ် ကွံာ်တၢ်ဒဲးဘးအဂီၢ်န့ၣ်လီၤ.

၂ ကရံၣ်သူး 5:21

ခရံာ်အတၢ်ဒဲးဘးတအိၣ်ဘၣ်. ဘၣ်ဆၣ်ဒီးလၢပဂီၢ်ယွၤဒုးတူၢ်ဃုာ်အီၤလၢပတၢ်ဒဲးဘး, ဒ်သိးဒီးလၢပတၢ်ပာ်ဖှိၣ်ဃုာ်ပသးဒီးအီၤအပူၤန့ၣ်, ပကဒိးန့ၢ်ဃုာ်ကစၢ်ယွၤအတၢ်တီတၢ်လိၤအဂီၢ်န့ၣ်လီၤ.

ဧ့ၤဘြံၤ 4:14

ဒ်ပအိၣ်ဒီးပှၤလုၢ်တၢ်အခိၣ်အဒိၣ်ကတၢၢ်ယ့ၣ်ၡူးကစၢ်ယွၤ အဖိခွါတဂၤလၢအလဲၤခီဖျိတ့ၢ်မူခိၣ်, ယွၤအိၣ်တၢ်အလီၢ် အသိးန့ၣ်, မ်ပကဟံးဃာ်ဂၢၢ်ဂၢၢ်ကျၢၤကျၢၤပတၢ်စူၢ်တၢ်နာ် တက့ၢ်.

ဧ့ၤဘြံၤ 5:2

ဒ်အနီၢ်ကစၢ်ဒၣ်ဝဲအိၣ်ဒီးတၢ်ဂံၢ်စၢ်ဘါစၢ်လၢကျဲအါဘိအပူၤ အသိး, အဝဲဘၣ်ထွဲဒီးပှၤလၢအတသ့ၣ်ညါတၢ်ဒီးပှၤလၢအမၤ ကမၣ်တၢ်တဖၣ်န့ၣ်လၢတၢ်သးအိၣ်အပူၤသ့ဝဲန့ၣ်လီၤ.

ဧ့ၤဘြံၤ 7:26

မ့မ့ၢ်ဒ်န့ၣ်ဒီး, ဂ့ၤဝဲဘၣ်ဝဲလၢပကအိၣ်ဒီးပှၤလုၢ်တၢ်အခိၣ်အဒိၣ် ကတၢၢ်ဒ်န့ၣ်အသိးတဂၤလၢအမၤပှဲၤကယဲၢ်ပတၢ်လိၣ်, လၢ အစီဝဲဆှံဝဲ, လၢပှၤပာ်တၢ်ကမၣ်လၢအလိၤအလီၢ်တအိၣ် ဘၣ်, လၢအတဘၣ်အၢဘၣ်သီဘၣ်, လၢအဘၣ်တၢ်ပာ် လီၤဆီအီၤဒီးပှၤတၢ်ဒဲးဘးဖိတဖၣ်အအိၣ်, ဒီးလၢအဘၣ်တၢ်ပာ်ထီၣ်ထီအီၤထီန့ၢ်မူခိၣ်တက့ၢ် န့ၣ်လီၤ.

ဧ့ၤဘြံၤ 9:28

ခရံာ်ဘၣ်တၢ်လုၢ်ထီၣ်ပာ်ထီၣ်အီၤဒ်တၢ်လုၢ်အသိးတဘျီ ဧိၤဒ်သိးအကဟံးထီၣ်ကွံာ်ပှၤအါဂၤအတၢ်ဒဲးဘးဝံၤအဝဲ လီၣ်ဖျါထီၣ်ကဒီးအသးခံဘျီတဘျီ, တမ့ၢ်လၢအကမၤတံာ်တာ်အသးဒီးတၢ်ဒဲးဘးန့ၣ်ဘၣ်. မ့ၢ်ဒ်သိးအကအုၣ်က့ၤခီၣ်က့ၤပှၤလၢအအိၣ်ခိးကွၢ်လၢ်အီၤ သပှၢ်ကတၢၢ်တဖၣ်လီၤ.

၁ ပ့းတရူး 2:22

အဝဲတမၤတၢ်ဒဲးဘးနီတမံၤဘၣ်, ဒီးပှၤတနၢ်ဟူဘၣ်တၢ်လီတၢ်ဝ့ၤဟဲထီၣ်လၢအထးခိၣ်နီ တဂၤဘၣ် (ၡါ ၅၃:၉).

၁ ယိၤဟၣ် 3:5

သုသ့ၣ်ညါလၢခရံာ်အိၣ်ဖျါထီၣ်တ့ၢ်ဝဲဒ်သိးအကစိာ် ကွံာ်ပတၢ်ဒဲးဘးတဖၣ်အဂီၢ်, ဒီးလၢအဝဲဒၣ်အပူၤတခီ တၢ်ဒဲးဘးတအိၣ်နီတမံၤဘၣ်န့ၣ်လီၤ.