ဧ့ၤဘြံၤ 3:6 - Sgaw Karen Common Bible

⁶ မ့မ့ၢ်ခရံာ်အကလုၢ်တီဝဲဒ်ဖိခွါတဂၤအသိးလၢကစၢ်ယွၤအဒူၣ် အထၢအဖီခိၣ်န့ၣ်လီၤ. ပမ့ၢ်အိၣ်ဒီးတၢ်သူၣ်ဒူသးဒူဒီးတၢ်သူၣ်ဂၢၢ်သးကျၢၤလၢပတၢ် မုၢ်လၢ်အပူၤဒီးပမ့ၢ်အဝဲဒၣ်အဒူၣ်ဖိထၢဖိလီၤ.

ဧ့ၤဘြံၤ 3:6 Iomraidhean Croise

စံးထီၣ်ပတြၢၤ 2:12

ဒီးဆီၣ်လီၤသုသးလၢအဖီလာ်တက့ၢ်. မ့တမ့ၢ်ဘၣ်ဒီးအတၢ်သးထီၣ်ကထီၣ်ဝဲချ့သဒံး, ဒီးသုကသံသတူၢ်ကလာ်လီၤ. ပှၤလၢအအိၣ်ကဒုလၢယွၤအပူၤခဲလၢာ်န့ၣ် ဘၣ်ဆိၣ်ဂ့ၤဝဲနီၢ်နီၢ်လီၤ.

လံာ်ယဃ့းစက့လး 46:10

စီၤပၤဖိခွါကဘၣ်ဟဲနုာ်ဝဲဖဲပှၤဂီၢ်မုၢ်ဟဲနုာ်ဝဲ, ဒီးကဘၣ်ဟးထီၣ်ဝဲဖဲအဝဲသ့ၣ်ဟးထီၣ်န့ၣ်လီၤ.

လံာ်မးသဲ 10:22

ပှၤကိးဂၤဒဲးကသးဟ့သုလၢယဃိ, ဘၣ်ဆၣ်ဒီးယွၤကအုၣ်က့ၤခီၣ် က့ၤပှၤလၢအတူၢ်တၢ်ကဲတုၤအကတၢၢ်န့ၣ်လီၤ.

လံာ်မးသဲ 16:18

ဒီးယဲဒၣ်အံၤယစံးလၢနမ့ၢ်ပ့းတရူး, လၢၢ်တဖျၢၣ်, ဒီးလၢလၢၢ်အံၤအဖီခိၣ်န့ၣ်, ယကသူၣ်ထီၣ်ယတၢ်အိၣ်ဖှိၣ်, ဒီးတၢ်သံအစိကမီၤဒၣ်လဲာ်မၤနၢၤအီၤတန့ၢ်ဘၣ်လီၤ.

လံာ်မးသဲ 24:13

ဘၣ်ဆၣ်ဒီး, ပှၤတဂၤလၢ်လၢ်လၢအတူၢ်တၢ်တဖၣ်အံၤန့ၢ်ဝဲ, ဒီးအိၣ်ဂၢၢ်ဆိးကျၢၤဝဲတုၤအကတၢၢ်န့ၣ်, ကဘၣ်တၢ်အုၣ်က့ၤခီၣ်က့ၤအီၤလီၤ.

ရိမ့ၤ 11:22

ဖဲအံၤပထံၣ်ဘၣ်ကစၢ်ယွၤသးကညီၤတၢ်ထဲလဲၣ်ဒီးစံၣ်ညီၣ် တၢ်ဆါဆါထဲလဲၣ်န့ၣ်လီၤ. အဝဲဒၣ်စံၣ်ညီၣ်ပှၤလၢအမၤတၢ် ဒဲးဘးတဖၣ်ဆါဆါ, ဘၣ်ဆၣ်ဒီးနမ့ၢ်အိၣ်လၢအတၢ်သးကညီၤ အပူၤဒီး, ကသးကညီၤနၤလီၤ. နမ့ၢ်တအိၣ်လၢအတၢ်သးကညီၤအပူၤဒီးနကဘၣ်တၢ်မၤကၢ်ကွံာ် နၤစ့ၢ်ကီးလီၤ.

ရိမ့ၤ 12:12

မ်သုတၢ်မုၢ်လၢ်ဒုးသးခုသု, အိၣ်ဒီးတၢ်ဝံသးစူၤလၢသုတၢ်ကီတၢ်ခဲတဖၣ်အပူၤ, ဒီးဃ့ဘါထုကဖၣ်တၢ်ကိးဆၢကတီၢ်ဒဲးန့ၣ်တက့ၢ်.

ရိမ့ၤ 15:13

မ်ကစၢ်ယွၤ, လၢအမ့ၢ်တၢ်မုၢ်လၢ်အဂံၢ်ထံး, မၤပှဲၤသုဒီးကယဲၢ်တၢ်သးခုဒီးတၢ်ဃူတၢ်ဖိးခီဖျိသုတၢ် စူၢ်တၢ်နာ်အီၤ, ဒ်သိးသုတၢ်မုၢ်လၢ်ကဒိၣ်ထီၣ်အါထီၣ်ခီဖျိသး စီဆှံအစိကမီၤန့ၣ်တက့ၢ်.

ရိမ့ၤ 5:2

အဝဲဆှၢပှၤ, ခီဖျိတၢ်နာ်, ဆူတၢ်လဲၤခီဖျိကလၢၢ်ဘၣ်ကစၢ် ယွၤအဘျုးအဖှိၣ်လၢပအိၣ်မူလၢအပူၤခဲအံၤန့ၣ်လီၤ. သတးဒီး ပသးခုဒီးပာ်ကဖၢလၢပသးလၢပအိၣ်ဒီးတၢ်မုၢ်လၢ်လၢ ပကဒိးန့ၢ်ဃုာ်ကစၢ်ယွၤအလၤကပီၤအဃိန့ၣ်လီၤ.

1 ကရံၣ်သူး 3:16

သုသ့ၣ်ညါသပှၢ်တၢၢ်လၢသုမ့ၢ်ယွၤအတၢ်လုၢ်ဟံၣ်, ဒီးယွၤအသးစီဆှံအိၣ်ဝဲဆိးဝဲလၢသုပူၤကစီဒီလီၤ တမ့ၢ်ဘၣ်ဧါ.

1 ကရံၣ်သူး 6:19

မ့ၢ်သုတသ့ၣ်ညါလၢသုနီၢ်ခိမ့ၢ်တၢ်လုၢ်ဟံၣ်ဘၣ်ဃးဒီးသး စီဆှံ, လၢအအိၣ်ဝဲဆိးဝဲလၢသုပူၤ, ဒီးဘၣ်တၢ်ဟ့ၣ်သုလၢ ယွၤန့ၣ်ဘၣ်ဧါ. သုတဘၣ်ဃးဒီးသုနီၢ်ကစၢ်ဒၣ်သုဝဲဘၣ်, မ့မ့ၢ်သုဘၣ်ဃးဒီးယွၤလီၤ.

၂ ကရံၣ်သူး 6:16

ကစၢ်ယွၤအတၢ်လုၢ်ဟံၣ်ဒီးပှၤသူခိၣ်ဖိအတၢ်ဂီၤတၢ်ဖီၣ် န့ၣ်အသးလီၤပလိာ်ကသ့ဝဲလၢကျဲဒ်လဲၣ်. အဂ့ၢ်ဒ်အံၤ, ပမ့ၢ်ကစၢ်ယွၤလၢအမူဝဲတဂၤအတၢ်လုၢ်ဟံၣ်လီၤ. ဒ်ကစၢ်ယွၤအနီၢ်ကစၢ်ဒၣ်ဝဲစံးလံဝဲအသိး, “ယကသူၣ်ထီၣ်ယဟံၣ်ယဃီဒီးယပှၤဂီၢ်မုၢ် ဒီးအိၣ်ယဲဆိးယဲလၢအဝဲသ့ၣ်တဖၣ်အသိးအကျါလီၤ. ယကမ့ၢ်အဝဲသ့ၣ်အကစၢ်ယွၤ ဒီးအဝဲသ့ၣ်ကမ့ၢ်ယပှၤဂီၢ်မုၢ်လီၤ.”

ကလၤတံ 6:10

လၢတၢ်န့ၣ်အဃိ, ဒ်ပအိၣ်ဒီးတၢ်အခွဲးအယာ်အသိးန့ၣ်, ပကြၢးမၤဂ့ၤပှၤကိးဂၤဒဲးဒီးလီၤဆီဒၣ်တၢ်ပှၤသ့ၣ်တဖၣ် လၢအဘၣ်ဃးဒီးပဒူၣ်ဖိထၢဖိလၢတၢ်စူၢ်တၢ်နာ်အပူၤလီၤ.

ကလၤတံ 6:9

လၢတၢ်န့ၣ်အဃိ, မ်ပသုတလီၤဘှံးလီၤတီၤလၢပမၤဂ့ၤတၢ် အဃိတဂ့ၤ, အဂ့ၢ်ဒ်အံၤပမ့ၢ်တသးဟးဂီၤဘၣ်ဒီးတၢ်ဆၢကတီၢ် ကတုၤဝဲဖဲပကကူးဘၣ်က့ၤတၢ်လၢအဂ့ၤန့ၣ်လီၤ.

အ့းဖ့းစူး 3:12

လၢခရံာ်အပူၤဒီးခီဖျိပတၢ်စူၢ်တၢ်နာ်က့ၤအီၤန့ၣ်, ပအိၣ်ဒီးတၢ်သူၣ်ခူတလ့ၣ်သးခူတလ့ၣ်လၢပကလဲၤနုာ်ဆူ ကစၢ်ယွၤအမဲာ်ညါအိၣ်ဒီးတၢ်သူၣ်ဂၢၢ်သးကျၢၤန့ၣ်လီၤ.

ကလီးစဲ 1:23

တၢ်လၢအလီၢ်အိၣ်တမံၤန့ၣ်, မ့ၢ်ဒ်သိးသုကလဲၤဒံးတၢ်လၢတၢ် ကလုၢ်တီဒီးလၢတၢ်စူၢ်တၢ်နာ်အဂၢၢ်အကျၢၤအပူၤ, ဒီးဒ်သိးသုသုတပျဲပှၤမၤကဒံကဒါသုတၢ်မုၢ်လၢ်လၢ သုဒိးန့ၢ်တ့ၢ်သုဝဲဖဲသုနၢ်ဟူဘၣ်တၢ်သးခုကစီၣ်အခါ တဂ့ၤန့ၣ်လီၤ. ယၤစီၤပီလူးယကဲထီၣ်တ့ၢ်လံတၢ်အခ့အပှၤဘၣ် ဃးတၢ်သးခုကစီၣ်လၢအဘၣ်တၢ်စံၣ်တဲၤတဲလီၤတ့ၢ်အီၤဆူ ပှၤကိးဂၤဒဲးလၢဟီၣ်ခိၣ်ချၢအံၤန့ၣ်လီၤ.

၁ သ့းစၤလနံ 5:16

သူၣ်ဖှံသးညီထီဘိတက့ၢ်. ဘါထုကဖၣ်တၢ်တထံၣ်ဃီတက့ၢ်.

၂ သ့းစၤလနံ 2:16

မ်ပကစၢ်ယ့ၣ်ၡူးခရံာ်အနီၢ်ကစၢ်ဒၣ်ဝဲ, ဒီးပပၢ်ကစၢ် ယွၤ, လၢအအဲၣ်ပှၤဒီးလၢအဘျုးအဖှိၣ်အဃိဟ့ၣ်ပှၤတၢ်သးဒူလၢ အအိၣ်စံာ်အိၣ်ကျၢၤဒီးတၢ်မုၢ်လၢ်အဂၢၢ်အကျၢၤတဂၤန့ၣ်,

၁ တံၤမသ့း 3:15

ဘၣ်ဆၣ်ဒီးယမ့ၢ်ဘၣ်တံာ်တာ်ဘၣ်ဖုးန့ၣ်, လံာ်ပရၢအဝဲအံၤကဒုးသ့ၣ်ညါနၤလၢပဂ့ၤအိၣ်မူဒ်လဲၣ်ဒ် လဲၣ်လၢကစၢ်ယွၤအဒူၣ်ပူၤထၢပူၤ, လၢအမ့ၢ်ကစၢ်ယွၤလၢအမူဝဲတဂၤအတၢ်အိၣ်ဖှိၣ်, ဟံၣ်ထူၣ်ဒီးတၢ်ပၢၢ်ဃာ်လၢအစိာ်ဂၢၢ်စိာ်ကျၢၤတၢ်မ့ၢ် တၢ်တီန့ၣ်လီၤ.

ဧ့ၤဘြံၤ 1:2

ဘၣ်ဆၣ်ဒီးလၢခံကတၢၢ်လၢပဆၢပကတီၢ်အံၤကစၢ်ယွၤ ကတိၤတၢ်ဒီးပှၤခီဖျိအဖိခွါလီၤ. အဝဲမ့ၢ်ပှၤလၢကစၢ်ယွၤဃုထၢတ့ၢ်လံလၢအကန့ၢ်သါဘၣ် တၢ်ခဲလၢာ်ဒီးခီဖျိအီၤန့ၣ်, ကစၢ်ယွၤတ့လီၤတ့ၢ်လံဟီၣ်ခိၣ်မူခိၣ်ဒီးတၢ်ခဲလၢာ်န့ၣ်လီၤ.

ဧ့ၤဘြံၤ 10:19

လၢတၢ်န့ၣ်အဃိယဒီပုၢ်ဝဲၢ်သ့ၣ်ဧၢ, ပအိၣ်ဒီးတၢ်သဘျ့အလၢအပှဲၤလၢပကလဲၤနုာ်ဘၣ်ဆူတၢ်လီၢ် စီဆှံကတၢၢ်အပူၤခီဖျိယ့ၣ်ၡူးအတၢ်သံန့ၣ်လီၤ.

ဧ့ၤဘြံၤ 10:21

ပအိၣ်ဒီးပှၤလုၢ်တၢ်အခိၣ်ဖးဒိၣ်တဂၤလၢကစၢ်ယွၤအဟံၣ် အဖီခိၣ်သတးဒီး,

ဧ့ၤဘြံၤ 10:23

မ်ပဟံးဃာ်ပတၢ်မုၢ်လၢ်လၢပအၢၣ်လီၤအီလီၤ, ပူၤဖျဲးဒီး တၢ်သးဒ့ဒီတက့ၢ်. အဂ့ၢ်ဒ်အံၤ, ပှၤလၢအစံးပာ်တၢ်တဂၤမ့ၢ်ပှၤလၢအကလုၢ်တီဝဲလီၤ.

ဧ့ၤဘြံၤ 10:35

မၤသးဒ်န့ၣ်ဒီး တဘၣ်ညိကွံာ်သုတၢ်သးခူတလ့ၣ် လၢအအိၣ်ဒီးအဘူးအလဲဒိၣ်ဒိၣ်ကလဲာ်န့ၣ်တဂ့ၤ.

ဧ့ၤဘြံၤ 11:1

တၢ်စူၢ်တၢ်နာ်မ့ၢ်တၢ်လၢအမၤဂၢၢ်မၤကျၢၤတၢ်လၢပမုၢ်လၢ်ပဝဲ တဖၣ်ဒီးဒုးသ့ၣ်ညါလီၤတံၢ်ပှၤတၢ်တဖၣ်လၢပထံၣ်အီၤတသ့ဘၣ် န့ၣ်လီၤ.

ဧ့ၤဘြံၤ 3:14

အဂ့ၢ်ဒ်အံၤ, ပမ့ၢ်ဟံးဃာ်ပတၢ်သူၣ်ဂၢၢ်သးကျၢၤလၢပဒိးန့ၢ်တ့ၢ်လံလၢ တၢ်အခီၣ်ထံးလံၤလံၤတုၤအကတၢၢ်န့ၣ်, ပကမ့ၢ်ပှၤလၢအဘၣ်ဃးဒီး ခရံာ်န့ၣ်လီၤ.

ဧ့ၤဘြံၤ 4:11

လၢတၢ်န့ၣ်အဃိမ်ပကကျဲးစၢးအဂ့ၤကတၢၢ်ဒ်သိးပကဒိး န့ၢ်ဘၣ်တၢ်အိၣ်ဘှံးအဝဲန့ၣ်, ဒ်သိးပသုတလီၤတဲာ်ကွံာ်ဒ်အဝဲသ့ၣ်အသိးလၢအတစူၢ် တနာ်တၢ်အဃိနီတဂၤတဂ့ၤအဂီၢ်န့ၣ်တက့ၢ်.

ဧ့ၤဘြံၤ 4:14

ဒ်ပအိၣ်ဒီးပှၤလုၢ်တၢ်အခိၣ်အဒိၣ်ကတၢၢ်ယ့ၣ်ၡူးကစၢ်ယွၤ အဖိခွါတဂၤလၢအလဲၤခီဖျိတ့ၢ်မူခိၣ်, ယွၤအိၣ်တၢ်အလီၢ် အသိးန့ၣ်, မ်ပကဟံးဃာ်ဂၢၢ်ဂၢၢ်ကျၢၤကျၢၤပတၢ်စူၢ်တၢ်နာ် တက့ၢ်.

ဧ့ၤဘြံၤ 4:16

လၢတၢ်န့ၣ်အဃိလၢတၢ်သူၣ်ဂၢၢ်သးကျၢၤအပူၤ, မ်ပသုးဘူးပသးဆူကစၢ်ယွၤအလီၢ်ပစိာ်, ဖဲတၢ်ဘျုးတၢ်ဖှိၣ်အိၣ်ဝဲဒၣ်အလီၢ်န့ၣ်တက့ၢ်. ဖဲန့ၣ်ပကထံၣ်န့ၢ်တၢ်သးကညီၤဒီးတၢ်ဘျုးတၢ်ဖှိၣ်လၢ အကမၤစၢၤပှၤဖဲပလိၣ်ဘၣ်အီၤအဆၢအကတီၢ်န့ၣ်လီၤ.

ဧ့ၤဘြံၤ 6:11

ပတၢ်ဆၢမုၢ်လၢ်ဒိၣ်ဒိၣ်အါအါမ့ၢ်ဝဲဒၣ်လၢသုဝဲကိးဂၤဒဲး ကလီၣ်ဖျါထီၣ်သုတၢ်သူၣ်ဆူၣ်သးဂဲၤတမံၤဃီတုၤ အကတၢၢ်ဒ်သိးတၢ်လၢသုမုၢ်လၢ်န့ၣ်ကလၢထီၣ်ပှဲၤထီၣ်ဒီး ကမ့ၢ်တၢ်နီၢ်နီၢ်န့ၣ်လီၤ.

ဧ့ၤဘြံၤ 6:18

လၢတၢ်လၢအလဲလိာ်အသးတသ့ဘၣ်, လၢယွၤကတိၤကဘျံးကဘျၣ်လၢအဂ့ၢ်တသ့ဘၣ်, ခံမံၤအံၤအဃိပှၤလၢအဒိးန့ၢ်လံတၢ်ပူၤဖျဲးလၢ အပူၤ, ပဝဲဒၣ်အံၤပသးဆူၣ်ထီၣ်ဒိၣ်ဒိၣ်အါအါလၢ ပကဟံးဃာ်တၢ်မုၢ်လၢ်လၢအအိၣ်ပာ်လီၤအသးလၢ ပမဲာ်ညါန့ၣ်လီၤ.

ဧ့ၤဘြံၤ 7:19

အဂ့ၢ်ဒ်အံၤ, စီၤမိၤၡ့အတၢ်သိၣ်တၢ်သီမၤလၢထီၣ်ပှဲၤထီၣ်တၢ် တသ့ဘၣ်နီတမံၤဘၣ်. ဒီးအခဲအံၤတၢ်ဟ့ၣ်လီၤပှၤတၢ်မုၢ်လၢ် လၢ အဂ့ၤဒိၣ်တက့ၢ်, လၢပသုးဘူးပသးဆူ ကစၢ်ယွၤအအိၣ် သ့ဝဲခီဖျိအီၤန့ၣ်လီၤ.

၁ ပ့းတရူး 1:8

သုတထံၣ်ဘၣ်ဒံးအီၤသနာ်က့သုအဲၣ်အီၤ, ဒီးသုတထံၣ်အီၤခဲအံၤသနာ်က့သုနာ်အီၤ န့ၣ်လီၤ. လၢတၢ်န့ၣ်အဃိ, သုသူၣ်ခုသးခုလၢတၢ်သးခုဖးဒိၣ်ဒီးတၢ်သးခုလၢ အပှဲၤဒီးတၢ်လၤကပီၤလၢပစံးကတိၤလၢအဂ့ၢ်တသ့ဘၣ်.

၁ ပ့းတရူး 2:5

ဟဲသုဝဲဒ်လၢၢ်မူတဖၣ်အသိးဒီးပျဲတၢ်သူသုလၢတၢ်သူၣ် ထီၣ်ဘှီထီၣ်သးအတၢ်လုၢ်ဟံၣ်ဖဲသုကမၤတၢ်ဒ်ပှၤလုၢ်တၢ် အခိၣ်စီဆှံတဖၣ်အသိး, လၢတၢ်လုၢ်ထီၣ်တၢ်လုၢ်တၢ်ပာ်လၢသူၣ်လၢသးဒီးလၢတၢ်တူၢ်လိာ် အီၤသ့တဖၣ်ဆူကစၢ်ယွၤအအိၣ်ခီဖျိယ့ၣ်ၡူးခရံာ်အဂီၢ်န့ၣ်တက့ၢ်.

၁ ပ့းတရူး 4:17

တၢ်ဆၢကတီၢ်ဟဲတုၤဝဲလၢတၢ်စံၣ်ညီၣ်အဂီၢ်လံ, ဒီးကစၢ်ယွၤအပှၤဂီၢ်မုၢ်ဒၣ်ဝဲတဖၣ်ကဘၣ်တၢ်စံၣ်ညီၣ်အီၤ အဆိကတၢၢ်န့ၣ်လီၤ. တၢ်မ့ၢ်ဘၣ်ဆိပဝဲဒီး, ပှၤလၢအတစူၢ်တနာ်ကစၢ်ယွၤအတၢ်သးခုကစီၣ်တဖၣ်န့ၣ် အကတၢၢ်ကမၤအသးဒ်လဲၣ်.

လံာ်လီၣ်ဖျါ 2:18

ဆူဝ့ၢ်သူၤအတံရၤတၢ်အိၣ်ဖှိၣ်အကလူးအအိၣ်န့ၣ်ကွဲးနဲဒ်အံၤ “အဝဲအံၤမ့ၢ်တၢ်ကစီၣ်ဟဲလၢကစၢ်ယွၤအဖိခွါ, လၢအမဲာ်ချံတဖၣ်ကဲၤကပီၤဝဲဒ်မ့ၣ်အူအသိး, လၢအခီၣ်လၣ်တဖၣ်ကပြုၢ်ကပြီၤဝဲဒ်တိၢ်ဘီလၢအဘၣ် တၢ်ထူးဘျ့ကတြ့ၣ်အီၤအသိးအအိၣ်န့ၣ်လီၤ.

လံာ်လီၣ်ဖျါ 2:25

မ့မ့ၢ်သုကဘၣ်ဟံးဃာ်တၢ်လၢအအိၣ်ဒီးသုန့ၣ်ကျၢၤကျၢၤ, တုၤလၢယဟဲတစုလီၤ.

လံာ်လီၣ်ဖျါ 2:26

ပှၤတဖၣ်လၢအမၤနၢၤတၢ်ဒီးမၤတၢ်လၢယအဲၣ်ဒိးအကမၤဝဲ, တုၤလၢအကတၢၢ်တစုန့ၣ်,

လံာ်လီၣ်ဖျါ 3:11

တယံာ်ဘၣ်န့ၣ်ယကဟဲယဲလီၤ. ဟံးဃာ်ဂၢၢ်ကျၢၤတၢ်လၢအအိၣ် ဒီးနၤ, ဒ်သိးပှၤသုတဂုာ်န့ၢ်နတၢ်မၤနၢၤအခိၣ်ဖးတဂ့ၤန့ၣ်တက့ၢ်.