ဧ့ၤဘြံၤ 3:3 - Sgaw Karen Common Bible

³ ယ့ၣ်ၡူးန့ၣ်ကြၢးဝဲဒီးတၢ်လၤတၢ်ကပီၤဒိၣ်န့ၢ်အါန့ၢ်စီၤမိၤၡ့ တက့ၢ်, ဒ်ပှၤဘှီဟံၣ်တဂၤဒိးန့ၢ်ဘၣ်တၢ်လၤတၢ်ကပီၤဒိၣ်န့ၢ် အါန့ၢ်ဟံၣ်တက့ၢ်အသိးန့ၣ်လီၤ.

ဧ့ၤဘြံၤ 3:3 Iomraidhean Croise

လံာ်စကၤရယၤ 4:9

အဝဲစံးဝဲဒၣ်, “စီၤစရူၤဘၤဘ့လးပာ်လီၤတၢ်လုၢ်ဟံၣ်အခီၣ်ထံးလံ. ဒီးအဝဲဒၣ်ကမၤဝံၤတၢ်သူၣ်ထီၣ်န့ၣ်လီၤ. ဖဲတၢ်အံၤမၤအသးန့ၣ်, ယပှၤဂီၢ်မုၢ်ကသ့ၣ်ညါလၢပှၤလၢအဆှၢလီၤအီၤဆူအဝဲသ့ၣ်အအိၣ်န့ၣ်, မ့ၢ်ယၤလီၤ.”

လံာ်မးသဲ 16:18

ဒီးယဲဒၣ်အံၤယစံးလၢနမ့ၢ်ပ့းတရူး, လၢၢ်တဖျၢၣ်, ဒီးလၢလၢၢ်အံၤအဖီခိၣ်န့ၣ်, ယကသူၣ်ထီၣ်ယတၢ်အိၣ်ဖှိၣ်, ဒီးတၢ်သံအစိကမီၤဒၣ်လဲာ်မၤနၢၤအီၤတန့ၢ်ဘၣ်လီၤ.

1 ကရံၣ်သူး 3:9

အဂ့ၢ်ဒ်အံၤ, ပမ့ၢ်ပှၤမၤသကိးတၢ်တဖၣ်လၢအမၤဃုာ်တၢ်တပူၤဃီလၢကစၢ်ယွၤ အဂီၢ်, ဒီးသုမ့ၢ်ကစၢ်ယွၤအစံာ်လီၢ်ပှဲၤလီၢ်န့ၣ်လီၤ. သုမ့ၢ်စ့ၢ်ကီးကစၢ်ယွၤအတၢ်သူၣ်ထီၣ်လီၤ.

၂ ကရံၣ်သူး 3:7

တၢ်သိၣ်တၢ်သီန့ၣ်ဘၣ်တၢ်ဆဲးကွဲးအီၤလၢလံာ်မဲာ်ဖျၢၣ်, လၢလၢၢ်ဘ့ၣ်ဘၣ်အလိၤ, ဒီးကစၢ်ယွၤအလၤကပီၤအိၣ်ဖျါထီၣ်ဖဲတၢ်ဟ့ၣ်လီၤအီၤအဆၢ ကတီၢ်န့ၣ်လီၤ. ဖဲတၢ်ကပြုၢ်ကပြီၤလၢစီၤမိၤၡ့အမဲာ်သၣ် အလိၤလီၤစၢ်ကွံာ်အဆၢကတီၢ်ဒၣ်လဲာ်န့ၣ်, အသဟီၣ်ဆူၣ်မးဝဲတုၤဒၣ်လဲာ်ပှၤအံၣ်စရ့လးဖိတဖၣ်ကွၢ်ထံကွၢ် ဆးအီၤတန့ၢ်ဘၣ်လီၤ. တၢ်သိၣ်တၢ်သီလၢအဒုးအိၣ်ထီၣ် တၢ်သံန့ၣ်, ဖဲအသဟီၣ်ဆူၣ်အဆၢကတီၢ်မ့ၢ်ဟဲဝဲအိၣ်ဒီးတၢ်လၤ ကပီၤထဲထဲန့ၣ်ဒီး,

ကလီးစဲ 1:18

ခရံာ်မ့ၢ်တၢ်အိၣ်ဖှိၣ်အခိၣ်ဒီးတၢ်အိၣ်ဖှိၣ်မ့ၢ်ခရံာ်အနီၢ်ခိလီၤ. အဝဲမ့ၢ်နီၢ်ခိအံၤအတၢ်မူအခီၣ်ထံးခီၣ်ဘိလီၤ. ခရံာ်မ့ၢ်ယွၤ အဖိဝဲၢ်ကိလၢအဘၣ်တၢ်ဒုးဂဲၤဆၢထၢၣ်က့ၤအီၤလၢတၢ်သံ အဆိကတၢၢ်, ဒ်သိးဒီးအဝဲကဒိၣ်စိလၢတၢ်ခဲလၢာ်အဖီခိၣ် အဂီၢ်န့ၣ်လီၤ.

ဧ့ၤဘြံၤ 2:9

မ့မ့ၢ်ပထံၣ်ယ့ၣ်ၡူး, လၢအဘၣ်တၢ်ပာ်အလီၢ်ဖုၣ်န့ၢ်ကလူးတဖၣ် တစိၢ်တလီၢ်, ဒ်သိးခီဖျိကစၢ်ယွၤအဘျုးအဖှိၣ်န့ၣ်အဝဲကဘၣ် သံဝဲလၢပှၤကိးဂၤဒဲးအဂီၢ်လီၤ. ပထံၣ်အီၤခဲအံၤဘၣ်တၢ်ကုာ်ထီၣ်အီၤလၢတၢ်လၤကပီၤဒီး တၢ်ကဟုကညီၢ်လၢအဝဲတူၢ်သံအသးအဃိလီၤ.

ဧ့ၤဘြံၤ 3:4

သပှၢ်ကတၢၢ်, ဟံၣ်ကိးဖျၢၣ်ဒဲးဘၣ်တၢ်သူၣ်ထီၣ်ဘှီထီၣ်အီၤလၢ ပှၤတဂၤဂၤလီၤ. မ့မ့ၢ်ပှၤလၢအသူၣ်ထီၣ်ဘှီထီၣ်တၢ်ခဲလၢာ်မ့ၢ် ကစၢ်ယွၤလီၤ.

ဧ့ၤဘြံၤ 3:6

မ့မ့ၢ်ခရံာ်အကလုၢ်တီဝဲဒ်ဖိခွါတဂၤအသိးလၢကစၢ်ယွၤအဒူၣ် အထၢအဖီခိၣ်န့ၣ်လီၤ. ပမ့ၢ်အိၣ်ဒီးတၢ်သူၣ်ဒူသးဒူဒီးတၢ်သူၣ်ဂၢၢ်သးကျၢၤလၢပတၢ် မုၢ်လၢ်အပူၤဒီးပမ့ၢ်အဝဲဒၣ်အဒူၣ်ဖိထၢဖိလီၤ.