ဧ့ၤဘြံၤ 3:2 - Sgaw Karen Common Bible

² အဝဲအကလုၢ်တီဒီးကစၢ်ယွၤလၢအမၢအီၤတဂၤဒ်စီၤမိၤၡ့ အကလုၢ်တီဝဲလၢအတၢ်ဆှၢကစၢ်ယွၤအပှၤဂီၢ်မုၢ်အပူၤ အသိးန့ၣ်လီၤ.

ဧ့ၤဘြံၤ 3:2 Iomraidhean Croise

လံာ်တၢ်ဟးထီၣ်ကွံာ် 40:16

စီၤမိၤၡ့မၤတၢ်ကိးမံၤဒဲးဒ်ယွၤမၤလိာ်တ့ၢ်အီၤအသိးန့ၣ်လီၤ.

လံာ်တၢ်ဂံၢ် 12:7

ဖဲယကတိၤတၢ်ဒီးယခ့ယပှၤစီၤမိၤၡ့န့ၣ်လီၤဆီဝဲဒၣ်လီၤ. ယပာ်အီၤလၢကယဲၢ်ယပှၤဂီၢ်မုၢ်အံၣ်စရ့လးခဲလၢာ်အခိၣ်န့ၣ်လီၤ.

လံာ်ယိၤဟၣ် 15:10

သုမ့ၢ်ဒိကနၣ်ယတၢ်မၤလိာ်တဖၣ်ဒီးသုကအိၣ်ဆိးလၢ ယတၢ်အဲၣ်အပူၤ, ဒ်ယဒိကနၣ်ယပၢ်အတၢ်မၤလိာ်တဖၣ် ဒီးအိၣ်ဆိးလၢအတၢ်အဲၣ်အပူၤအသိးန့ၣ်လီၤ.

လံာ်ယိၤဟၣ် 17:4

ယဒုးနဲၣ်ဖျါထီၣ်နလၤကပီၤလၢဟီၣ်ခိၣ်အံၤ, ဒီးတၢ်မၤလၢနဟ့ၣ်လီၤယၤလၢယကမၤန့ၣ်, ယမၤအီၤဝံၤလံန့ၣ်လီၤ.

လံာ်ယိၤဟၣ် 7:18

ပှၤတဂၤလၢအကတိၤတၢ်လၢအစိကမီၤဒၣ်ဝဲန့ၣ်, မ့ၢ်အဃုမၤန့ၢ်အလၤအကပီၤဒၣ်ဝဲလီၤ. မ့မ့ၢ်ပှၤလၢအဃုပှၤလၢအမၢလီၤအီၤတဂၤအလၤ ကပီၤန့ၣ်, မ့ၢ်ပှၤအတီတဂၤဒီးတၢ်လီတၢ်ဝ့ၤတအိၣ်လၢ အပူၤနီတမံၤဘၣ်.

လံာ်ယိၤဟၣ် 8:29

ဒီးပှၤလၢအမၢလီၤယၤတဂၤန့ၣ်, အိၣ်ဒီးယၤလီၤ. အဝဲတပာ်တ့ၢ်ယၤထဲတဂၤဧိၤဘၣ်. အဂ့ၢ်မ့ၢ်လၢယမၤအတၢ်ဘၣ်အသးထီဘိတထံၣ်ဃီအဃိလီၤ.”

အ့းဖ့းစူး 2:22

လၢယ့ၣ်ၡူးခရံာ်အပူၤန့ၣ် သုဝဲဒၣ်စ့ၢ်ကီးသုဘၣ်တၢ်ဒုးစဲဘူးဒီး ဟံးဃာ်သုလၢတၢ်သူၣ်ထီၣ်အံၤအပူၤ, ဒီးသုဘၣ်တၢ်ဒုးကဲထီၣ်သုလၢတၢ်အိၣ်တၢ်ဆိးအလီၢ်လၢ ကစၢ်ယွၤအိၣ်ဝဲခီဖျိအသးစီဆှံန့ၣ်လီၤ.

လံာ်သိၣ်လီၤသီလီၤတၢ် 4:5

ယသိၣ်လိတ့ၢ်သုလၢကယဲၢ်တၢ်ဘူၣ်တၢ်ဘါအတၢ်သိၣ်တၢ်သီ ခဲလၢာ်, ဒ်ယွၤ, ပကစၢ်ယွၤတဲဘၣ်ယၤလၢယကဘၣ်မၤအီၤအသိးန့ၣ် လီၤ. စူၢ်အီၤလၢကီၢ်တဘ့ၣ်လၢသုကလဲၤနုာ်ဒုးဒီးမၤန့ၢ်အီၤအပူၤ န့ၣ်တက့ၢ်.

၁ တံၤမသ့း 1:12

ယစံးဘျုးပကစၢ်ယ့ၣ်ၡူးခရံာ်, လၢအဟ့ၣ်တ့ၢ်လံယၤတၢ်ဂံၢ် တၢ်ဘါလၢယတၢ်မၤအဂီၢ်အဃိန့ၣ်လီၤ. ယစံးဘျုးအီၤလၢအပာ်ယၤလၢပှၤအကလုၢ် တီဒီးဃုထၢထီၣ်ယၤလၢယကမၤအတၢ်မၤအဂီၢ်,

၁ တံၤမသ့း 3:15

ဘၣ်ဆၣ်ဒီးယမ့ၢ်ဘၣ်တံာ်တာ်ဘၣ်ဖုးန့ၣ်, လံာ်ပရၢအဝဲအံၤကဒုးသ့ၣ်ညါနၤလၢပဂ့ၤအိၣ်မူဒ်လဲၣ်ဒ် လဲၣ်လၢကစၢ်ယွၤအဒူၣ်ပူၤထၢပူၤ, လၢအမ့ၢ်ကစၢ်ယွၤလၢအမူဝဲတဂၤအတၢ်အိၣ်ဖှိၣ်, ဟံၣ်ထူၣ်ဒီးတၢ်ပၢၢ်ဃာ်လၢအစိာ်ဂၢၢ်စိာ်ကျၢၤတၢ်မ့ၢ် တၢ်တီန့ၣ်လီၤ.

ဧ့ၤဘြံၤ 2:17

လၢတၢ်န့ၣ်အဃိအဝဲဘၣ်ကဲထီၣ်ဒ်အဒီပုၢ်ဝဲၢ်တဖၣ်အသိး လၢတၢ်ကိးမံၤဒဲးအပူၤဒ်သိးလၢအတၢ်မၤကစၢ်ယွၤအတၢ်မၤ အပူၤန့ၣ်ကမ့ၢ်ပှၤလုၢ်တၢ်အခိၣ်အဒိၣ်ကတၢၢ်လၢအသူၣ် ကညီၤသးကညီၤတၢ်ဒီးအကလုၢ်တီဝဲတဂၤသတးဒီးကမၤ ပူၤဖျဲးတၢ်လၢပှၤကညီအတၢ်ဒဲးဘးအဂီၢ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 12:6

စီၤၡမူၤအ့လးကတိၤဒံးတၢ်ဆူညါ, “ယွၤမ့ၢ်ပှၤတဂၤလၢအဃု ထၢထီၣ်စီၤမိၤၡ့စီၤအၤဟရိၣ်ဒီးမ့ၢ်ပှၤထုးထီၣ်သုမိၢ်ပၢ်ဖံဖု လၢပျၢၤတဖၣ်လၢကီၢ်အဲၤကူပတူးအပူၤန့ၣ်လီၤ.