ဧ့ၤဘြံၤ 3:16 - Sgaw Karen Common Bible

¹⁶ ပှၤလၢအနၢ်ဟူကစၢ်ယွၤအကလုၢ်ဒီးထီဒါအီၤန့ၣ်မ့ၢ် မတၤတဖၣ်လဲၣ်. မ့ၢ်ပှၤခဲလၢာ်လၢအဘၣ်တၢ်ထုးထီၣ်အီၤလၢ စီၤမိၤၡ့လၢကီၢ်အဲၤကူပတူးအပူၤတဖၣ်လီၤ.

ဧ့ၤဘြံၤ 3:16 Iomraidhean Croise

စံးထီၣ်ပတြၢၤ 78:17

ဘၣ်ဆၣ်အဝဲသ့ၣ်မၤကမၣ်တၢ်ထီဒါကစၢ်ယွၤအါထီၣ် ဒီးပူထီၣ်တၢ်ထီကတၢၢ်တဂၤလၢ မဲးမုၢ်ခိၣ်အပူၤန့ၣ်လီၤ.

စံးထီၣ်ပတြၢၤ 78:40

အဝဲသ့ၣ်တဖၣ်န့ၣ်ပူထီၣ်အီၤ ဒီးမၤဆါအသးလၢပှၢ်မုၢ်ကနၢအပူၤပှဲၤဘျီလဲၣ်.

လံာ်ယံးရမံယၤ 32:29

ဒီးဒွဲၣ်အူထီၣ်အီၤလၢ မ့ၣ်အူလီၤ. အဝဲသ့ၣ် ကဆူးထီၣ်ကွံာ် ဝ့ၢ် အံၤ ဃုာ်ဒီးဟံၣ်တဖၣ် ဖဲပှၤဂီၢ်မုၢ်မၤသးဒိၣ်တ့ၢ်ယၤ ခီဖျိတၢ်ဆိၣ် ကဲၤ တၢ်နၢမူလၢဘဧၤလၤ အဂီၢ်လၢ ဟံၣ်ခိၣ်တဖၣ်အလိၤဒီး ခီဖျိ တၢ်လူလီၤဂၢ်လီၤ တၢ်လုၢ်စပံးထံတဖၣ်ဆူ ကစၢ်အဂၤတဖၣ် အအိၣ်အဃိလီၤ.

လံာ်ယံးရမံယၤ 44:3

အဂ့ၢ်ဒ်အံၤ, အဝဲသ့ၣ်အပှၤဂီၢ်မုၢ် မၤတ့ၢ်တၢ်အၢတၢ်သီ ဒီး မၤသးဒိၣ်ထီၣ်တ့ၢ်ယၤအဃိလီၤ. အဝဲသ့ၣ် လုၢ်ထီၣ် တ့ၢ်တၢ်ဆူ ကစၢ်အဂၤတဖၣ်ဒီး မၤတ့ၢ်ကစၢ်တဖၣ်လၢ အဝဲသ့ၣ်မ့ၢ်ဂ့ၤ, သုဝဲမ့ၢ်ဂ့ၤ, သုမိၢ်ပၢ်ဖံဖုလၢပျၢၤမ့ၢ် ဂ့ၤတဘူၣ်ထီၣ်ဘါထီၣ်နီတဘျီနီတစုဘၣ် အတၢ်မၤန့ၣ်လီၤ.

လံာ်ယံးရမံယၤ 44:8

ဘၣ်မနုၤအဃိ သုမၤသးဒိၣ်ထီၣ်ယၤ ခီဖျိသုဘူၣ်ထီၣ်ဘါထီၣ် တၢ်ဂီၤတၢ်ဖီၣ်တဖၣ်ဒီး ခီဖျိသုလုၢ်ထီၣ်တၢ်ဆူကစၢ်အဂၤတဖၣ် ဖဲ ကီၢ်အဲၤကူပတူးအံၤအပူၤ, တၢ်လီၢ်ဖဲ သုဟဲအိၣ်ဟဲ ဆိးအံၤန့ၣ်လဲၣ်. မ့ၢ်သုမၤတၢ်အံၤ ထဲဒၣ်သုကမၤဟးဂီၤ လီၤသုသးအဂီၢ်ဧိၤ, ဒ်သိးပှၤကလုာ်ကိးကလုာ်ဒဲးလၢ ဟီၣ်ခိၣ်အံၤကနံၤဘၣ်ဖၣ်လဲ သုဒီး ပာ်သုမံၤဒ်တၢ်ဆိၣ်အၢတမံၤအသိးအဂီၢ်ဧိၤန့ၣ်ဧါ.

လံာ်တၢ်ဂံၢ် 14:11

ယွၤစံးဘၣ်စီၤမိၤၡ့, “မ့ၢ်ပှၤဂီၢ်မုၢ်အံၤကညိကွံာ်ဒံးယၤ ဆံးယံာ်လဲၣ်. ယမၤတ့ၢ်တၢ်လီၤလးအါမံၤလၢအဝဲသ့ၣ် အကျါဒၣ်လဲာ်, ကဂ့ၢ်လိာ်တၢ်လၢတနာ်ယၤအဂီၢ်န့ၣ်ဆံးယံာ်ဒံးလဲၣ်.

လံာ်တၢ်ဂံၢ် 14:24

ဘၣ်ဆၣ်, မ့ၢ်လၢယခ့ယပှၤစီၤကၤလ့းအိၣ်ဒီးတၢ်ပာ်သူၣ်ပာ်သးလီၤ ဆီတမံၤဒီးအသးတီတ့ၢ်ဒီးယၤအဃိ, ယကလဲၤကိးနုာ်အီၤဆူကီၢ်တဘ့ၣ်လၢအလဲၤဃုထံၣ်သ့ၣ်ညါတ့ၢ်ဝဲ အပူၤဒီးအဝဲအစၢၤအသွဲၣ်တဖၣ်ကမၤန့ၢ်ကီၢ်တဘ့ၣ်န့ၣ်,

လံာ်တၢ်ဂံၢ် 14:30

ယအၢၣ်လီၤအီလီၤတ့ၢ်လၢသုကအိၣ်ဘၣ်ဖဲန့ၣ်ဘၣ်ဆၣ်ဒီးမ့တမ့ၢ် လၢစီၤကၤလ့းဒီးစီၤယိၤၡူဘၣ်န့ၣ်ပှၤတလဲၤနုာ်ဘၣ်နီတဂၤ ဘၣ်.

လံာ်တၢ်ဂံၢ် 14:38

လၢပှၤကွၢ်ဟုၣ်ကွၢ်စုးတၢ်တဆံခံဂၤအကျါန့ၣ်အိၣ်မူတ့ၢ်ဝဲ ထဲစီၤယိၤၡူဒီးစီၤကၤလ့းဧိၤန့ၣ်လီၤ.

လံာ်တၢ်ဂံၢ် 14:4

မၤသးဒ်န့ၣ်ဒီးအဝဲသ့ၣ်စံးလိာ်အသးကဒဲကဒဲ, “မ်ပဃုထၢသကိးခိၣ်နၢ်တဂၤဒီးက့ၤကဒါက့ၤဆူကီၢ်အဲၤကူ ပတူးတက့ၢ်.”

လံာ်တၢ်ဂံၢ် 26:65

ယွၤစံးတ့ၢ်လၢအဝဲသ့ၣ်ကိးဂၤဒဲးန့ၣ်ကဘၣ်သံ ဝဲလၢပှၢ်မုၢ်ကနၢအပူၤဒီးကအိၣ်တ့ၢ်ဝဲထဲစီၤယဖူန့ၤအဖိခွါ စီၤကၤလ့းဒီးစီၤနိၣ်အဖိခွါစီၤယိၤၡူဧိၤန့ၣ်လီၤ.

လံာ်သိၣ်လီၤသီလီၤတၢ် 1:38

ဘၣ်ဆၣ်ဒီးဒုးဆူၣ်ထီၣ်ပှၤမၤစၢၤနၤ, စီၤနိၣ်အဖိခွါစီၤယိၤၡူ အတၢ်ပာ်လီၤသးန့ၣ်တက့ၢ်. အဝဲကဆှၢပှၤအံၣ်စရ့လးဖိလၢကလဲၤ မၤန့ၢ်ထံကီၢ်န့ၣ်အဂီၢ်လီၤ.

ယူဒၤ 1:5

သုသ့ၣ်ညါတၢ်အံၤခဲလၢာ်သနာ်က့, ယသးအိၣ်ဒုးသ့ၣ်နီၣ်ထီၣ် သုလၢတဘျီန့ၣ်, ကစၢ်ဒုးထူၣ်ဖျဲးထီၣ်ပှၤအံၣ်စရ့လးဖိလၢကီၢ် အဲၤကူပတူး, ဘၣ်ဆၣ်လၢခံက့ၤန့ၣ်မၤဟးဂီၤကွံာ်ပှၤလၢ အတနာ်တၢ်တဖၣ်န့ၣ်လီၤ.