ဧ့ၤဘြံၤ 3:15 - Sgaw Karen Common Bible

¹⁵ အအံၤမ့ၢ်လၢတၢ်ကွဲးအသးစံးဝဲ, “သုမ့ၢ်နၢ်ဟူကစၢ်ယွၤအကလုၢ်တနံၤအံၤဒီး, တဘၣ်မၤကိၤသုခိၣ်ဒ်သုမိၢ်ပၢ် ဖံဖုလၢပျၢၤတဖၣ် မၤဝဲအသိး, ဖဲအဝဲသ့ၣ်ထီဒါကစၢ်ယွၤအခါန့ၣ်တဂ့ၤ.”

ဧ့ၤဘြံၤ 3:15 Iomraidhean Croise

စံးထီၣ်ပတြၢၤ 95:7

အဂ့ၢ်ဒ်အံၤ, အဝဲဒၣ်န့ၣ်မ့ၢ်ပကစၢ်ယွၤ, ပမ့ၢ်အတၢ်အီၣ်ဆၣ်အလီၢ်အပှၤဂီၢ်မုၢ်, ဒီးအစုအသိတဖုန့ၣ်လီၤ. ဒိကနၣ်တၢ်လၢအဝဲစံးဝဲတနံၤအံၤတက့ၢ်.

ဧ့ၤဘြံၤ 10:29

မ့မ့ၢ်ဒ်န့ၣ်ဒီးပှၤလၢအကွၢ်တလီၤကစၢ်ယွၤအဖိခွါ, ဒီးတပာ်လုၢ်ပာ်ပှ့ၤဘၣ်ကစၢ်ယွၤအတၢ်အၢၣ်လီၤအီလီၤလၢ အမ့ၢ်ယ့ၣ်ၡူးခရံာ်အသွံၣ်လၢအမၤကဆှီထီၣ်အီၤလၢအတၢ် ဒဲးဘး, ဒီးကတိၤဒုၣ်ဒွဲၣ်ယွၤအသးလၢအလၢပှဲၤဒီးတၢ်ဘျုး တၢ်ဖှိၣ်တဂၤန့ၣ်, ကြၢးဒိးဘၣ်တၢ်စံၣ်ညီၣ်ဃၣ်အီၤနးန့ၢ်အန့ၣ် တက့ၢ်ဆံးဒိၣ်လဲၣ်.

ဧ့ၤဘြံၤ 10:38

ဘၣ်ဆၣ်ဒီးယပှၤဂီၢ်မုၢ်အတီအလိၤန့ၣ် ကမူဝဲလၢတၢ်နာ်လီၤ. ဘၣ်ဆၣ်အဝဲသ့ၣ်အကျါတဂၤမ့ၢ်ဂုၤက့ၤဆူအလီၢ်ခံဒီး ယတဘၣ်သူၣ်ဘၣ်သးလၢၤအီၤဘၣ်.

ဧ့ၤဘြံၤ 4:7

တၢ်အံၤအိၣ်ဖျါထီၣ်ခီဖျိကစၢ်ယွၤဃုထၢပာ်လီၤမုၢ်နံၤလီၤ ဆီလၢအဘၣ်တၢ်ကိးအီၤလၢ “မုၢ်တနံၤအံၤ” န့ၣ်လီၤ. အါနံၣ်အါလါဝံၤအလီၢ်ခံတၢ်ကတိၤလၢအဘၣ်တၢ်ယၢၤထီၣ် တ့ၢ်လံအံၤဘၣ်တၢ်စံးကတိၤအီၤခီဖျိစီၤဒၤဝံး, “တၢ်တနံၤအံၤဖဲသုနၢ်ဟူအကလုၢ်ဒီး မၤကိၤသုခိၣ်တဂ့ၤ.”