ဧ့ၤဘြံၤ 2:7 - Sgaw Karen Common Bible

⁷ လၢတစိၢ်တလီၢ်အတီၢ်ပူၤန့ၣ် နပာ်န့ၢ်အလီၢ်ဖုၣ်န့ၢ်ကလူးတဖၣ်, နကုာ်ထီၣ်အီၤလၢတၢ်လၤကပီၤ ဒီးတၢ်ကဟုကညီၢ်,

ဧ့ၤဘြံၤ 2:7 Iomraidhean Croise

စံးထီၣ်ပတြၢၤ 8:5

နတ့ပှၤကညီဒီးပာ်အီၤအတီၤဖုၣ်န့ၢ်ဒၣ်ထဲနၤဧိၤဒၣ်လဲာ်. နကုာ်အခိၣ်လၢတၢ်လၤကပီၤဒီး တၢ်ပာ်ဒိၣ်ပာ်ထီန့ၣ်လီၤ.

စံးထီၣ်ပတြၢၤ 8:6

နဒုးပၢအီၤလၢနစုအတၢ်ဘၣ်တ့ခဲလၢာ်, နပာ်လီၤတၢ်ခဲလၢာ်လၢအခီၣ်ဖီလာ်,

ရိမ့ၤ 2:10

ဘၣ်ဆၣ်ဒီးကစၢ်ယွၤကဟ့ၣ်တၢ်လၤတၢ်ကပီၤ, တၢ်ယူးယီၣ်, ဒီးတၢ်ဃူတၢ်ဖိးလၢပှၤမၤတၢ်ဂ့ၤတၢ်ဝါခဲလၢာ်အဂီၢ်, ပှၤယူဒၤဖိတဖၣ်လၢအဆိဒီးပှၤကြံးခ်ဖိတဖၣ်စ့ၢ်ကီးန့ၣ်လီၤ.

ရိမ့ၤ 2:7

ပှၤတနီၤမၤတၢ်ဂ့ၤတၢ်ဝါတထံၣ်ဃီ, ဒီးဃုတၢ်လၤတၢ်ကပီၤ, တၢ်ယူးယီၣ်, ဒီးသးလၢအသံတသ့ဘၣ်လီၤ. ကစၢ်ယွၤကဟ့ၣ်တၢ်မူအထူအယိာ်လၢပှၤဒ်န့ၣ်သိးတဖၣ်လီၤ.

၁ တံၤမသ့း 1:17

စီၤပၤလၢအပၢတၢ်လီၤထူလီၤယိာ်လၢအသံတသ့ ဒီးတၢ်ထံၣ်အီၤတသ့, ကစၢ်ယွၤထဲတဂၤဧိၤအံၤ, မ်တၢ်ယူးယီၣ်ဒီးတၢ်လၤကပီၤအိၣ်ဒီးအီၤအစိၤစိၤ အဃၣ်ဃၣ်တက့ၢ်. အၤမ့ၣ်.

ဧ့ၤဘြံၤ 2:9

မ့မ့ၢ်ပထံၣ်ယ့ၣ်ၡူး, လၢအဘၣ်တၢ်ပာ်အလီၢ်ဖုၣ်န့ၢ်ကလူးတဖၣ် တစိၢ်တလီၢ်, ဒ်သိးခီဖျိကစၢ်ယွၤအဘျုးအဖှိၣ်န့ၣ်အဝဲကဘၣ် သံဝဲလၢပှၤကိးဂၤဒဲးအဂီၢ်လီၤ. ပထံၣ်အီၤခဲအံၤဘၣ်တၢ်ကုာ်ထီၣ်အီၤလၢတၢ်လၤကပီၤဒီး တၢ်ကဟုကညီၢ်လၢအဝဲတူၢ်သံအသးအဃိလီၤ.