ဧ့ၤဘြံၤ 2:2 - Sgaw Karen Common Bible

² တၢ်ကစီၣ်လၢကလူးတဖၣ်ဟ့ၣ်လီၤပမိၢ်ပၢ်ဖံဖုလၢပျၢၤ တဖၣ်မ့ၢ်တၢ်လၢအတီဒီးပှၤတဂၤလၢ်လၢ်လၢအတစူၢ်ဒီး ဒိကနၣ်အီၤတဖၣ်ဘၣ်တၢ်စံၣ်ညီၣ်အီၤဒ်အကြၢးအဘၣ်ဝဲ အသိးန့ၣ်လီၤ.

ဧ့ၤဘြံၤ 2:2 Iomraidhean Croise

စံးထီၣ်ပတြၢၤ 68:17

ယွၤဟဲလၢစံၤနါဆူတၢ်လီၢ်စီဆှံ ဃုာ်ဒီးအလ့ၣ်ကဟၣ်လၢအအိၣ်ဒီး အစိကမီၤ အကထိတဖၣ်အကထိန့ၣ်လီၤ.

လံာ်တၢ်ဂံၢ် 11:33

ဖဲအဝဲသ့ၣ်အိၣ်ဒံးဒီးတၢ်ဖံးတၢ်ညၣ်လၢကအီၣ်ဝဲအါအါဂီၢ်ဂီၢ် အဖၢမုၢ်ဒၣ်လဲာ်န့ၣ်ယွၤအသးဒိၣ်ထီၣ်ပှၤဂီၢ်မုၢ်ဒီးဒုးလီၤဘၣ်တၢ် သံသတြိာ်လၢအဝဲသ့ၣ်အကျါန့ၣ်လီၤ.

လံာ်တၢ်ဂံၢ် 16:49

ပှၤဂီၢ်မုၢ်လၢအသံဝဲအနီၣ်ဂံၢ်မ့ၢ် တကလးလွံၢ်ကထိနွံကယၤ ဂၤ, လၢတဘၣ်တၢ်ဂံၢ်ဃုာ်အီၤဒီးပှၤတဖၣ်လၢအသံဝဲလၢစီၤကိးရးအတၢ် ပူထီၣ်အပူၤဘၣ်န့ၣ်လီၤ.

လံာ်တၢ်ဂံၢ် 21:6

တုၤနုၤတစုယွၤဆှၢလီၤဂုၢ်သ့ၣ်အစုၣ်အၢတဖၣ်ဆူပှၤဂီၢ်မုၢ် အကျါဒီးပှၤအံၣ်စရ့လးဖိအါဂၤဂုၢ်အ့ၣ်အီၤဒီးသံဝဲဒၣ် လီၤ.

လံာ်တၢ်ဂံၢ် 25:9

ဘၣ်ဆၣ်ဒီး, တၢ်န့ၣ်မၤသံကွံာ်လံပှၤဂီၢ်မုၢ်၂၄၀၀၀ ဂၤ လံန့ၣ်လီၤ.

မၤတၢ် 7:53

တၢ်သိၣ်တၢ်သီလၢအဟဲလၢကစၢ်ယွၤအအိၣ်ဒီးသုဒိးန့ၢ်ဘၣ် အီၤခီဖျိကလူးတဖၣ်န့ၣ်, သုတဒိကနၣ်ဘၣ်အီၤဘၣ်.”

ကလၤတံ 3:19

မ့မ့ၢ်ဒ်န့ၣ်ဒီး, တၢ်သိၣ်တၢ်သီအတၢ်တိာ်ပာ်မ့ၢ်တၢ်မနုၤလဲၣ်. တၢ်သိၣ်တၢ်သီဘၣ်တၢ်ဟ့ၣ်လီၤအီၤဒ်သိးအကဒုးနဲၣ်တၢ်မၤ ကမၣ်တၢ်မ့ၢ်တၢ်မနုၤလဲၣ်န့ၣ်လီၤ. ဒီးတၢ်တိာ်ပာ်အီၤလၢအကအိၣ်ဂၢၢ်ကျၢၤတုၤလၢ စီၤအၤဘြၤဟၣ်အစၢၤအသွဲၣ်လၢတၢ်အၢၣ်လီၤတ့ၢ်အီၤဟဲတုၤ တစုလီၤ. တၢ်သိၣ်တၢ်သီန့ၣ်ဘၣ်တၢ်ဟ့ၣ်လီၤအီၤခီဖျိမူခိၣ် ကလူးတဖၣ်ဒီးပှၤကညီတဂၤကဲပှၤတၢ်ဘၢၣ်စၢၤဖိန့ၣ်လီၤ.

လံာ်သိၣ်လီၤသီလီၤတၢ် 17:12

ပှၤတဂၤလၢ်လၢ်လၢအတစူၢ်ဘၣ်ပှၤစံၣ်ညီၣ်ကွီၢ်မ့ၢ်ဂ့ၤ, ပှၤလုၢ်တၢ်အခိၣ်လၢအဘၣ်မူဘၣ်ဒါမ့ၢ်ဂ့ၤဘူၣ်န့ၣ်, ကဘၣ်တၢ်မၤသံအီၤလီၤ. လၢကျဲဒ်အံၤန့ၣ်သုကသုးကွံာ်တၢ်အၢတၢ်သီအံၤလၢကီၢ်အံၣ်စရ့ လးအပူၤန့ၣ်လီၤ.

လံာ်သိၣ်လီၤသီလီၤတၢ် 17:2

ပစံးဒၣ်ကလိာ်, သုနၢ်ဟူလၢဝ့ၢ်တဖျၢၣ်လၢသုဝ့ၢ်တဖၣ်အကျါအပူၤ န့ၣ်, ပှၤပိာ်ခွါတနီၤမ့ၢ်ဂ့ၤ, ပှၤပိာ်မုၣ်တနီၤမ့ၢ်ဂ့ၤ, မၤတၢ်ဒဲးဘးထီဒါယွၤဒီးမၤဟးဂီၤအတၢ်အၢၣ်လီအီၤလီၤ,

လံာ်သိၣ်လီၤသီလီၤတၢ် 17:5

အန့ၣ်တစု, ဟဲစိာ်ပှၤတဂၤန့ၣ်, ဆူဝ့ၢ်အချၢဒီးကွံာ်သံအီၤလၢ လၢၢ်တက့ၢ်.

လံာ်သိၣ်လီၤသီလီၤတၢ် 27:26

“ကစၢ်ယွၤအတၢ်ဆိၣ်အၢအိၣ်ဝဲလၢပှၤတဂၤလၢ်လၢ်အလိၤ, ပှၤလၢတစူၢ်ဘၣ်ကယဲၢ်ကစၢ်ယွၤအတၢ်ဘူၣ်တၢ်ဘါအတၢ်သိၣ်တၢ်သီတဖၣ် ဒီးတၢ်သိၣ်လိတဖၣ်န့ၣ်လီၤ.” ဒီးကယဲၢ်ပှၤဂီၢ်မုၢ်ခဲလၢာ်ကစံးဆၢဝဲ, “မ်အလၢထီၣ်ပှဲၤထီၣ် တက့ၢ်.”

လံာ်သိၣ်လီၤသီလီၤတၢ် 32:2

ယတၢ်သိၣ်လိကမၤအသးဒ်တၢ်စူၤထံအလီၤစီၤတဖၣ်လၢအဟဲလီၤတဲာ်အသိး, ဒီးဒုးအိၣ်ထီၣ်ပစီၤထံလၢဟီၣ်ခိၣ်လိၤအသိးန့ၣ်လီၤ. ယတၢ်ကတိၤတဖၣ်ကမၤအသးဒ်ထံလူလီၤအသးအါအါဂီၢ်ဂီၢ် လၢတၢ်မုၢ်တၢ်ဘိမဲထီၣ်သီတဖၣ်အလိၤအသိး, လီၤဂာ်ဒ်တၢ်လီၤသဖှံၣ်လၢတပံာ်လၢအစၢ်အလိၤအသိးန့ၣ်လီၤ.

ဧ့ၤဘြံၤ 1:1

လၢပျၢၤန့ၣ်, ကစၢ်ယွၤကတိၤတ့ၢ်တၢ်ဒီးပမိၢ်ပၢ်ဖံဖုလၢပျၢၤ တဖၣ်ဘၣ်ထွဲတၢ်အါမံၤအါကလုာ်ဒီးအါဘျီခီဖျိဝံတဖၣ်လီၤ.

ဧ့ၤဘြံၤ 10:28

ပှၤတဂၤဂၤလၢ, ဖဲပှၤခံဂၤသၢဂၤအုၣ်အသးလၢအလုၣ် သ့ၣ်ခါပတာ်စီၤမိၤၡ့အတၢ်သိၣ်တၢ်သီန့ၣ်, ဘၣ်တၢ်မၤသံကွံာ်အီၤတအိၣ်ဒီးတၢ်သးကညီၤအီၤဘၣ်လီၤ.

ဧ့ၤဘြံၤ 10:35

မၤသးဒ်န့ၣ်ဒီး တဘၣ်ညိကွံာ်သုတၢ်သးခူတလ့ၣ် လၢအအိၣ်ဒီးအဘူးအလဲဒိၣ်ဒိၣ်ကလဲာ်န့ၣ်တဂ့ၤ.

ဧ့ၤဘြံၤ 11:26

အဝဲဆိကမိၣ်ဒီးပာ်လုၢ်ပာ်ပှ့ၤတၢ်တူၢ်တၢ်ဒုၣ်ဒွဲၣ်လၢခရံာ် အဂီၢ်အါန့ၢ်ဒိၣ်န့ၢ်အဲၤကူပတူးအတၢ်ထူးတၢ်တီၤတဖၣ် တက့ၢ်, အဂ့ၢ်မ့ၢ်လၢအဝဲကွၢ်ဒၣ်တၢ်ဆူခိၣ်ဖးလၢအအိၣ်လၢ အမဲာ်ညါအဃိန့ၣ်လီၤ.

ဧ့ၤဘြံၤ 11:6

တၢ်စူၢ်တၢ်နာ်တအိၣ်ဘၣ်န့ၣ်တၢ်မၤမုာ်မၤဘၣ်ကစၢ်ယွၤ အသးတသ့ဘၣ်. အဂ့ၢ်ဒ်အံၤ, ပှၤလၢအဟဲဆူကစၢ်ယွၤအအိၣ်န့ၣ်ဘၣ်နာ်လၢကစၢ်ယွၤ အိၣ်ဝဲဒီးလၢအဟ့ၣ်ဘျုးဟ့ၣ်ဖှိၣ်ပှၤလၢအဃုအီၤတဖၣ် န့ၣ်လီၤ.

ဧ့ၤဘြံၤ 12:25

ပလီၢ်သုသးဒ်သိးသုသုတဂ့ၢ်လိာ်ဘှီလိာ်ဘၣ်ပှၤလၢအကတိၤ တၢ်တဂၤန့ၣ်တဂ့ၤ. အဂ့ၢ်ဒ်အံၤ, ပှၤလၢအဂ့ၢ်လိာ်ဘှီလိာ်ပှၤလၢအဟ့ၣ်ထီၣ်ကစၢ်ယွၤ အတၢ်ကစီၣ်လၢဟီၣ်ခိၣ်ချၢတဂၤအံၤ, ဃ့ၢ်ပူၤကွံာ်အသးတန့ၢ်ဘၣ်. မ့မ့ၢ်ဒ်န့ၣ်ဒီး, ပှၤလၢအဂ့ၢ်လိာ်ပှၤလၢအကတိၤတၢ်လၢမူခိၣ် တဂၤန့ၣ်, ဃ့ၢ်ပူၤဖျဲးအသးတသ့ဘၣ်ဒိၣ်ဒၣ်တၢ်တက့ၢ်လီၤ.

၂ ပ့းတရူး 1:19

လၢတၢ်န့ၣ်အဃိ, တၢ်ကစီၣ်လၢဝံတဖၣ်တဲဖျါထီၣ်ဝဲဒၣ်န့ၣ်, လီၤတံၢ်လၢပဂီၢ်ဒိၣ်န့ၢ်အလီၢ်တက့ၢ်လီၤ. သုဂ့ၤပာ်သူၣ်ပာ်သး လၢတၢ်ကစီၣ်အံၤလၢအလီၤဂာ်ဒီးမ့ၣ်အူဒၢကပီၤထီၣ်လၢတၢ် ခံးကျါတုၤလီၤလၢမုၢ်ဆ့ၣ်ထီၣ်ဒီးဆၣ်တူၢ်ဂီၤအတၢ်ကပီၤ ကပီၤထီၣ်လၢသုသးကံၢ်ပူၤတစုန့ၣ်လီၤ.

ယူဒၤ 1:5

သုသ့ၣ်ညါတၢ်အံၤခဲလၢာ်သနာ်က့, ယသးအိၣ်ဒုးသ့ၣ်နီၣ်ထီၣ် သုလၢတဘျီန့ၣ်, ကစၢ်ဒုးထူၣ်ဖျဲးထီၣ်ပှၤအံၣ်စရ့လးဖိလၢကီၢ် အဲၤကူပတူး, ဘၣ်ဆၣ်လၢခံက့ၤန့ၣ်မၤဟးဂီၤကွံာ်ပှၤလၢ အတနာ်တၢ်တဖၣ်န့ၣ်လီၤ.