ဧ့ၤဘြံၤ 2:14 - Sgaw Karen Common Bible

¹⁴ ဒ်အကိးဝဲအသိး, ဖိတဖၣ်အံၤမ့ၢ်ပှၤဘၣ်ဃးဒီးနီၢ်ခိနီၢ်ခီလၢဖံး လၢညၣ်သတးဒီးယ့ၣ်ၡူးအနီၢ်ကစၢ်ဒၣ်ဝဲဟံးန့ၢ်ပှၤဟီၣ်ခိၣ်ဖိ အက့ၢ်အဂီၤအန့ဆၢၣ်လီၤ. မၤဝဲဒ်အံၤမ့ၢ်ဒ်သိးဒီးခီဖျိအတၢ် သံန့ၣ်, ကမၤဟးဂီၤကွံာ်ပှၤလၢအအိၣ်ဒီးတၢ်စိတၢ်ကမီၤလၢ တၢ်သံအဖီခိၣ်တဂၤဒ်ပစံးတၢ်အသိးမုၣ်ကီၤလံၢ်,

ဧ့ၤဘြံၤ 2:14 Iomraidhean Croise

လံာ်တၢ်ကဲထီၣ်အခီၣ်ထံး 3:15

ယကမၤတုၤနၤဒီးပိာ်မုၣ်သးဟ့လိာ်သး, ဒီးအချံအသၣ်ဒီးနချံ နသၣ်န့ၣ်ကမ့ၢ်ဒုၣ်ဒါထီဘိန့ၣ်လီၤ. ပိာ်မုၣ်အချံအသၣ်ကမၤသဘှံးနခိၣ်ဒီးနချံနသၣ်ကဖျးအဝဲသ့ၣ် အခီၣ်နၢၣ်ခံလီၤ.”

လံာ်ယၡါယၤ 25:8

ယွၤလၢအပၢဘၣ်တၢ်ခဲလၢာ်ကမၤဟးဂီၤကွံာ်တၢ်သံလီၤထူ လီၤယိာ်လီၤ. အဝဲကထွါကွံာ်မဲာ်ထံတဖၣ်လၢပှၤကိးဂၤ ဒဲးအမဲာ်ချံဒီးစိာ်ကွံာ်တၢ်မဲာ်ဆှးလၢအပှၤဂီၢ်မုၢ်ဘၣ်တူၢ်တ့ၢ် ဝဲလၢဟီၣ်ခိၣ်ဒီဘ့ၣ်ညါန့ၣ်လီၤ. ယွၤအကစၢ်ဒၣ်ဝဲကတိၤတ့ၢ်တၢ်လီၤ.

လံာ်ယၡါယၤ 53:12

မၤသးဒ်န့ၣ်ဒီး, ယကဟ့ၣ်အီၤတၢ်လၤတၢ်ကပီၤအလီၢ်တတီၤ, တၢ်လီၢ်တတီၤလၢပှၤအဒိၣ်စိဒိၣ်ကမီၤတဖၣ်အကျါလီၤ. အဝဲဟ့ၣ်လီၤကွံာ်အသးလၢတၢ်သးအိၣ်အပူၤ ဒီးတူၢ်သကိးတၢ်ဒီးတၢ်ဘူၣ်တၢ်တီၢ်လၢအလီၤဘၣ်ပှၤ အၢပှၤသီတဖၣ်န့ၣ်လီၤ. အဝဲဟံးန့ၢ်ပှၤတၢ်ဒဲးဘးဖိအါဂၤအလီၢ်ဒီးဘါထုကဖၣ်ဝဲလၢ အဝဲသ့ၣ်အတၢ်ဒဲးဘးကဘၣ်တၢ်ပျၢ်အီၤအဂီၢ်လီၤ.”

လံာ်ယၡါယၤ 7:14

ဂ့ၤလံ. ယွၤအကစၢ်ဒၣ်ဝဲကဟ့ၣ်သုတၢ်ပနီၣ်တမံၤလီၤ. ပိာ်မုၣ်သးစၢ်တဂၤလၢအဒၢထီၣ်ဝဲန့ၣ်ကအိၣ်ဒီးအဖိခွါတဂၤ ဒီးကယုၢ်န့ၢ်အမံၤဝဲလၢ “ဧံးမၤနူၤအ့လး” လီၤ.

လံာ်ဟိၤၡ့ 13:14

ယတအုၣ်က့ၤခီၣ်က့ၤဘၣ်ပှၤဂီၢ်မုၢ်အံၤလၢတၢ်သံအကီၢ်ပူၤမ့ၢ်ဂ့ၤ, မၤပူၤဖျဲးအဝဲသ့ၣ်လၢတၢ်သံအစိကမီၤမ့ၢ်ဂ့ၤဘၣ်. ဟဲစိာ်ဃီၤနတၢ်သံသတြိာ်, ဟဲစိာ်ဃီၤနတၢ်မၤဟးဂီၤ, တၢ်သံအဘီအမုၢ်ဧၢ. ယတသးကညီၤလၢၤဘၣ်ပှၤဂီၢ်မုၢ်အံၤဘၣ်.

လံာ်မးသဲ 16:17

ယ့ၣ်ၡူးစံးဆၢအီၤ, “စီၤယိၤနါအဖိခွါစီၤၡံမိၣ်ဧၢ, နဘၣ်ဆိၣ်ဂ့ၤနီၢ်နီၢ်လီၤ. အဂ့ၢ်ဒ်အံၤ, တၢ်သ့ၣ်ညါအံၤတဟဲလၢပှၤကညီအအိၣ်ဘၣ်. မ့မ့ၢ်, ဘၣ်တၢ်လီၣ်ဖျါထီၣ်န့ၢ်နၤလၢယပၢ်လၢအအိၣ်လၢမူခိၣ်န့ၣ်လီၤ.

လံာ်မးသဲ 25:41

တုၤနုၤတစု, စီၤပၤကစံးဘၣ်ပှၤအိၣ်လၢအစုစ့ၣ်တဖၣ်ဒ်အံၤ, ‘ဟးဖးဒီးယၤတက့ၢ်. ပှၤလၢအဘၣ်ကစၢ်ယွၤအတၢ်ဆိၣ်အၢသ့ၣ်ဧၢ, လဲၤနုာ်ဆူမ့ၣ်အူလၢအတလီၤပံာ်ဘၣ်နီတဘျီဘၣ်, လၢအဘၣ်တၢ်ကတဲာ်ကတီၤပာ်စၢၤလၢမုၣ်ကီၤလံၢ်ဒီးအကလူးတဖၣ် အဂီၢ်, အပူၤန့ၣ်တက့ၢ်.

လံာ်ယိၤဟၣ် 1:14

တၢ်ကလုၢ်န့ၣ်ကဲထီၣ်ပှၤကညီ, ဒီးလၢပှဲၤဝဲဒီးတၢ်ဘျုးတၢ်ဖှိၣ် ဒီးတၢ်မ့ၢ်တၢ်တီဒီးအိၣ်ဝဲဆိးဝဲလၢပကျါန့ၣ်လီၤ. ဒီးပထံၣ်ဘၣ်အလၤကပီၤလၢအဒိးန့ၢ်ဝဲဒ်ပၢ်အဖိခွါတဂၤဃီ အသိးန့ၣ်လီၤ.

လံာ်ယိၤဟၣ် 12:24

ယစံးဘၣ်တဲဘၣ်သုတၢ်မ့ၢ်တၢ်တီလီၤ. မ့တမ့ၢ်ဘၣ်လၢဘုချံတဖျၢၣ်ဘၣ်တၢ်တ့ၢ်လီၤကွံာ်အီၤဆူဟီၣ်ခိၣ် အလိၤဒီးအုၣ်သံကွံာ်ဘၣ်န့ၣ်, ဘုချံအံၤကအိၣ်ဒၣ်ထဲတဖျၢၣ်ဧိၤဒ်လီၢ်လီၢ်န့ၣ်လီၤ. မ့မ့ၢ်တုၤအအုၣ်သံကွံာ်ဒီးကမဲထီၣ်ဒီးသၣ်ထီၣ်ဝဲအါဖျၢၣ်လီၤ.

ရိမ့ၤ 14:9

အဂ့ၢ်ဒ်လဲၣ်န့ၣ်, ခရံာ်သံဝဲဒီးဂဲၤဆၢထၢၣ်သမူထီၣ်က့ၤ မ့ၢ်ဒ်သိးကကဲထီၣ်ကစၢ်လၢပှၤအမူဒီးပှၤအသံတဖၣ်အဂီၢ်န့ၣ်လီၤ.

ရိမ့ၤ 8:3

မ့ၢ်လၢပှၤကညီအန့ဆၢၣ်အဂံၢ်စၢ်ဘါစၢ်အဃိ, တၢ်လၢတၢ်သိၣ်တၢ်သီမၤတသ့ဘၣ်န့ၣ်ကစၢ်ယွၤမၤဝဲလီၤ. အဝဲစံၣ်ညီၣ်ဃၣ်တၢ်ဒဲးဘးလၢပှၤကညီအန့ဆၢၣ်အပူၤ, ခီဖျိအတၢ်ဆှၢလီၤအဖိခွါဒၣ်ဝဲအိၣ်ဒီးန့ဆၢၣ်လၢအမ့ၢ် ပှၤကညီအတၢ်ဒဲးဘးအန့ဆၢၣ်ဒ်သိးအကတြူာ် ကွံာ်တၢ်ဒဲးဘးအဂီၢ်န့ၣ်လီၤ.

1 ကရံၣ်သူး 1:28

အဝဲဒၣ်ဃုထၢတၢ်လၢပှၤဟီၣ်ခိၣ်ဖိကွၢ်တလီၤ, ဒီးပာ်လၢအတဂိာ် တသီၣ်, ဒီးဆိကမိၣ်လၢအတမ့ၢ်တၢ်နီတမံၤဘၣ်န့ၣ် ဒ်သိးအကမၤ ဟးဂီၤတၢ်လၢပှၤဟီၣ်ခိၣ်ဖိဆိကမိၣ်အမ့ၢ်တၢ်အကါဒိၣ်န့ၣ်လီၤ.

1 ကရံၣ်သူး 15:50

တၢ်လၢယအဲၣ်ဒိးစံးယဲန့ၣ်ယဒီပုၢ်ဝဲၢ်သ့ၣ်ဧၢ, တၢ်လၢအဘၣ်တၢ်တ့အီၤလၢတၢ်ညၣ်ဒီးတၢ်သွံၣ်တၢ်ထံန့ၣ်, ဒိးန့ၢ်ဃုာ်ယွၤအဘီအမုၢ်တသ့ဘၣ်. ဒီးတၢ်လၢအသံသ့န့ၣ်, န့ၢ်ဘၣ်တၢ်သံတသ့န့ၣ် တသ့ဘၣ်.

ကလၤတံ 4:4

ဘၣ်ဆၣ်ဒီး, ဖဲတၢ်ဆၢကတီၢ်အဘၣ်တုၤဃီၤဝဲန့ၣ်, ကစၢ်ယွၤဆှၢလီၤအဖိခွါဒၣ်ဝဲလီၤ. အဝဲဒၣ်ဟဲဒ်မိၢ်လၢအမ့ၢ်ပှၤဟီၣ်ခိၣ်ဖိတဂၤအဖိအသိးဒီးအိၣ် မူလၢယူဒၤဖိအတၢ်သိၣ်တၢ်သီအဖီလာ်,

ကလီးစဲ 2:15

လၢထူၣ်စုညါအံၤအလိၤန့ၣ်ယ့ၣ်ၡူးဂုာ်န့ၢ်ဆူၣ်ကွံာ်ပှၤပၢတၢ် ဒီး, တၢ်စိတၢ်ကမီၤတဖၣ်လၢအဘၣ်ဃးဒီးသူၣ်ဒီးသးအစိအကမီၤ, ဒီးဒုးကဲထီၣ်အဝဲသ့ၣ်လၢကမျၢၢ်အတၢ်ကွၢ်ကီ အလီၢ်လၢအတၢ်မၤနၢၤအဝဲသ့ၣ်အပူၤန့ၣ်လီၤ.

၁ တံၤမသ့း 3:16

ပတၢ်ဘူၣ်တၢ်ဘါအတၢ်ခူသူၣ်အံၤဒိၣ်ဝဲယိာ်ဝဲထဲလဲၣ်ထဲလဲၣ် န့ၣ်, ပှၤသမၢဝဲတသ့နီတဂၤဘၣ်. ယွၤအိၣ်ဖျါထီၣ်လၢပှၤကညီအက့ၢ်အဂီၤ, ဘၣ်တၢ်ပာ်တီပာ်လိၤအီၤလၢယွၤအသး, ဒီးဘၣ်တၢ်ထံၣ်ဘၣ်အီၤလၢမူခိၣ်ကလူးတဖၣ်န့ၣ်လီၤ. အဂ့ၢ်ဘၣ်တၢ်စံၣ်တဲၤတဲလီၤအီၤလၢ ပှၤကလုာ်တဖၣ်အကျါ, ဘၣ်တၢ်စူၢ်က့ၤနာ်က့ၤအီၤသကုၤဟီၣ်ခိၣ်ချၢ, ဒီးဘၣ်တၢ်စိာ်ထီၣ်အီၤဆူမူခိၣ်န့ၣ်လီၤ.

၂ တံၤမသ့း 1:10

ဘၣ်ဆၣ်ဒီးခဲကနံၣ်အံၤတၢ်ဘျုးတၢ်ဖှိၣ်အံၤဘၣ်တၢ်လီၣ် ဖျါထီၣ်န့ၢ်ပှၤခီဖျိပပှၤအုၣ်က့ၤခီၣ်က့ၤတၢ်, ယ့ၣ်ၡူးခရံာ် အတၢ်ဟဲန့ၣ်လီၤ. အဝဲဒၣ်မၤကတၢၢ်ကွံာ်တၢ်သံအစိကမီၤ ဒီးခီဖျိတၢ်သးခုကစီၣ်န့ၣ်, လီၣ်ဖျါထီၣ်တ့ၢ်တၢ်အိၣ်မူလၢ အသံတသ့ဘၣ်န့ၣ်လီၤ.

ဧ့ၤဘြံၤ 10:10

ဒီးလၢတၢ်ဘၣ်ကစၢ်ယွၤအသးအံၤအဃိ, ပဘၣ်တၢ်မၤစီထီၣ်ဆှံထီၣ်ပှၤခီဖျိယ့ၣ်ၡူးခရံာ်အတၢ်လုၢ်ထီၣ် အနီၢ်ခိထဲတဘျီဧိၤန့ၣ်လီၤ.

ဧ့ၤဘြံၤ 10:5

လၢတၢ်အံၤအဃိဖဲခရံာ်ကဟဲလီၤဆူဟီၣ်ခိၣ်ချၢန့ၣ်စံးဝဲဒၣ်, “နတသးလီဘၣ်တၢ်လုၢ်တၢ်ပာ်ဒီး တၢ်မၤဘူၣ်တဖၣ်ဘၣ်. မ့မ့ၢ်နကတဲာ်ကတီၤန့ၢ်နီၢ်ခိလၢယဂီၢ်လီၤ.

ဧ့ၤဘြံၤ 2:17

လၢတၢ်န့ၣ်အဃိအဝဲဘၣ်ကဲထီၣ်ဒ်အဒီပုၢ်ဝဲၢ်တဖၣ်အသိး လၢတၢ်ကိးမံၤဒဲးအပူၤဒ်သိးလၢအတၢ်မၤကစၢ်ယွၤအတၢ်မၤ အပူၤန့ၣ်ကမ့ၢ်ပှၤလုၢ်တၢ်အခိၣ်အဒိၣ်ကတၢၢ်လၢအသူၣ် ကညီၤသးကညီၤတၢ်ဒီးအကလုၢ်တီဝဲတဂၤသတးဒီးကမၤ ပူၤဖျဲးတၢ်လၢပှၤကညီအတၢ်ဒဲးဘးအဂီၢ်န့ၣ်လီၤ.

ဧ့ၤဘြံၤ 2:18

အဂ့ၢ်ဒ်အံၤ, ဒ်အဝဲအနီၢ်ကစၢ်ဒၣ်ဝဲတူၢ်ဘၣ်တၢ်ဒီးဘၣ်တၢ်လ့ ပစီတ့ၢ်လံအီၤအသိးန့ၣ်, မၤစၢၤပှၤလၢအဘၣ်တၢ်လ့ပစီ အီၤတဖၣ်သ့ဝဲလီၤ.

ဧ့ၤဘြံၤ 4:15

ပပှၤလုၢ်တၢ်အခိၣ်အဒိၣ်ကတၢၢ်အံၤ တမ့ၢ်ပှၤလၢအနၢ် ပၢၢ်စၢၤပတၢ်ဂံၢ်စၢ်ဘါစၢ်တသ့ဘၣ်တဂၤန့ၣ်ဘၣ်. မ့ၢ်ပှၤတဂၤလၢအဘၣ်တၢ်လ့ပစီအီၤလၢကျဲကိးဘိဒဲးဒ်ပဝဲဒၣ် အသိးဘၣ်ဆၣ်အတၢ်ဒဲးဘးတအိၣ်ဘၣ်.

ဧ့ၤဘြံၤ 9:15

လၢတၢ်န့ၣ်အဃိခရံာ်မ့ၢ်ပှၤလၢအဒုးအိၣ်ထီၣ်တၢ်အၢၣ်လီၤအီလီၤ အသီဒ်သိးဒီးပှၤလၢကစၢ်ယွၤကိးထီၣ်တ့ၢ်လံအီၤတဖၣ်ကန့ၢ် သါဘၣ်တၢ်ဆိၣ်ဂ့ၤအထူအယိာ်လၢကစၢ်ယွၤစံးပာ်တ့ၢ်လံဝဲ အဂီၢ်န့ၣ်လီၤ. တၢ်အံၤမၤအသးသ့ဝဲမ့ၢ်လၢပှၤသံတ့ၢ်ဝဲတဂၤ အဃိလီၤ. အဝဲအတၢ်သံမၤထူၣ်ဖျဲးထီၣ်ပှၤဂီၢ်မုၢ်လၢအတၢ် ကမၣ်လၢအမၤတ့ၢ်လံဝဲ, ဖဲအအိၣ်ဒံးလၢတၢ်အၢၣ်လီၤအီလီၤအခီၣ်ထံးတခါအဖီလာ် အဆၢကတီၢ်န့ၣ်လီၤ.

၁ ပ့းတရူး 1:20

အဝဲဒၣ်ဘၣ်တၢ်ဃုထၢအီၤလၢကစၢ်ယွၤတချုးဒံးဘၣ်လၢဟီၣ် ခိၣ်ဘၣ်တၢ်တ့လီၤအီၤ, ဒီးဘၣ်တၢ်လီၣ်ဖျါထီၣ်အီၤလၢသုဂီၢ်လၢမုၢ်နံၤလၢခံကတၢၢ် တဖၣ်အံၤအပူၤန့ၣ်လီၤ.

လံာ်လီၣ်ဖျါ 1:18

ယမ့ၢ်ပှၤလၢအမူဝဲတဂၤလီၤ. ယသံတ့ၢ်ယဲ, ဘၣ်ဆၣ်ဒီးခဲကနံၣ်အံၤ, ယမူယဲအစိၤစိၤအဃၣ်ဃၣ်လီၤ. ယအိၣ်ဒီးတၢ်စိတၢ်ကမီၤလၢတၢ်သံ, ဒီးပျုၤပူၤအဖီခိၣ်လီၤ.

လံာ်လီၣ်ဖျါ 12:9

ပယိၤဖးဒိၣ်, ဂုၢ်လၢပျၢၤတဘိ, လၢအမံၤမ့ၢ်ဝဲ, မုၣ်ကီၤလံၢ် မ့တမ့ၢ်စၤတၣ်, လၢအလီန့ၢ်ဟီၣ်ခိၣ်ဒီဘ့ၣ်န့ၣ်, ဘၣ်တၢ်တ့ၢ်လီၤကွံာ်အီၤလီၤ. အဝဲဘၣ်တၢ်တ့ၢ်လီၤကွံာ်အီၤ ဆူဟီၣ်ခိၣ်ချၢ, ဃုာ်ဒီးအကလူးတဖၣ်ခဲလၢာ်လီၤ.

လံာ်လီၣ်ဖျါ 2:10

တၢ်လၢနကတူၢ်ဘၣ်အီၤခဲကနံၣ်အံၤန့ၣ်တဘၣ်ပျံၤအီၤနီ တမံၤတဂ့ၤ. ဒိကနၣ်တက့ၢ်. မုၣ်ကီၤလံၢ်ကမၤကွၢ်သုခီဖျိအဒုးဃာ်သုဝဲတနီၤလၢဃိာ်ပူၤ, ဒီးသုကဘၣ်ကီဘၣ်ခဲလၢအသီတဆံအတီၢ်ပူၤလီၤ. နမ့ၢ်ဘၣ်သံဒၣ်လဲာ်န့ၣ်, သးတီဒီးယၤတက့ၢ်, ဒီးယကဟ့ၣ်နၤလၢတၢ်မူဒ်နတၢ်မၤနၢၤအခိၣ်ဖးန့ၣ်လီၤ.

လံာ်လီၣ်ဖျါ 20:2

အဝဲဒၣ်ဖီၣ်ဃာ်ပယိၤ, ဂုၢ်သ့ၣ်လၢထံးလၢသီတဘိလၢ အမ့ၢ်မုၣ်ကီၤလံၢ်မ့တမ့ၢ်စၤတၣ်, ဒီးစၢဃာ်အီၤလၢအနံၣ် တကထိအတီၢ်ပူၤလီၤ.