ဧ့ၤဘြံၤ 13:6 - Sgaw Karen Common Bible

⁶ လၢတၢ်အံၤအဃိပစံးပဝဲလၢတၢ်သးခူတလ့ၣ်အပူၤသ့ဝဲလၢ, “ကစၢ်မ့ၢ်ပှၤလၢအမၤစၢၤယၤ ယတပျံၤဘၣ်တၢ်ဘၣ်. ပှၤဟီၣ်ခိၣ်ဖိမၤယၤကသ့မနုၤတမံၤလဲၣ်.”

ဧ့ၤဘြံၤ 13:6 Iomraidhean Croise

လံာ်တၢ်ကဲထီၣ်အခီၣ်ထံး 15:1

တၢ်န့ၣ်တဖၣ်အလီၢ်ခံစီၤအၤဘြၣ်ဒိးန့ၢ်ဘၣ်တၢ်ထံၣ်လၢညါခီ တမံၤဒီးနၢ်ဟူယွၤစံးဘၣ်အီၤ, “စီၤအၤဘြၣ်ဧၢ, ပျံၤတၢ်တဂ့ၤ, ယကခိးတြီကွံာ်တၢ်အၢလၢနၤဒီးဟ့ၣ်လီၤနၤတၢ်ဘျုးတၢ်ဖှိၣ်ဖး ဒိၣ်တမံၤန့ၣ်လီၤ.”

လံာ်စီၤပၤအခီၣ်ထံးတဘ့ၣ် 17:8

အန့ၣ်ဒီး, ယွၤစံးဘၣ်စီၤအ့ၤလံယၤ,

စံးထီၣ်ပတြၢၤ 124:8

တၢ်မၤစၢၤပှၤအိၣ်ဝဲလၢယွၤလၢအတ့လီၤမူခိၣ်ဒီး ဟီၣ်ခိၣ်တဂၤန့ၣ်အမံၤအပူၤလီၤ.

စံးထီၣ်ပတြၢၤ 146:3

ပဒိၣ်ဖးဒိၣ်သ့ၣ်တဖၣ်ဒီးပှၤကညီဖိလၢ အမၤစၢၤတၢ်တသ့ဘၣ်တဖၣ်န့ၣ်, သန့ၤသုသးလၢအီၤတဂ့ၤ.

စံးထီၣ်ပတြၢၤ 27:9

ပာ်တဒၢနမဲာ်လၢယၤတဂ့ၤ. ဟီထီၣ်ကွံာ်နခ့နပှၤလၢ တၢ်သးထီၣ်အပူၤတဂ့ၤ. နမ့ၢ်တ့ၢ်ယတၢ်မၤစၢၤ, လဲၤသဒၣ်ယၤတဂ့ၤ. ညိကွံာ်ယၤတဂ့ၤ, ပှၤအုၣ်က့ၤခီၣ်က့ၤယၤ, ကစၢ်ယွၤဧၢ.

စံးထီၣ်ပတြၢၤ 33:20

ပသးမုၢ်လၢ်တၢ်လၢယွၤအပူၤ, အဝဲမ့ၢ်ပတၢ်မၤစၢၤဒီးပကတီၤလီၤ.

စံးထီၣ်ပတြၢၤ 40:17

ယွၤဧၢ, ယဂံၢ်ယဘါစၢ်ဒီးယဖှီၣ်ယဲလီၤ. ဘၣ်ဆၣ်နတသးပ့ၤနီၣ်တ့ၢ်ယၤဘၣ်. နမ့ၢ်ပှၤလၢအမၤပူၤဖျဲးယၤဒီးယကစၢ်ယွၤလီၤ. မၤယံာ်နသးလၢနကမၤစၢၤယၤအဂီၢ်န့ၣ်တဂ့ၤ.

စံးထီၣ်ပတြၢၤ 54:4

ကွၢ်ကွၢ်, ကစၢ်ယွၤမ့ၢ်ပှၤမၤစၢၤယၤလီၤ. ကစၢ်ယွၤအိၣ်ဝဲလၢပှၤလၢအစိာ်ထီၣ် မၤစၢၤယသးတဖၣ်အကျါလီၤ.

စံးထီၣ်ပတြၢၤ 56:4

ယသန့ၤယသးလၢကစၢ်ယွၤအပူၤ ယတအိၣ်ဘၣ်ဒီးတၢ်ပျံၤဘၣ်န့ၣ်လီၤ. ယစံးထီၣ်ပတြၢၤအီၤလၢ အတၢ်အၢၣ်လီၤအီလီၤအဃိ, ပှၤကညီမၤယၤကသ့ဒ်လဲၣ်.

စံးထီၣ်ပတြၢၤ 63:7

အဂ့ၢ်ဒ်အံၤ, ထီဘိနမ့ၢ်တ့ၢ်ယတၢ်မၤစၢၤ ဒီးယသးဝံၣ်တၢ်လၢတၢ်သူၣ်ဖှံသးညီအဃိ, လၢနဒံးဆ့အဖီလာ်လီၤ.

စံးထီၣ်ပတြၢၤ 94:17

ယွၤမ့ၢ်တမၤစၢၤယၤဘၣ်န့ၣ်ဒီး, ယကလဲၤတ့ၢ်ယဲချ့သဒံးဆူ တၢ်အိၣ်ဘှီၣ်ကလာ်အလီၢ်န့ၣ်လီၤ.

လံာ်တၢ်ဟးထီၣ်ကွံာ် 18:4

အဝဲစံးစ့ၢ်ကီးဝဲ, “ယပၢ်အကစၢ်ယွၤမၤစၢၤယၤဒီးမၤပူၤ ဖျဲးယၤလၢကီၢ်အဲၤကူပတူးအစီၤပၤအတၢ်မၤသံမၤဝီန့ၣ် လီၤ.” မၤသးဒ်န့ၣ်ဒီးယုၢ်ဝဲအဖိခွါအဂၤတဂၤန့ၣ်အမံၤလၢစီၤအလံၤ ဧ့စ့ၢ်န့ၣ်လီၤ.)

လံာ်ယၡါယၤ 41:10

ပျံၤတၢ်တဂ့ၤ. ယအိၣ်ဒီးသုလီၤ. ယမ့ၢ်သုကစၢ်ယွၤလီၤ. ပျဲတၢ်မၤပျံၤမၤဖုးသုနီတမံၤတဂ့ၤ. ယကဒုးကဲထီၣ်သုပှၤအဂံၢ်ဆူၣ်ဘါဆူၣ်ဒီးမၤစၢၤသုလီၤ. ယကဒီဒၣ်အိၣ်ပှိၤသုဒီးအုၣ်က့ၤခီၣ်က့ၤသုလီၤ.

လံာ်ယၡါယၤ 41:14

ယွၤစံးဝဲဒၣ်, “အံၣ်စရ့လးဧၢ, နဆံးဒီးနဂံၢ်နဘါစၢ်နာ်က့, ပျံၤတၢ်တဂ့ၤ. ယကမၤစၢၤနၤလီၤ. ယၤ, အံၣ်စရ့လးအကစၢ်ယွၤစီဆှံအံၤ, ယမ့ၢ်ပှၤတဂၤလၢအအုၣ်က့ၤ ခီၣ်က့ၤနၤလီၤ.

လံာ်မးသဲ 10:28

တဘၣ်ပျံၤပှၤလၢအမၤသံပနီၢ်ခိဘၣ်ဆၣ်မၤသံပသးတသ့ဘၣ်န့ၣ်တဂ့ၤ. မ့မ့ၢ်ပျံၤကစၢ်ယွၤလၢအမၤဟးဂီၤပနီၢ်ခိဒီးပသးလၢလရာ် အပူၤသ့ဝဲတဂၤန့ၣ်တက့ၢ်.

ရိမ့ၤ 8:31

လၢတၢ်အံၤအဃိ, ပစံးမနုၤကသ့လဲၣ်. ကစၢ်ယွၤမ့ၢ်အိၣ် လၢပဂီၢ်ဒီး, မ့ၢ်မတၤကထီဒါပှၤတဂၤလဲၣ်.

အ့းဖ့းစူး 3:12

လၢခရံာ်အပူၤဒီးခီဖျိပတၢ်စူၢ်တၢ်နာ်က့ၤအီၤန့ၣ်, ပအိၣ်ဒီးတၢ်သူၣ်ခူတလ့ၣ်သးခူတလ့ၣ်လၢပကလဲၤနုာ်ဆူ ကစၢ်ယွၤအမဲာ်ညါအိၣ်ဒီးတၢ်သူၣ်ဂၢၢ်သးကျၢၤန့ၣ်လီၤ.

လံာ်သိၣ်လီၤသီလီၤတၢ် 33:26

ကီၢ်အံၣ်စရ့လးအပှၤဂီၢ်မုၢ်ဧၢ, ယွၤအဂၤတဒ်သိးဘၣ်သုကစၢ်ယွၤဘၣ်. အဝဲဒိးတၢ်ခီဖျိကွံာ်မူကပိာ်လိၤလၢတၢ်ကဟုကညီၢ်အပူၤ, ဒိးတၢ်ခီဖျိကွံာ်တၢ်အၢၣ်တဖၣ်လၢကဟဲမၤစၢၤသုအဂီၢ်န့ၣ်လီၤ.

လံာ်သိၣ်လီၤသီလီၤတၢ် 33:29

အံၣ်စရ့လးဧၢ, နဘၣ်ဆိၣ်ဂ့ၤနဲဆံးဒိၣ်လဲၣ်. ပှၤဒ်သိးသု, ပှၤတကလုာ်လၢအဘၣ်တၢ်အုၣ်က့ၤခီၣ်က့ၤအီၤလၢယွၤ န့ၣ်, တအိၣ်ဝဲဒၣ်ဘၣ်. ယွၤအနီၢ်ကစၢ်ဒၣ်ဝဲမ့ၢ်သုကတီၤဒီးသုနးလၢအကဒီသဒၢသုဒီး ဟ့ၣ်သုတၢ်မၤနၢၤန့ၣ်လီၤ. သုဒုၣ်သုဒါတဖၣ်ကဟဲဃ့ကညးသုလၢတၢ်မၤစၢၤအဂီၢ် ဒီးသုကယီၢ်တံၢ်လီၤကွံာ်အဝဲသ့ၣ်န့ၣ်လီၤ.

ဧ့ၤဘြံၤ 10:19

လၢတၢ်န့ၣ်အဃိယဒီပုၢ်ဝဲၢ်သ့ၣ်ဧၢ, ပအိၣ်ဒီးတၢ်သဘျ့အလၢအပှဲၤလၢပကလဲၤနုာ်ဘၣ်ဆူတၢ်လီၢ် စီဆှံကတၢၢ်အပူၤခီဖျိယ့ၣ်ၡူးအတၢ်သံန့ၣ်လီၤ.

ဧ့ၤဘြံၤ 4:16

လၢတၢ်န့ၣ်အဃိလၢတၢ်သူၣ်ဂၢၢ်သးကျၢၤအပူၤ, မ်ပသုးဘူးပသးဆူကစၢ်ယွၤအလီၢ်ပစိာ်, ဖဲတၢ်ဘျုးတၢ်ဖှိၣ်အိၣ်ဝဲဒၣ်အလီၢ်န့ၣ်တက့ၢ်. ဖဲန့ၣ်ပကထံၣ်န့ၢ်တၢ်သးကညီၤဒီးတၢ်ဘျုးတၢ်ဖှိၣ်လၢ အကမၤစၢၤပှၤဖဲပလိၣ်ဘၣ်အီၤအဆၢအကတီၢ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 23:17

ဒီးစံးဘၣ်အီၤ, “ပျံၤတၢ်တဂ့ၤ. ယပၢ်စီၤစီလူးမၤဆါနၤ တန့ၢ်ဘၣ်. အဝဲသ့ၣ်ညါဝဲဂ့ၤဂ့ၤကလဲာ်လၢနမ့ၢ်ပှၤတဂၤလၢကကဲထီၣ်ကီၢ်အံၣ် စရ့လးအစီၤပၤဒီးယကမ့ၢ်ပှၤအလီၢ်ဖုၣ်န့ၣ်နၤတဂၤလီၤ.”