ဧ့ၤဘြံၤ 13:4 - Sgaw Karen Common Bible

⁴ မ်တၢ်န့ၢ်မါန့ၢ်ဝၤဒီးလီၢ်မံတဘၣ်အၢဘၣ်န့ၣ်, အိၣ်ဒီးအလၤကပီၤလၢပှၤခဲလၢာ်အကျါတက့ၢ်. အဂ့ၢ်ဒ်အံၤ, ကစၢ်ယွၤကစံၣ်ညီၣ်ပှၤလၢအမၤကမၣ်ပိာ်မုၣ် ပိာ်မၢၤဒီးပှၤလၢအအဲၣ်ဘၢတၢ်န့ၣ်လီၤ.

ဧ့ၤဘြံၤ 13:4 Iomraidhean Croise

လံာ်တၢ်ကဲထီၣ်အခီၣ်ထံး 2:21

ဒီးယွၤ, ကစၢ်ယွၤဒုးလီၤဘၣ်တၢ်မံယိာ်လၢပှၤကညီအလိၤလီၤ. ဒီးဖဲအမံဝဲအခါန့ၣ်အဝဲထဲးထီၣ်န့ၢ်ပှၤကညီအဂုၢ်ဃံအကျါတဘိဒီးမၤဘၢက့ၤအညၣ်လီၤ.

လံာ်တၢ်ကဲထီၣ်အခီၣ်ထံး 2:24

လၢတၢ်န့ၣ်အဃိပိာ်ခွါကဟးသဒၣ်အမိၢ်အပၢ်ဒီးပာ်ဖှိၣ်အသးဒီးအမါ, ဒီးကဲထီၣ်ပှၤတဂၤဃီန့ၣ်လီၤ.

လံာ်စီၤပၤခံဘ့ၣ်တဘ့ၣ် 22:14

စီၤဃံးလကံယၤ, စီၤအဃံကၣ်, စီၤဧးကဘိၢ်, စီၤၡၤဖၣ်ဒီးစီၤဧစါယၤတဖၣ်လဲၤဒ်သိးကသံကွၢ်တၢ်လၢပိာ်မုၣ် တဂၤလၢအမံၤမ့ၢ်ဝဲနီၢ်ဃူးလဒါဝံမုၣ်တဂၤလၢအအိၣ်ဆိးဝဲလၢ ဝ့ၢ်ယရူၤၡလ့ၣ်အတၢ်လီၢ်အသီ, အအိၣ်န့ၣ်လီၤ. (အဝဲအဝၤစီၤၡၤလူၣ်လၢအမ့ၢ်စီၤတံးကဝၤအဖိခွါ, ဒီးစီၤဃၢ်ဃၣ်အလံၤခွါန့ၣ်, မ့ၢ်ပှၤပၢၤယွၤအတၢ်လုၢ်ဟံၣ်အဆ့ ကၤဖးထီတဖၣ်န့ၣ်လီၤ.) အဝဲသ့ၣ်တဲဘၣ်နီၢ်ဃူးလဒါလၢတၢ်လၢအမၤတ့ၢ်အသး,

လံာ်စီၤယိၤဘး 31:12

တၢ်အံၤကမ့ၢ်မ့ၣ်အူလၢအအီၣ်တၢ်တုၤလၢပှၤသံတဖၣ်အလီၢ် ဒီးအီၣ်ကွံာ်ကယဲၢ်တၢ်အိၣ်ဒီးယၤခဲလၢာ်န့ၣ်လီၤ.

လံာ်ယၡါယၤ 8:3

လၢခံတယံာ်ဘၣ်ဒီးယမါဒၢထီၣ်ဝဲလီၤ. ဖဲပဖိခွါအိၣ်ဖျဲၣ်ထီၣ်ဝဲန့ၣ်, ယွၤစံးဘၣ်ယၤ, “ယုၢ်န့ၢ်အမံၤလၢ, မဟၢ်ၡလးဃၤၡဘး, တက့ၢ်.

လံာ်တၢ်ဘူၣ်ထီၣ်ဘါထီၣ် 15:18

ပိာ်ခွါဒီးပိာ်မုၣ်မံဃုာ်လိာ်အသးမ့ၢ်ဝံၤန့ၣ်အဝဲသ့ၣ်ခံဂၤလိာ်ကဘၣ်လုၢ်ထံ, ဒီးကဲထီၣ်တၢ်တကဆှီတုၤမုၢ်ဟါလီၤန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 18:20

သုတမံဃုာ်ဒီးပှၤလၢနဃၢၤအမါန့ၣ်တဂ့ၤ. တၢ်န့ၣ်ကမၤတ ကဆှီနၤဒ်တၢ်ဘူၣ်တၢ်ဘါအလုၢ်အလၢ်အိၣ်ဝဲအသိးန့ၣ်လီၤ.

လံာ်မၤလကံ 3:5

ယွၤသ့တၢ်လၢာ်စံးဝဲ, “ယကလီၣ်ဖျါထီၣ်ယသးလၢသုကျါလၢယကစံၣ်ညီၣ်တၢ်, ဒီးယကအုၣ်ယသးတကီၢ်ခါထီဒါပှၤလၢအမၤကဒါပှၤမဲာ်, ထီဒါပှၤအဲၣ်ဘၢမါအဲၣ်ဘၢဝၤ, ထီဒါပှၤအုၣ်အသးကဘျံးကဘျၣ်, ပှၤလၢအလီန့ၢ်ပှၤမၤတၢ်ဖိလၢအဘူးအလဲတဖၣ်အပူၤ, ဒီးပှၤလၢအဟံးန့ၢ်တၢ်ခွဲးတၢ်ယာ်လၢပှၤမုၣ်ကမဲ, ပှၤဖိၣ်ဃဲတဖၣ်ဒီးပှၤတခီဘီမုၢ်ဖိတဖၣ် အဖီခိၣ်ဒီးထီဒါကယဲၢ်ပှၤလၢအတယူးယီၣ်ပာ်ကဲဘၣ်ယၤတဖၣ် န့ၣ်လီၤ.

1 ကရံၣ်သူး 6:18

ဟးဆှဲးတၢ်မၤကမၣ်မုၣ်ကမၣ်ခွါတက့ၢ်. တၢ်ဒဲးဘးအဂၤတမံၤမံၤလၢပှၤကညီတဂၤမၤဝဲန့ၣ်, တမၤဘၣ်ဒိဘၣ်ထံးအနီၢ်ခိဘၣ်. မ့မ့ၢ်ပှၤတဂၤလၢအမၤ ကမၣ်မုၣ်ကမၣ်ခွါန့ၣ်, မၤဘၣ်တၢ်ဒဲးဘးထီဒါအနီၢ်ခိဒၣ်ဝဲန့ၣ်လီၤ.

1 ကရံၣ်သူး 6:9

သပှၢ်ကတၢၢ်, သုသ့ၣ်ညါသုဝဲလၢပှၤအၢပှၤသီတဖၣ်တဒိး န့ၢ်ဘၣ်ယွၤအဘီအမုၢ်ဘၣ်န့ၣ်လီၤ. သုတလီလီၤက့ၤသုသး တဂ့ၤ. ပှၤလၢအမၤကမၣ်မုၣ်ကမၣ်ခွါတဖၣ်, မ့တမ့ၢ်ဘါတၢ်ဂီၤ တၢ်ဖီၣ်တဖၣ်, မ့တမ့ၢ်အဲၣ်ဘၢတၢ်, မ့တမ့ၢ်အဲၣ်ပကၢၤတၢ်,

1 ကရံၣ်သူး 7:38

လၢတၢ်န့ၣ်အဃိပှၤပိာ်ခွါလၢအဖျီအသးတဂၤန့ၣ်မၤတၢ်လၢအ ကြၢး, မ့မ့ၢ်အဝဲလၢအတဖျီအသးတဂၤန့ၣ်မၤတၢ်လၢအကြၢး ဝဲဘၣ်ဝဲဒိၣ်ဒံးတက့ၢ်လီၤ.

1 ကရံၣ်သူး 9:5

မ့ၢ်ယတအိၣ်ဒီးတၢ်အခွဲးအယာ်လၢယကကွၢ်လိပှၤတၢ်မၢဖိ အဂၤတဖၣ်, ဒီးကစၢ်အဒီပုၢ်ဝဲၢ်တဖၣ်ဒီးစီၤပ့းတရူး, ခီဖျိယဟးကိးဒီးယမါပှၤခရံာ်ဖိတဂၤလၢယတၢ်လဲၤတၢ်က့ၤတဖၣ် အပူၤန့ၣ်ဘၣ်ဧါ.

၂ ကရံၣ်သူး 5:10

အဂ့ၢ်ဒ်အံၤ, ပဝဲကိးဂၤဒဲးပကဘၣ်အိၣ်ဖျါထီၣ်လၢခရံာ် အမဲာ်ညါ, ဒ်သိးပကဒိးတၢ်စံၣ်ညီၣ်လၢအီၤအဂီၢ်န့ၣ် လီၤ. ပှၤတဂၤဘၣ်တဂၤကဒိးန့ၢ်တၢ်လၢအကြၢးဒီး အီၤ, ဒ်အကြၢးအဘၣ်ဒီးတၢ်လၢအဝဲဒၣ်မၤတ့ၢ်ဝဲ ခဲလၢာ်, ဂ့ၤမ့ၢ်ဂ့ၤ, အၢမ့ၢ်ဂ့ၤ, လၢအဝဲဒၣ်အနီၢ်ခိအတၢ်အိၣ်မူ အပူၤန့ၣ်လီၤ.

ကလၤတံ 5:19

တၢ်လၢတၢ်ဖံးတၢ်ညၣ်အတၢ်မၤန့ၣ်, အိၣ်ဖျါဝဲဒၣ်ဆှံဆှံလီၤ. အိၣ်ဖျါဝဲဒၣ်ခီဖျိတၢ်မၤကမၣ်မုၣ်ကမၣ်ခွါ, တၢ်အိၣ်မူတကဆှီ, တၢ်ကလုာ်ကလိၤတဖၣ်,

ကလၤတံ 5:21

တၢ်သူၣ်က့ၣ်သးကါ, တၢ်မၤသံပှၤကညီ, တၢ်အီမူၤသံး, တၢ်မၤမူးဧိၤပွဲဧိၤ, ဒီးတၢ်မၤတၢ်အဂၤဒ်သိးအံၤတဖၣ်လီၤ. ဒ်လၢအပူၤကွံာ်အသိးန့ၣ်ယဟ့ၣ်ပလီၢ်ကဒီးသုခဲအံၤလီၤ. ပှၤလၢအမၤတၢ်ဒ်အံၤတဖၣ်န့ၣ်, တန့ၢ်ဘၣ်သါကစၢ်ယွၤအဘီ အမုၢ်ဘၣ်.

အ့းဖ့းစူး 5:5

သးမံသးကျၢၤလၢတၢ်ဂ့ၢ်အံၤတက့ၢ်. တၢ်လၢပှၤမၤကမၣ်မုၣ် ကမၣ်ခွါ, ပှၤအဲၣ်တၢ်ကလုာ်ကလိၤ, ဒီးပှၤသူၣ်လီသးကွံတၢ်စုလီၢ်ခီၣ်ခိၣ် (အဂ့ၢ်ဒ်အံၤတၢ်သူၣ်လီသးကွံမ့ၢ်တၢ်ဘါတၢ်ဂီၤတၢ်ဖီၣ်တကလုာ်လီၤ.) တဖၣ်န့ၣ်, တန့ၢ်သါဘၣ်ခရံာ်ဒီးယွၤအဘီအမုၢ်နီတဂၤဘၣ်.

လံာ်သိၣ်လီၤသီလီၤတၢ် 22:22

ပိာ်ခွါတဂၤမ့ၢ်ဘၣ်တၢ်ဖီၣ်န့ၢ်အီၤလၢအမံဃုာ်ဒီးပှၤအဂၤတဂၤ အမါအဃိန့ၣ်, အဝဲသ့ၣ်ခံဂၤလိာ်ကဘၣ်တၢ်မၤသံကွံာ်အီၤန့ၣ်လီၤ. လၢကျဲဒ်သိးအံၤန့ၣ်သုကပူၤဖျဲးဒီးတၢ်အၢတၢ်သီ အံၤန့ၣ်လီၤ.

၁ သ့းစၤလနံ 4:6

ဖဲလၢအဘၣ်ဃးဒီးတၢ်ဂ့ၢ်အံၤန့ၣ်, ပှၤတဘၣ်မၤကမၣ်ဒီးဃုအဘျုးဒၣ်ဝဲလၢအဒီပုၢ်ဝဲၢ် ပှၤစူၢ်က့ၤနာ်က့ၤတၢ်အဖီခိၣ်နီတဂၤဘၣ်. ပစံးဘၣ်တဲဘၣ်တ့ၢ်လံသုလၢအပူၤကွံာ်, ဒီးပဟ့ၣ်ပလီၢ်သုဆူၣ်ဆူၣ်ကလဲာ်လၢကစၢ်ကစံၣ်ညီၣ်ပှၤလၢ အမၤတၢ်န့ၣ်တဖၣ်လီၤ.

၁ တံၤမသ့း 3:12

ပှၤမၤစၢၤတၢ်အိၣ်ဖှိၣ်တဂၤန့ၣ်ကဘၣ်အိၣ်ဒီးအမါထဲတဂၤဧိၤ, ဒီးကဘၣ်သ့ပၢဆှၢအဖိအလံၤဒီးအဒူၣ်ဖိထၢဖိဂ့ၤဂ့ၤဘၣ်ဘၣ် န့ၣ်လီၤ.

၁ တံၤမသ့း 3:2

တၢ်အိၣ်ဖှိၣ်အခိၣ်အနၢ်တဂၤကဘၣ်မ့ၢ်ပှၤလၢအတၢ်ကမၣ် တအိၣ်ဘၣ်, ကဘၣ်အိၣ်ဒီးအမါထဲတဂၤဧိၤ, ပာ်အသးသညူးသပှၢ်, ပၢၤအသး, ဒီးအိၣ်မူကဒုလီၤတံၢ်န့ၣ်လီၤ. အဝဲကဘၣ်တူၢ်တံၢ်တူၢ်သမှံၤလၢအဟံၣ်ပူၤ, ဒီးကဘၣ်သ့သိၣ်လိသီလိတၢ်န့ၣ်လီၤ.

၁ တံၤမသ့း 3:4

အဝဲကဘၣ်သ့ပၢဆှၢအဟံၣ်ဖိဃီဖိဒၣ်ဝဲဂ့ၤဂ့ၤဘၣ်ဘၣ်ဒီး လုၢ်ဒိၣ်ထီၣ်အဖိအလံၤဒ်သိးကအိၣ်ဒီးတၢ်စူၢ်အီၤလၢတၢ် ယူးယီၣ်ပာ်ကဲခဲလၢာ်အပူၤန့ၣ်လီၤ.

၁ တံၤမသ့း 4:3

ပှၤဒ်သိးအံၤတဖၣ်သိၣ်လီၤသီလီၤဝဲလၢတၢ်န့ၢ်ဖိန့ၢ်မါန့ၣ်, မ့ၢ်တၢ်ကမၣ်ဒီးတၢ်အီၣ်တၢ်အီတနီၤနီၤန့ၣ်, ဂ့ၤဘၣ်တၢ်ဟးဆှဲး အီၤန့ၣ်လီၤ. ဘၣ်ဆၣ်ဒီးတၢ်အီၣ်တဖၣ်န့ၣ်, ယွၤတ့လီၤပာ်လီၤဝဲလၢပှၤစူၢ်က့ၤနာ်က့ၤတၢ်ဒီးသ့ၣ်ညါ တၢ်မ့ၢ်တၢ်တီတဖၣ်ကစံးထီၣ်ပတြၢၤတၢ်အဘျုးအဖှိၣ်ဝံၤ, ကအီၣ်ဝဲအဂီၢ်န့ၣ်လီၤ.

၁ တံၤမသ့း 5:14

လၢတၢ်န့ၣ်အဃိ, ယသးအိၣ်လၢမုၣ်ကမဲလၢအသးစၢ်တဖၣ် ကဟံးန့ၢ်အဝၤ, အိၣ်ဖိအိၣ်လံၤ, ဒီးကွၢ်ထွဲအဟံၣ်အဃီတဖၣ်, ဒ်သိးဒီးပဒုၣ်ပဒါအသုတအိၣ်ဒီးတၢ်အခွဲးအယာ်လၢ အကကတိၤအၢကတိၤသီပှၤတဂ့ၤအဂီၢ်န့ၣ်လီၤ.

တံတူး 1:6

တၢ်အိၣ်ဖှိၣ်သးပှၢ်ကဘၣ်မ့ၢ်ပှၤလၢအတၢ်ကမၣ်တအိၣ် ဘၣ်, အမါကဘၣ်အိၣ်ဒၣ်ထဲတဂၤဧိၤ, ဒီးအဖိတဖၣ်ကဘၣ်မ့ၢ်ပှၤစူၢ်က့ၤနာ်က့ၤတၢ်ဒီးအမံၤ တဘၣ်ဟူထီၣ်သါလီၤလၢအမ့ၢ်ပှၤအအၢအသီ, မ့တမ့ၢ်တဒိကနူၤဒိကနၣ်တၢ်န့ၣ်ဘၣ်.

ဧ့ၤဘြံၤ 12:16

တဘၣ်ပျဲပှၤမၤကမၣ်ပိာ်မုၣ်ပိာ်မၢၤမ့ၢ်ဂ့ၤ, ပှၤလၢအတယူးယီၣ် ယွၤဒ်စီၤဧ့ၡီၤလၢအလဲလိာ်အီၣ်အဖိဝဲၢ်ကိအလီၢ်လၢတၢ်အီၣ်ဘျဲးအီၣ် တဘျီအဂီၢ်အသိးမ့ၢ်ဂ့ၤနီတဂၤတဂ့ၤ.

လံာ်လီၣ်ဖျါ 22:15

မ့မ့ၢ်, ဖဲဝ့ၢ်အချၢန့ၣ်, ပှၤလၢအဘၣ်တၢ်ဘိးဃၣ်အီၤဆူတၢ် အၢတၢ်သီတဖၣ်, ဒီးပှၤသ့ၣ်တဖၣ်လၢအဟိၣ်တၢ်ယီတၢ်, ပှၤမၤကမၣ်မုၣ်ကမၣ်ခွါဒီးပှၤမၤသံမၤဝီတၢ်တဖၣ်, ပှၤလၢအဘါတၢ်ဂီၤတၢ်ဖီၣ်တဖၣ်ဒီးပှၤသ့ၣ်တဖၣ်လၢ အလီတၢ်, လၢတၢ်စံးတၢ်ကတိၤ, ဒီးတၢ်ဖံးတၢ်မၤခံမံၤလၢာ်န့ၣ်, အိၣ်ဝဲဒၣ်လီၤ.