ဧ့ၤဘြံၤ 13:3 - Sgaw Karen Common Bible

³ သ့ၣ်နီၣ်ထီၣ်ပှၤလၢအအိၣ်လၢဃိာ်ပူၤတဖၣ်တုၤဒၣ်လဲာ်တၢ် ကမၤအသးဒီးသုဒ်သုလီၤဘၣ်ဃိာ်ဒီးအဝဲသ့ၣ်အသိးန့ၣ် တက့ၢ်. သ့ၣ်နီၣ်ထီၣ်ပှၤလၢအဘၣ်တၢ်မၤအၢမၤနးအီၤတဖၣ် ဒ်သုတူၢ်ဘၣ်တၢ်ဒ်သိးအဝဲသ့ၣ်န့ၣ်တက့ၢ်.

ဧ့ၤဘြံၤ 13:3 Iomraidhean Croise

လံာ်တၢ်ကဲထီၣ်အခီၣ်ထံး 40:23

ဘၣ်ဆၣ်ပှၤကွၢ်ထွဲစပံးထံတဂၤတဆိကမိၣ်ထီၣ်လၢၤစီၤယိၤသးနီ တစဲးဘၣ်. သးပ့ၤနီၣ်ကွံာ်တၢ်ခဲလၢာ်ဘၣ်ဃးဒီးအီၤန့ၣ်လီၤ.

လံာ်မးသဲ 25:36

ယအိၣ်ဘ့ၣ်ဆ့ဒီးသုဒုးကူဒုးသိးယၤ, ယဘၣ်ဆူးဘၣ်ဆါဒီးသုအံးက့ၤကွၢ်က့ၤယၤ, ယအိၣ်လၢဃိာ်ပူၤဒီးသုဟဲအိၣ်သကိးယၤလီၤ.’

လံာ်မးသဲ 25:43

ယမ့ၢ်ပှၤသမှံၤဘၣ်ဆၣ် သုတတူၢ်လိာ်ယၤလၢသုဟံၣ်သုဃီဘၣ်. ယအိၣ်ဘ့ၣ်ဆ့ဘၣ်ဆၣ်သုတဒုးကူဒုးသိးယၤဘၣ်. ယဘၣ်ဆူးဘၣ်ဆါဒီးအိၣ်လၢဃိာ်ပူၤဘၣ်ဆၣ်သု တအံးက့ၤကွၢ်က့ၤယၤဘၣ်.’

မၤတၢ် 24:23

အဝဲဒၣ်ဟ့ၣ်လီၤအကလုၢ်ဆူပှၤသုးဖိတကယၤအခိၣ်လၢကွၢ် ထွဲစီၤပီလူးန့ၣ်, ဒ်သိးအကခိးကွၢ်အီၤ, ဘၣ်ဆၣ်ကဟ့ၣ်အီၤတၢ်သဘျ့တဆံးတက့ၢ်ဒီးကပျဲအတံၤသကိး တဖၣ်မၤန့ၢ်အီၤတၢ်လၢအလိၣ်ဘၣ်ဝဲတဖၣ်န့ၣ်လီၤ.

မၤတၢ် 27:3

မုၢ်ဆ့ၣ်ထီၣ်တနံၤန့ၣ်ပလဲၤတုၤလၢဝ့ၢ်စံဒိၣ်လီၤ. စီၤယူၤလံဂ့ၤဝဲလၢစီၤပီလူးအဖီခိၣ်ဒီးဟ့ၣ်အဝဲဒၣ်အခွဲးလၢ အကလဲၤအိၣ်သကိးအတံၤသကိးတဖၣ်ဒီးဒိးန့ၢ်တၢ် လၢအလိၣ်ဘၣ်ဝဲတဖၣ်လီၤ.

ရိမ့ၤ 12:15

ပှၤလၢအသးခုတဖၣ်န့ၣ်သးခုဃုာ်ဒီးအီၤတက့ၢ်. ပှၤလၢအဟီၣ်တဖၣ်န့ၣ်ဟီၣ်ဃုာ်ဒီးအီၤတက့ၢ်.

1 ကရံၣ်သူး 12:26

နီၢ်ခိအက့ၢ်အဂီၤတမံၤမ့ၢ်တူၢ်ဘၣ်တၢ်ဒီး, က့ၢ်ဂီၤအဂၤခဲလၢာ်တူၢ်ဘၣ်ဃုာ်တၢ်ဒီးအီၤ, က့ၢ်ဂီၤတမံၤမ့ၢ်ဘၣ်တၢ်စံးထီၣ်ပတြၢၤအီၤဒီး က့ၢ်ဂီၤအဂၤတဖၣ်ခဲလၢာ်ဒိးန့ၢ်ဘၣ်ဃုာ်အဝဲဒၣ် အတၢ်သးခုလီၤ.

အ့းဖ့းစူး 4:1

ယၤ, ပှၤလၢအလီၤဘၣ်ဃိာ်ပူၤလၢအမၤကစၢ်အတၢ်မၤအဃိ တဂၤအံၤ, ယသဆၣ်ထီၣ်သုခံဒ်သိးသုကအိၣ်မူထီၣ်ဘးတၢ်အိၣ်မူ အတီၤလၢကစၢ်ယွၤပာ်လီၤဝဲဖဲအကိးထီၣ်သုအကတီၢ်အဂီၢ် န့ၣ်လီၤ.

ကလီးစဲ 4:18

လၢယစုလီၢ်ဒၣ်ယဲယကွဲးတၢ်အံၤလီၤ. တၢ်ဆၢဂ့ၤဆၢဝါလၢယၤ စီၤပီလူးအအိၣ်, သ့ၣ်နီၣ်ထီၣ်ယတၢ်ဘၣ်စၢဃာ်တက့ၢ်. မ်ကစၢ်ယွၤအဘျုးအဖှိၣ်လီၤဘၣ်လၢသုလိၤတက့ၢ်.

ဧ့ၤဘြံၤ 10:34

အဂ့ၢ်ဒ်အံၤ, သုသးအိၣ်သးကညီၤဘၣ်ပှၤလၢအလီၤဘၣ်လၢ ဃိာ်ပူၤတဖၣ်ဒီးဖဲတၢ်လၢအအိၣ်ဒီးသုတဖၣ်ဘၣ်တၢ်ဟံးန့ၢ် ကွံာ်အီၤလၢသုအိၣ်န့ၣ်, သုတူၢ်အီၤလၢတၢ်သးမုာ်သးခုအပူၤမ့ၢ်လၢသုသ့ၣ်ညါ လၢတၢ်လၢအဂ့ၤဒီးဂၢၢ်ကျၢၤဒိၣ်န့ၢ်အန့ၣ်တက့ၢ်အိၣ်ဒံး ဒီးသုအဃိန့ၣ်လီၤ.

ဧ့ၤဘြံၤ 11:37

အဝဲသ့ၣ်ဘၣ်တၢ်ကွံာ်အီၤလၢလၢၢ်, ဘၣ်တၢ်ဘူးတဲာ်အီၤခံကူာ်ဒီးဘၣ်တၢ်မၤသံအီၤလၢနးလီၤ. အဝဲသ့ၣ်ဟးဝ့ၤဝီၤကူသိးဝဲလၢသိဒီးမဲာ်တဲးလဲးအဖံး, ဘၣ်ဖှီၣ်ဘၣ်ယာ်, ဘၣ်တၢ်မၤနးမၤဖှီၣ်အီၤဒီးဘၣ်တၢ်မၤ အၢမၤနးအီၤလီၤ.

၁ ပ့းတရူး 3:8

လၢခံကတၢၢ်န့ၣ်, သုဝဲခဲလၢာ်သုကဘၣ်အိၣ်ဒီးတၢ်ပာ်သူၣ်ပာ် သးဒီးတၢ်ဆိကမိၣ်ဆိကမးတမံၤဃီလီၤ. အဲၣ်လိာ်သုသးတဂၤဒီးတဂၤဒ်ဒီပုၢ်ဝဲၢ်တဖၣ်အသိး, ဒီးအိၣ်ဒီးတၢ်သးကညီၤဒီးတၢ်ဆီၣ်လီၤသးလၢတဂၤဒီးတဂၤ အဖီလာ်န့ၣ်တက့ၢ်.