ဧ့ၤဘြံၤ 13:22 - Sgaw Karen Common Bible

²² ဒီပုၢ်ဝဲၢ်သ့ၣ်ဧၢ, ယဃ့ကညးသုလၢသုကဒိကနၣ်တၢ်ဟ့ၣ်ဂံၢ်ဟ့ၣ်ဘါသု အတၢ်ကတိၤအံၤလၢတၢ်သးစူၤအပူၤ, အဂ့ၢ်မ့ၢ်လၢအတထီကဲၣ်ဆိးဘၣ်အဃိန့ၣ်လီၤ.

ဧ့ၤဘြံၤ 13:22 Iomraidhean Croise

မၤတၢ် 13:15

လံာ်တၢ်သိၣ်တၢ်သီလၢအဘၣ်တၢ်ဟ့ၣ်လီၤအီၤခီဖျိစီၤမိၤ ၡ့ဒီးဝံလံာ်အတၢ်ကွဲးတဖၣ်ဘၣ်တၢ်ဖးထီၣ်အီၤဝံၤအလီၢ်ခံန့ၣ်, ဘူၣ်ဘျီၣ်အခိၣ်အနၢ်တဖၣ်ဆှၢလီၤတၢ်ကစီၣ်ဆူအဝဲသ့ၣ်အအိၣ်ဒီး စံးဝဲ, “ဒီပုၢ်ဝဲၢ်သ့ၣ်ဧၢ, သုမ့ၢ်အိၣ်ဒီးတၢ်ကစီၣ်လၢအကဟ့ၣ်ဂံၢ်ဟ့ၣ်ဘါပှၤဂီၢ်မုၢ်တဖၣ် န့ၣ်, ပသးအိၣ်လၢသုကကတိၤတၢ်န့ၣ်လီၤ.”

၂ ကရံၣ်သူး 10:1

ယၤ, စီၤပီလူး, ယသကွံၢ်ကညးတၢ်ဆူသုအိၣ်လၢယနီၢ် ကစၢ်ဒၣ်ယဲ, ယၤ, လၢပှၤစံးလၢအဆီၣ်လီၤအသးဒီးမၤအသး ကပုာ်ကပုာ်ဖဲအအိၣ်ဒီးသုအဆၢကတီၢ်, ဘၣ်ဆၣ်မၤအသးဆူၣ်ဆူၣ်ကိၤကိၤဖဲအအိၣ်ယံၤဒီးသုအဆၢ ကတီၢ်န့ၣ်လီၤ. ခီဖျိခရံာ်အတၢ်သူၣ်ဂ့ၤသးဝါဒီးတၢ်အဲၣ်တၢ် ကွံန့ၣ်, ယဃ့ကညးသုဒ်သိး

၂ ကရံၣ်သူး 5:20

လၢတၢ်န့ၣ်အဃိ, ခဲကနံၣ်အံၤ, ပကတိၤတၢ်လၢခရံာ် အဂီၢ်, ဒ်ကစၢ်ယွၤအနီၢ်ကစၢ်ဒၣ်ဝဲသကွံၢ်ကညးတၢ်ခီဖျိပှၤ န့ၣ်လီၤ. ပဃ့ကညးပဝဲလၢခရံာ်အခၢၣ်စး, ပျဲကစၢ်ယွၤလဲလိာ်ကွံာ်သုလၢဒုၣ်ဒါတဖၣ်ဆူအဝဲအတံၤ သကိးတဖၣ်န့ၣ်တက့ၢ်.

၂ ကရံၣ်သူး 6:1

လၢတၢ်န့ၣ်အဃိ, လၢပတၢ်မၤသကိးဃုာ်တၢ်ဒီးကစၢ်ယွၤ အပူၤန့ၣ်, ပဃ့ကညးသုဝဲလၢအဒိးန့ၢ်လံကစၢ်ယွၤအဘျုး တဖၣ်လၢ မ်သုသုတပျဲအကဲထီၣ်တၢ်ကလီကလီန့ၣ်တဂ့ၤ.

ကလၤတံ 6:11

သုကထံၣ်ဘၣ်လံာ်မဲာ်ဖျၢၣ်ဖးဒိၣ်တဖၣ်လၢယကွဲးန့ၢ်သုခဲ အံၤလၢယနီၢ်ကစၢ်ဒၣ်ယဲယစုန့ၣ်လီၤ.

အ့းဖ့းစူး 3:3

ယွၤလီၣ်ဖျါထီၣ်န့ၢ်တ့ၢ်လံယၤလၢအတၢ်ရဲၣ်တၢ်ကျဲၤခူသူၣ် ဒီးဒုးသ့ၣ်ညါတ့ၢ်လံယၤလၢအဂ့ၢ်လံ. (ယကွဲးတ့ၢ်လံတၢ်ဂ့ၢ် အံၤဖုၣ်ကိာ်လံ.

ဧ့ၤဘြံၤ 12:5

မ့ၢ်သုသးပ့ၤနီၣ်တၢ်ကတိၤဟ့ၣ်ဂံၢ်ဟ့ၣ်ဘါလၢကစၢ်ယွၤ ကတိၤတၢ်ဒီးသုဒ်အဖိတဖၣ်အသိးန့ၣ်လံဧါ. စံးဝဲ, “ယဖိဧၢ, သုတပာ်ကစၢ်အတၢ်သိၣ်တၢ်သီလၢ တၢ်ကလီကလီတဂ့ၤ. တုၤအသိၣ်ဃီၣ်နၤဒီးတဘၣ်သးဟးဂီၤတဂ့ၤ.

ဧ့ၤဘြံၤ 13:19

ဒီးယသးအိၣ်ဃ့ကညးသုသပှၢ်ပှၢ်, လၢသုကဃ့ဘါထုကဖၣ်ကစၢ်ယွၤဒ်သိးအကဆှၢက့ၤယၤဆူ သုအိၣ်လၢအချ့န့ၣ်လီၤ.

ဧ့ၤဘြံၤ 2:1

လၢတၢ်န့ၣ်အဃိပကဘၣ်ဟံးဃာ်တၢ်မ့ၢ်တၢ်တီလၢပနၢ်ဟူ တ့ၢ်လံတဖၣ်ကျၢၤန့ၢ်အလီၢ်တက့ၢ်ဒ်သိးဒီးပသုတဘၣ် တၢ်စိာ်ကွံာ်ပှၤတဂ့ၤအဂီၢ်န့ၣ်လီၤ.

ဧ့ၤဘြံၤ 3:1

ယဒီပုၢ်ဝဲၢ်ခရံာ်ဖိလၢအဘၣ်တၢ်ကိးန့ၢ်စ့ၢ်ကီးအီၤလၢကစၢ်ယွၤ သ့ၣ်ဧၢ, ကွၢ်ထံဆိကမိၣ်ယ့ၣ်ၡူးလၢကစၢ်ယွၤမၢလီၤအီၤလၢ အကမ့ၢ်ပတၢ်စူၢ်တၢ်နာ်အပှၤလုၢ်တၢ်အခိၣ်အဒိၣ်ကတၢၢ် တဂၤန့ၣ်တက့ၢ်.

ဧ့ၤဘြံၤ 4:1

လၢတၢ်န့ၣ်အဃိဖဲကစၢ်ယွၤအတၢ်စံးပာ်ဘၣ်ဃးဒီးတၢ်လဲၤ နုာ်ဆူအတၢ်အိၣ်ဘှံးအပူၤအိၣ်ဒံးဝဲလၢပဂီၢ်အဖၢမုၢ်အံၤ, မ်ပကပလီၢ်ပသးဒ်သိးပသုတဘၣ်တၢ်ထံၣ်န့ၢ်ပှၤလၢပလီၤ တိၢ်ကွံာ်လၢတၢ်ဒိးန့ၢ်ဘၣ်တၢ်အိၣ်ဘှံးအဝဲန့ၣ်နီတဂၤတဂ့ၤ အဂီၢ်န့ၣ်တက့ၢ်.

ဧ့ၤဘြံၤ 4:11

လၢတၢ်န့ၣ်အဃိမ်ပကကျဲးစၢးအဂ့ၤကတၢၢ်ဒ်သိးပကဒိး န့ၢ်ဘၣ်တၢ်အိၣ်ဘှံးအဝဲန့ၣ်, ဒ်သိးပသုတလီၤတဲာ်ကွံာ်ဒ်အဝဲသ့ၣ်အသိးလၢအတစူၢ် တနာ်တၢ်အဃိနီတဂၤတဂ့ၤအဂီၢ်န့ၣ်တက့ၢ်.

၁ ပ့းတရူး 5:12

ယကွဲးန့ၢ်သုလံာ်ပရၢဖုၣ်ကိာ်ဖိအံၤခီဖျိစီၤစံလၤလၢယပာ်အီၤဒ် ဒီပုၢ်ဝဲၢ်လၢအသးတီဒီးယၤတဂၤအတၢ်မၤစၢၤယၤအပူၤန့ၣ်လီၤ. ယသးအိၣ်ဟ့ၣ်ဆူၣ်ထီၣ်သုဂံၢ်သုဘါဒီးဟ့ၣ်ယတၢ်အုၣ်ယသး လၢတၢ်အံၤမ့ၢ်ကစၢ်ယွၤအဘျုးအဖှိၣ်နီၢ်နီၢ်လီၤ. ဆၢထၢၣ်ဂၢၢ်ကျၢၤလၢတၢ်အံၤအပူၤန့ၣ်တက့ၢ်.