ဧ့ၤဘြံၤ 13:2 - Sgaw Karen Common Bible

² တဘၣ်သးပ့ၤနီၣ်တူၢ်တံၢ်တူၢ်သမှံၤတဂ့ၤ. အဂ့ၢ်ဒ်အံၤပှၤတနီၤနီၤလၢတၢ်တပာ်သူၣ်ပာ်သးဘၣ်အပူၤ တူၢ်လိာ်ဘၣ်ကလူးတဖၣ်လီၤ.

ဧ့ၤဘြံၤ 13:2 Iomraidhean Croise

လံာ်တၢ်ကဲထီၣ်အခီၣ်ထံး 18:1

ယွၤလီၣ်ဖျါထီၣ်အသးလၢစီၤအၤဘြၤဟၣ်ဖဲမးမရ့အသ့ၣ်စီဆှံ တဖၣ်န့ၣ်လီၤ. ဖဲလၢမုၢ်တနံၤအပူၤတၢ်ကိၢ်ဆူၣ်ကတၢၢ်အက တီၢ်န့ၣ်စီၤအၤဘြၤဟၣ်ဆ့ၣ်နီၤဝဲလၢအဒဲအကျဲစၢၤအခါ,

လံာ်တၢ်ကဲထီၣ်အခီၣ်ထံး 19:1

ဒီးတုၤမုၢ်ဟါလီၤဖဲကလူးခံဂၤဟဲတုၤဝ့ၢ်စဒိၣ်န့ၣ်စီၤလိာ် ဆ့ၣ်နီၤဝဲဖဲဝ့ၢ်အကျဲစၢၤန့ၣ်လီၤ. ဒီးတုၤအထံၣ်ဝဲအဝဲသ့ၣ်တဘျီဃီန့ၣ်ဂဲၤဆၢထၢၣ်ဒီးလဲၤသဂၢၢ် အဝဲသ့ၣ်န့ၣ်လီၤ. ဒီးတီၤလီၤလၢအဝဲသ့ၣ်အမဲာ်ညါ,

လံာ်စီၤပၤခံဘ့ၣ်တဘ့ၣ် 4:8

ဘၣ်မုၢ်တနံၤ, စီၤအလံၤၡါလဲၤဝဲဒၣ်ဆူဝ့ၢ်ၡူန့ၣ်, ဖဲပိာ်မုၣ်ထူးတီၤတဂၤအိၣ်ဆိးဝဲန့ၣ်လီၤ. ပိာ်မုၣ်န့ၣ်ကွဲဃီၤအီၤဆူတၢ်အီၣ်တဘျီ, ဒီးစးထီၣ်ဖဲန့ၣ်, ဖဲအလဲၤဝဲဆူဝ့ၢ်ၡူန့ၣ်ကိးဘျီဒဲးန့ၣ်, အဝဲကအီၣ်တၢ်ဖဲပိာ်မုၣ်န့ၣ်အဟံၣ်လီၤ.

လံာ်စီၤယိၤဘး 31:19

တုၤယထံၣ်ဘၣ်ပှၤတဂၤဂၤလၢအလိၣ်ဘၣ်တၢ်မၤစၢၤ, ဒီးဖှီၣ်ဝဲယာ်ဝဲတုၤအကူအသိးလၢကမၤလၢၤအီၤတအိၣ်ဘၣ်ဒီး,

လံာ်စီၤယိၤဘး 31:32

ယကွဲမုာ်တ့ၢ်ပှၤလဲၤတၢ်ဖိသ့ၣ်တဖၣ်ဆူဟံၣ်ပူၤဒီးတပျဲဘၣ် အဝဲသ့ၣ်ကမံလၢကျဲခိၣ်နီတဘျီဘၣ်.

လံာ်ယၡါယၤ 58:7

နီၤဟ့ၣ်သုတၢ်အီၣ်တၢ်အီဒီးပှၤလၢတၢ်သၣ်ဝံၤအသးဒီး အိးထီၣ်သုဟံၣ်သုဃီတဖၣ်လၢပှၤအဖှီၣ်လၢအဟံၣ် အဃီတအိၣ်တဖၣ်အဂီၢ်တက့ၢ်. ဟ့ၣ်တၢ်ကူတၢ်သိးတဖၣ်ဆူပှၤလၢ ကကူကၤတၢ်တအိၣ်နီတမံၤတဖၣ်အအိၣ်, ဒီးသးပ့ၤနီၣ် မၤစၢၤသုဘူးသုတံၢ်ဒၣ်ဝဲတဖၣ်စ့ၢ်ကီးတဂ့ၤ.

လံာ်တၢ်ဘူၣ်ထီၣ်ဘါထီၣ် 19:34

မၤအီၤဒ်သုမၤဘၣ်ပှၤအံၣ်စရ့လးဖိကဒဲကဒဲအသိးန့ၣ်တက့ၢ်. ဒီးအဲၣ်အီၤဒ်သုအဲၣ်လီၤသုသးအသိးန့ၣ်တက့ၢ်. သ့ၣ်နီၣ်ထီၣ်က့ၤလၢတဘျီသုမ့ၢ်ပှၤတခီဘီမုၢ် ဖိလၢကီၢ်အဲၤကူပတူးအပူၤန့ၣ်တက့ၢ်. ယဲဒၣ်အံၤယမ့ၢ်ယွၤ, သုကစၢ်ယွၤန့ၣ်လီၤ.

လံာ်မးသဲ 25:35

အဂ့ၢ်ဒ်အံၤ, တၢ်သၣ်ဝံၤယသးဒီးသုဟ့ၣ်အီၣ်ဟ့ၣ်အီယၤ, တၢ်သူယသးလၢထံဒီးသုဒုးအီယၤ, ယမ့ၢ်ပှၤသမှံၤတဂၤဒီးသုတူၢ်လိာ်ယၤလၢသုဟံၣ်သုဃီတဖၣ် အပူၤ,

လံာ်မးသဲ 25:40

စီၤပၤကစံးဆၢက့ၤအဝဲသ့ၣ်, ‘ယစံးဘၣ်တဲဘၣ်သုတီတီ, တဘျီလၢ်လၢ်ဖဲသုမၤဘၣ်တၢ်အံၤလၢပှၤအဆံးကတၢၢ်လၢယဒီပုၢ် ဝဲၢ်တဖၣ်အံၤအကျါတဂၤဂၤဒီးမ့ၢ်သုမၤဘၣ်ယၤန့ၣ်လီၤ.’

လံာ်မးသဲ 25:43

ယမ့ၢ်ပှၤသမှံၤဘၣ်ဆၣ် သုတတူၢ်လိာ်ယၤလၢသုဟံၣ်သုဃီဘၣ်. ယအိၣ်ဘ့ၣ်ဆ့ဘၣ်ဆၣ်သုတဒုးကူဒုးသိးယၤဘၣ်. ယဘၣ်ဆူးဘၣ်ဆါဒီးအိၣ်လၢဃိာ်ပူၤဘၣ်ဆၣ်သု တအံးက့ၤကွၢ်က့ၤယၤဘၣ်.’

မၤတၢ် 16:15

အဝဲဒၣ်ဒီးအပှၤဟံၣ်ဖိဃီဖိတဖၣ်ဘၣ်တၢ်ဘျၢအီၤလၢထံလီၤ. အန့ၣ်ဝံၤအလီၢ်ခံအဝဲဒၣ်ကွဲပှၤဒီးစံးဝဲ, “သုမ့ၢ်ပာ်ယၤလၢယမ့ၢ်ပှၤစူၢ်က့ၤနာ်က့ၤကစၢ်နီၢ်နီၢ်န့ၣ်, ဟဲအိၣ်လၢယဟံၣ်တက့ၢ်.” ဒီးအဝဲဒၣ်ကိးပှၤသပှၢ်ပှၢ်တုၤ ပလဲၤတစုလီၤ.

ရိမ့ၤ 12:13

နီၤဟ့ၣ်တၢ်လၢအအိၣ်ဒီးသုတဖၣ်လၢသုဒီပုၢ်ဝဲၢ်လၢ အလိၣ်ဘၣ်တၢ်တဖၣ်, ဒီးတူၢ်လိာ်ပှၤသမှံၤတဖၣ်လၢသုဟံၣ်သုဃီတဖၣ်အပူၤတက့ၢ်.

ရိမ့ၤ 16:23

ယဟံၣ်ကစၢ်စီၤကါယူး, လၢတၢ်အိၣ်ဖှိၣ်ဘူၣ်သကိးဘါသကိးတၢ်လၢအဟံၣ်ပူၤ တဂၤ, ဆှၢလီၤန့ၢ်သုအတၢ်ဆၢဂ့ၤဆၢဝါတဖၣ်လီၤ. စီၤအ့ရၤစတူး, လၢအမ့ၢ်ဝ့ၢ်အံၤအပှၤပၢၤစ့တဂၤ, ဒီးယဒီပုၢ်ဝဲၢ်စီၤကူအၢ်တူးဆှၢလီၤန့ၢ်သုအဝဲသ့ၣ်အတၢ်ဆၢ ဂ့ၤဆၢဝါတဖၣ်န့ၣ်လီၤ.

၁ တံၤမသ့း 3:2

တၢ်အိၣ်ဖှိၣ်အခိၣ်အနၢ်တဂၤကဘၣ်မ့ၢ်ပှၤလၢအတၢ်ကမၣ် တအိၣ်ဘၣ်, ကဘၣ်အိၣ်ဒီးအမါထဲတဂၤဧိၤ, ပာ်အသးသညူးသပှၢ်, ပၢၤအသး, ဒီးအိၣ်မူကဒုလီၤတံၢ်န့ၣ်လီၤ. အဝဲကဘၣ်တူၢ်တံၢ်တူၢ်သမှံၤလၢအဟံၣ်ပူၤ, ဒီးကဘၣ်သ့သိၣ်လိသီလိတၢ်န့ၣ်လီၤ.

၁ တံၤမသ့း 5:10

ဒီးအမံၤကဘၣ်ဂ့ၤလၢအတၢ်မၤဂ့ၤတဖၣ်အဃိ, လၢအမ့ၢ်တ့ၢ်လံပိာ်မုၣ်တဂၤလၢအအံးကွၢ်ဒုးဒိၣ်ထီၣ်ဖိလံၤ ဂ့ၤဂ့ၤဘၣ်ဘၣ်, တူၢ်လိာ်သမှံၤသပျီၤတဖၣ်လၢအဟံၣ်ပူၤဃီပူၤ, သ့စီပှၤစီဆှံတဖၣ်အခီၣ်, မၤစၢၤပှၤဘၣ်ကီဘၣ်ခဲတဖၣ်, ဒီးဟ့ၣ်လီၤအသးလၢတၢ်မၤဂ့ၤတၢ်အပူၤန့ၣ်လီၤ.

တံတူး 1:8

အဝဲကဘၣ်အဲၣ်တူၢ်တံၢ်တူၢ်သမှံၤ, ဒီးအဲၣ်တၢ်လၢအဂ့ၤအဝါ န့ၣ်လီၤ. အဝဲကဘၣ်ပၢၤအသး, တီလိၤ, စီဆှံ, ဒီးကီၤသူၣ်ကီၤသး န့ၣ်လီၤ.

၁ ပ့းတရူး 4:9

တူၢ်တံၢ်တူၢ်သမှံၤလၢသုဟံၣ်သုဃီတဖၣ်အပူၤ, တအိၣ်ဘၣ်ဒီးတၢ်ကဒူးကဒ့ၣ်န့ၣ်တက့ၢ်.

၃ ယိၤဟၣ် 1:5

ယတံၤသကိးသးဘိဧၢ, နသးတီဒိၣ်မးဒီးတၢ်မၤလၢ နမၤလၢဒီပုၢ်ဝဲၢ်တဖၣ်အဂီၢ်, ဖဲအဝဲသ့ၣ်မ့ၢ်ပှၤလၢ နတသ့ၣ်ညါဒၣ်လဲာ်အီၤအဆၢကတီၢ်န့ၣ်လီၤ.