ဧ့ၤဘြံၤ 13:18 - Sgaw Karen Common Bible

¹⁸ ဘါထုကဖၣ်တၢ်လၢပဂီၢ်တဘိယူၢ်ဃီတက့ၢ်. ပနာ်လၢပအိၣ်ဒီးသးလၢအသ့ၣ်ညါတၢ်လၢအတီ လၢအအဲၣ်ဒိးမၤတၢ်လၢအဂ့ၤအဘၣ်ဝဲကိးဆၢကိး ကတီၢ်လီၤ.

ဧ့ၤဘြံၤ 13:18 Iomraidhean Croise

မၤတၢ် 23:1

စီၤပီလူးကွၢ်ဃီၤတၢ်လိၤလိၤဆူကီၣ်ကးကရၢဖိတဖၣ်အအိၣ်ဒီးစံးဝဲ, “ယဒီပုၢ်ဝဲၢ်သ့ၣ်ဧၢ, ယသးလၢအသ့ၣ်ညါဒၣ်တၢ်လၢအဂ့ၤဆှံဝဲဒၣ်လီၤတံၢ်လီၤဆဲး ဘၣ်ဃးဒီးယတၢ်အိၣ်မူဒီကတီၢ်ညါလၢကစၢ်ယွၤအမဲာ်ညါ, တုၤလီၤလၢမုၢ်မဆါတနံၤအံၤလီၤ.”

မၤတၢ် 24:16

လၢတၢ်န့ၣ်အဃိယဂုာ်ကျဲးစၢးယဲဒၣ်အဂ့ၤကတၢၢ်ထီဘိဒ်သိး ယကအိၣ်ဒီးသးလၢအသ့ၣ်ညါဒၣ်တၢ်လၢအဂ့ၤအပူၤလၢကစၢ်ယွၤဒီး ပှၤကညီအမဲာ်ညါန့ၣ်လီၤ.

ရိမ့ၤ 12:17

ပှၤတဂၤဂၤမ့ၢ်မၤအၢသုဒီး, တဘၣ်မၤဆၢအီၤလၢတၢ်အၢတ ဂ့ၤ. ကျဲးစၢးမၤတၢ်လၢပှၤခဲလၢာ်ဆိကမိၣ်ဝဲလၢအမ့ၢ်တၢ်ဂ့ၤ န့ၣ်တက့ၢ်.

ရိမ့ၤ 13:13

မ်ပကအိၣ်မူဂ့ၤဂ့ၤဘၣ်ဘၣ်ဒ်ပှၤတဖၣ်လၢအလဲၤတၢ်လၢ မုၢ်ဆါအတၢ်ကပီၤအပူၤအသိးန့ၣ်တက့ၢ်. မ်ပကဟးဆှဲးတၢ်မၤပွဲဧိၤလီဧိၤလၢအအိၣ်ဒီးတၢ်အီမူၤ အီဘှီး, တၢ်အိၣ်မူလီၤရၢၢ်လီၤစၢၢ်, တၢ်ကလုာ်ကလိၤ, တၢ်အ့ၣ်လိာ်ဆိးက့လိာ်ဒီးတၢ်သူၣ်က့ၣ်သးကါတဖၣ် န့ၣ်တက့ၢ်.

ရိမ့ၤ 15:30

ဒီပုၢ်ဝဲၢ်သ့ၣ်ဧၢ, ခီဖျိပကစၢ်ယ့ၣ်ၡူးခရံာ်ဒီးခီဖျိတၢ်အဲၣ်တၢ်ကွံလၢ ကစၢ်ယွၤအသးဟ့ၣ်လီၤဝဲန့ၣ်, ယသဆၣ်ထီၣ်သုခံလၢသုကဃ့ထုကဖၣ်ယွၤသပှၢ်ပှၢ်ဃုာ်ဒီးယၤလၢ ယဂီၢ်န့ၣ်လီၤ.

၂ ကရံၣ်သူး 1:12

ပပာ်ကဖၢလၢပသးမ့ၢ်လၢပသးလၢပသ့ၣ်ညါဒၣ်တၢ်, သးလၢအနီၤဖးတၢ်ဂ့ၤဒီးတၢ်အၢအဆၢဒုးနာ်နီၢ်နီၢ် ပှၤလၢပတၢ်အိၣ်မူလၢဟီၣ်ခိၣ်တဘ့ၣ်အံၤအချၢဒီးလီၤဆီ ဒၣ်တၢ်ပတၢ်ဘၣ်ထွဲဒီးသုတဖၣ်, ဘၣ်တၢ်ပၢဆှၢအီၤလၢကစၢ်ယွၤအတၢ်ဟ့ၣ်လၢအမ့ၢ် ဝဲတၢ်ကတိၤတၢ်လိၤလိၤပျီပျီဒီးတၢ်ပာ်သးသပှၢ်ပှၢ်, လၢတၢ်စိကမီၤဘၣ်ဃးယွၤအဘျုး, ဒီးတဘၣ်တၢ်ပၢဆှၢ အီၤလၢပှၤကညီအတၢ်ကူၣ်ဘၣ်ကူၣ်သ့ဘၣ်အဃိန့ၣ်လီၤ.

ဖံလံးပံၤ 4:8

တၢ်ကတိၤလၢခံကတၢၢ်န့ၣ်, ယဒီပုၢ်ဒီဝဲၢ်သ့ၣ်ဧၢ, မၤပှဲၤသုတၢ်ဆိကမိၣ်ဒီးတၢ်သ့ၣ်တဖၣ်လၢအဂ့ၤ, ဒီးကြၢးဒီးတၢ်စံးထီၣ်ပတြၢၤ, ဒ်ပစံးတၢ်အသိး, တၢ်လၢ အမ့ၢ်အတီ, တၢ်လၢအအိၣ်ဒီးအလၤအကပီၤ, တၢ်လၢအဘၣ်, တၢ်လၢအစီဆှံ, တၢ်လၢအလီၤအဲၣ်လီၤကွံ, တၢ်ဟူထီၣ်သါလီၤလၢအဂ့ၤတဖၣ်န့ၣ်တက့ၢ်.

ကလီးစဲ 4:3

ဒီးဃ့ဘါထုကဖၣ်စ့ၢ်ကီးလၢပဂီၢ်, ဒ်သိးကစၢ်ယွၤကအိးထီၣ် န့ၢ်ပှၤကျဲလၢပကစံၣ်တဲၤတဲလီၤဘၣ်တၢ်အကစီၣ်ဘၣ်ဃးဒီးခရံာ် အတၢ်ခူသူၣ်န့ၣ်တက့ၢ်. အဂ့ၢ်ဒ်အံၤယလီၤဘၣ်လၢဃိာ်အပူၤမ့ၢ်လၢတၢ်ဂ့ၢ်အံၤအဃိလီၤ.

၁ သ့းစၤလနံ 4:12

သုမ့ၢ်မၤဒ်န့ၣ်ဒီး, သုကဒိးန့ၢ်ဘၣ်ပှၤလၢအတစူၢ်တနာ်ခရံာ်တဖၣ်အတၢ်ယူးယီၣ် ပာ်ကဲသု, ဒီးအလီၢ်တအိၣ်လၢသုကသန့ၤသုသးလၢပှၤဂုၤ ပှၤဂၤလၢသုတၢ်လိၣ်တဖၣ်အဂီၢ်န့ၣ်ဘၣ်လီၤ.

၁ သ့းစၤလနံ 5:25

ဒီပုၢ်ဝဲၢ်သ့ၣ်ဧၢ, ဃ့ဘါထုကဖၣ်စ့ၢ်ကီးလၢပဂီၢ်တက့ၢ်.

၂ သ့းစၤလနံ 3:1

လၢခံကတၢၢ်န့ၣ်, ပဒီပုၢ်ဝဲၢ်သ့ၣ်ဧၢ, ဃ့ဘါထုကဖၣ်တၢ်လၢပဂီၢ်, ဒ်သိးကစၢ်အတၢ်ကစီၣ်ကရၤလီၤအသးချ့ချ့ကလဲာ်, ဒီးဖဲတၢ်လီၢ်ကိးပူၤဒဲးန့ၣ်, ကဘၣ်တၢ်တူၢ်လိာ်မၤလၤကပီၤအီၤ, ဒ်အမၤအသးလၢသုသိးသုကျါန့ၣ်တက့ၢ်.

၁ တံၤမသ့း 1:5

တၢ်ဟ့ၣ်လီၤကလုၢ်အံၤ, အတၢ်တိာ်မ့ၢ်ဒ်သိးအကထိၣ်ဟူးထိၣ် ဂဲၤတၢ်အဲၣ်တၢ်ကွံလၢအဟဲထီၣ်ဝဲလၢသးလၢအကဆှီတဖျၢၣ် အပူၤ, သးလၢအသ့ၣ်ညါဒၣ်တၢ်ဆှံဆှံ, ဒီးတၢ်စူၢ်တၢ်နာ်နီၢ်နီၢ် အပူၤန့ၣ်လီၤ.

၁ ပ့းတရူး 2:12

သုတၢ်အိၣ်မူသကဲာ်ပဝးလၢပှၤကလုာ်ဂၤတဖၣ်အကျါကြၢးဂ့ၤ ဝဲတုၤဒၣ်လဲာ်ဖဲအဝဲသ့ၣ်စံးအၢသုဒ်ပှၤမၤအၢမၤသီတၢ်တဖၣ် အသိးအခါန့ၣ်, အဝဲသ့ၣ်ကဘၣ်ထံၣ်သ့ၣ်ညါဝဲသုတၢ်မၤအဂ့ၤ တဖၣ်သတးဒီးကစံးထီၣ်ပတြၢၤယွၤလၢအတၢ်ဟဲအမုၢ်တနံၤ န့ၣ်လီၤ.

၁ ပ့းတရူး 3:16

ဘၣ်ဆၣ်ဒီး, မၤအီၤလၢတၢ်ကပုာ်လုးဒီးတၢ်ပာ်ကဲအပူၤ တက့ၢ်. ပၢၤဃာ်သုသးလၢအသ့ၣ်ညါဒၣ်တၢ်အဂ့ၤတက့ၢ်. ဒ်သိးပှၤမ့ၢ်ကတိၤတရီတပါသုဒၣ်လဲာ်, ပှၤလၢအကတိၤအၢသုသကဲာ်ပဝးအဂ့ၤဒ်ပှၤပိာ်ခရံာ်အခံ တဖၣ်အသိးအံၤ, ကမဲာ်ဆှးဝဲလၢအတၢ်ကတိၤတဖၣ်အဃိ န့ၣ်တက့ၢ်.

၁ ပ့းတရူး 3:21

လၢအမ့ၢ်တၢ်ပနီၣ်လၢအနဲၣ်ပှၤဆူတၢ်ဒိးဘျၢလၢအခဲအံၤ အုၣ်က့ၤခီၣ်က့ၤသုန့ၣ်လီၤ. တမ့ၢ်တၢ်သ့စီကွံာ်နီၢ်ခိအတၢ်ဘၣ်အၢတဖၣ်န့ၣ်ဘၣ်, မ့မ့ၢ်, မ့ၢ်ပသးလၢအသ့ၣ်ညါဒၣ်တၢ်လၢအဂ့ၤအတၢ်အၢၣ်လီၤကစၢ်ယွၤ လၢတၢ်သးမံအပူၤန့ၣ်လီၤ. တၢ်အံၤအုၣ်က့ၤခီၣ်က့ၤသုခီဖျိယ့ၣ်ၡူးခရံာ်အတၢ်ဂဲၤဆၢထၢၣ် သမူထီၣ်က့ၤ,