ဧ့ၤဘြံၤ 13:15 - Sgaw Karen Common Bible

¹⁵ ခီဖျိအဝဲဒၣ်န့ၣ်, မ်ပလုၢ်ထီၣ်သကိးပတၢ်စံးထီၣ်ပတြၢၤကစၢ်ယွၤ တဘိယူၢ်ဃီလၢအမ့ၢ်ပထးခိၣ်အတၢ်အၢၣ်လီၤအီလီၤယ့ၣ်ၡူးခရံာ် အမံၤန့ၣ်တက့ၢ်.

ဧ့ၤဘြံၤ 13:15 Iomraidhean Croise

လံာ်ကွဲးနီၣ်တၢ်ခံဘ့ၣ်တဘ့ၣ် 29:31

စီၤဃံးစကံယၤစံးဘၣ်ပှၤဂီၢ်မုၢ်, “ခဲကနံၣ်အံၤမ့ၢ်လၢသု ကဆှီဒ်တၢ်အလုၢ်အလၢ်အိၣ်အသိးအဃိ, ဟဲစိာ်တၢ်လုၢ်တၢ်ပာ်တဖၣ်ဒ်တၢ်စံးဘျုးစံးဖှိၣ်ယွၤအတၢ်လုၢ် မၤဘူၣ်တဖၣ်တက့ၢ်.” အဝဲသ့ၣ်စူၢ်ဝဲ, ဒီးပှၤအဂၤတနီၤစ့ၢ်ကီးဟဲစိာ်ဆၣ်ဖိကီၢ်ဖိတဖၣ်လၢတၢ်သူၣ်အိၣ် သးအိၣ်အပူၤဒ်သိးကလုၢ်ထီၣ်ဝဲဒ်တၢ်လုၢ်မ့ၣ်အူတဖၣ်အသိးန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 33:16

အဝဲဘှီကဒါက့ၤစ့ၢ်ကီးတၢ်လုၢ်လီၢ်ဖဲယွၤဘၣ်တၢ်ဘူၣ်ထီၣ်ဘါ ထီၣ်တ့ၢ်အီၤ, ဒီးအဝဲလုၢ်ထီၣ်ပာ်ထီၣ်တၢ်လုၢ်မၤဃူမၤဖိးတဖၣ်ဒီးတၢ်လုၢ် စံးထီၣ်ပတြၢၤတဖၣ်လၢအဖီခိၣ်န့ၣ်လီၤ. အဝဲဟ့ၣ်လီၤအကလုၢ်လၢကယဲၢ်ကီၢ်ယူဒၤအပှၤဂီၢ်မုၢ်ခဲလၢာ်ကဘူၣ် ထီၣ်ဘါထီၣ်ယွၤ, အံၣ်စရ့လးအကစၢ်ယွၤန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 7:6

ပှၤလုၢ်တၢ်အခိၣ်တဖၣ်ဆၢထၢၣ်ဝဲဖဲတၢ်လီၢ်တဖၣ်လၢအဘၣ်တၢ်ပာ်လီၤ အီၤဒီးလၢအဝဲသ့ၣ်အမဲာ်ညါလိၤလိၤန့ၣ်, ပှၤလ့ၤဝံဖိတဖၣ်ဆၢထၢၣ်ဝဲစံးထီၣ်ပတြၢၤယွၤလၢတၢ်ဒ့တၢ်အူ အပီးအလီတဖၣ်လၢစီၤပၤဒၤဝံးမၤပာ်စၢၤတ့ၢ်ဝဲ, ဒီးသးဝံၣ်ထါသးဝံၣ်, “အဝဲအတၢ်အဲၣ်မ့ၢ်တၢ်အထူအယိာ်” ဒ်အဝဲသ့ၣ်ဘၣ်တၢ်မၢတ့ၢ်ဒီးဟ့ၣ်စိဟ့ၣ်ကမီၤအီၤလၢစီၤဒၤဝံး အသိးန့ၣ်လီၤ. ဖဲပှၤဂီၢ်မုၢ်ခဲလၢာ်ဆၢထၢၣ်ဝဲန့ၣ်, ပှၤလုၢ်တၢ်အခိၣ်တဖၣ်အူထီၣ်ကွဲၤတဖၣ်န့ၣ်လီၤ.

လံာ်စီၤဧ့စြၤ 3:11

အဝဲသ့ၣ်သးဝံၣ်စံးထီၣ်ပတြၢၤယွၤဒီးသးဝံၣ်ကဒါက့ၤတၢ်သး ဝံၣ်အကူာ်လၢအမ့ၢ်ဝဲ, “ယွၤန့ၣ်ဂ့ၤဝဲ, ဒီးအတၢ်အဲၣ်လၢအံၣ်စရ့လးအဂီၢ်မ့ၢ်တၢ်လီၤ ထူလီၤယိာ်လီၤ.” ပှၤကိးဂၤဒဲးကိးသတြီထီၣ်လၢအဂံၢ်အဘါခဲလၢာ်, စံးထီၣ်ပတြၢၤယွၤ, မ့ၢ်လၢတၢ်ပာ်လီၤတၢ်လုၢ်ဟံၣ်ခီၣ်ထံးအတၢ် မၤဘၣ်တၢ်စးထီၣ်လံအီၤအဃိန့ၣ်လီၤ.

လံာ်စီၤနဃ့မယၤ 12:40

လၢတၢ်န့ၣ်အဃိပှၤခံဖုလၢာ်လၢအစံးဘျုးစံးဖှိၣ်ကစၢ်ယွၤလဲၤ ဝဲတုၤလၢတၢ်လုၢ်ဟံၣ်အလီၢ်ကဝီၤန့ၣ်လီၤ. ပာ်ဖှိၣ်ဃုာ်ဒီးခိၣ်နၢ်လၢအအိၣ်ဒီးယၤန့ၣ်

လံာ်စီၤနဃ့မယၤ 12:43

လၢမုၢ်တနံၤန့ၣ်တၢ်လုၢ်တၢ်ပာ်အါမးဘၣ်တၢ်လုၢ်ထီၣ်အီၤဒီးပှၤ ဂီၢ်မုၢ်ပှဲၤဝဲဒီးတၢ်သူၣ်ခုသးခုမ့ၢ်လၢကစၢ်ယွၤဒုးသးခုအဝဲသ့ၣ် ဒိၣ်မးအဃိန့ၣ်လီၤ. ပှၤပိာ်မုၣ်တဖၣ်, ပှၤဖိဒံဖိသၣ်တဖၣ်ပာ်ဖှိၣ်အသးလၢတၢ်မၤမူးအပူၤဒီးအဝဲသ့ၣ် ခဲလၢာ်အကလုၢ်အသီၣ်န့ၣ်ဘၣ်တၢ်နၢ်ဟူအီၤသ့ဝဲဖးယံၤဖးသံန့ၣ် လီၤ.

စံးထီၣ်ပတြၢၤ 118:19

အိးထီၣ်န့ၢ်ယၤလၢတၢ်လုၢ်ဟံၣ် အတြဲၤတဖၣ်န့ၣ်တက့ၢ်. ယကလဲၤနုာ်ဆူအပူၤဒီးစံးဘျုးစံးဖှိၣ်ယွၤန့ၣ်လီၤ.

စံးထီၣ်ပတြၢၤ 119:108

ယွၤဧၢ, တူၢ်လိာ်ဘၣ်ယတၢ်စံးထီၣ်ပတြၢၤ အတၢ်ထုကဖၣ်န့ၣ်တက့ၢ်. ဒီးသိၣ်လိယၤလၢနတၢ်မၤလိာ်တဖၣ်န့ၣ်တက့ၢ်.

စံးထီၣ်ပတြၢၤ 18:49

လၢတၢ်အံၤအဃိ, ယကစံးထီၣ်ပတြၢၤနၤလၢ ပှၤကလုာ်တဖၣ်အကျါ, ဒီးသးဝံၣ်စံးထီၣ်ပတြၢၤနမံၤလီၤ.

စံးထီၣ်ပတြၢၤ 50:14

မ်တၢ်စံးဘျုးစံးဖှိၣ်အတၢ်ဟ့ၣ်န့ၣ် မ့ၢ်နတၢ်လုၢ်ထီၣ်ဆူကစၢ်ယွၤ, ဒီးဟ့ၣ်သ့တၢ်လၢာ်တဂၤလၢ ကယဲၢ်နတၢ်အၢၣ်လီၤခဲလၢာ်န့ၣ်တက့ၢ်.

စံးထီၣ်ပတြၢၤ 50:23

ပှၤလၢအဟဲစိာ်တၢ်စံးဘျုးစံးဖှိၣ်ဒ်တၢ်လုၢ်အသိးန့ၣ် မၤလၤကပီၤယၤလီၤ. ဒီးပှၤလၢအကတဲာ်ကတီၤအကျဲန့ၣ် ယကဒုးနဲၣ်အီၤလၢ ယတၢ်အုၣ်က့ၤခီၣ်က့ၤလီၤ.”

လံာ်ယၡါယၤ 57:19

ယဟ့ၣ်တၢ်ဃူတၢ်ဖိးဆူပှၤခဲလၢာ်, ပှၤလၢအဘူးမ့ၢ်ဂ့ၤ, အယံၤမ့ၢ်ဂ့ၤလီၤ. ယကမၤဘျါယပှၤဂီၢ်မုၢ်လီၤ.

လံာ်ယံးရမံယၤ 33:11

တၢ်သူၣ်ဖှံသးညီဒီး တၢ်သူၣ်ခုသးခုအတၢ်ကိး သီၣ်ထီၣ်တဖၣ်ဒီး တၢ်တ့တၢ်ဖျီအတၢ်သးဖှံ အတၢ်အီၣ်အမူးတဖၣ် အတၢ်ကလုၢ်သီၣ်ထီၣ်ဝဲ န့ၣ်လီၤ. နကနၢ်ဟူဘၣ်ပှၤဂီၢ်မုၢ်သးဝံၣ်တၢ်ဖဲ အဝဲသ့ၣ်ဟဲစိာ်ထီၣ်တၢ်လုၢ်စံးထီၣ်ပတြၢၤတဖၣ် ဆူယတၢ်လုၢ်ဟံၣ်အခါလီၤ. အဝဲသ့ၣ်ကစံးဝဲ, ‘စံးထီၣ်ပတြၢၤယွၤသ့တၢ်လၢာ်တက့ၢ်. အဂ့ၢ်ဒ်အံၤ, အဝဲဒၣ်ဂ့ၤဝဲလီၤ. ဒီးအတၢ်အဲၣ်မ့ၢ်တၢ်အထူအယိာ်လီၤ’ န့ၣ်လီၤ. ယကဒုးဘီၣ်ထီၣ်ညီထီၣ် ကီၢ်အံၤ ဒ်အအိၣ်ပာ် စၢၤတ့ၢ်လံဝဲ လၢညါအသိးန့ၣ်လီၤ. ယၤ, ယွၤအံၤ, ကတိၤလံတၢ်လံ.”

လံာ်ယံးရမံယၤ 33:18

ဒီးလၢပှၤလုၢ်တၢ်အခိၣ်တဖၣ် လၢလ့ၤဝံအဒူၣ်တခီကအိၣ်ဝဲထီဘိ လၢကမၤယတၢ်မၤဒီး ကလုၢ်ထီၣ်တၢ်လုၢ်မ့ၣ်အူတဖၣ်, တၢ်လုၢ်ဘုဧိၤဟုဧိၤတဖၣ်, ဒီးတၢ်လုၢ်တၢ်ပာ်တဖၣ် အဂီၢ်န့ၣ်လီၤ.”

လံာ်ဟိၤၡ့ 14:2

ဟဲက့ၤဆူယွၤအအိၣ်ဒီးဒုးကဲထီၣ်တၢ်ထုကဖၣ်အံၤလၢတၢ်လုၢ်တၢ် ပာ်ဆူအအိၣ်တက့ၢ်. ပျၢ်လၢ်ဘၣ်ပတၢ်ဒဲးဘးတဖၣ်ခဲလၢာ်ဒီးတူၢ်လိာ်ပတၢ်ထုကဖၣ်, ဒီးပကစံးထီၣ်ပတြၢၤနၤဒ်ပအၢၣ်လီၤတ့ၢ်အသိးန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 7:12

ပှၤတဂၤမ့ၢ်လုၢ်ထီၣ်တၢ်လုၢ်အံၤဒ်တၢ်စံးဘျုးစံးဖှိၣ်ဆူကစၢ် ယွၤအအိၣ်န့ၣ်, ကဘၣ်လုၢ်ထီၣ်ဆၣ်ဖိကီၢ်ဖိဃုာ်ဒီးကိၣ်တအိၣ်ဘၣ်ဒီးကိၣ်လၢတအိၣ် ဒီးကိၣ်မံၣ်အတၢ်လုၢ်လၢအမ့ၢ်ကိၣ်အလိၣ်လၢတၢ်မၤအီၤလၢကိၣ် ကမူၣ်ဒီးသ့ၣ်စၤယံးအသိဃါဃုာ်အသးမ့ၢ်ဂ့ၤ, ကိၣ်ဘ့ၣ်ဘၣ်လၢတၢ် ဒွါအီၤဒိးသ့ၣ်စၤယံးအသိမ့ၢ်ဂ့ၤ, ကိၣ်ကမူၣ်ဒီးသ့ၣ်စၤယံးအသိးဃါဃုာ်သးအကိၣ်ဘ့ၣ်ဘၣ်ကုၢ်အသးမ့ၢ်ဂ့ၤန့ၣ်လီၤ.

လံာ်မးသဲ 11:25

အကတီၢ်ဖဲန့ၣ်ယ့ၣ်ၡူးစံးဝဲ, “မူခိၣ်ဒီးဟီၣ်ခိၣ်အကစၢ်, ယပၢ်ယွၤဧၢ, ယစံးဘျုးနၤလၢနပာ်ခူသူၣ်တၢ်မ့ၢ်တၢ်တီတဖၣ်အံၤလၢပှၤကူၣ်ဘၣ် ကူၣ်သ့ဒီးပှၤသ့လံာ်သ့လဲၢ်တဖၣ်, ဒီးနလီၣ်ဖျါထီၣ်အီၤလၢပှၤ အဆံးပှၤအစၢ်ပှၤလၢအတမၤလိဘၣ်တၢ်တဖၣ်အမဲာ်ညါလီၤ.

လံာ်လူၤကၣ် 10:21

ဖဲအဆၢကတီၢ်ဝဲန့ၣ်, ယ့ၣ်ၡူးလၢပှဲၤဒီးတၢ်သးခုခီဖျိသးစီဆှံဒီးစံးဝဲ, “မူခိၣ်ဒီးဟီၣ်ခိၣ်အကစၢ်, ပၢ်ယွၤဧၢ, ယစံးဘျုးနၤမ့ၢ်လၢနပာ်ဖျါထီၣ်တၢ်သ့ၣ်တဖၣ်အံၤလၢ နပာ်တဒၢအီၤလၢပှၤကူၣ်ဘၣ်ကူၣ်သ့ဒီးပှၤမၤလိမၤဒိးဘၣ်တၢ်တဖၣ်, ဆူပှၤလၢအတမၤလိမၤဒိးဘၣ်တၢ်တဖၣ်အဃိန့ၣ်လီၤ. မ့ၢ်လီၤ, ပၢ်ဧၢ, တၢ်အဝဲအံၤဘၣ်တၢ်မၤအီၤလၢနတၢ်ဘၣ်နသးဒၣ်ဝဲအဃိလီၤ.

လံာ်ယိၤဟၣ် 10:9

ယဲဒၣ်အံၤယမ့ၢ်ကျဲစၢၤလီၤ. ပှၤတဂၤလၢ်လၢ်လၢအဟဲနုာ် ခီဖျိယၤန့ၣ်, ကဘၣ်တၢ်အုၣ်က့ၤခီၣ်က့ၤအီၤလီၤ. အဝဲကဟဲ နုာ်ဒီးကဟးထီၣ်ဒီးကထံၣ်န့ၢ်တၢ်အီၣ်ဆၣ်အလီၢ်န့ၣ်လီၤ.

လံာ်ယိၤဟၣ် 14:6

ယ့ၣ်ၡူးစံးဆၢအီၤ, “ယဲဒၣ်အံၤယမ့ၢ်ကျဲ, တၢ်မ့ၢ်တၢ်တီ, ဒီးတၢ်မူလီၤ. မ့တမ့ၢ်လၢအခီဖျိယၤဘၣ်ဒီး, ပှၤလဲၤဆူပၢ်အအိၣ်တသ့နီတဂၤဘၣ်.

ရိမ့ၤ 12:1

လၢတၢ်န့ၣ်အဃိယဒီပုၢ်ဝဲၢ်သ့ၣ်ဧၢ, မ့ၢ်လၢကစၢ်ယွၤအတၢ်သးကညီၤဒိၣ်ဝဲအါဝဲလၢပဖီခိၣ်အဃိ, ယဃ့ကညးသုလၢသုကလုၢ်ထီၣ်သုသး ဒ်တၢ်လုၢ်မူစီဆှံ ဆူကစၢ်ယွၤအအိၣ်အသိး, ပာ်စီဆှံသုသးလၢအတၢ်မၤအဂီၢ်, ဒီးမၤသးမုာ်သးခုအီၤတက့ၢ်. တၢ်အံၤမ့ၢ်တၢ်ဘူၣ်ထီၣ်ဘါထီၣ်အမ့ၢ်အတီလၢသုကြၢးမၤ အီၤန့ၣ်လီၤ.

ရိမ့ၤ 6:19

(ယကတိၤတၢ်ကတိၤမုၢ်ဆ့ၣ်မုၢ်ဂီၤတဖၣ်မ့ၢ်လၢသုမ့ၢ် ပှၤဟီၣ်ခိၣ်ဖိ, ဒီးသုတၢ်သ့ၣ်ညါနၢ်ပၢၢ်တထီၣ်ဘးအဃိ လီၤ.) တဘျီန့ၣ်သုဟ့ၣ်လီၤသုသးလၢာ်လၢာ်ဆ့ဆ့ဒ်တၢ် တစီတဆှံဒီးတၢ်အၢတၢ်သီအကုၢ်တဖၣ်အသိးအိၣ် ဒီးတၢ်တိာ်အအၢအသီတဖၣ်န့ၣ်လီၤ. လၢကျဲဒ်န့ၣ်အသိး, အခဲအံၤသုကဘၣ်ဟ့ၣ်လီၤသုသးလၢာ်လၢာ်ဆ့ဆ့ဒ် တၢ်တီတၢ်လိၤအကုၢ်တဖၣ်အိၣ်ဒီးတၢ်တိာ်အစီအဆှံ တဖၣ်န့ၣ်လီၤ.

အ့းဖ့းစူး 2:18

ခီဖျိခရံာ်န့ၣ်, ပဝဲကိးဂၤဒဲး, ယူဒၤဖိတဖၣ်ဒီးပှၤကလုာ်ဂၤတဖၣ် ပလဲၤနုာ်ဆူပၢ်အမဲာ်ညါလၢသးစီဆှံတဂၤဃီအပူၤသ့ဝဲလီၤ.

ကလီးစဲ 1:12

ဒီးလၢတၢ်သူၣ်ခုသးခုအပူၤစံးထီၣ်ပတြၢၤပၢ်လၢအဒုးထီၣ် ဘးလံပှၤဒ်သိးပကန့ၢ်သါဃုာ်တၢ်ဒီးပှၤစီဆှံတဖၣ်လၢတၢ်ကပီၤ အဘီအမုၢ်အပူၤန့ၣ်တက့ၢ်.

ဧ့ၤဘြံၤ 12:28

လၢတၢ်န့ၣ်အဃိ, ဂ့ၤလၢပသးအံၤပှဲၤဒီးတၢ်စံးဘျုးစံးဖှိၣ်, အဂ့ၢ်မ့ၢ်လၢပဒိးန့ၢ်ဘၣ်ဘီမုၢ်လၢတၢ်မၤဟူးမၤဝးအီၤ တန့ၢ်ဘၣ်အဃိန့ၣ်လီၤ. မ်ပသ့ၣ်ညါဆၢတၢ်ဘျုးတၢ်ဖှိၣ်ဒီးဘူၣ်ထီၣ်ဘါထီၣ် ကစၢ်ယွၤဖဲဒၣ်တၢ်ဘၣ်ကစၢ်ယွၤအသးလၢတၢ်ယူးယီၣ်ပာ်ကဲဒီး တၢ်ပျံၤကစၢ်ယွၤအပူၤန့ၣ်တက့ၢ်.

ဧ့ၤဘြံၤ 7:25

လၢတၢ်န့ၣ်အဃိ, အဝဲအုၣ်က့ၤခီၣ်က့ၤပှၤလၢအဟဲဆူ ကစၢ်ယွၤအအိၣ်ခီဖျိအီၤတဖၣ်န့ၣ်သ့ဝဲထီဘိဒ်အဝဲမူဝဲ လီၤစိၤလီၤထီလၢအကဃ့န့ၢ်တၢ်လၢအဝဲသ့ၣ်အဂီၢ်အသိး န့ၣ်လီၤ.

၁ ပ့းတရူး 2:5

ဟဲသုဝဲဒ်လၢၢ်မူတဖၣ်အသိးဒီးပျဲတၢ်သူသုလၢတၢ်သူၣ် ထီၣ်ဘှီထီၣ်သးအတၢ်လုၢ်ဟံၣ်ဖဲသုကမၤတၢ်ဒ်ပှၤလုၢ်တၢ် အခိၣ်စီဆှံတဖၣ်အသိး, လၢတၢ်လုၢ်ထီၣ်တၢ်လုၢ်တၢ်ပာ်လၢသူၣ်လၢသးဒီးလၢတၢ်တူၢ်လိာ် အီၤသ့တဖၣ်ဆူကစၢ်ယွၤအအိၣ်ခီဖျိယ့ၣ်ၡူးခရံာ်အဂီၢ်န့ၣ်တက့ၢ်.

၁ ပ့းတရူး 4:11

ပှၤတဂၤဂ့ၤတဂၤဂ့ၤလၢအစံၣ်တဲၤတဲလီၤတၢ်န့ၣ်, ကဘၣ်စံၣ်တဲၤတဲလီၤကစၢ်ယွၤအတၢ်ကစီၣ်တဖၣ်, ဒီးပှၤတဂၤဂ့ၤတဂၤဂ့ၤလၢအမၤတၢ်ခ့တၢ်ပှၤအတၢ်မၤန့ၣ်, ကဘၣ်မၤဝဲလၢတၢ်ဂံၢ်တၢ်ဘါလၢကစၢ်ယွၤဟ့ၣ်လီၤအီၤ အပူၤ, ဒ်သိးလၢတၢ်ခဲလၢာ်အပူၤယွၤကဘၣ်တၢ်စံးထီၣ်ပတြၢၤ အီၤခီဖျိယ့ၣ်ၡူးခရံာ်န့ၣ်လီၤ. တၢ်လၤကပီၤဒီးတၢ်စိတၢ်ကမီၤ န့ၣ်, မ့ၢ်အဝဲဒၣ်အတၢ်အစိၤစိၤအဃၣ်ဃၣ်လီၤ. အၤမ့ၣ်.