ဧ့ၤဘြံၤ 13:11 - Sgaw Karen Common Bible

¹¹ အဂ့ၢ်ဒ်အံၤ, ဆၣ်ဖိကီၢ်ဖိ, လၢအသွံၣ်ဘၣ်တၢ်စိာ်နုာ်အီၤဆူတၢ်လီၢ်စီဆှံကတၢၢ်အပူၤ လၢပှၤလုၢ်တၢ်အခိၣ်အဒိၣ်ကတၢၢ်ဒ်တၢ်လုၢ်လၢတၢ်ဒဲးဘးအဂီၢ် အသိးန့ၣ်, ဘၣ်တၢ်ဆူးကဲၤထီၣ်အီၤလၢဒဲအချၢလီၤ.

ဧ့ၤဘြံၤ 13:11 Iomraidhean Croise

လံာ်တၢ်ဟးထီၣ်ကွံာ် 29:14

မ့မ့ၢ်, ဂီၤဖံးဖါအညၣ်, အဖံးတဖၣ်ဒီးအပှံာ်အကဖုတဖၣ်န့ၣ်ဆူးကဲၤထီၣ်အီၤလၢသူၣ်ဒဲလီၢ်အချၢတက့ၢ်. အဝဲအံၤမ့ၢ်တၢ်လုၢ်မၤဘူၣ်တခါလၢကတြူာ်ကွံာ်ပှၤလုၢ်တၢ်အခိၣ်တဖၣ်အတၢ်ဒဲးဘးတဖၣ်န့ၣ်လီၤ.

လံာ်ယဃ့းစက့လး 43:21

နကဘၣ်ဟံးန့ၢ်ဂီၤဖံးဖါဖိလၢတၢ်လုၢ်ထီၣ်အီၤဒ်တၢ်လုၢ်တၢ်ပာ် တမံၤလၢတၢ်လုၢ်တၢ်ဒဲးဘးအဂီၢ်န့ၣ်ဒီးဆိၣ်ကဲၤထီၣ်အီၤလၢ တၢ်လီၢ်ဖဲတၢ်ပာ်လီၤဆီအီၤလၢတၢ်လုၢ်ဟံၣ်အလီၢ်ကဝီၤအချၢ န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 16:27

ဂီၤဖံးဖါဒီးမဲာ်တဲးလဲးလၢအဘၣ်တၢ်သူအီၤလၢတၢ်လုၢ်တၢ်ပျၢ် တၢ်ဒဲးဘးအဂီၢ်အသွံၣ်လၢအဘၣ်တၢ်လဲၤစိာ်နုာ်အီၤဆူ တၢ်လီၢ်စီဆှံကတၢၢ်အပူၤလၢကစိာ်ကွံာ်တၢ်ဒဲးဘးအဂီၢ်န့ၣ်ကဘၣ် တၢ်စိာ်ကွံာ်အီၤဆူဒဲအချၢဒီးဆူးကဲၤထီၣ်ကွံာ်အီၤန့ၣ်လီၤ. အဖံး, အညၣ်ဒီးအအ့ၣ်ခဲလၢာ်ကဘၣ်တၢ်ဆူးကဲၤကွံာ်အီၤန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 6:11

အန့ၣ်ဝံၤဒီးကဘၣ်လဲလိာ်က့ၤအဆ့ကၤဒီးလဲၤစိာ်ဖၣ်ဆါတဖၣ်န့ၣ် ဆူတၢ်လီၢ်ကဆှီလၢဒဲအချၢန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 6:30

ဘၣ်ဆၣ်ဒီးတၢ်သွံၣ်တနီၤနီၤမ့ၢ်ဘၣ်တၢ်စိာ်နုာ်အီၤဆူတၢ်ဘူၣ် ထီၣ်ဘါထီၣ်ယွၤအဒဲအပူၤဒီးသူအီၤလၢ တၢ်လုၢ်တၢ်ပျၢ်တၢ်ဒဲးဘးအဂီၢ်န့ၣ်, ဆၣ်ဖိကီၢ်ဖိအံၤတၢ်တဘၣ်အီၣ်အီၤဘၣ်ဒီး ကဘၣ်တၢ်ဆူးကဲၤကွံာ်အီၤလီၤ.

လံာ်တၢ်ဘူၣ်ထီၣ်ဘါထီၣ် 9:11

မ့မ့ၢ်အညၣ်ဒီးအဖံးတဖၣ်န့ၣ်ဆူးကဲၤဝဲလၢဒဲအချၢန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 9:9

ဒီးစီၤအၤဟရိၣ်အဖိခွါတဖၣ်ဟဲစိာ်န့ၢ်အီၤလၢတၢ်သွံၣ် ဒီးအဝဲဘျၢလီၤအစုမုၢ်ဆူတၢ်သွံၣ်, ဒီးပာ်ထီၣ်အီၤလၢတၢ်လုၢ်လီၢ် အနၢၤတဖၣ်အလိၤလီၤ. ဒီးတၢ်သွံၣ်အိၣ်လီၤတဲာ်တဖၣ်န့ၣ်လူလီၤဝဲ လၢတၢ်လုၢ်လီၢ်အခီၣ်ထံးန့ၣ်လီၤ.

လံာ်တၢ်ဂံၢ် 19:3

ဒီးဟ့ၣ်လီၤအီၤဆူပှၤလုၢ်တၢ်အခိၣ်စီၤအလၤဧစၢ်အအိၣ်တက့ၢ်. တၢ်န့ၣ်ကဘၣ်တၢ်လဲၤစိာ်အီၤဆူသူၣ်ဒဲလီၢ်အချၢဒီးမၤသံအီၤလၢ အဝဲအမဲာ်ညါန့ၣ်လီၤ.

လံာ်တၢ်ဂံၢ် 19:7

အန့ၣ်ဝံၤဒီးအဝဲကဘၣ်ဆှုၣ်အတၢ်ကူတၢ်သိးတဖၣ်ဒီးလူလီၤထံ လၢအနီၢ်ကစၢ်အဖီခိၣ်, ဝံၤဒီးအဝဲက့ၤနုာ်ဆူသူၣ်ဒဲအလီၢ်သ့ဝဲလီၤ. ဘၣ်ဆၣ်ဒီးအဝဲကမ့ၢ်ဒံးတၢ်တကဆှီဘၣ်ဒ်တၢ်ဘူၣ်တၢ်ဘါ အလုၢ်အလၢ်အိၣ်ဝဲအသိးတုၤမုၢ်ဟါတစုန့ၣ်လီၤ.